ព័ត៌មានពេលព្រឹក ២៧ កក្កដា៖ អ្នកស្រី Harris ប្រាប់លោក Netanyahu ថា អ្នកស្រីមាន «ក្ដីបារម្ភយ៉ាងខ្ល...
Public Domain
— ព័ត៌មាននៅថ្ងៃនេះមានដូចជា អ្នកស្រី Harris ប្រាប់លោក Netanyahu ថា អ្នកស្រីមាន «ក្ដីបារម្ភយ៉ាងខ្លាំង» អំពីទំហំនៃការឈឺចាប់នៅហ្កាហ្សា។ លោក Obama និងភរិយាគាំទ្រអ្នកស្រី Harris ជាបេក្ខជនប្រធានាធិបតីខាងបក្សប្រជាធិបតេយ្យ និងព័ត៌មានផ្សេងៗទៀត៕
...
វិទ្យុសម្លេងសហរដ្ឋអាមេរិក
|
8 hr |
⟶
|
|
ប្រធានអង្គការសហប្រជាជាតិជំរុញពិភពលោកឱ្យបញ្ឈប់សង្គ្រាមក្នុងអំឡុងការប្រកួតកីឡាអូឡាំពិក
Public Domain
— អគ្គលេខាធិការអង្គការសហប្រជាជាតិលោក Antonio Guterres បានជំរុញឱ្យប្រទេសនានានៅជុំវិញពិភពលោកបញ្ឈប់សង្គ្រាម ដែលការជំរុញនេះគឺជាផ្នែកមួយនៃកិច្ចផ្អាកសង្គ្រាមដើម្បីកីឡាអូឡាំពិក (Olympic Truce) នៅពេលដែលកីឡាអូឡាំពិកនៅក្រុងប៉ារីស ប្រទេសបារាំង ឆ្នាំ ២០២៤ នេះបានចាប់ផ្ដើមកាលពីថ្ងៃសុក្រ។
...
វិទ្យុសម្លេងសហរដ្ឋអាមេរិក
|
12 hr |
⟶
|
|
លោក Obama និងភរិយាគាំទ្រអ្នកស្រី Harris ជាបេក្ខជនប្រធានាធិបតីខាងបក្សប្រជាធិបតេយ្យ
Public Domain
— អតីតប្រធានាធិបតីសហរដ្ឋអាមេរិកលោក Barack Obama និងលោកស្រី Michelle Obama ដែលជាភរិយារបស់លោក បានផ្តល់ការគាំទ្រដល់អ្នកស្រី Kamala Harris ជាបេក្ខជនប្រធានាធិបតីខាងបក្សប្រជាធិបតេយ្យ។ នេះបើយោងតាមសេចក្តីរាយការណ៍របស់ទីភ្នាក់ងារសារព័ត៌មានAP។
...
វិទ្យុសម្លេងសហរដ្ឋអាមេរិក
|
12 hr |
⟶
|
|
ហេតុអ្វីកម្ពុជាមានកីឡាករជាកូនកាត់បរទេស នៅក្នុងការប្រកួតកីឡាអូឡាំពិក ប៉ារីស២០២៤?
Attribution+
—
នៅក្នុងការប្រកួតកីឡាអូឡាំពិករដូវក្តៅ លើកទី៣៣ នៅទីក្រុងប៉ារីស មានកីឡាករបីរូបតំណាងប្រទេសកម្ពុជាដែលនៅក្នុងនោះ ពីររូបជាកូនកាត់ខ្មែរបរទេស។ នៅថ្ងៃពុធទី ២៤កក្កដា ពោលគឺនៅ២ ថ្ងៃមុនពិធីបើកសម្ពោធការប្រកួតកីឡាអូឡាំពិក ប៉ារីស ២០២៤ កីឡាករ និងគណៈប្រតិភូកម្ពុជាដឹកនាំដោយរដ្ឋមន្រ្តីក្រសួងអប់រំ និងគណៈកម្មាធិការជាតិអូឡាំពិកត្រូវបានទទួលស្វាគម នៅនិវេសនដ្ឋានឯកអគ្គរាជទូតនៅទីក្រុងប៉ារីស។ យើងស្តាប់បទយកការណ៍របស់ឈាង បុប្ផា
...
វិទ្យុបារាំងអន្តរជាតិ
|
12 hr |
⟶
|
|
កម្មវិធីព័ត៌មានប្រចាំថ្ងៃសុក្រ ទី២៦ ខែកក្កដា ឆ្នាំ២០២៤
Attribution+
វិទ្យុបារាំងអន្តរជាតិ
|
12 hr |
⟶
|
|
កីឡាអូឡាំពិក និង ឥទ្ធិពល នៃភូមិសាស្ត្រនយោបាយអន្តរជាតិ
Attribution+
—
កីឡាអូឡាពិក គឺ ជាព្រឹត្តិការណ៍កីឡាអន្តរជាតិ ដែលមានមនុស្សតាមដានច្រើងជាងគេបំផុត។ ជាក់ស្តែង នៅរៀងរាល់ការប្រកួត កីឡាអូឡាំពិកម្តងៗ មានអ្នកទស្សនាតាមកញ្ចក់ទូរទស្សន៍ មិនក្រោម ១ពាន់ ៥០០ លាននាក់ ពីជុំវិញពិភពលោក។ សារៈសំខាន់ និងប្រជាប្រិយភាព ដ៏ធំសម្បើមនេះហើយ ដែលជាមូលហេតុ នាំឲ្យកីឡាអូឡាំពិក តែងរងសម្ពាធ និង ឥទ្ធិពល ពីបរិបទភូមិសាស្ត្រនយោបាយសកល។
...
វិទ្យុបារាំងអន្តរជាតិ
|
12 hr |
⟶
|
|
អ្នកស្រី Harris ប្រាប់លោក Netanyahu ថា អ្នកស្រីមាន «ក្ដីបារម្ភយ៉ាងខ្លាំង» អំពីទំហំនៃការឈឺចាប...
Public Domain
— ប្រធានាធិបតីសហរដ្ឋអាមេរិកលោក Joe Biden កាលពីថ្ងៃព្រហស្បតិ៍បានជួបពិភាក្សាជាមួយនាយករដ្ឋមន្ត្រីអ៊ីស្រាអែលលោក Benjamin Netanyahu នៅពេលលោកទាំងពីរព្យាយាមពិភាក្សាលម្អិតអំពីសន្តិភាពជាអចិន្ត្រៃយ៍ដើម្បីបញ្ចប់ការឈឺចាប់នៅក្នុងតំបន់ហ្កាហ្សា។
...
វិទ្យុសម្លេងសហរដ្ឋអាមេរិក
|
13 hr |
⟶
|
|
បទសម្ភាសន៍ VOA៖ អតីតជនភៀសខ្លួនខ្មែរអាមេរិកាំង រំឮកជីវិតឳពុកដែលជាតួអង្គនៃរឿង«វាលពិឃាត»...
Public Domain
— នៅឆ្នាំនេះគឺជាខួបលើកទី៤៥ដែលពលរដ្ឋកម្ពុជាបានរត់ភៀសខ្លួនចេញពីមាតុភូមិក្រោយការដួលរលំនៃរបបខ្មែរក្រហមនៅដើមឆ្នាំ១៩៧៩។
ក្នុងឆ្នាំនេះ វីអូអេសំឡេងសហរដ្ឋអាមេរិកនឹងសម្ភាសអតីតជនភៀសខ្លួនខ្មែរជាច្រើនដែលបានមករស់នៅសហរដ្ឋអាមេរិកដើម្បីឲ្យពួកគេបង្ហាញពីដំណើរជីវិតដែលនៅឆ្ងាយពីមាតុភូមិ។
ជនភៀសខ្លួនម្នាក់គឺលោក ឌិត ព្រន បានប្រថុយជីវិតលួចរត់គេចចេញពីរបបខោអាវខ្មៅទៅកាន់ព្រំដែនថៃនៅឆ្នាំ១៩៧៩ ហើយទីបំផុតក៏បានជួបជុំជាមួយក្រុមគ្រួសារឡើងវិញក្នុងទឹកដីសហរដ្ឋអាមេរិក ក្នុងអំឡុងទសវត្សរ៍១៩៨០។ បទពិសោធន៍ដែលលោកបានឆ្លងកាត់ក្នុងរបបខ្មែរក្រហម ត្រូវបានផលិតជាខ្សែភាពយន្តដ៏ល្បីល្បាញរឿង«វាលពិឃាត»ដែលទទួលបានពានរង្វាន់អូស្កានៅឆ្នាំ១៩៨៥។
លោក សាយ មុន្នី នៃវីអូអេ បានសម្ភាសន៍លោក ឌិត ទីតូនី បច្ចុប្បន្នអាយុ៦០ឆ្នាំ ដែលជាអតីតជនភៀសខ្លួនខ្មែរនិងជាកូនប្រុសច្បងរបស់លោក ឌិត ព្រន អតីតអ្នកសារព័ត៌មានថតរូបឲ្យកាសែត The New York Timesដូចតទៅ៖
...
