ማሕበር “ጎርዞ” -- እምቢታ ንምልኪን ወጽዓን Public Domain  — መቐለ — ድሕሪ ኲናት ክልል ትግራይ፡ ጎራዙ ንዝሓለፈኦ ተመኵሮ ህይወትን ሓድሕድ ምድግጋፍን ዝቖመ ማሕበር “ጎርዞ” ጸኒሑ ተበጻሕነቱ ዓብዩ ኣብ ኣብያተ-ትምህርቲ’ውን ጨናፍር ከቝም ምጅማሩ ካብ መስረቲ እቲ ትካል ይሕብራ። እቲ መሳቱ ንመሳቱ ንምትሕብባር ዝጀመረ ምትእኽኻብ ሎሚ ዓብዩ፡ መሰላት ኣብ ምፍላጥን ንድሕሪ ኲናት ዝርአ ዘሎ ኣሰካፊ ተርእዮታት ኣብ ምቅላስን ይርከብ።     ... ድምጺ ኣመሪካ 15 hr ⟶
ኢትዮጵያ - ንኣዋጅ መራኸቢ ብዙሃን ንምምሕያሽ ዝቐረበ ንድፊ ካብ ዝተፈላለዩ ኣካላት ነቐፌታ ይገጥሞ Public Domain  — ኣዲስ ኣበባ — ኣብ ዝሓለፈ ወርሒ ጥቅምቲ ብቤት ምኽሪ ተወከልቲ ህዝቢ ዝቐረበ ንድፊ ምምሕያሽ ኣዋጅ ብዝምልከት ናይቲ ቤት ምኽሪ ኮሚተ ጉዳያት ደሞክራሲ ሎሚ ረቡዕ ወግዓዊ ህዝባዊ ልዝብ ኣካይዱ’ሎ። ኣብቲ ዝተኻየደ ልዝብ ዝተረኽቡ  በዓል መዚ መራኸቢ ብዙሃን ኢትዮጵያ ዋና ዳይሬክተር ዮናታን ተስፋዬ  እቲ ኣዋጅ ምምሕያሽ ዘድለየሉ ምኽንያት ሓቢሮም። ንሶም እቲ ዝስረሓሉ ዘሎ ኣዋጅ ኣብ ኣመሰረራታን ትሕዝቶ ብዝተሓሓዝ ንዘለው ናይ ሕጊ ክፍተት ገለ ካብ ምኽንያት ምምሕያሽ ምዃኖም'ውን ሓቢሮም። ኣብቲ ልዝብ ዝተሳተፉ ዝተፈላለዩ ተሓለቕቲ ሰብኣዊ ጉዳያት: ሲቪል ማሕበራትን ማሕበራት ጋዜጠኛታትን ንዝቐረበ ንድፊ ምምሕያሽ ኣዋጅ ዘለዎም ነቐፌታን ናይ ተቃውሞ ሓሳባትን ኣካፊሎም'ዮም።     ... ድምጺ ኣመሪካ 16 hr ⟶
“75 ሽሕ ዕጡቓት ነበር ክልል ትግራይ ናብ ሕብረተሰብ ናይ ምፍናው ስራሕ ሓሙስ ክጅመር’ዩ” ኮሚሽን ተሃድሶ Public Domain  — ኣዲስ ኣበባ — ሃገራዊ ኮሚሽን ተሃድሶ ኢትዮጵያ፡ ዕጡቓት ነበር ናብ ሕብረተሰብ ምፍናውን፣ ምጥያስን ስርሑ ፅባሕ ሓሙስ ኣብ ክልል ትግራይ ብዕሊ ከምዝጅምር ኣፍሊጡ። ናይቲ ትካል ኮሚሽነር ተመስገን ጥላሁን፡ ሎሚ ኣብ ዝሃቡዎ መግለፂ፡ ፅባሕ ሓሙስ፡ን75 ሽሕ ዕጡቓት ነበር ስልጠና ብምሃብ ኣብ ውሽጢ ኣርባዕተ ኣዋርሕ ናብ ሕብረተሰብ ናይ ምፍናውን ምጥያስን መደብ ኣብ ከተማ መቐለ ክጅመር እዩ ኢሎም።   ምሉእ ትሕዝቶ ጸብጻብ ኣብዚ ምስማዕ ይክኣል። ... ድምጺ ኣመሪካ 17 hr ⟶
ፕረዚደንት ሙሰ ቢሒ ንውጽኢት ምርጫ ክቕበል ምዃኑ ሓቢሩ Public Domain  — ዋሽንግተን — ፕረዚደንት ርእሰ-ምምሕዳር ሶማሊላንድ ሙሰ ቢሒ ዓብዲ፡ ንሓድሽ ተመራጻይ ፕረዚደንት ዓብዲራሕማን መሓመድ ዓብዱላሂ (ኢሮ) እንቋዕ ኣብቅዓካ ብምባል ስልጣኑ ብሰላማዊ መንገዲ ናብቲ ዝመጽእ ምምሕዳር ከሰጋግር ምዃኑ ገሊጹ። ቅድሚ እቲ ምርጫ ንውጽኢት ክቕበል ምዃኑ ዝነገረ ፕረዚደንት ሙሰ፡ ሕጂ’ውን ንሱ ዝመርሖ ሰልፊ ኩልሚየ ንውጽኢት እቲ ምርጫ ከኽብር ምዃኑ ሓቢሩ። ፕረዚደንት ሙሰ ቢሒ ኣብቲ ኣብ ሃርጌሳ ዝሃቦ ጋዜጣዊ መግለጺ “እቲ ውድድር ከም ጸወታ ኵዕሶ’ዩ ነይሩ። ኣብ ሜዳ ዝተሳዕረ ብዘይ ቂም ስዕረቱ ተቐቢሉ ካብ ሜዳ ይወጽእ፡” ኢሉ። ቃለ-ማሕላ ን13 ታሕሳስ ዝፍጽም ምሩጽ-ፕረዚደንት ዓብዲራሕማን ኢሮ’ውን ንመሪሕነት ሙሰ ቢሒን ንሕገ-መንግስቲ እታ ሶማሊላንድን ምቕባሉ ኣብቲ ኣብ ማሕበራዊ ገጻት ኤክስ ዘካፈሎ መልእኽቲ ሓቢሩ። ሚኒስትሪ  ጉዳያት ወጻኢ ኢትዮጵያ ንሓድሽ ተመራጺ ፕረዚደንት እታ ርእሰ-ምምሕዳር እንቋዕ ሓጎሰካ ኢሉ’ዩ። ድሕሪ ናይ ባሕቲ ጥሪ ኣከራኻሪ ስምምዕ መዘከር ኢትዮጵያን ርእሰ-ምምሕዳር ሶማሊላንድን ክልተ ወገናት ኣብ ጽቡቕ ሓዲድ ዝምድና ከም ዘለዋ ይፍለጥ። እቲ ስምምዕ መዘከር ኣብ መንጎ ቀዳማይ ሚኒስተር ኣቢይ ኣሕመድን ሕጂ ስልጣን ዝለቅቕ ዘሎ ሙሰ ቢሒ ዓብዲን’ዩ ተፈሪሙ። ዝመጽእ ምምሕዳር ኣብቲ ጉዳይ እንታይ መርገጺ ከም ዝወስድ ዛጊት ኣይነጸረን።   ... ድምጺ ኣመሪካ 20 hr ⟶
ዳዊት ኢሳቕ -- ኣብ ዘይተረኽቦ -- ሽልማት ንሰብኣዊ ክብሪ Public Domain  — ዋሽንግተን — ኤርትራዊ-ሽወደናዊ ጋዜጠኛ ዳዊት ኢሳቕ፡ ሎሚ ሰሉስ 19 ሕዳር ኣብ ዝተኻየደ ጽንብል ምዕዳል ሽልማት ኢደልሳትም ተቐቢሉ። ካብ መስከረም 2001 ኣትሒዙ ኣብ ቤት ማእሰርቲ ኤርትራ ዝርከብ ዳዊት ኢሳቕ፡ ሽልማቱ ብኣካል ክቕበል ስለ ዘይከኣለ፡ ጓሉ ቤትልሄም ዳዊት ኢሳቕ’ያ ነቲ ሽልማት ኣብ ክንድኡ ተረኪባ። ኣባል ቦርድ ምስንዳእ ናይ ፈለማ ናይ ብሕቲ ጋዜጣ ሰቲት ዝነበረ ዳዊት ኢሳቕ፡ ገጣሚ፡ ደራሲን ኣላዪ ድራማን’ውን’ዩ ነይሩ። ንኽብሪ ሽወደናዊ ሃራልድ ኢደልስታም ዝቖመ ሽልማት ንሰብኣዊ ክብሪ ፍሉይ ኣበርክቶ ንዝግበሩ ውልቀ-ሰባት ዝወሃብ’ዩ።  ናይ ሎሚ ዓመት ኮሚተ፡ ንዳዊት ኢሳቕ ዝሓርየሉ ምኽንያት ክገልጽ እንከሎ፡ “ብመንግስቲ ንዝወርድ ጸቕጢን ምፍርራሕን ሰጊሩ፡ ንስለ መሰል ምግላጽ ሓሳባትን ሰብኣዊ መሰላትን ቃልሱ ብምቕጻሉ፡” ይብል። እቲ ኮሚተ ድማ መንግስቲ ኤርትራ ንሃለዋቱ ከፍልጥን ብሕጋዊ መሰርሕ ፍርዲ ክኽተልን ጸዊዑ። ኣብ ክንዲ ኣቦኣ ኰይና ነዚ ሽልማት ዝተቐበለት ቤተልሄም ዳዊት ኢሳቕ’ያ። ኣቦኣ ክእሰር እንከሎ፡ ገና ጓል ሸውዓተ ዓመት ዝነበረትን ሕጂ ኣብ ሽወደን እትነብርን ቤተልሄም፡ ብጋዜጠኛ ድምጺ ኣመሪካ ሳሌም ሰሎሞን፡ ብኩራት ኣቦኣ ኣብ ህይወታ ከመይ ከም ዝጸለዋ ተሓቲታ ክትምልሽ እንከላ፤ “ንህይወተይ ብብዙሕ ኵርናዕ’ዩ ጸልዩዎ። ኣብ ሸውዓተ ዓመት ሓደ ካብ ስድራኻ ክትስእን እንከላኻ ኣዝዩ ከቢድ’ዩ። እንተዀነ ነዚ ሕጂ ዘለኹዎ ክኸውንን ሓይሊ ክድርብን’ውን ድርኺት ኰይኑኒ’ዩ። እዚ ዝመስል ጽሕፍቶ ነቲ ዝኸፍአ ጸላኢየይ’ውን ዘይምንየሉ እንተዀንኩ፡ ግን ህይወተይ ካልእ መኣዝን ክሕዝ ገይሩዎ’ዩ። ብኻልእ መልክዑ፡ እቲ ከም ትሑዝ እንወስዶ ናጽነት ምግላጽ ሓሳባት ቀሊል ዋጋ ከም ዘየኽፍል ዘርኢ ኣብነት’ዩ፡” ትብል። ድምጺ ኣመሪካ ፈነወ ቀርኒ ኣፍሪቃ ምስ ሽልማት ዳዊት ኢሳቕ ኣተኣሳሲሩ ካብ ሚኒስትሪ ዜና ኤርትራ ግብረ-መልሲ ንምስማዕ ዝግበሮ ፈተነ ኣይቀንዐን። ሰበ-ስልጣን ኤርትራ ብዛዕባ’ቶም ኣብ መስከረም 2001 ዝተኣስሩ ፖለቲካውያን መራሕቲ ነበርን ጋዜጠኛታትን መብርሂ ካብ ምሃብ ቍጡባት’ዮም። እንተዀነ ኣብ ወርሒ ሰነ 2016 ሚኒስተር ጉዳያት  ወጻኢ ኤርትራ ኣቶ ዑስማን ሳልሕ፡ ምስ ረድዮ ፍራንስ ኢንተርናሽናል ኣብ ዝገበሮ ሳሕቲ ቃለ-መጠየቕ፡ ብዛዕባ ጉዳይ እቶም ናይ ፖለቲካ እሱራት መሊሱ ነይሩ። ኣብ እዋኑ ሚኒስተር ዑስማን፡ “ሕቡራት ሃገራት ዘይረኣዩዎ ክኸውን ይኽእል ግን ሕቡእ ማእሰርቲ ዝብሃል የብልንና” ኢሉ ነይሩ። ሚኒስተር ዑስማን ኣብቲ ናይ ሰነ 2016 ቃለ-መጠየቑ፡ “ኵላቶም ጸቡቕ ኣለዉ። መንግስቲ ድማ ይከናኸኖም ኣሎ። ፖለቲካውያን እሱራት ስለ ዝዀኑ ጉዳዮም ብመንግስቲ’ዩ ተታሒዙ ዘሎ፡” ኢሉ። እንተዀነ፡ ሚንስተር ዑስማን ዳዊት ኢሳቕ ዝርከቦም ጋዜጠኛታትን ፖለቲካውያን መራሕቲን መዓስ ናብ ፍርዲ ከም ዝቐርቡ ምስ ተሓተተ፡ “መንግስቲ ኣብ ዝወሰነሉ፡” ኢሉ መሊሱ ነይሩ። ዛጊት ግን ካብቲ ዝተባህሎ እዋን’ውን ሸሞንተ ዓመት ሓሊፉ ናብ ፍርዲ ኣይቀረቡን። ብዛዕባ ሃለዋቶም ዝገልጽ መብርሂን መረዳእታን’ውን ካብ መንግስቲ ኤርትራ ኣይተዋህበን። ኣብ መስከረም 2001 ዝተኣስሩ ጋዜጠኛታት ብሕቲን ፖለቲካውያን መራሕቲን ክንደይ ካብኣቶም ብህይወት ምህላዎም’ውን፡ ብዘይካ እቲ ኣሳሪ ኣካል፡ ኣርጢቡ ዝፈልጥ የሎን። እንተዀነ ስድራቤት እቶም እሱራት ድሕሪ 23 ዓመታት’ውን ምጥባቖምን ጻውዒቶምን ኣየቋረጹን። ነቲ ቃልሲ ንኽትቅጽል ተስፋ ዘውህባ ምኽንያት ብሳሌም ሰሎሞን ዝተሓተት ቤተልሂም ዳዊት ኢሳቕ፤ “ማሕበረሰብ ዓለም ኣብ ልዕሊ መንግስቲ ኤርትራ ጸቕጢ ክግበርን ስጉምቲ ክወስድን ትስፉዋት ኢና። ኣቦይን ካልኦት መተኣስርቱን ኣብ ኤርትራ እንታይ ይፍጸም ከም ዘሎ መርኣያ’ዮም። ኣብ ማእሰርቲ ልዕሊ 23 ዓመታት ገይሮም ኣለዉ። ስለዚ እምበኣር ከምዚ ኢልካ ክቕጸል ስለ ዘይክእል እቲ ግፍዒን ምጕስቓልን ደው ክብል ኣለዎ።” ቤተልሄም ኣቦኣ ነዚ ሽልማት ምቕባሉ ንዓን ስድራቤትን ዓቢ ክብሪ ምዃኑ ክትገልጽ እንከላ፡ ኣብ ማእሰርቲ ዝርከብ ኣቦኣ ብኣካል ነቲ ክብሪ ክቕበሎ ዘይምኽኣሉ ግን ከቢድ ጓሂ ከም ዝስምዓ ትገልጽ። ዳዊት ኢሳቕ ዝርከቦም ኤርትራውያን ጋዜጠኛታት ብሕቲ፡ እተን ጋዜጣታት ኣብ 18 መስከረም 2001 ድሕሪ ምእጋደን’ዮም ካብ 23 መስከረም 2001 ኣትሒዞም ብሓይልታት ጸጥታ ኤርትራ ተሃዲኖም ክእሰሩ ጀሚሮም። ኣብቲ ናይ ሽዕኡ ጃምላዊ ማእሰርቲ ተወሲዶም ዛጊት ደሃይ ዘይብሎም ጋዜጠኛታት ዋና ኣሰናዳኢ ጋዜጣ ጽጌናይ ኣቶ ዮሱፍ መሓመድ ዓሊ፣ ዋና ኣሰናዳኢ ጋዜጣ ዘመን ኣቶ ኣማኑኤል ኣስራት፤ ዋና ኣሰናዳኢ ጋዜጣ ኣድማስ ኣቶ ስዒድ ዓብደልቃድር፣ ዋና ኣሰናዳኢ ጋዜጣ መቓልሕ ኣቶ ማቲዎስ ሃብተኣብ፣ ምኽትል ኣሰናዳኢ ጋዜጣ መቓልሕ ኣቶ ዳዊት ሃብተሚካኤል፣ ምኽትል ኣሰናዳኢ ጋዜጣ ቀስተ-ደበና ኣቶ መድሃኔ ሃይለ፣ ኣባል ቦርድ ምስንዳእ ጋዜጣ ቀስተ-ደመና ኣቶ ተመስገን ገብረየሱስ፣ ኣባል ቦርድ ምስንዳእ ጋዜጣ ሰቲት ኣቶ ዳዊት ኢሳቕ፣ ሰኣሊን ናይ ውልቂ ኣበርካቲን ኣቶ ስዩም ጸሃየ፣ በዓል ሞያ ሕጊን ናይ ውልቂ ኣበርካቲን ኣቶ ሳህለ ጸጋዝኣብ (ወዲ-ኢታይ)፣ ናይ ውልቂ ኣበርካትሪን ደራሲን ኣቶ እድሪስ ሰዒድ (ኣባ-ዓረ) ምዃኖም መዛግብቲ ተሓለቕቲ ትካል ናጽነት ፕረስ የመልክት። ኤርትራውያን ጋዜጠኛታት ብሕቲ፡ ድሕሪ ማእሰርቶም፡ ብሕልፊ ድማ ብተጣባቕነት ንመሰል ናጽ ፕረስ ዝሕለቕ ትካል ፐን ኤርትራ ኣብ ስደት በበይኑ ሽልማትን ረኺቦም’ዮም። ብዘይካ እቲ ሓያሎ ሽልማታት ዝረኸበ ዳዊት ኢሳቕ፡ ብተመሳሳሊ ዋና ኣሰናዳኢ ጋዜጣ ዘመን ዝነበረ ኣማኑኤል ኣስራት’ውን ኣብ 2016 ንሱ ኣብ ዘይተረኽቦ ኣብ ኔዘርላንድስ ሽልማን ኦክስፋም-ኖቪብ ክሽለም እንከሎ፡ ኣብ 2020’ውን ኣብ ዓዲ-እንግሊዝ፡ ንተባዕ ጸሓፊ ዝወሃብ ናይ ክብሪ ሽልማት ሃሮልድ ፒንተር፡ ምስ ጀማይካዊ ገጣሚ ሊንዶን ክወሲ ጆንሰን ተቐቢሉ። እቲ ሽልማት ናይቲ ዓመት ዕዉት ጸሓፊ’ዩ ነቲ ክብሪ ንኻልእ ብዘይ ሕጊ ኣብ ማእሰርቲ ዝርከብ ተባዕ ጸሓፊ ዘበርክቶ። ናይ 2020 ዕዉት ጸሓፊ ክወሲ ጆንሶን ድማ ነቲ ሽልማን ንኣማኑኤል ኣስራት ወፍዩ። ኣብ 1964 ኣብ ኣስመራ ተወሊዱ፡ ኣብ 1987 ናብ ሽወደን ዝተሰደደን ኣብ 1992 ዜግነት ሽወደን ዝወሰደ ጋዜጠኛን ደራሲን ዳዊት ኢሳቕ፡ ድሕሪ ማእሰርቱ፡ ምስዚ ናይ ሎሚ ሓዊሱ ሽዱሽተ ንመሰል ምግላጽ ሓሳባት ዝወሃቡ ዓለማዊ ሽልማት ተቐቢሉ ኣሎ።       ... ድምጺ ኣመሪካ 1 d ⟶
ኣዲስ ኣበባ- ኣድማ ምዕጻው ኣብያተ ንግዲ መርካቶ ሎሚ'ውን ቀጺሉ'ሎ Public Domain  — ኣዲስ ኣበባ — ኣብ ኢትዮጵያ እቲ ዝዓበየ ምዃኑ ዝግለጽ ዕዳጋ መርካቶ ትማሊ ዝጀመረ ኣድማ ምዕፃው ኣብያተ ንግዲ ሎሚ’ውን ቀፂሉ ውዒሉ።   መንግስቲ ብዘካይዶ ዘሎ ምቁጽጻር ቅብሊት ሕሳብን መቅጻዕቲን ኣብቲ ቦታ ዝንቀሳቀሱ ነጋዶ ካብ ትማሊ ሰኑይ  ጀሚሮም ኣባይቲ ንግዲ ናይ ምዕፃው ኣድማ ምግባሮም ድምፂ ኣመሪካ ዘዘራረቦም ወነንቲ ኣብያተ ንግዲ ገሊፆም።   ካብዚ ብተወሳኺ ካብ መክዘናት ንብረቶም ከህድሙ ዝጀመሩ’ውን ከምዘለዉ ብምግላፅ ጠንቂ ድማ ምዝሓል ዕዳጋ ከምዝኾነ እቶም ወሃብቲ ርእይቶ ወሲኾም ተዛሪቦም።   ከንቲባ ከተማ ኣዲስ ኣበባ ኣዳነች ኣበቤ ብወገነን ምኽንያት መጀመሪ እዚ ምቁጽጻር ብዙሕ ዘይሕጋዊ ኣሰራርሓታት ብምህላዎም ምዃኑ ኣብቲ ሎሚ ሰሉስ ዝተካየደ ስሩዕ ኣኼባ ቤት ምኽሪ እቲ ከተማ ተዛሪበን።  ንብረት ክውረስ ይኽእል እዩ ክብል ንዝተዘርገሐ ናይ ሓሶት ወረ ብለይቲ ካብ መክዘናት ንብረት እናተፃዓነ ይወፅእ ኣሎ ዝበላ እተን ከንቲባ ነቲ ተግባር ኮኒነንኦ ኣለዋ። ምምሕዳር እቲ ከተማ ንዝጀመሮ ምቁጽጻር ኣሐይሉ ከምዝቕፅለሉን ገበነኛ ኮይኖም ዝተረኽቡ’ውን ናብ ሕጊ ናይ ምቕራብ ከይዲ ከምዝቕፅል ኣብቲ ኣኼባ ሓቢረን።   ኣብዚ ጉዳይ ኣብ ምምሕዳር እታ ከተማ ካብ ዝርከቡ ዝተፈላለዩ ናይ ስራሕ ሓለፍቲ ርእይቶ ንምርካብ ስልኪ ብምድዋል ዝተኻየደ ፈተነ ንግዚኡ ኣይሰለጠን። ... ድምጺ ኣመሪካ 1 d ⟶
ኣመሓዳሪ ዞባ ማእከል ትግራይ ጥይት ከምዝተተኮሰሎም ይገልጹ፡ ምምሕዳር'ቲ ከባቢ ግን ነዚ ይነጽግ Public Domain  — መቐለ — ኣመሓዳሪ ዞባ ማእከል ክልል ትግራይ ኣይተ ሰሎሞን መዓሾ ብመኪና ይጓዓዙ ኣብ ዝነበርሉ እዋን ጥይት ከምዝተተኮሰሎም ይግለፅ ኣሎ። ጥይት ከምዝተተኮሰሎም ናይ ዝተገለጸ ምምሕዳር ወረዳ ማይቅነጣል ብወገኑ እቲ ጉዳይ ካብ ሓቂ ዝርሓቐ እዩ ኢሉ። ኣይተ ሰሎሞን መዓሾ ብፕረዚደንት ጊዝያዊ ምምሕዳር እቲ ክልል ኣይተ ጌታቸው ረዳ ናይ ዝምራሕ ጉጅለ ህወሓት ኣባል ኾይኖም፣ ትማሊ ሰንበት 8 ሕዳር 2017  ካብ ኣክሱም ናብ ከተማ መቐለ ይጓዓዙ ኣብ ዝነበርሉ እዋን ከምዝተተኮሰሎም ኣብ ማሕበራዊ መራኸቢ መዘራረቢ ኮይኑ ኣሎ። በቲ ተዂሲ ኣብ ልዕሊኦም ኮነ ምስኦም ዝነበሩ ሰባት ዝበፅሐ ጉድኣት ከምዘየለ ተገሊፁ ኣሎ። ድምጺ ኣመሪካ መብርሂ ዝሓተቶም ኣይተ ሰሎሞን መዓሾ እቲ ፍፃመ ትኽክል ምዃኑን ኣብ ልዕሊ መኪንኦም ዝበፅሐ ጉድኣት እውን ብስእሊ ከምዝሓዝዎ ገሊፆም። እንተኾነ ግና ተወሳኺ ዝርዝር መብርሂ ካብ ምሃብ ተቖጢቦም እዮም። ኣብቲ ጉዳይ ካብ ቢሮ ፀጥታን ሰላም ብተወሳኺ እውን ቤት ፅሕፈት ኮምኒኬሼን እቲ ክልል ምላሽ ንምርካብ ዝገበርናዮ ፃዕሪ ኣይሰመረን። ተኲስዎም ኣብ ዝተባህለ ወረዳ ማይቅነጣል፣ ናይቲ ወረዳ ኣመሓዳሪ ኣይተ ገብረ ተክለሃይማኖት ብወገኖም ኣብ ኣጋጢሙ ዝተባህለ ፍጻመ ኣየጋጠመን ክብሉ  ምላሽ ሂቦም። “ኣባላት ፀጥታን ፖሊስን እቲ ወረዳ ነቲ ጉዳይ ኣፃርዮሞ እዮም ዝተተኮሶ ሰብ የለን” ኢሎም። ድምፂ ኣሜሪካ በዛዕባ እቲ ጉዳይ ካብ ካሊእ ነጻ ኣካል ከረጋግፅ ኣይከኣለን።         ... ድምጺ ኣመሪካ 2 d ⟶
መንግስቲ ኢትዮጵያ ንሲቪላት ዕላማ ዝገበረ መጥቃዕቲ ይፍፅም’ሎ ንዝብል ዝቐረበ ክሲ ነጺግዎ Public Domain  — ዋሽንግተን — መንግስቲ ኢትዮጵያ ንሲቪላት ዕላማ ዝገበረ መጥቃዕቲ ይፍፅም’ሎ ንዝብል ዝቐረበ ክሲ ነጺግዎ'ሎ። ሚንስተር ኮሚኒኬሽን መንግስቲ ኢትዮጵያ ኣቶ ለገሰ ቱሉ  ብቐዳም ንመሓውራት ዜና ውሽጢ ሃገር ኣብ ዝሃብዊ መግለጺ ኣብ ወፃኢ ሃገራት ዝመደበሮም ብቋንቋታት ኢትዮጵያ ፈነወ ዘለዎም መሓውራት ዜና መንግስቲ "ጥሩፍ" ኢሉ ኣብ ልዕሊ ዝጸውዖ አካል ንዝወሰዶ ስጉምቲ ኣብ ልዕሊ ሲቪላውያን ዝተወስደ ስጉምታት ጌሮም የቅርብዎ’ለዉ፡ እዚ ድማ ተቐባልነት የብሉን ኢሎም። ንሶም ኣብ መግለጺኦም ንስም እተን መሓውራት ዜና ኣይጠቐሱን፡ ብዛዕባ ኣየናይ ስጉምቲ ምዃኑ'ውን ኣይገለጹን።  ኣቶ ለገሰ ቱሉ ወሲኾም መንግስቲ ዝወስዶ ዘሎ ስጉምቲ ዝተመደብን ዝተመጣጠነን’ዩ ኢሎም’ለዉ። ሚንስተር ኮሚኒኬሽን ኣቶ ለገሰ ቱሉ ነዚ ይበሉ እምበር ድምጺ ኣመሪካ ዘዘራረቦም ነበርቲ ኣብ ሰሜን ጎጃም ዞን "ዝብስት" ኣብ ዝተባህለ ቀበሌ ኣጋጢሙ ዝተባህለ ናይ ሰብ -ኣልቦ መጥቃዕቲ ልዕሊ 43 ሲቪላዊያን ሰባት ምቕታሉ ገሊጾም ኔሮም።     ... ድምጺ ኣመሪካ 2 d ⟶