វិទ្យុសម្លេងសហរដ្ឋអាមេរិក
|
14 hr |
⟶
|
|
អ.ស.ប.ថាមនុស្សជិត៤០លាននាក់មានផ្ទុកមេរោគអេដស៍ ក្នុងឆ្នាំ២០២៣ហើយមនុស្សជាច្រើនស្លាប់...
Public Domain
— មនុស្សជិត៤០លាននាក់កំពុងរស់នៅជាមួយមេរោគអេដស៍ ដែលជាមេរោគបង្កជំងឺអេដស៍កាលពីឆ្នាំមុន។ មនុស្សច្រើនជាង៩លាននាក់មិនបានទទួលការព្យាបាល ដែលវាបណ្តាលឲ្យមានមនុស្សស្លាប់រៀងរាល់នាទីដោយសារជំងឺអេដស៍។
...
វិទ្យុសម្លេងសហរដ្ឋអាមេរិក
|
16 hr |
⟶
|
|
ចិននិងរុស្ស៊ីប្តេជ្ញាទប់ទល់ជាមួយ«កម្លាំងមកពីក្រៅតំបន់»នៅអាស៊ីអាគ្នេយ៍
Public Domain
— រដ្ឋមន្ត្រីការបរទេសចិននិងរុស្ស៊ី បានជួបជាមួយរដ្ឋមន្ត្រីការបរទេសនៃបណ្តាប្រទេសអាស៊ីអាគ្នេយ៍ កាលពីថ្ងៃសុក្រ ក្រោយពីបានប្តេជ្ញាថា នឹងទប់ទប់ជាមួយ «កម្លាំងមកពីក្រៅតំបន់» នៅអាស៊ីអាគ្នេយ៍ មួយថ្ងៃមុនមន្ត្រីការទូតជាន់ខ្ពស់របស់សហរដ្ឋអាមេរិកទៅដល់ទីក្រុងវៀងចន្ទន៍ ប្រទេសឡាវ ដើម្បីចូលរួមក្នុងកិច្ចប្រជុំផ្សេងៗរបស់អាស៊ាននៅទីនោះ។
...
វិទ្យុសម្លេងសហរដ្ឋអាមេរិក
|
16 hr |
⟶
|
|
វិធានការសន្តិសុខដ៏តឹងតែងបំផុត នៅថ្ងៃបើកសម្ពោធកីឡាអូឡាំពិកប៉ារីស២០២៤
Attribution+
—
នេះជាលើកទី១ហើយ ក្នុងប្រវត្តិសាស្ត្រនៃកីឡាអូឡាំពិក ដែលកម្មវិធីបើកសម្ពោធត្រូវគេរៀបចំនៅខាងក្រៅពហុកីឡាដ្ឋាន។ កម្មវិធីសម្ពោធកីឡាអូឡាពិក ទីក្រុងប៉ារីស២០២៤ នឹងប្រារព្ធឡើងនៅកណ្តាលទីក្រុងប៉ារីសតែម្តង តាមដងទន្លេសែន ដែលអមសងខាងដោយវិមាន និងសំណង់អគារបេតិកភណ្ឌដ៏ល្អវិចិត្រនានារបស់បារាំង។ កម្មវិធីនៅទីលានបើកចំហរបែបនេះ តម្រូវឲ្យអ្នករៀបចំ ក៏ដូចជាអាជ្ញាធរបារាំង ត្រៀមនូវវិធានការការពារសន្តិសុខដ៏តឹងតែងបំផុត ដើម្បីការពារភ្ញៀវកិត្តិយសទាំង៣២ម៉ឺននាក់ និងគណៈប្រតិភូកីឡាប្រមាណ៧០០០នាក់។
...