ኣብ ከተማ ዳባት 5 ኤርትራውያን ስደተኛታት ተኣሲሮም Public Domain  — ኣዲስ ኣበባ — ኣብ ክልል ኣምሓራ፣ ዞባ ሰሜን ጎንደር ካብ ዝርከብ መዓስከር ኣለምዋጭ፣ ሓሙሽተ ኤርትራውያን ስደተኛታት ከምዝተኣሰሩ ተገሊፁ። ካብቲ መዓስከር ንድምፂ ኣመሪካ ርእይቶ ዝሃቡ ስደተኛታት፣ ኣብቲ ዝሓለፈ ሰሙን ሓሙሽተ ኤርትራውያን ኣብ ከተማ ዳባት ተታሒዞም ከምዝተኣሰሩን ክሳብ ሕጂ ከምዘይተፈትሑ ሓቢሮም። ብዛዕባ እዚ ጉዳይ ዝተሓተተ ትካል ስደተኛታት ሕቡራት ሃገራት (ዩ.ኤን.ኤች.ሲ.ኣር)፣ ካብ መዓስከር ኣለምዋጭ ሓሙሽተ ስደተኛታት ከምዝተኣሰሩ ምስኣረጋገፀ፣ ፍትሓዊ ፍርዲ ንክረኽቡ ምስ ዝምልከቶም ኣካላት ንዘራረብ ኣለና ኢሉ። ኣብዚ ጉዳይ፣ ካብ ሰበስልጣን መንግስቲ ክልልን ፌደራልን ርእይቶ ንምርካብ ዝገበረርናዮ ፃዕሪ ኣይሰመረን። ምሉእ ትሕዝቶ ኣብዚ ምስማዕ ይክኣል።   ... ድምጺ ኣመሪካ 2 d ⟶
ኢትዮጵያ ኣብ ሶማሊላንድ ዝተኻየደ ምርጫ ንኢዳ Public Domain  — ኣዲስ ኣበባ — መንግስቲ ኢትዮጵያ ነቲ ቅድሚ ትማሊ ረቡዕ ዝተኻየደ ፕረዚደንታዊ ምርጫ ሶማሊላንድ ንኢዱ። ሚንስተር ጉዳያት ወጻኢ ኢትዮጵያ ሎሚ ኣብ ዝዘርገሖ መግለጺ ብምኽንያት ኣብ ሶማሊላንድ ዝተሳለጠ ሰላማዊን ዴሞክራሲያዊን ምርጫ፣ ንህዝቢ ሶማሊላንድ እንቋዕ ኣሓጎሰካ ዝብል መልእኽቲ ሰዲዱ’ሎ። መግለጺ መንግስቲ ኢትዮጵያ ወሲኹ ንኮምሽን ምርጫ ሶማሊላንድ፣ ነጻን ርትዓዊን ነጻን ምርጫ ስለዘተኣናገደ ክብል ናእድኡ ገሊጹ ኣሎ ። እቲ መስርሕ፣ ንናይ ሶማሊላንድ ምሕደራን ስርዓተ ዴሞክራሲን ምhyal ሓባሪ እዩ’ውን ይብል። ... ድምጺ ኣመሪካ 5 d ⟶
ብድሆታት ኣብ ምዕባይ ኣፍልጦ: ምዕባለታት ሕክምና ሕማም መንሽሮ ምስ ዶ/ር ኣሮን ከፈላ Public Domain  — ዋሽንግተን — ኣብዚ ሕጂ እዋን ኣብ ዓለም ካልኣይ ቀታሊ ሕማም ኮይኑ ዘሎ ሕማም መንሽሮ ብዝምልከት ኣብ  ኣመሪካ ንዝነብሩ ሕብረተሰብ ኣፍልጦ ኣብ ምዕባይ ዝነጥፍ ኤርትራዊ ኣመሪካዊ በዓል ሞያ ሕማም መንሽሮ ዶ/ር ኣሮን ከፈላ ተርእዮ እቲ ሕማም ይውስኽ ከምዘሎን መጠን ሞት ብደረጃ ዓለም እንተጎደለ እውን ኣብ ኤርትራዊያን ኢትዮጵያዊያን ማሕበረሰብ ግን ይውስኽ ምህላው  ይገልጽ። ዶ/ር ኣሮን ኣብ ምዕባይ ኣፍልጦ ሕብረተሰብ ዘለው ብድሆታት: ሓደሽቲ ምዕባለታት ሕክምናዊ መሰርሕ ሕማም መንሽሮን ሞያዊ ምኽሩን ኣካፊሉ'ሎ።   ... ድምጺ ኣመሪካ 6 d ⟶
ኢትዮጵያ ሰራዊታ ካብ ሶማልያ ክተወጽእ ትጽቢት ኣብ ዝግበረሉ ንኣልሸባብ ምውጋእ ግን ከምትቕጽል ኣፍሊጣ Public Domain  — ኣዲስ ኣበባ — ኢትዮጵያ ሰራዊታ ኣብ ቀረባ ካብ ሶማልያ ክወጽእ ትጽቢት ኣብ ዝግበረሉ ዘሎ እዋን፡ንኣልሸባብ ምውግኣ ግን ከም ትቕጽል ኣፍሊጣ። ወሃቢ-ቃል ሚንስትሪ ጉዳያት ወጻኢ ነብያት ጌታቸው ሎሚ ኣብ ዝሃቦ ጋዜጣዊ መግለጺ፡” ኣብ ዝኾነ ኩነታት ንኣልሸባብ ናይ ምድኻም ስራሕ ክቕጽል`ዩ” ኢሉ።  እቲ ወሃቢ-ቃል ነዚ ዝበለ፡ ብምኽንያት`ቲ ኣብ መንጎ ኢትዮጵያን ሶማሊላንድን ዝተፈረመ ናይ መረዳድኢ ስምምዕ፡ ኣብ መንጎ ሶማልያን ኢትዮጵያን ውጥረት እናገደደ ኣብ ዝኸደሉ ዘሎ እዋን`ዩ። ኣብቲ ብሓዲሽ ዝቐውም ናይ ሕብረት ኣፍሪቃ ተልእኮ ምኽባር ሰላም ሶማልያ፡ ኢትዮጵያ ከም ዘይትሳተፍ ሚንስትሪ ምክልኻል ሶማልያ ዝሓለፈ ቀዳም ምዝራቡ ይፍለጥ። እቲ ብኣትሚስ ዝብል ሓዲሽ ሽም ዝጽዋዕ ተልእኮ ሰላም፡ ካብ ዝመጽእ ወርሒ ጥሪ ጀሚሩ ንሰለስተ ዓመታት ዝጸንሕ ተልእኮ ከም ዝቕበል ሕቡራት ሃገራት ኣፍሊጡ`ዩ። ኢትዮጵያ ኣብቲ ክሳብ ሕጂ ዝጸንሐ ተልእኮ ሕብረት ኣፍሪቃ 3,000 ወተሃደራት ዝነበርዋ ክኾኑ ከለዉ፡ ኣብ መንጎ ክልቲአን ሃገራት ጥራሕ ብዝተገብረ ስምምዕ ድማ ካብ 5 ክሳብ 7-ሺሕ ዝበጽሑ ወተሃደራት ኣብ ዝተፈላለዩ ከባብታት ሶማልያ ሰፊሮም ጸኒሖም `ዮም ። ... ድምጺ ኣመሪካ 6 d ⟶
ተስፋ -- ቃልሲ ኣንጻር ድርብራብ መሰናኽላት Public Domain  — ዋሽንግተን — ነባሪት ኣትላንታ- ጆርጂያ ዝዀነት ኤርትራዊት ኣመሪካዊት ቤትኤል በየነ ንሕማም መንሽሮ ጡብ ካብ ትብድህ ካብ  ድሮ ሸውዓተ ዓመት የሕሊፋ ኣላ። እንተዀነ ቤትኤል ነቲ ዝሓለፈቶ ተመኵሮ ናብ ካልኦት ንምትሕልላፍን በዚ ሕማም ንዝተጠቕዓ ተስፋ ንምሃብን ኣብ ቀጻሊ ስራሕ’ያ እትርከብ። ንመንሽሮ ጡብ ትበድህ ደኣ እምበር ካልኦት ሕዱራት ሕማማት ጸይራ’ያ ነዚ ቃልሲ እተካይዶ።     ... ድምጺ ኣመሪካ 6 d ⟶
ስድራቤት ድሕሪ ምሕረት ንዘይተፈትሑ ተወላዶ ትግራይ ወታሃደራዊ መኮነናት ጻውዒት የቕርቡ Public Domain  — ኣዲስ ኣበባ — ምስ ኲናት ክልል ትግራይ ተታሓሒዙ ተኣሲሮም ንዝጸንሑ ተወላዶ ትግራይ ዝዀኑ ወታሃደራዊ መኮንነት፡ ንኽፍትሑ መንግስቲ ኢትዮጵያ ምሕረት እኳ እን ኣወጀ፡ ንጉዳዮም ብቐረባ ዝከታተለ ተሓላቒ ትካል ሰብኣዊ መሰላት ግን ገና ልዕሊ 20 ኣብ ማእሰርቲ ምህላዎም ይሕብር። እቲ ትካል ወሲኹ ካብ መንጎ’ቶም ክሳብ ሕዚ ኣብ ማእሰርቲ ዘለዉ መኮንናት ገለ ብሰንኪ ኣተሓሕዛ መዝገብ ምድንጋር ምዃኑ ብምሕባር ቀልጢፎም ክፍትሑ ጸዊዑ። ምሉእ ትሕዝቶ ኣብዚ ምስማዕ ይክኣል።       ... ድምጺ ኣመሪካ 1 w ⟶
ስድራቤታት 130 ብዘይሕጋዊ መስርሕ ዝተኣስሩ ነበርቲ ወለጋ  ምሕጽንታ የቕርቡ Public Domain  —  ኣዲስ ኣበባ — ኣብ ወረዳ ኣሙሩ--ሆሮ-ጉዱ ዞባ ወለጋ ተኣሲሮም ዝርከቡ ኣስታት 130 ዜጋታት ሸውዓተ ኣዋርሕ ሓሊፉ ዛጊት  ናብ ቤት ፍርዲ ዘይምቕራቦም ስድራቤቶም ኣዝዮም ከም ዝተሻቐሉ ድምጺ ኣመሪካ ዘዘራረቦም ወገናት ገሊጾም። ካብ መንጎ’ቶም ድምጺ ኣመሪካ ዘዘራረቦም ስድራቤታት “ደቅኹም ምስ ሰራዊት ናጽነት ኦሮሞ ተሓዊሶም፡” ዝብል ክሲ ብሰብ-መዚ ከም ዝተነግሮም ሓቢሮም። እንተዀነ ወግዓዊ ፍርዳዊ መስርሕ ግን ዛጊት ኣይጀመሩን። እቶም ናብቲ ዕጡቕ ሰራዊት ዝተሓወሱ ኣባላት ስድራ ክሳብ ዘይተመልሱ ኣብ ማእሰርቲ ክጸንሑ ምዃኖም እቶም ሰብ-መዚ ከም ዘፈራረሑ’ውን ስድራቤት እቶም እሱራት ንድምጺ ኣመሪካ ሓቢሮም። ድምጺ ኣመሪካ ካብ ወሃብ-ቃል ክልል ኦሮሚያ ሃይሉ ኣዱንያ ከምኡ’ውን ካብ ኣመሓደርቲን ሰብ-መዚን እቲ ወረዳን ዞባን ግብረ-መልሲ ንምስማዕ ዝግበሮ ተደጋጋሚ ፈተነ ዛጊት ኣይቀንዖን። እንተዀነ ተኸታታሊ ኣባል ኮሚሽን ሰብኣዊ መሰላት ኢትዮጵያ ጨንፈር ጅማ ዝዀነ ባዳሳ ለመሳ ብዛዕባ ማእሰርቲ እቶም ስድራቤታት ሓበሬታ ከም ዘለዎን ንጉዳዮም ምስ ዝምልከቶም ሰብ-መዚ ክዝትየሉ ምዃኑ ምሕባሩን ወኪል ድምጺ ኣመሪካ ካብ ኣዲስ ኣበባ ሓቢራ።   ... ድምጺ ኣመሪካ 1 w ⟶
ምስ ወናኒት ኣብ ኦክላንድ ካሊፎርንያ ዝርከብ `ኣዲስ ረስቶራንት ` ሰላም ርእሶም Public Domain  — ዋሽንግተን — ኣብ 2010 ናብ ኦክላንድ ካሊፎርንያ ዝመጸት ሰላም ርእሶም፡ በይና ኮይና ቆልዓ ክተዕቢ ከቢድዋ`ኳ እንተነበረ ድሒሩ ግን ትምህርቲ`ውን እናኸደት ነቲ ከም ኣተኣናጋዲት ኮይና ትሰርሓሉ ዝነበረት ቤት መግቢ ኣዲስ፡ ክትውንኖ በቒዓ። ገና ኣብ እግሪ ተኽሊ ንግዲ ከላ  ለበዳ ኮቪድ-19 መጽዩ ከቢድ ፈተና ኮይንዋ`ኳ እንተነበረ፡ ኣገባብ `መግቢ ሒዝካ ምኻድ` ተጠቒማ ዳግም ክተበራብሮ ምኽኣላ`ውን ትገልጽ።  ሎሚ ቤት መግቢ ኣዲስ ብምሉእ ዓቕሙ ካብ ምስራሕ ሓሊፉ፡ ንኣመሪካውያን ምስ ባህልታት ኤርትራን ኢትዮጵያን`ውን ኣብ ምልላይ ልዑል ተራ ይጻወት ከም ዘሎ ሰላም ትገልጽ። ኣብ ጥቓ በርክሊ ዩኒቨርሲቲ ዝርከብ ቤት መግቢ ምዃኑ ድማ ምስ ተመሃሮ ምትእሳሳር ከሓይል ክኢሉ`ሎ።    ... ድምጺ ኣመሪካ 1 w ⟶