វិទ្យុបារាំងអន្តរជាតិ
|
16 hr |
⟶
|
|
កីឡាអូឡាំពិក៖ បារាំងចំណាយលុយអស់តិចជាងចិន និងជប៉ុន
Attribution+
—
នៅថ្ងៃសុក្រទី ២៦កក្កដា បារាំងបើកសម្ពោធកីឡាអូឡាំពិក ប៉ារីស ២០២៤ ដែលគ្រប់គ្នាបានទន្ទឹងរង់ចាំជាយូរមកហើយ។ រៀបចំព្រឹត្តិការណ៍ ជាមោទនភាពធំបំផុតសម្រាប់បារាំង ដែលបានចំណាយថវិកាសន្ធឹកសន្ធាប់នៅក្នុងការបង្កើតហេដ្ឋារចនាសម្ព័ន្ធសម្រាប់វិញ្ញាសារកីឡាអូឡាំពិក។ ទទួលធ្វើជាម្ចាស់ផ្ទះរៀបចំកីឡាអូឡាំពិកលើកទី៣៣ បារាំងមិនត្រឹមមានឱកាសទាក់ទាញភ្ញៀវទេសចរឲ្យមកចាប់អារម្មណ៍ទស្សនាមើលសំណង់សា្ថបត្យកម្មរបស់បារាំងតែប៉ុណ្ណោះទេ ប៉ុន្តែ ជាឱកាសដែលបារាំងបង្ហាញស្នាដៃ ការច្នៃប្រឌិតប៉ិនប្រសប់របស់ខ្លួនដែលចេះបង្កើតរៀបចំ កីឡាអូឡាំពិកដោយមិនខ្ជះខ្ជាយលុយរដ្ឋ ពោលគឺលុយរបស់ប្រជាជនបារាំងដែលជាអ្នកបង់ពន្ធ។
...
វិទ្យុបារាំងអន្តរជាតិ
|
16 hr |
⟶
|
|
ព័ត៌មានពេលរាត្រី ២៦ កក្កដា៖ កម្ពុជាសង្ឃឹមថា ផ្លូវល្បឿនលឿនភ្នំពេញ-សៀមរាប-ប៉ោយប៉ែត នឹងជួយការអភិ...
Public Domain
— ព័ត៌មាននៅថ្ងៃនេះមានដូចជា កម្ពុជាសង្ឃឹមថា ផ្លូវល្បឿនលឿនភ្នំពេញ-សៀមរាប-ប៉ោយប៉ែត នឹងជួយការអភិវឌ្ឍតំបន់ប្រវតិ្តសាស្ត្រ។ ក្រុមសិទ្ធិមនុស្សរិះគន់កិច្ចខិតខំប្រឹងប្រែងដើម្បីប្តូរទីលំនៅរបស់ជនអន្តោប្រវេសន៍មុននឹងកីឡាអូឡាំពិកនៅទីក្រុងប៉ារីស និងព័ត៌មានផ្សេងទៀត៕
...
វិទ្យុសម្លេងសហរដ្ឋអាមេរិក
|
17 hr |
⟶
|
|
កម្ពុជាស្វែងរកដង្ហើមដកដោយខ្លួនឯងតាមរយៈការសាងសង់ព្រែកជីកដ៏ចម្រូងចម្រាស់
Public Domain
— ព្រែកតាកែវ ប្រទេសកម្ពុជា — ធូលីដីគ្របដណ្ដប់លើទីធ្លាក្រោយផ្ទះរបស់លោក លីម តុងអេង។ ធូលីដីនេះហុយពីការជីកកាយដីរបស់អេស្កាវ៉ាទ័រជាច្រើនដែលកំពុងមមាញឹកពង្រីកព្រែកជីកដែលនៅក្បែរនោះ។ ព្រែកជីកនេះត្រូវបានរដ្ឋាភិបាលកម្ពុជាសង្ឃឹមថានឹងក្លាយទៅជាព្រែកជីកដឹកជញ្ជូនដ៏សំខាន់មួយរបស់កម្ពុជា។
នៅខែសីហាខាងមុខនេះ កម្ពុជានឹងបើកការដ្ឋានសាងសង់ព្រែកជីកហ្វូណនតេជោជាផ្លូវការ។ ព្រែកជីកនេះមានតម្លៃសាងសង់ចំនួន ១,៧ ពាន់លានដុល្លារ ហើយនឹងតភ្ជាប់ពីទន្លេមេគង្គទៅកាន់កំពង់ផែកម្ពុជានៅឈូងសមុទ្រថៃ។ ព្រែកជីកនេះនឹងផ្ដល់នូវជម្រើសថ្មីមួយដើម្បីបញ្ចៀសការដឹកទំនិញឆ្លងកាត់តាមប្រទេសវៀតណាម។
វាជាគម្រោងហេដ្ឋារចនាសម្ព័ន្ធដ៏សំខាន់មួយក្នុងចំណោមគម្រោងផ្សេងទៀតរបស់លោកអតីតនាយករដ្ឋមន្ត្រី ហ៊ុន សែន ហើយគម្រោងនេះត្រូវបានគេមើលឃើញថាជាការធ្វើឱ្យមានសន្ទុះថ្នាក់ជាតិដើម្បីគាំទ្រដល់លោក ហ៊ុន ម៉ាណែត ដែលជានាយករដ្ឋមន្ត្រីបច្ចុប្បន្ន។
ប៉ុន្តែ គេឃើញមានភាពមិនច្បាស់លាស់ជុំវិញគម្រោងនេះ រាប់ចាប់ពីគោលបំណងនៃព្រែកជីកនេះថាតើវាសម្រាប់ការដឹកជញ្ជូនឬសម្រាប់ជាប្រព័ន្ធធារាសាស្ត្រ រហូតដល់ទៅថាតើអ្នកណាជាអ្នកដែលផ្ដល់ហិរញ្ញវត្ថុសម្រាប់ការសាងសង់ ឬថាតើវានឹងប៉ះពាល់ដល់លំហូរទឹកទន្លេមេគង្គឬក៏យ៉ាងណានោះ។
ការខ្វះចន្លោះភាពច្បាស់លាស់ធ្វើឱ្យមានភាពតានតឹងនៅក្នុងចិត្តក្នុងចំណោមអ្នកដែលរស់នៅតាមបណ្ដោយព្រែកជីកនេះ។
លោក តុងអេង ដែលមានអាយុ ៧៤ ឆ្នាំ ធ្លាប់ជាកសិករហើយបច្ចុប្បន្នត្រូវពឹងលើរទេះរុញដើម្បីធ្វើដំណើរ។ លោកនឹងត្រូវបាត់បង់ផ្ទះនិងដីទៅលើគម្រោងនេះ។ លោកមិនទាន់បានដឹងថាតើលោកនឹងទទួលបានអ្វីជាសំណងនៅឡើយទេ។
លោក តុងអេង បាននិយាយថា៖ «យើងមិនត្រឹមតែភ្ញាក់ផ្អើលប៉ុណ្ណោះទេ ថែមទាំងភ័យខ្លាចទៀតផង។ យើងមិនដឹងថារដ្ឋាភិបាលគិតយ៉ាងម៉េចចំពោះយើងទេ ព្រោះមកទល់នឹងពេលនេះយើងមិនទាន់ទទួលបានដំណឹងអ្វីឡើយ»។
លោក ហ៊ុន សែន បានបញ្ជាក់ថា ព្រែកជីកនេះនឹងធ្វើឱ្យប្រទេសកម្ពុជាមានដង្ហើមដកដោយខ្លួនឯង និងថា អាជ្ញាធរមូលដ្ឋានត្រូវបានណែនាំឱ្យបាញ់កាំជ្រួចនៅថ្ងៃបើកការដ្ឋានសាងសង់នៅថ្ងៃទី ៥ ខែសីហា ដែលចំនឹងថ្ងៃខួបកំណើតរបស់លោកផ្ទាល់។
រដ្ឋាភិបាលកម្ពុជាបានលើកឡើងថា ព្រែកជីកនេះនឹងបង្កើតសកម្មភាពសេដ្ឋកិច្ចបន្ថែមចន្លោះពី ២១ ទៅ ៣០ ភាគរយច្រើនជាងតម្លៃសាងសង់ និងបង្កើតការងាររាប់ម៉ឺននៅក្នុងប្រទេស។ ទោះជាយ៉ាងណាក៏ដោយ រដ្ឋាភិបាលមិនបានបង្ហាញភ័ស្តុតាងលម្អិតអំពីការព្យាករណ៍នេះទេ។
អ្នកវិភាគថា ផលប្រយោជន៍សេដ្ឋកិច្ចដែលទទួលបានពីគម្រោងនេះនៅមិនទាន់ច្បាស់នៅឡើយ។