ኮሚተ ንድሕነት ጋዜጠኛታት፡ ኢትዮጵያ መሰል ፕረስ ከተኽብር ይጽውዕ Public Domain  — ዋሽንግተን — ተሓላቒ ኮሚተ ንድሕነት ጋዜጠኛታት (CPJ) ኢትዮጵያ ንለበዋታት ሕቡራት ሃገራት ብምትግባር ንድሕነት ጋዜጠኛታትን መሰል ምግላጽ ሓሳባትን ከተውሕስ ጸዊዑ። እዚ ትካል ብምኽንያት ኣብቲ ብሕቡራት ሃገራት ዝግበር ዓመታዊ ጸብጻብ ሰብኣዊ መሰላት ሃገራት’ዩ ነዚ መተሓሳሰቢ ኣቐሪቡ። ኣብቲ ሎሚ ንኢትዮጵያ ኣመልኪቱ ዝካየድ ከይዲ ምስማዕ፡ እቲ ትካል ንኹነታት መራኸቢ ብዙሃን እታ ሃገር ኣመልኪቱ ኣብ 2019 ዳህሳስ መሓውራት ዜናን ለበዋታትን ምሃቡ ኣዘኻኺሩ። ተሓላቒ ኮሚተ ንድሕነት ጋዜጠኛታት ኣብ መግለጺኡ ተደጋጋሚ ማእሰርቲ ጋዜጠኛታት፡ ምጕስቓል ሰራሕተኛታት መሓውራት ዜና፡ ዓፈና ሓበሬታን መጥቃዕቲ ኣብ ልዕሊ ጋዜጠኛታትን ከም ዝርአ ኣመልኪቱ ኣሎ። ሕግታት መሰል ፕረስ ኢትዮጵያ ምስ ዓለማዊ ስምምዓት መሰል ምግላጽ ሓሳብካ ብዝሳነ መንገዲ ክመዓራረይ’ውን እቲ ትካል ተማሕጺኑ ኣሎ። ... ድምጺ ኣመሪካ 1 w ⟶
“መጥቃዕቲ ድሮን ምብራቕ ጎጃም ብውሑዱ 43 ሰባት ቀቲሉ፡” ነበርቲ Public Domain  — ባህርዳር — ነበርቲ ምብራቕ ጎጃም፡ ብቐንዱ ድማ ከተማ ዝቢስት ንድምጺ ኣመሪካ ከም ዝሓበሩዎ፡ ኣብ ዝሓለፈ ሰሉስ ካብ ሓይልታት መንግስቲ ብዝተተኰሰ ድሮናት ብውሑዱ 43 ሞይቶም ብዙሓት ድማ ቆሲሎም። ኣብ ሰሜን ጎጃም ኣብ እትርከብ ኣስታት 10-ሽሕ ነባሪ ዝቕመጣ፡ ከተማ ዝቢስት ኣብ መንጎ ሓይልታት ፋኖን ሰራዊት ፈደራልን ቀጥታዊ ምልውዋጥ ተዅሲ ኣይነበረን ይብሉ። እንተዀነ ደብዳብ ሀሊኮፕተር ምንባሩ ድምጺ ኣመሪካ ብስልኪ ዘዘራረቦም ነበርቲ ይሕብሩ። ኣብቲ ብ5 ሕዳር ዝተኻየደ መጥቃዕቲ ድሮናት ኣብ ማእከል ዕዳጋ፡ ከባቢ ቤት ትምህርቲን ማእከል ሕክምናን ምውዳቑ እቶም ነበርቲ ይነግሩ። ንድሕነቶም መንነቶም ክዕቀበሎም ዝሓተቱ መሰኻኽር፡ ድሕሪ’ቲ መጥቃዕቲ ድሮን ምሉእ ነባሪ እታ ከተማ ቤት ሓዲጉ ናብ በረኻ ከም ዝሃደመን ንጽባሒቱ ድማ ኣስታት ሓደ ሽሕ ዝበሎም ሰራዊት መንግስቲ ናብታ ከተማ ኣትዮም ኣባይቲ ከቃጽሉን ኣብኡ ዝጸንሖም ነባሪ ከጋፍዑን ምጅማሮም ይሕብር። ንድምጺ ኣመሪካ ብሰልኪ ርእይቶ ዘካፈለ ነባሪ፡ እቲ መጥቃዕቲ ድሮናት ካብ ቤተ ክርስትያን እናተመልሱ ከም ዘጋጠመን 8 ካብቶም ቤት ክርስትያን ተሳሊሞም ዝምለሱ ዝነበሩ ምቕታሎምን ይነግር። ኣብቲ ኣብ ማእከል ሕክምና ዝሃረመ ቦምባ ድሮን ድማ ሓሙሽተ ነፍሰ-ጾራት ዝርከበኦም ተገልግልቲ ምቕታሎም ነበርቲ የካፉሉ። ካብ ግዳያት እቲ ሓደጋ ሓሙሽተ ኣባላት ሓንቲ ስድራ ምዃኖም’ዩ። ኣብታ ሓንቲ መዓልቲ፡ 5 ሕዳር ጥራይ ሬሳታት 43 ሰባት ምቕባሮም መሰኻኽር ካብቲ ቦታ ንድምጺ ኣመሪካ ተዛሪቦም። ድሒሩ ክሳብ 8 ዝበጽሑ ቆሲሎም ዝጸንሑ’ውን ምስዓቦም እቶም መሰኻኽር ዓይኒ ይዛረቡ። ብሰንኪ ባሕሪ ናይቲ መጥቃዕቲ ልክዕ ብዝሒ ዝሞቱ ኣጻሪኻ ንምፍላጥ ኣጸጋሚ’ዩ። ሕጂ’ውን ንድሕነቶም መንነቶም ክዕቀበሎም ዝሓተቱ ሰራሕተኛታት ሆስፒታል፡ ኣብቲ ማእከል ጥዕና ጥራይ 46 ሰባት ምማቶም ሓቢሮም። ብተወሳኺ 64 በቲ መጥቃዕቲ ድሮን ዝቖሰሉ ምንባሮም’ውን እቶም ንድምጺ ኣመሪካ ምስክርነት ዝህቡ ማእከላት ሕክምና ገሊጾም። ኣብቲ ሕክምና ኣገልግሎት ክህቡዎም ንዘይከኣሉ ቍስላት ብኣምቡላንስ ናብ ዝለዓለ ሕክምና ንምስዳድ ኣብ ዝፈተኑሉ፡ ብሓይሊ ጸጥታ ፈደራል ምምላሰን’ውን ብተወሳኺ ይነግሩ። ነዚ ብሓያሎ መሰኻኽር ንዝተዘርበ መጥቃዕቲ ድሮናት፡ ድምጺ ኣመሪካ ካብ መሓዉራት መንግስቲ ግብረ-መልሲ ንምስማዕ ፈቲኑ ነይሩ። ኣብ ክልል ኣምሓራ ሓላፊ ቢሮ ጸጥታን ሰላምን ኣቶ ደሳለኝ ጣሰው፡ ብዛዕባ’ቲ ፍጻመ ኣፍልጦ ከም ዘይብሉ ብምግላጽ፡ እንተዀነ ቤት ጽሕፈት ዘድሊ መርመራ ክግብር ምዃኑ ሓቢሩ። ሓላፊ ቢሮ ኮምኒከሽን ክልል ኣምሓራን ወሃብ-ቃል መንግስቲ ዶክተር ለገሰ ቱሉን ርእይቶኦም ንምስማዕ ድምጺ ኣመሪካ ዝግበሮ ተደጋጋሚ ፈተነ ኣይቀንዖን። ናይቲ ከባቢ ጨንፈር ኮሚሽን ሰብኣዊ መሰላት ኢትዮጵያ ብዛዕባ’ቲ መጥቃዕቲ መርመራ የካይዱ ከም ዘለዉ ንድምጺ ኣመሪካ ነጊሮም። እቲ ቤት ጽሕፈት ብዛዕባ መጥቃዕቲ ድሮን ምስማዑ ዘረጋገጸ ኰይኑ፡ ኣብቲ ጉዳይ እኹል መርመራ ስለ ዘይገበረ ግን መሊኡ ክዛረብ ኣይከኣለን።   ... ድምጺ ኣመሪካ 1 w ⟶
ኣብ ክልል ኣምሓራ ዝፍጸም ኣሎ ንዝበልዎ ጥሕሰት ዝቃወም ሰልፊ ኣብ ዋሽንግተን ዲሲ ተኻይዱ Public Domain  — ዋሽንግተን — ኣብዚ ኣብ ዋሽንግተን ዲሲ ከባቢኣን ዝነብሩ ትውልደ-ኢትዮጵያውያን ኣብ ልዕሊ ህዝቢ ኣምሓራ ይፍፀም’ሎ ዝበልዎ ምጥሓስ ሰብኣዊ መሰላትን በደልን በብመዓልቱ እናበኣሰ ይኸይድ ኣሎ ብምባል ትማሊ ሰንበት ኣብ ፊትንፊት ዋይት ሃውስ ተቃውሞ ሰልፊ ኣካይዶም። ኣተሓባበርቲ’ቲ ሰልፊ ንድምጺ ኣመሪካ ኣብ ዝሃብዎ ቃል ዕላማ’ዚ ተቃውሞ ሰልፊ ነዚ የጋጥም ኣሎ ዝበልዎ በደል ነቶም ንመንግስቲ ኢትዮጵያ ብገንዘብ ዝድግፉ ዓለም-ለኸ ኣካላት ንምፍላጥ’ዩ። እቶም ሰልፈኛታት እቲ ምግሃሳት መሰላት ብህፁፅ ጠጠው ክብልን ረድኤት ንዘድልዮም ከኣ ብህፁፅ ክበፅሓሎምን ንምሕታትን’ውን ምኻኑ ወሲኾም ሓቢሮም። ኣብ ክልል ኣምሓራ ኣብ መንጎ ሓይልታት መንግስቲን ዕጡቅ ጉጅለ ፋኖን ውግእ ካብ ዝጅመር ልዕሊ ዓመት ኮይንዎ’ሎ። ሰበ-ስልጣን’ቲ ክልል ነቲ ጉጅለ ሰላም ዝዘርግን ስልጣን ብሓይሊ ንምምንዛዕ ዝደልን’ዩ ክብሉ ብተደጋጋሚ ገሊፆም’ዮም። ብዛዕባ’ዚ ተቃውሞ ስልፊ ምላሽ ኣብ ዋሽንግተን ዲሲ ዝርከብ ኤምባሲ ኢትዮጵያ ንምርካብ ዝተገብረ ፃዕሪ ኣይሰለጠን ። ... ድምጺ ኣመሪካ 1 w ⟶
ሓላፊ ቤት/ፅሕፈት ፓርቲ ብልፅግና ከተማ ቆቦ ተቐቲሎም Public Domain  — ደሴ — ኣብ ኢትዮጵያ ክልል ኣምሓራ ሓላፊ ቤት/ፅሕፈት ፓርቲ ብልፅግና ምምሕዳር ከተማ ቆቦ ኣቶ ደርቤ በለጠ ትማሊ ሰንበት መንነቶም ብዘይተፈልጡ ዕጡቓት ከምዝተቐትሉ ነበርቲ’ቲ ከባቢ ንድምጺ ኣመሪካ ገሊፆም። ኣብቲ ከባቢ ኣብ ንግዲ ተዋፊሩ ዝነበረ ሓደ መንእሰይ’ውን ኣብቲ እዋን ብዘወረዶ ጉድኣት ከምዝሞተ እቶም ነበርቲ ገሊፆም’ለዉ። ሓላፊ ቤት/ፅሕፈት ብልፅግና ዞባ ሰሜን ወሎ ኣቶ ከድር ሙስጠፋ ብሞት አቶ ደርቤ ዝተሰመዖም ሓዘን ኣብ ኣብ ማሕበራዊ ገጻት ፌስቡክ ገሊጾም ኣለው፥ እንተኾነ ክሳብ ሕጂ ነቲ ቅትለት ሓላፍነት ዝወሰደ አካል የለን። ንደሕንነቶም ክብሉ ሰሞም ክዕቀበሎም ዝሓተቱ ሰራሕተኛ ሆስፒታል ቆቦ ምስቶም ዝተቀትሉ ሰብ ዝነበሩ ጉድኣት ዝወረዶም ምህላዎም ግን ዝርከብሉ ኩነታት ከምዘይፈልጡ ገሊፆም።   ኣቶ ከድር ግን ምእንተ ህዝቢ ኣምሓራ ንቃለስ ኣለና ብዝብሉ ወገናት’ዩም ነቲ ቅትለት ፈጺሞም ክብሉ ኣብ ማሕበራዊ ገፆም ጽሒፎም ኣለው። ኣብቲ ከባቢ ዝንቀሳቀሱ ኣመራርሓ ፋኖ’ዮም ዝተባህሉ ንምርካብ ዝተገብረ ፈተነ ግን ኣይሰለጠን። ... ድምጺ ኣመሪካ 1 w ⟶
ኣብ ከተማ መቐለ ንናይ ኲናት አካል ጉድኣት መሬት ንምሃብ ዝተወጠነ መደብ ተቓውሞ ገጢሞዎ Public Domain  — መቐለ — ምምሕዳር ከተማ መቐለ ክሳብ ኲናት ኢትዮ ኤርትራ ብዝነበሮም ተሳትፎ  ናይ አካል ጉድኣት ዘጋጠሞም  ልዕሊ 1- ሽሕ  አባላት ሰራዊት መሬት መንበሪ ንምሃብ ዝተለሞ ሓረስቶት ንክመዛበሉን ነበርቲ እውን ዝብትን ኣካይዳ እዩ ብምባል  ውደብ ትንሳኤ ሰብዓ እንደርታ ተቓዊሙ።  ሓላፊ ርክብ ህዝቢ እቲ ውድብ ኣብርሃም ፅጌ ኣብ ዝሃብዎ መግለፂ “ብሽም ጉድኣት ጉድኣት ኲናት ወራር መሬት ይፍፀም ኣሎ” ኢሎም። ሓላፊ ቤት ፅሕፈት ምሕደራን ቑፅፅርን መሬት ከተማ መቐለ ኣይተ ገብረሚካኤል እኑን፣ ንጉድኣት ኲናት ብሕጊ መሰረት ንመንበሪ ገዛ መሬት ከምዝወሃቦም ብምግላፅ ካብ ገጠር ናብ ከተማ ኣብ ዝክለሉ ከባቢታት ዝነብሩ ሓረስቶት ናብርኦምም ንምምሕያሽ ብዘኽእል መንገዲ ክስራሕ እዩ ኢሎም።   ... ድምጺ ኣመሪካ 1 w ⟶
ጊዝያዊ ምምሕዳር ክልል ትግራይ ብዶ/ር ደብረጽየን ንዝምራሕ ጉጅለ ህወሓት ብዕልዋ መንግስቲ ከሲሱ Public Domain  — መቐለ — ጊዝያዊ ምምሕዳር ክልል ትግራይ ብዶክተር ደብረፅዮን ገብረሚካኤል ዝምራሕ ጉጅለ ህወሓት “ብዕሊ ዕልዋ መንግስቲ የካይድ ኣሎ” ክብል  ከሲሱ። እቲ ምምሕዳር ትማሊ ሰንበት 1 ሕዳር 2017 ዓ.ም ኣብ ዘውጽፀኦ መግለፂ ምስ ዝኾነ ኣካል ናብ ልዝብ ንምቕራብ ድልው ምዃኑ ብምግላፅ ጉዳይ ክፍፍል ስልጣን ግን ናብ ልዝብ ዝቐርብ ኣይኮነን ኢሉ። ኣብቲ ጉዳይ ብዶክተር ደብረፅዮን ገብረሚካኤል ካብ ዝምራሕ ጉጅለ ህወሓት ምላሽ ንምርካብ ብኣካል ብምቕራብን ስልኪ ብምድዋልን ዝገበርናዮ ፃዕሪ ኣይሰመረን። ምስዚ ተተሓሒዙ ኣብቲ ክልል ዝርከቡ ሸውዓተ ትካላት ሲቪክ ማሕበረሰብ ኣብ ጉዳይ ክልል ትግራይ ዋዕላ ድሕሪ ምክያድ ኣብዘውፅኦ መግለፂ፣ ኣብ ሞንጎ ኣመራርሓ ህወሓት ዘሎ ክፍፍል ንምትግባር  ስምምዕ ፕሪቶርያ ዕንቅፋት ኮይኑ ኢሎም። እዚ ዝኸውን ዘሎ ኣብ መንጎ መሪሕነት ህወሓት ዘሎ ፍልልይ ብልዝብ ክዛዘም እቶም መሪሕነት ቃል ድሕሪ ምእታዎም በቲ ኣብቲ ክልል ዝርከቡ መራሕቲ ሃይማኖት ምግላጹ ድሕሪ 10 መዓልታት'ዩ።   ... ድምጺ ኣመሪካ 1 w ⟶
ኣብ ማእሰርቲ ዝርከብ ኤርትራዊ ሽወደናዊ ጋዜጠኛ ሽልማት መሰላት ሽወደን ተዓዊቱ Public Domain  — ዋሽንግተን — ኣብ ኤርትራ ንልዕሊ 23-ዓመታት ኣብ ማእሰርቲ ዝርከብ ኤርትራዊ ሽወደናዊ ጋዜጠኛ ንመሰል ነፃነት ሓሳብካ ምግላፅ ብዝገበሮ ቃልሲ ተዓዋቲ  ሽልማት መሰላት ሽወደን ከምዝኾነ ነቲ ሽልማት ዝሃበ ኣካል ኣፍሊጡ። ዳዊት ኢሳቅ ካብ መንጎ’ቶም ኣብ መስከረም 2001 ዝተኣስሩ ብዓሰርተታት ዝቑጸሩ ላዕለዎት ሰብ መዚን ጋዜጠኛታትን’ዩ። ኤደልስታም ፋዉንደሽን ኣብ መግለጺኡ “ብናጽነት ሓሳብካ ኣብ ምግላፅን ኣብ ምኽባር  እምነትን ሰብኣዊ መሰላትን ንዝገበሮ ብሉፅ ኣበርክቶ ሽልማት ኤደልሳትም ተሸሊሙ’ሎ” ክብል ኣፍሊጡ።    ዓለምለኸ ትካል ተሓላቂ መሰላት ኣምስት ኢንተርናሽናል ዳዊት ኢሳቅ ናይ ሕልና እሱር’ዩ ክብሎ ከሎ ተሓላቂ መሰል ጋዜጠኛታት ዶብ ኣልቦ ጋዜጠኛታት ከኣ ንሱን ምስኡ ኣብ ተመሳሳሊ ግዜ ዝተኣስሩ ብጾቱ ጋዜጠኛታትን ኣብ ዓለም እቲ ዝነውሐ እዋን ዝተኣሰሩ ጋዜጠኛታት'ዮም ኢሉ። ክኢላታት ሰብኣዊ መሰላት ሕቡራት ሃገራት ኤርትራዊ ሽወደናዊ ጋዜጠኛ ዳዊት ኢሳቅ ብህጹፅ ክፍታሕ ሓቲቶም’ለዉ። ኤርትራ ብዛዕብኡ ዝሃበቶ ሓበሬታ የለን። ምናልባት’ዉን ብህይወት የለን ይኽውን ዝብል ስግኣት ኣሎ። ኣብዚ ሕጂ እዋን ዳዊት ኢሳቅ ዕድሚኡ 60-ዓመት’ዩ። ነቲ ሽልማት ጓሉ ቤተልሄም ኢሳቅ ኣብ ስቶክሆልም ኣብ ዝመፅእ 19 ሕዳር ክትቅበሎ’ያ።   ... ድምጺ ኣመሪካ 1 w ⟶
ፖለቲካዊ ፓርትታት ክልል ትግራይ ንመግለጺ ሚንስተር ጉዳያት ወጻኢ ኣመሪካ ይቃወሙ Public Domain  — መቐለ — ስምምዕ ንዘላቒ ተጻብኦታት ፕሪቶሪያ ካልኣይ ዓመቱ ኣብ ዘቑጸረሉ መግለጺ ዝሃቡ ሚንስተር ጉዳያት ወጻኢ ጉዳያት ኣመሪካ ኣንቶኒ ብሊንከን፡ ኣብ ጉዳይ ምምላስ ተመዛበልቲ ኣመልኪቶም ዝጠቐሱዎ ብወገን ክልል ትግራይ ናይ ተቓውሞ መግለጺ ኣስዒቡ ኣሎ። ብሊንከን ኣብ መግለጺኦም፡ “ተመዛበልቲ ናብ መንበሪታቶም ተመሊሶም፡” ንዝበሉዎ ውድብ ህወሓት፡ ውድብ ሳልሳይ ወይነን ውድብ ናጽነት ትግራይን መግለጺ ብሊንከን፡ ብሕልፊ ኣብ ምዕራብ ትግራይ ምስቲ ክውንነት ዘይሳነ’ዩ ኢሎም። ... ድምጺ ኣመሪካ 1 w ⟶
ኣብ ክልል ኣምሓራ ምስ ኣዋጅ ህጹጽ ግዜ ዝተቐየዱ ናይ ፖለቲካ እሱራት ንኻልኣይ እዋን ናብ መጋብኣያ ቀሪቦም Public Domain  — ኣዲስ ኣበባ — ካብ ወርሒ ነሓሰ ናይ ዝሓለፈ ዓመት ኣትሒዙ ኣብ ክልል ኣምሓራ ብዝተሓላለፈ ኣዋጅ ህጹጽ እዋን ዝተሓሓዝ ኣብ ማእሰርቲ ዝርከቡ 14 ዜጋታት ሎሚ ዓርቢ 8 ሕዳር 2024 ንኻልኣይ እዋን ኣብ መጋብኣያ ቀሪቦም፡ ቃሎም ሂቦም። እዞም ከም ኣባል ፓርላማ ክርስትያን ታደለን ኣባል ቤት ምኽሪ ክልል ኣምሓራ ዮሃንስ ቧያለውን ዝርከቡዎም ናይ ፖለቲካ እሱራት ኣብቲ ተሓለቕቲ ሰብኣዊ መሰላት “ወታሃደራዊ መዳጎኒ” ኢሎም ዝጽውዑዎ ቤት ማሕቡስ ኣዋሽ ኣርባ’ዮም ፈለማ ተታሒዞም ነይሮም። ድሒሮም ናብ ኣዲስ ኣበባ ዝገዓዙ እሱራት፡ ኣብቲ ሎሚ ዝተኻየደ ከይዲ ምስማዕ፡ ኣብቲ ቤት ማእሰርቲ ስእነት መሰረታዊ ቀረባት ከም ሕክምና ከም ዘሎ ተዛሪቦም። ቤት ፍርዲ እቶም እሱራት ጠለባት ሕክምና ክማልኣሎም ኣዚዙ ኣሎ። እቶም እሱራት ኣቐዲሞም ሓንሳብ ናብ ቤት ፍርዲ ቀሪቦም ምንባሮም ዝዝከር’ዩ። እንተዀነ እቲ ቤት ፍርዲ ንዓመታዊ ዕረፍቲ ስለ ዝተዓጽወ፡ ሎሚ’ዮም ንኻልኣይ እዋን ቀሪቦም። ዳኛ ንኮሚሽን ሰብኣዊ መሰላት ኢትዮጵያ ንጉዳዮም መርሚሩ ጸብጻቡ ከቕርብ ሓቲቱ ኣሎ። ፈደራላዊ ቤት ፍርዲ ንዝመጽእ 30 ሕዳር (ድሕሪ ኣስታት 20 መዓልታት ምዃኑ’ዩ) ጉዳዮም ክስምዕ ትእዛዝ ሂቡ ኣሎ። ፈለማ ን10 ኣዋርሕ ዝሓለፈ ናይ ህጹጽ እዋን ኣዋጅ ግዜኡ ኣብ ወርሒ ሰነ ዘብቕዐ ኰይኑ፡ ዛጊት ግን ምስኡ ተኣሳሲሩ ዝመጽአ መሰረታዊ ለውጢ ዛጊት የሎን።     ... ድምጺ ኣመሪካ 1 w ⟶
ዝመጽእ ምምሕዳር ትራምፕ ክወስዶ ዝኽእል ፖሊሲታትን -- ትንታነ Public Domain  — ዋሽንግተን — ዶናልድ ትራምፕ ኣብዚ ምርጫ ብዓብለሊ ድምጺ ምዕዋቱ እምበኣር ንገለ ኣድመጽቲን ናይ ማዕዶ ተዓዘብቲን ኣገሪሙ ክኸውን ይኽእል’ዩ። ኣብ እዋን ጎስጓስ ወፍሪ ምርጫ ትራምፕ፡ እንተ ተመሪጹ ከተግብሮም ምዃኑ ቃል ዝኣተወ ብዙሓት ወገናት ከም ምስጓግ ዘይሕጋውያን ስደተኛታት፡ ንኣመሪካ ዘቐደመ ፖሊሲን ንተኽእሎታት ምንጻል ኣመሪካ ካብ ዓለማዊ መድረኻትን ካልእን ይርከቦም። ዝመጽእ ምምሕዳር ትራምፕ ከመይ ክመስል ከም ዝኽእል እምበኣር ንሰለስተ ንምርጫ ኣመሪካ ብቐረባ ዝከታተሉ ዓዲምና ኣሎና። ... ድምጺ ኣመሪካ 1 w ⟶
ኣምንስቲ - ኣብ ክልል ኣምሓራ ንወርሒ ዝቐጸለ ጃምላዊ ማእሰርቲ ብኣሽሓት ዝቑጸሩ ሰባት ደው ክብል ጸዊዑ Public Domain  — ዋሽንግተን — ፌደራል ሰራዊት ኢትዮጵያን ክልላዊ ሓይሊ ኣምሓራን ዘካይድዎ ንኣዋርሕ ዝቀጸለ ጅምላዊ ማእሰርቲ ብኣሽሓት ዝቑጸሩ ሰባት ደው ክብል ኣምነስቲ ኢንተርናሽናል ጸዊዑ። ዳይሬክተር ኣምነስቲ ኢንተርናሽናል ጨንፈር ምብራቕን ደቡብን ኣፍሪቃ ቲገሬ ቻጉታ  “ኢትዮጵያ ንሃገራዊ ዞባዊን ዓለምለኻዊን ሰብኣዊ መሰላት ናብ ዘይተኽብረሉ ደረጃ በጺሓ ኣላ፣ ኣብ’ዘን ዝሓለፋ ሓሙሽተ ዓመታት ኣብ’ቲ ክልል ብሰንኪ ይትግበር ዘሎ ኣዋጅ ህጹጽ እዋን ንጃምላዊ ማእሰርቲን፣ ንሰላማዊ ተቃወምቲ ንምቁጽጻር ከም መሳርሕ ኣብ ረብሓ ውዒሉ እዩ” ይብል ። ኣምነስቲ ኢንተርናሽና ኣባላት ትካላት ፍትሒን ምሁራትን እውን ግዳያት እቲ ማእሰርቲ ኮይኖም ኣለው ይብል። እቲ መግለጺ ብሰንኪ ዝሃብዎ ፍርዲ 35 ዳያኑ ተኣሲሮም፣ ኣብ ልዕሊኦም ምፍርራህ ይውስኽ ኣሎ ይብል። ... ድምጺ ኣመሪካ 1 w ⟶
ኣምንስቲ ኣብ ክልል ኣምሓራ ንወርሒ ዝቐጸለ ጃምላዊ ማእሰርቲ ብኣሽሓት ዝቑጸሩ ሰባት ደው ክብል ጸዊዑ Public Domain  — ዋሽንግተን — ፌደራል ሰራዊት ኢትዮጵያን ክልላዊ ሓይሊ ኣምሓራን ዘካይድዎ ንኣዋርሕ ዝቀጸለ ጅምላዊ ማእሰርቲ ብኣሽሓት ዝቑጸሩ ሰባት ደው ክብል ኣምነስቲ ኢንተርናሽናል ጸዊዑ። ዳይሬክተር ኣምነስቲ ኢንተርናሽናል ጨንፈር ምብራቕን ደቡብን ኣፍሪቃ ቲገሬ ቻጉታ  “ኢትዮጵያ ንሃገራዊ ዞባዊን ዓለምለኻዊን ሰብኣዊ መሰላት ናብ ዘይተኽብረሉ ደረጃ በጺሓ ኣላ፣ ኣብ’ዘን ዝሓለፋ ሓሙሽተ ዓመታት ኣብ’ቲ ክልል ብሰንኪ ይትግበር ዘሎ ኣዋጅ ህጹጽ እዋን ንጃምላዊ ማእሰርቲን፣ ንሰላማዊ ተቃወምቲ ንምቁጽጻር ከም መሳርሕ ኣብ ረብሓ ውዒሉ እዩ” ይብል ። ኣምነስቲ ኢንተርናሽና ኣባላት ትካላት ፍትሒን ምሁራትን እውን ግዳያት እቲ ማእሰርቲ ኮይኖም ኣለው ይብል። እቲ መግለጺ ብሰንኪ ዝሃብዎ ፍርዲ 35 ዳያኑ ተኣሲሮም፣ ኣብ ልዕሊኦም ምፍርራህ ይውስኽ ኣሎ ይብል። ... ድምጺ ኣመሪካ 1 w ⟶