លោក ឈាង វណ្ណារិទ្ធ ដែលជាអ្នកវិភាគនយោបាយនិងជាប្រធានឧទ្យាននវានុវត្តន៍សង្គមអង្គរ (Angkor Social Innovation Park) បានថ្លែងថា៖ «មានរឿងមិនច្បាស់និងភាពស្រពិចស្រពិលជាច្រើនទាក់ទងនឹងផលប្រយោជន៍សេដ្ឋកិច្ចពិតប្រាកដនិងតម្លៃសាងសង់នៃគម្រោងនេះ»។
ក្រៅពីនេះ គេក៏ឃើញមានក្ដីបារម្ភផងដែរអំពីលំហូរទឹកទន្លេមេគង្គ។
ក្រុមអ្នកអភិរក្សធ្លាប់បានលើកឡើងថា ទន្លេនេះរងការគំរាមកំហែងពីគម្រោងហេដ្ឋារចនាសម្ព័ន្ធនានា ការបំពុល ការជីកយកខ្សាច់ និងការប្រែប្រួលអាកាសធាតុ។
ប្រទេសកម្ពុជា ឡាវ វៀតណាម និងថៃគឺជាប្រទេសហត្ថលេខីនៃកិច្ចព្រមព្រៀងទន្លេមេគង្គឆ្នាំ ១៩៩៥។ កិច្ចព្រមព្រៀងនេះគ្រប់គ្រងលើការបែងចែកភោគផលដែលបានពីទន្លេនេះ។
ទោះបីជាកម្ពុជាបានជូនដំណឹងដល់គណៈកម្មការទន្លេមេគង្គ (MRC) អំពីគម្រោងព្រែកជីកនេះក៏ដោយ ក៏វៀតណាមចង់បានព័ត៌មានបន្ថែមអំពីគម្រោងនេះ។
រដ្ឋាភិបាលកម្ពុជាបានពន្យល់ថា គម្រោងនេះប៉ះពាល់តែដៃទន្លេមេគង្គប៉ុណ្ណោះ ដូច្នេះវាតម្រូវឱ្យកម្ពុជាជូនដំណឹងតែប៉ុណ្ណោះ ហើយខ្លួនក៏បានធ្វើកិច្ចការនេះរួចហើយ។
ការលើកឡើងបែបនេះត្រូវបានអ្នកជំនាញមួយចំនួនបកស្រាយជំទាស់ ដោយពួកគេកត់សម្គាល់ថា ព្រែកជីកដែលសាងសង់នៅក្បែរផ្ទះរបស់លោក តុងអេង គឺភ្ជាប់ដោយផ្ទាល់ពីដងទន្លេមេគង្គ។
លោក Brian Eyler អ្នកជំនាញអំពីទន្លេមេគង្គនៅមជ្ឈមណ្ឌល Stimson នៅរដ្ឋធានីវ៉ាស៊ីនតោន សហរដ្ឋអាមេរិក បានលើកឡើងថា ការធ្វើប្រព័ន្ធធារាសាស្ត្រនៅរដូវប្រាំងចេញពីដងទន្លេមេគង្គផ្ទាល់ «តម្រូវឱ្យមានការព្រមព្រៀងពីសមាជិកទាំង ៤ ប្រទេសនៃគណៈកម្មការទន្លេមេគង្គ។
គណៈកម្មការទន្លេមេគង្គបានបញ្ជាក់ថា ខ្លួនមិនបានទទួល «របាយការណ៍ណាមួយអំពីលំហូរទឹក» ហើយខ្លួន «កំពុងស្នើសុំនិងរង់ចាំការផ្ដល់ព័ត៌មានបន្ថែមទៀតពីកម្ពុជា»។
លោកឧបនាយករដ្ឋមន្ត្រី ស៊ុន ចាន់ថុល ដែលដឹកនាំគម្រោងនេះ បានប្រៀបធៀបព្រែកជីកនេះទៅនឹងទុយយោទឹក។
លោកបានប្រាប់កាសែត Straits Times កាលពីពេលថ្មីៗនេះថា៖ «តើអ្នកអាចបឺតទឹកចេញពីទន្លេមេគង្គបានប៉ុណ្ណាដោយប្រើទុយយោទឹក?»