ኣብ ኣዲስ ኣበባ ክካየድ ዝቐነየ ዋዕላ ኣብ ጉዳይ ጥምየት ተዛዚሙ Public Domain  — ዋሽንግተን — መራሕቲ ሃገራት ኣፍሪቃን ሕቡራት ሃገራትን ብደረጃ ዓለም ንዘጋጥም ጥምየት ብሓባር ንምምካት ክስራሕ ጸዊዖም። እቶም መራሕቲ ሃገራት ነዚ ዝበሉ ኣብ ኣዲስ ኣበባ ይሳለጥ ኣብ ዝቐነየ ዋዕላ ኣብ ጉዳይ ካብ ጥምየት ናጻ ዝኾነት ዓለም ኾይኑ እቲ ዋዕላ ሎሚ ሓሙስ  7 ሕዳር 2024 ተዛዚሙ ኣሎ። ዳይሬክተር ኢንዱስትሪያዊ ምዕባለ ሕቡራት ሃገራት ገርድ ሙለር ኣብቲ ዋዕላ  ዘስምዕዎ መደረ ዝማዕበላ ሃገራት ትሑት ተገዳስነት ስለዘርእያን፣ ኣብ ሳልሳይ ዓለም ብዝረኣ ክሊማዊን ፖለቲካዊን ቅልውላው  ንሓደጋ ጥምየት ብሚልዮናት ዝቑጸሩ ሰባት ጠንቂ ይኸውን ኣሎ ኢሎም። ሕብረት ኣፍሪቃ ብወገኑ ሃገራት ኣፍሪቃ፣ መበገሲ ሓደጋ ጥምየት እናኾነ ይመጽእ ንዘሎ ፖለቲካዊ ቅልውላው ብሰላማዊ ኣገባብ ንክፈትሑ ጸዊዑ ኣሎ።  መራሕቲ ኢትዮጵያ፣ ኬንያ፣ ጊኒ፣ ሴራልዮን፣ ሕቡራት ዓረብ ኢማረትን ካልኦት ሃገራትን ኣብቲ ኣብ ኣዲስ ኣበባ ዝርከብ ሙዝየም ዓድዋ ዝተካየደ ዋዕላ ምስታፎም ተፈሊጡ’ሎ። ቀ/ሚ ኣብይ ኣሕመድ ድማ ጥምየት ንምብዳህ ሓባራዊ ጻዕሪ ኣገዳሲ እዩ ክብሉ ኣብቲ ዋዕላ ተዛሪቦም። ... ድምጺ ኣመሪካ 1 w ⟶
ርእይቶ ነበርቲ ኣስመራ ኣብ ምዕዋት ዶናልድ ትራምፕ Public Domain  — ኣስመራ — ዶናልድ ትራምፕ ንመበል 47 ፕረዚደንት ኣመሪካ ኾይኑ ድሕሪ ምምራጹ፡ ድምጺ ኣመሪካ ዘዘራረቦም ነበርቲ ኣስመራ፡ ብውጽኢት እቲ ምርጫ ዝተሰምዖም ሓጎስ ኣካፊሎም ኣለዉ። እቶም ወሃብቲ ርእይቶ፡ ዶናልድ ትራምፕ ኣብ ናይ ካልኦት ሃገራት ጉዳይ ጣልቃ ስለ ዘይኣቱ፡ ንኤርትራ’ውን ብተመሳሳሊ ተጽዕኖ ካብ ምፍጣር ከድሕና ከም ዝኽእል ይኣምኑ። ምሉእ ትሕዝቶ ኣብዚ ምስማዕ ይክኣል።   ... ድምጺ ኣመሪካ 2 w ⟶
ርእይቶ ነበርቲ መቐለ ድሕሪ ምምራጽ ትራምፕ Public Domain  — መቐለ — ምምራጽ ዶናልድ ትራምፕ ዝፈለጡ ነበርቲ ከተማ መቐለ፡ እቲ ዝቕጽል ምምሕዳር ኣብ ጉዳያት ክልል ትግራይ ዝሓሸ ጽምጾ ክህልዎ ዘለዎም ተስፋ ይገልጹ። ገለ ግን ጓል-ኣንስተይቲ መራሒት ክትመጽእ’ውን ድሌቶም ምንባሩ ይሕብሩ።  ... ድምጺ ኣመሪካ 2 w ⟶
ዶናልድ ትራምፕ ፕረዚደንት ኣመሪካ ኰይኑ ተመሪጹ፡ ሰልፊ ርፓብሊካውያን ዓብላልነት ሰነት ኣውሒሱ Public Domain  — ዋሽንግተን ዲሲ — ትማሊ ሰሉስ ኣብ ዝተኻየደ ምውሃብ ድምጺ፡ ሕጹይ ርፓብሊካዊ ተወዳደሪን ናይ ቅድም ፕረዚደንትን ዶናልድ ትራምፕ 277 ድምጺ ተወካሎ (ኤለክስቶራል ቮት) ብምርካብ ንዝመጽእ ኣርባዕተ ዓመታት ፕረዚደንት ኣመሪካ ምዃኑ ኣውሒሱ። ትራምፕ ኣብተን ወሰንቲ ዝብሃላ ክፍለ-ሃገራት ፐንሲልቫንያን ጆርጂያን ድሕሪ ምዕዋቱ፡ እቲ ምቝጻር ድምጺ ብምሉእ ብምሉእ ኣብ ገለ ክፍለ-ሃገራት ከይተኣወጀ’ውን’ዩ ዓውቱ ኣረጋጊጹ። እዚ ከምዚ ኢሉ እንከሎ ሰልፊ ርፓብሊካውያን ንላዕለዋይ ባይቶ (ሰነት) ኣመሪካ’ውን ተቖጻጺሮም ኣለዉ። ሰነት ንዝሓለፉ ኣርባዕተ ዓመታት ብሰልፊ ደሞክራሲያውያን’ዩ ተዓብሊሉ ጸኒሑ። እንተዀነ ውጽኢት ቤት ምኽሪ ኣመሪካ ዛጊት ወግዓዊ ኣይኰነን ዘሎ። እንተዀነ ኣብዚ'ውን ሰልፊ ርፓብሊካውያን መሪሕነት ሒዞም ኣለዉ። መራሕቲ በበይነን ሃገራት ድሮ ንትራምፕ ናይ ዮሃና መልእኽቲ ሰዲዶም ኣለዉ። ካብ መንጎኦም ናይ እስራኤል በንያሚን ናታያሁ፣ ፕረዚደንት ፈረንሳይ ኢማኑወል ማክሮን፡ መራሒ ጀርመን ኦላፍ ሾልዝ፡ ፕረዚደንት ብራዚል ሉላ ዳ ሲልቫን ፕረዚደንት ዩክሬን ቮልድይመር ዘለንስኪን ይርከቡዎም። ዋና ጸሓፊ ኪዳነ ሰሜን ኣትላንቲክ (ኔቶ) ጀነራል ማርክ ሩት'ውን ምስ ትራምፕ ኰይኖም "ንዓለም ሰላም ኣብ ምስፋን ሓቢሮም ክሰርሑ" ዘለዎ ድሉውነት ገሊጹ። ትራምፕ ኣብ ወፍሪ ምርጫ ተሪር መደረ ከስምዕ ዝጸንሐ ኰይኑ፡ ኣብቲ ረቡዕ ወጋሕታ ምዕዋቱ ምስ ኣረጋገጸ ግን “ዝሓለፈ ፍልልይ ኣብቂዑ፡ ብሓባር ክንሰርሕን ኣብ መንጎ ዘሎ ጋግ ኣጽቢብና ንሃገርና ከነቕድምን እጽውዕ፡” ክብል ተዛሪቡ። ሓድሽ ምሩጽ ፕረዚድነት 20 ጥሪ ቃለ-ማሕላ ብምፍጻም ወግዓዊ ስራሑ ክጅምር'ዩ። ዶናልድ ትራምፕ መበል 45 ፕረዚደንት ኣመሪካ ኰይኑ ካብ 2017 ክሳብ 2021 ዘገልገለ'ዩ። ብ6 ጥሪ 2021 ንወግዓውነት ውጽኢት ምርጫን ስዕረቱን ስለ ዘይተቐበለ ግን ብዙሕ ኣዘራሪቡ'ዩ። ኣብ እዋን ወፍሪ ምርጫኡ ኣብ ፖሊሲ ወጻኢ፡ "ቀዳምነት ኣመሪካ" ብምባል ምስ ናይ ደገ መሻርኽቲን መሓዙትን ዘለዎ ዝምድና ከይበትኽ ንብዙሓት ሃገራትን ከም ኪዳን ኔቶን ኣሻቓሊ ኰይኑ ጸኒሑ'ዩ። ... ድምጺ ኣመሪካ 2 w ⟶
ደሞክራሲያውያን’ዶ ርፓብሊካውያን? ርእይቶ ኣድማጺ Public Domain  — ኦክላንድ — ከተማ ኦክላንድ ካሊፎርኒያ፡ ፕረዚደንታዊት ተወዳዳሪት ካማላ ሃሪስ ዝመጽኣትላ ከም ምዃና መጠን፡ ኣብዚ ናይ ሎሚ ዓመት ምርጫ ፍሉይ ኣተኵሮ ኣለዋ። ርእይቶኡን ንምምራጽ ፕረዚደንት ኣብ ግምት ዘእትዎ ነጥብታትን ዘካፈለና ምሁር ሕጊ ኣቶ ኢሳያስ ሃይለማርያም፡ ድጋፉ ንካማላ ሃሪስ ምዃኑ’ዩ ዝገልጽ። እንተዀነ ግድን ኣብ መስመር ደሞክራሲያውያን ከም ዘይምረጽ’ውን ምስ ምኽንያታቱ ኣካፊሉና ኣሎ። ... ድምጺ ኣመሪካ 2 w ⟶
ርእይቶ ነበርቲ ከተማ ኦክላንድ ኣብ ምርጫ ኣመሪካ Public Domain  — ኦክላንድ — ከተማ ኦክላንድ ካሊፎርኒያ፡ ሕጽይቲ ፕረዚደንታዊት ተወዳዳሪት ካማላ ሃሪስ ዝመጽኣትላ ከም ምዃና መጠን፡ ኣብዚ ናይ ሎሚ ዓመት ምርጫ ፍሉይ ኣተኵሮ ኣለዋ። ድምጺ ኣመሪካ ዘዘራረቦም ነበርቲ እታ ከተማ ግን ካብ ጓል ከተማኦም ምዃን ኣብ ፖሊሲታት ምምሕዳራ ተመርኲሶም ድምጺ ከም ዝህቡ ይዛረቡ። ክፍላይ ሃብተን ዓብደላ ስፋፍን ድማ ካብቲ ንምርጫ ዘቕድሙሉ ምኽንያት ኣካፊሎምና ኣለዉ። ... ድምጺ ኣመሪካ 2 w ⟶
ምርጫ ኣመሪካ ካብ ማዕዶ -- ወሃብቲ ርእይቶ ኣስመራን መቐለን Public Domain  — ኣስመራ/መቐለ — ምርጫ ኣመሪካ ኣብ ምሉእ ዓለም ብማዕረ ዝጸሉ ምዃኑ ርዱእ'ዩ። ማዕረኡ ድማ ነተን ኣብ ተደጋጋሚ ዘይምርግጋእ ዝርከባ ሃገራት ኤርትራን ኢትዮጵያን እቲ ውጽኢት ምርጫ ንሰላም መንገዲ ዘርሑ ክኸውን'ዮም ድምጺ ኣመሪካ ዘዘራረቦም ነበርቲ ኣስመራን መቐለን ዝምሕጸኑን ዝትስፈዉን።  ... ድምጺ ኣመሪካ 2 w ⟶
ኣመሪካ፡ ብኹነታት ጸጥታ ኢትዮጵያ ሻቕሎታ ትገልጽ Public Domain  — ዋሽንግተን — ሚኒስተር ጉዳያት ወጻኢ ኣመሪካ ኣንቶኒ ብሊንከን ምስ ቀዳማይ ሚኒስተር ኢትዮጵይ ኣቢይ ኣሕመድ ኣብ ዘካየድዎ ናይ ቴለፎን ዝርርብ፡ ኣመሪካ ብኹነታት ኣብ ኢትዮጵያ ዝርአ ዘሎ ስእነት ጸጥታ ከቢድ ስክፍታ ከም ዘለዋ ብንሊከን ሓቢሩ። ብሊንከንን ኣቢይን ብምኽንያት ካልኣይ ዓመቱ ብ2 ሕዳር ዘቑጸረ ስምምዕ ንዘላቒ ተጻብኦታት ፕሪቶሪያ’ዮም ነዚ ዝርርብ ኣካዪዶም። ኣብቲ ካብ ቤት ጽሕፈት ሚኒስትሪ ጉዳያት ወጻኢብስም ቤት ጽሕፈት ኣንቶኒ ብሊንከን ዝወጽአ ናይ ጽሑፍ መግለጺ፡ እቲ ኣመሪካዊ በዓል-ስልጣን ኣብ ክልል ኣምሓራ ዝርአ ዘሎ ቀጻሊ ጎንጺ ከም ዘተሓሳሰቦ ብምጥቃስ፡ ኣብ በበይኑ ወገናት እታ ሃገር ንዝርአ ዘሎ ጎንጽታት ብሰላማዊን መገዲን ዘተን ክዓርፍ ጸዊዑ። ክልቲኦም መራሕቲ ብዛዕባ ዞባዊ ዘይምርግጋእን ተርእዮታት ምትፍናንን’ውን ምዝርራቦም ወሃብ-ቃል ሚኒስትሪ  ጉዳያት ወጻኢ ኣመሪካ ማት ሚለር ሓቢሩ። ኣብ መንጎ ሰራዊት ፈደራልን ዕጡቓት ሚሊሻ ክልል ኣምሓራን ብዝተራእየ ምትፍናን፡ መንግስቲ ኢትዮጵያ ካብ ሚያዝያ 2023 ኣትሒዙ ብረት ናይ ሚሊሻ ዳግመ-ስርርዕ መምርሒ ድሕሪ ምውራዱ፡ ክልል ኣምሓራ ኣብ ቀጻሊ ጎንጺ’ዩ ጸኒሑ። ካብ ነሓሰ ናይ ዝሓለፈ ዓመት ኣትሒዙ ድማ መንግስቲ ኢትዮጵያ ብፍሉይ ኣብ ክልል ኣምሓራ ናይ ህጹጽ እዋን ሓደጋ ኣዊጁ’ዩ። ገደብ ግዜ እቲ ናይ ህጹጽ እዋን ደኣ የብቅዕ እምበር፡ እቲ ጎንጺ ግን ገና ኣይሃድአን።     ... ድምጺ ኣመሪካ 2 w ⟶
ኤርትራውያን ነበርቲ ኢትዮጵያ፡ ንመውጽኢ ቪዛ ክሳብ 4-ሽሕ ዶላር ከምዝኸፈሉ ይዛረቡ Public Domain  — ኣዲስ ኣበባ — ኣብ ኢትዮጵያ ዝነብሩ ኤርትራውያን ካብታ ሃገር ንምውጻእ ብኣገልግሎት ኢሚግሬሽንን ዜግነትን ኢትዮጵያ ክሳብ 4-ሽሕ ዶላር ዝኸውን ክፍሊት ይሕተቱ ከም ዘለዉ ገሊፆም። ድምጺ ኣመሪካ ዘዘራረቦም እቲ ክፍሊት ካብ መዓልቲ ናብ መዓልቲ ከም ዝፈላለ ይገልፁ። እቲ ትካል ብወገኑ እቲ ዝተጠቐሰ ክፍሊት ንመውፅኢ ቪዛ ዘይኮነስ፣ ኣብ ኢትዮጵያ ብዘይሕጋዊ ፍቓድ ንዝነበሩሉ ጊዜ ዝተወሰነ መቅጻዕቲ እዩ ብምባል መልሲ ሂቡ ኣሎ። ምሉእ ትሕዝቶ ኣብዚ ምስማዕ ይክኣል።     ... ድምጺ ኣመሪካ 2 w ⟶
ኣብ ምብራቕ ሸዋ ብውሑዱ 38 ሰባት ምቕታሎም ነበርቲ ገሊጾም Public Domain  — ድምጺ ኣመሪካ ዘዘራረቦም ነበርቲ ወረዳ ዱርጋ ናይ ምብራቕ ሸዋ፡ ብውሑዱ 38 ምቕታሎም ኣመልኪቶም። እቶም ቤተ-ሰቦም ዝሞቱዎም’ሞ ንድምጺ ኣመሪካ ዘተዛረቡ ዜጋታት፡ እቲ መጥቃዕቲ ብቛንቋ ኣፋን ኦሮሞ ዝዛረቡ ዕጡቓት ካብ ረቡዕ ኣትሒዙ ምፍጻሙ ገሊጾም። ናይቲ ከባቢ ምምሕዳር ብዛዕባ’ቲ ክስተት መግለጺ ኣየውጽአን። ስድራቤት ግዳያት ንድምጺ ኣመሪካ ኣብ ዝሃቡዎ ሓበሬታ፡ እቶም መጥቃዕቲ ዝፈጸሙ ብኣልማማ ነበርቲ ምቕታሎምን ኣባይቲ ምቅጻሎምን ገሊጾም። ካብ መንጎ’ቶም በቲ መጥቃዕቲ ዝተቐትሉ ነብሰ-ጾራት ኣንስቲን ቆልዓ-ሰበይቲን ከም ዝነበሩዎም’ውን መሰኻኽር ንድምጺ ኣመሪካ ሓቢሮም። ኣብቲ መጥቃዕቲ ዝተቐትሉ ተወላዶ ጉራጌ፡ ኣምሓራን ኦሮሞን ምዃኖም’ውን እቶም ድምጺ ኣመሪካ ዘዘራረቦም ነበርቲ ይገልጹ። ኣብ ምብራቕ ጉራጌ ሓላፊ ጸጥታን ሰላምን ዝዀነ ተካለኝ ዓሊ፡ ኣብ ክልል ማእከልይ ኢትዮጵያ ብሕልፊ ኣብ ልዕሊ ተወላዶ ጉራጌ ዝተፈጸመ ቅትለት “ኣስካሕካሒ” ክብል ገሊጹ። ነበርቲ ነቲ መጥቃዕቲ ዝፈጸሙ ኣባላት ሰራዊት ናጽነት ኦሮሞ ምዃኖም ይኸሱ። እቲ መጥቃዕቲ ኣብ ዝተፈጸመሉ እዋን ኣባላት ሰራዊት ፈደራልን ሓይሊ ጸጥታ ክልል ኦሮሚያን ንድሕነት ዘይምስላፎም’ውን ይኸሱ። እንተዀነ ኣብ ሰራዊት ናጽነት ኦሮሞ ላዕለዋይ መሪሕነት ዘለዎ ጂርግና ጉደታ ሰራዊቶም ነቲ መጥቃዕቲ ከም ዘይፈጸሞ ንድምጺ ኣመሪካ መሊሱ። እቲ ኣማኻሪ ላዕለዋይ መሪሕነት እቲ ዕጡቕ ሰራዊት ዝዀነ ጂርግና ሰራዊቶ ንሲቪላውያን ዜጋታት ዕላማ ከም ዘይገብር’ዩ ገሊጹ። ድምጺ ኣመሪካ ፈነወ ቀርኒ ኣፍሪቃ ካብ መንግስቲ ኢትዮጵያን ክልል ኦሮሚያን ብዛዕባ’ዚ መጥቃዕቲ ግብረ-መልሲ ንምስማዕ ዝገበሮ ተደጋጋሚ ፈተነ ኣይቀንዖን። ... ድምጺ ኣመሪካ 2 w ⟶
ሳይታማ ጃፓን ዘተኣናገደቶ ቅድመ-ውድድር ዙር ፈረንሳይ፡ ቢንያም ግርማይ ተዓዊቱ Public Domain  — ዋሽንግተን ዲሲ — ብኮሚተ ዙር ፈረንሳይ ዝስራዕን ስሙያት ተቐዳደምቲ ዓለም ዝሳተፉሉን ናይ ሓንቲ መዓልቲ ሳይታማ ጃፓን ኣብ ዝተኣናገደቶ ውድድር ኤርትራዊ ቢንያም ግርማይ ቀዳማይ ወጺኡ። ኣብዚ ሎሚ ቀዳም ዝተኣናገደ “ሳይታማ ክራይተርዩም” ተባሂሉ ዝጽዋዕ ናይ 61 ኪሎሜተር ውድድር፡ ኣብቲ ዝዓበየ ዙር ስጳኛ (ቮላታ ስጳኛ) ንኣርባዕተ እዋን ዝተዓወተ ስሎቫዊ ፕሪሞዝ ሮግሊክ ካልኣይ ክወጽእ እንከሎ፣ ን35 መድረኻት ዙር ፈረንሳይ ዝሰዓረ ማርክ ካቨንዲሽ ድማ ሳልሳይ ኣትዩ። ኣብዚ ናይ ሎሚ ዝናብ ዝበዝሖ ውድድር፡ ኣብ ዙር ፈረንሳይ ቢንያም ግርማይ ተኸቲሉ ንቐጠልያ ማልያ ዝወዳደር ዝነበረ በልጁማዊ ያስፐር ፊሊፕሰን ርብዓይ ኣትዩ ኣሎ። “ካብተን ዝበለጻ ናይ መዛዘሚ ሕንጻጽ ውድድረይ’ያ ነይራ፡” ኢሉ ቢንያም ግርማይ ድሕሪ ዓወቱ ኣብ ዝሃቦ ቃል። “ሎሚ ዲኻ ተዓዊትካ ትማሊ ብዘይገድስ፡ ክትዕወት እንከለኻ ከም ብሓድሽ ዝፍልፍል ሓጎስን ስምዒትን ኣሎ፡” ወሲኹ ወዲ 24 ቢንያም ግርማይ። ቢንያም ድሕሪ ዓውቱ’ውን ነቶም ደገፎም ንምርኣይ ዝተኣኻኸቡ ኤርትራውያን ደገፍቱ ምስጋናኡ ገሊጹ’ዩ። “ብሓቂ ክብሪ ይስመዓኒ። ንዝሓለፉ ሰለስተ ዓመታት ኣብ ዝተኻፈልኩሉ ውድድር ብዘይ ናይ ኤርትራውያን ድጋፍ ክወዳድር ኣይዝከረንን። ንሱ ድማ ተመሊሱ ሓይሊ’ዩ ዝውስኸለይ፡” ኢሉ። ኣብዚ ናይ ሎሚ ቀዳም ውድድር ሮግሊግ፡ መዛዘሚ ሕንጻጽ ንምብጻሕ ሰለስተ ኪሎ-ሜተር ምስ ተረፎ’ዩ ካብ መራሒት ጉጅለ ኣምሊጡ ከይዱ። እንተዀነ፡ ዓባይ ጉጅለ ምስ ኣርከበቶ፡ ኣቐዲሙ ሓይሉ ስለ ዝወድአ፡ ኣብቲ ዛዝሚ ሕንጻጽ’ውን ክንድቲ ምትህልላኽ ከየርኣየ’ዩ ንቢንያም ስዒቡ ካልኣይ ኣትዩ። ተዓዋቲ ቀጠልያ ማልያ ዙር ፈረንሳይ ናይዚ ዓመት ዝዀነ ቢንያም፡ ምስ ጋንታኡ ኢንተርማርሸ ዋንትይ ዝነበሮ ውዕል ኣናዊሑ’ዩ። ብኮሚተ ዙር ፈረንሳይ ኣብ ዝግበር ዓመታዊ ቅድመ-ውድድር ሳይታማ ክራይተርዩም፡ ኣብ ከተማ ሳይታማ ዝካየድ ናይ ሓደ መዓልቲ ውድድር ኰይኑ፡ ነቲ ዓቢ ዓለማዊ ተቐባልነት ዘለዎ ውድድር ናብ ዝሰፍሐ ተዓዛቢ ካልእ ክፋል ዓለም ንምብጻሑ ተባሂሉ ዝስራዕ’ዩ። ... ድምጺ ኣመሪካ 2 w ⟶
ምርጫ ኣመሪካ ብዓይኒ ኤርትራዊት ኣመሪካዊት ክኢላ ስነ-ኣከባቢ ፕሮ.ኣስመረት ኣሰፋው Public Domain  — ዋሽንግተን — ፕሮፈሰር ኣስመረት ኣሰፋው በርሀ፡ መምህርን ተመራማቲ ስነ-ኣከባቢን ኣብ ዩኒቨርስቲ መርሰድ ካሊፎርኒያ’ያ። ኣብዚ ዓውዲ ካብ ዘለዉ ተመራመርቲ ካብ ቀዳሞት እትጥቀስ ፕሮፈሰር ኣሰመረት ካብ 2022 ክሳብ 2024 ኣብ ምምሕዳር ባይደን-ሃሪስ ዳይረክተር ጨንፈር ሳይንስ ኣብ ክፍሊ ጸዓት ኣመሪካ ኰይና ዘገልገለት’ያ። ንፕሮፈሰር ኣሰመረት ኣብዚ ምርጫ ዘለዋ ትዕዝብቲ ከተካፍለና ሓቲትናያ ኣሎና። ተመራማሪት ስነ-ኣከባቢን ኣቐዲማ ኣብ መንግስታዊ ቤት ጽሕፈት ብዝለዓለ ሓላፍነት ከም ምስራሓን፡ ፖለቲካዊ ኣጠማምታኣ ኣብቲ ነዊሕ ዝሰርሓትሉ ደሞክራሲያዊ መስመር ምዃኑ ምዝካር የድሊ። ... ድምጺ ኣመሪካ 2 w ⟶
ኣብ ኣመራርሓ ህወሓት ንዘሎ ፍልልይ ንምሽምጋል መራሕቲ ሃይማኖት የቀራርቡ Public Domain  — መቐለ — ኣብ መንጎ ኣመራርሓ ህወሓት ዝተፈጠረ ኣፈላላይ ንምፍታሕ ኣብ ቀረባ እዋን ሰላማውን ፖለቲካዊን ልዝብ ንምክያድ እቶም መራሕቲ ቃል ከም ዝኣተዉ ኣብ ቀረባ እዋን ናይ ባዕሎም ሲኖዶስ ዝመስረቱ ሊቃነ ጳጳሳት ገሊፆም። ብዝተሓሓዝ ስምምዕ ምቁራጽ ተጻብኦ ፕሪቶርያ ካልኣይ ዓመቱ ኣብ ዘቑጽረሉ ድምፂ ኣመሪካ ዘዘራረቦም ነበርቲ ከተማ መቐለ ተስፋኦምን ስክፍታቶምን ኣካፊሎምና ኣለዉ። ... ድምጺ ኣመሪካ 2 w ⟶
ቍጠባ፡ ማሕበራዊ ክብርታትን መሰላትን ኣብ ምርጫ ኣመሪካ Public Domain  — ዋሽንግተን — ኣመሪካውያን ንዝውክሎም ፕረዚደንትን ሰልፊን ንምምራጽ በበይኑ ቅጥዕታት’ዮም ዝጥቀሙ። ገሊኣቶም ንቍጠባን ምርግጋእን ቀዳምነት ክህቡ እንከለዉ፡ ካልኦት ግን ፖሊሲ ዝምረጽ መራሒ ናብታ መበቆል ሃገሮም ዝዀነት ዓዲ’ውን ንዝህሉዎ ኣጠማምታ ኣብ ግምት ዘእትዉ’ዮም። ንሎሚ እምበኣር ካብ ኤርትራን ክልል ትግራይ ኢትዮጵያን ተወሊዶም፡ ሕጂ ዜጋታት ኣመሪካ ምስ ዝዀኑ ሰለስተ ዜጋታት ዝተገብረ ጻንሖት ከነቕርብ።   ኣማረ ይስሃቅ ተባሂሉ ዘሎ ኣማረ ሉቃስ ብዝብል ተኣሪሙ ክረኣ ብትሕትና ንሓትት። ... ድምጺ ኣመሪካ 2 w ⟶
ዕላል ምስ ጸሓፊ መጽሓፍ “ዳእላታት ገድሊ” እያሱ ኣሰፋው Public Domain  — ኣስመራ — እያሱ ኣሰፋው ኣብ ፈለማ ሰሙን ናይ ወርሒ ጥቅምቲ ‘ዳእላታት ገድሊ” ዘርእስታ ናይ ፈለማ መጽሓፉ ንህዝቢ ዘርጊሑ’ሎ። ደራሲ ነዚ ነቲ ዝኣከቦ ስራሕ ካብ 1978 ኣትሒዙ ካብ ብጾቱ ክእክቦ ዝጸንሐ ምዃኑ ይነግር። ደራሲ ከም ዝግለጾ፡ እዚ መጽሓፍ ብኻልእ ኵርናዑ’ውን ንህይወትን ናብራን ገድሊ ዝስንድ’ዩ። ... ድምጺ ኣመሪካ 2 w ⟶
ምርጫ ኣመሪካ ብዓይኒ ኤርትራዊት ኣመሪካዊት ክኢላ ስነ-ኣከባቢ Public Domain  — ዋሽንግተን — ፕሮፈሰር ኣስመረት በርሀ ኣሰፋው፡ መምህርን ተመራማቲ ስነ-ኣከባቢን ኣብ ዩኒቨርስቲ መርሰድ ካሊፎርኒያ’ያ። ኣብዚ ዓውዲ ካብ ዘለዉ ተመራመርቲ ካብ ቀዳሞት እትጥቀስ ፕሮፈሰር ኣሰመረት ካብ 2022 ክሳብ 2024 ኣብ ምምሕዳር ባይደን-ሃሪስ ዳይረክተር ጨንፈር ሳይንስ ኣብ ክፍሊ ጸዓት ኣመሪካ ኰይና ዘገልገለት’ያ። ንፕሮፈሰር ኣሰመረት ኣብዚ ምርጫ ዘለዋ ትዕዝብቲ ከተካፍለና ሓቲትናያ ኣሎና። ተመራማሪት ስነ-ኣከባቢን ኣቐዲማ ኣብ መንግስታዊ ቤት ጽሕፈት ብዝለዓለ ሓላፍነት ከም ምስራሓን፡ ፖለቲካዊ ኣጠማምታኣ ኣብቲ ነዊሕ ዝሰርሓትሉ ደሞክራሲያዊ መስመር ምዃኑ ምዝካር የድሊ። ... ድምጺ ኣመሪካ 2 w ⟶
"ኢትዮጵያ -- ዝሓለፉ 9 ኣዋርሕ 7.3 ሚልዮን ሰባት ዓሶ ሓሚሞም፡" ው/ጥ/ዓለም Public Domain  — ዋሽንግተን ዲሲ — ኣብዘን ዝሓለፋ 9 ኣዋርሕ ኣብ ኢትዮጵያ፣ ብሰንኪ ዓሶ ልዕሊ 7.3 ሚልዮን ሰባት ከምዝሓመሙን 1,157 ሰባት ከም ዝሞቱን ውድብ ጥዕና ዓለም ኣፍሊጡ። ዓሶ፡ ኣብታ ሰለስተ ኢድ መሬታ ዓሳው ዝዀነትይ ኢትዮጵያ ከቢድ ብድሆ ኮይኑ ኣሎ ምህላዉ ውድብ ጥዕና ዓለም ይሕብር። እቶም ብድሆታት ሕክምናዊ ቀረባት ምስኣን፡ ፈውሲ ዓሶ ዘይምርካብ፣ ኣብ ግጭት ዝኽሰተሎም ከባቢታት ኣገልግሎት ዝህቡ ትካላት ምውሓዶም ገሊኦም እዮም። ብዘይካዚ፡ ካልኦት ሕማማት ዝኽሰትሉ ኩነታትን ሰብኣዊ ቅልውላዋትን፣ ነቲ ጸገም ከምዝሓላለኾ እቲ ዜና ይሕብር። ውድብ ጥዕና ዓለም ኣብ ዝዘርገሖ ዜና፡ ዓሶን ካልኦት ሕማማትን ኣብ ጂቡቲ፡ ኤርትራ፡ ኬንያ፡ ሶማልያን ደቡብ ሱዳንን ከምዝተኸሰተ’ውን ጠቒሱ ኣሎ።   ... ድምጺ ኣመሪካ 2 w ⟶
"ኢትዮጵያ ኣፍደገ ባሕሪ ናይ ምርካብ ጻዕራ ብሰላማዊ መንገዲ ክትቅጽሎ'ያ" ቀ/ሚ ኣብይ ኣሕመድ Public Domain  — ኣዲስ ኣበባ — ኣብ መንጎ መንግስትን ዕጡቓት ፋኖን ምርድዳእ ንምፍጣር ሕብረት ኣፍሪቃን ካልኦት ዝተፈላለዩ ኣካላትን ጻዕሪ ምግባሮም ቀዳማይ ሚንስተር ኢትዮጵያ ኣቢይ ኣሕመድ ተዛሪቡ።  ንሱ ነዚ ዝበለ ሎሚ ካብ ኣባላት ቤት ምኽሪ ዝቐረበሉ ሕቶ ኣብ ዝመለሰሉ እዋን`ዩ።   ይኹን`ምበር ብዝተፈላለዩ ምኽንያታት እቲ ናይ ሰላም ጻዕርታት ከምዘይተዓወተ እቲ ቀዳማይ ሚንስተር ተዛሪቡ`ሎ። ብዛዕባ`ዚ ናይ ሰላም ዝርርብ ካብ ወገን`ቶም ዕጡቓት ዝተባህለ የለን።  ኢትዮጵያ ኣፍደገ ባሕሪ ናይ ምርካብ ጻዕራ ብሰለማዊ መንገዲ ከም ትቕጽሎ`ውን ኣብቲ እዋን ተዛሪቡ`ሎ። ኢትዮጵያ ምስ ርእሰ-ምምሕዳር ሶማሊላንድ ብዝፈረመቶ ናይ መረዳድኢ ሰነድ ምስ ሶማልያ ዝተፈጥረ ምስሕሓብ ዝተሓተተ ቀዳማይ ሚስንተር ኣቢይ፡ ኣፍደገ ባሕሪ ካብ ምርካብ ዝሓለፈ ምስ ሶማልያ ካልእ ኣጀንዳ የብልናን፡ ኣፍደገ ቀይሕ ባሕሪ ድልየትና`ውን ብሰለማዊ መንገዲ ንምዕዋት ጻዕርና ክንቅጽል ኢና ኢሉ። ብዛዕባ ዝምድና ኤርትራን ኢትዮጵያን ዝተሓተተ ቀዳማይ ሚንስተር ኣብይ ኣሕመድ ከምዚ ክብል ምላሽ ሂቡ።  “ ገለ ወረታት ይስማዕ`ዩ ግን ንሕና ንደልዮ ሰላም`ዩ። ካብኡ ወገን ዝመጽእ ነገር ክሳብ ዘይሃለወ ብናትና ተበግሶ ኣብ ልዕሊ ኤርትራውያን ኣሕዋትና ዝኾነ ነገር ኣይፍጸምን`ዩ” ኢሉ። ... ድምጺ ኣመሪካ 2 w ⟶
ቤት-ምኽሪ ከተማ መቐለ ንሽሞት ከንቲባ ኣፅዲቑ Public Domain  — መቐለ — ብፕረዚደንት ግዜያዊ ምምሕዳር ኣይተ ጌታቸው ረዳ ካብ ሓዱሽ መዝነቶም ንዝተኣገዱ ከንቲባ ከተማ መቐለ፡ ቤት ምኽሪ እታ ከተማ ሎሚ ሓሙስ ኣብ ዝገበሮ ህፁፅ ጉባኤ ኣፅዲቑ። ኣይተ ጌታቸው፡ ኣብ ቀረባ እዋን ከንቲባ ኰይኖም ብቤት ምኽሪ ንዝተመርፁ ዶክተር ረዳኢ በርሀ፡ ንመምርሒታት ግዜያዊ ምምሕዳር ኣይክተልን ብምባል’ዮም ንስልጣኑ ተቓዊመሞ ነይሮም። ... ድምጺ ኣመሪካ 2 w ⟶
"ኢትዮጵያ ኣፍደገ ባሕሪ ናይ ምርካብ ጻዕራ ብሰለማዊ መንገዲ ክትቕጽሎ'ያ" ቀ/ሚ ኣብይ ኣሕመድ Public Domain  — ኣዲስ ኣበባ — ኣብ መንጎ መንግስትን ዕጡቓት ፋኖን ምርድዳእ ንምፍጣር ሕብረት ኣፍሪቃን ካልኦት ዝተፈላለዩ ኣካላትን ጻዕሪ ምግባሮም ቀዳማይ ሚንስተር ኢትዮጵያ ኣቢይ ኣሕመድ ተዛሪቡ።  ንሱ ነዚ ዝበለ ሎሚ ካብ ኣባላት ቤት ምኽሪ ዝቐረበሉ ሕቶ ኣብ ዝመለሰሉ እዋን`ዩ።   ይኹን`ምበር ብዝተፈላለዩ ምኽንያታት እቲ ናይ ሰላም ጻዕርታት ከምዘይተዓወተ እቲ ቀዳማይ ሚንስተር ተዛሪቡ`ሎ። ብዛዕባ`ዚ ናይ ሰላም ዝርርብ ካብ ወገን`ቶም ዕጡቓት ዝተባህለ የለን።  ኢትዮጵያ ኣፍደገ ባሕሪ ናይ ምርካብ ጻዕራ ብሰለማዊ መንገዲ ከም ትቕጽሎ`ውን ኣብቲ እዋን ተዛሪቡ`ሎ። ኢትዮጵያ ምስ ርእሰ-ምምሕዳር ሶማሊላንድ ብዝፈረመቶ ናይ መረዳድኢ ሰነድ ምስ ሶማልያ ዝተፈጥረ ምስሕሓብ ዝተሓተተ ቀዳማይ ሚስንተር ኣቢይ፡ ኣፍደገ ባሕሪ ካብ ምርካብ ዝሓለፈ ምስ ሶማልያ ካልእ ኣጀንዳ የብልናን፡ ኣፍደገ ቀይሕ ባሕሪ ድልየትና`ውን ብሰለማዊ መንገዲ ንምዕዋት ጻዕርና ክንቅጽል ኢና ኢሉ። ብዛዕባ ዝምድና ኤርትራን ኢትዮጵያን ዝተሓተተ ቀዳማይ ሚንስተር ኣብይ ኣሕመድ ከምዚ ክብል ምላሽ ሂቡ።  “ ገለ ወረታት ይስማዕ`ዩ ግን ንሕና ንደልዮ ሰላም`ዩ። ካብኡ ወገን ዝመጽእ ነገር ክሳብ ዘይሃለወ ብናትና ተበግሶ ኣብ ልዕሊ ኤርትራውያን ኣሕዋትና ዝኾነ ነገር ኣይፍጸምን`ዩ” ኢሉ። ... ድምጺ ኣመሪካ 2 w ⟶
ምርጫ ኣመሪካ ብኣዒንቲ ነበርቲ ኣስመራ Public Domain  — ምርጫ ኣመሪካ፡ ኪንዮ ሃገራዊ ምርጫ ምዃኑ ፖሊሲታት ኣመሪካ ንብዙሓት ሃገራት ስለ ዝትንክፍ፡ ምርጫ ዓለም’ዩ እንተ ተባህለ’ውን ምግናን ኣይኰነን። ንሱ ስለ ዝዀነ ከኣ’ዩ ብዘይካ እቶም ኣብ ኣመሪካ ድምጾም ዝህቡ ዜጋታት፡ ኣብ ምሉእ ዓለም ዝርከቡ ዜጋታት ካልኦት ሃገራት’ውን ንኸይዲ እዚ ምርጫ ብቐረባ ዝከታተሉዎ። ድምጺ ኣመሪካ ዘዘራረቦም ነበርቲ ኣስመራ እምበር፡ ብዛዕባ’ዚ ሰሉስ ዝካየድ ምርጫ ርእይቶ ኣካፊሎምና ኣለዉ። ... ድምጺ ኣመሪካ 3 w ⟶
ብዂናት ሰሜን ኢትዮጵያ ንዝዓነዉ ትሕተ-ቅርፂ ቴለኮም ንምትዕርራይ መደብ ወፂኡ Public Domain  — ኣዲስ ኣበባ — ብሰንኪ ኲናት ሰሜን ኢትዮጵያ ጉድኣት ዝወረዶም ትሕተ ቅርፂ ቴሌኮም ዳግም ንምህናፅ ከም ዝሰርሕ በዓል-መዚ መራኸቢታት ኢትዮጵያ ኣፍሊጡ። ዋና ዳይሬክተር እቲ በዓል መዚ ኢንጂነር ባልቻ ሬባ ንድምፂ ኣመሪካ ኣብ ዝሃቡዎ ቃለመሕትት፡ ነቶም ብዂናት ዝዓነዉ ትሕተ ቅርፂ ቴሌኮም ንምትዕርራይ፡ ኣብ መዓስከር ስደተኛታት ኣገልግሎት ቴሌኮም ንምስፋሕን ዓለምለኻዊ መስመራት መራኸቢ ኢትዮጵያ ንምምሕያሽ ዘኽእሉ ስራሓት ንምስላጥ ናይ 80 ሚሊዮን ዶላር በጀት ከም ዝተታሕዘ ገሊፆም። ምሉእ ትሕዝቶ ኣብዚ ምስማዕ ይክኣል።   ... ድምጺ ኣመሪካ 3 w ⟶
Load More