លោកបានបន្ថែមថា ការសិក្សាអំពីផលប៉ះពាល់នៃព្រែកជីកនេះរកឃើញថា វាប៉ះពាល់ទឹកទន្លេមេគង្គតែ ០,០៦% ប៉ុណ្ណោះនៅរដូវប្រាំង។ ឯកសារនៃការសិក្សានេះមិនត្រូវបានបង្ហាញជាសាធារណៈនោះទេ។
លោក Eyler បាននិយាយថា៖ «វាអាចទៅរួចដែលថា ផលប៉ះពាល់ទៅលើបរិស្ថាននិងសង្គមសម្រាប់កម្ពុជានិងវៀតណាមគឺមានតិចតួចប៉ុណ្ណោះ។ ប៉ុន្តែ ពេលនេះយើងមិនអាចដឹងបានស៊ីជម្រៅអំពីគម្រោងនេះដើម្បីសន្និដ្ឋានដូច្នេះនោះឡើយ»។
មន្ត្រីកម្ពុជាបានបដិសេធការចោទប្រកាន់ដែលថាព្រែកជីកនេះនឹងត្រូវប្រើប្រាស់ដោយនាវាចម្បាំងចិន ហើយអ្នកវិភាគបានយល់ស្របភាគច្រើនថា ផ្លូវទឹកនេះមិនសមស្របសម្រាប់គោលបំណងនេះទេ ពីព្រោះគោលបំណងបែបនេះអាចប្រើប្រាស់ផ្លូវគោកឬផ្លូវសមុទ្របាន។
លោក វណ្ណារិទ្ធ បាននិយាយថា សារៈសំខាន់ដ៏ចម្បងនៃគម្រោងនេះគឺគុណតម្លៃផ្នែកនយោបាយ។
លោកថ្លែងដូច្នេះថា៖ «គម្រោងនេះជាគម្រោងកេរមរតកដោយភ្ជាប់ជាមួយនឹងសារៈសំខាន់ផ្នែកនយោបាយនិងប្រវត្តិសាស្ត្រ។ មិនថាជាយ៉ាងណាក៏ដោយ រដ្ឋាភិបាលនឹងធ្វើវាឱ្យដល់ទីបញ្ចប់ … ព្រោះរដ្ឋាភិបាលត្រូវតែបង្ហាញអំពីអ្វីមួយ»៕
...
វិទ្យុសម្លេងសហរដ្ឋអាមេរិក
|
18 hr |
⟶
|
|
កីឡាអូឡាំពិកក្រុងប៉ារីស២០២៤ បើកសម្ពោធផ្លូវការ នៅថ្ងៃនេះ
Attribution+
—
ប្រទេសបារាំង បានរៀបចំព្រឹត្តិការណ៍កីឡាអូឡាពិក ចំនួន២ដងរួចមកហើយ។ ម្តង នៅឆ្នាំ១៩០០ ហើយលើកទី២ នៅឆ្នាំ១៩២៤។ មួយសតវត្សរ៍ក្រោយមក បារាំងមានឱកាសធ្វើជាម្ចាស់ផ្ទះរៀបចំព្រឹត្តិការណ៍កីឡាពិភពលោកនេះជាថ្មី ដែលត្រូវចាប់ផ្តើមសម្ពោធ នៅល្ងាចថ្ងៃទី២៦ ខែកក្កដា ឆ្នាំ២០២៤នេះ នៅកណ្តាលទីក្រុងប៉ារីស។
...
វិទ្យុបារាំងអន្តរជាតិ
|
18 hr |
⟶
|
|
កម្ពុជាសង្ឃឹមថា ផ្លូវល្បឿនលឿនភ្នំពេញ-សៀមរាបនឹងជួយដល់ការអភិវឌ្ឍតំបន់ប្រវតិ្តសាស្ត្រ
Public Domain
— ភ្នំពេញ — មន្រ្តីជាន់ខ្ពស់នៃក្រសួងសាធារណការ និងដឹកជញ្ជូនលើកឡើងថា គម្រោងផ្លូវល្បឿនលឿនភ្នំពេញ-សៀមរាប-ប៉ោយប៉ែត នឹងជំរុញការអភិវឌ្ឍដល់តំបន់ទេសចរណ៍ប្រវត្តិសាស្ត្រដ៏ធំរបស់កម្ពុជា និងទៅច្រកព្រំដែនកម្ពុជា-ថៃ ក៏ដូចជាធ្វើឱ្យប្រសើរឡើងការធ្វើដំណើរ ស្ថានភាពចរាចរណ៍ និងការដឹកជញ្ជូនទំនិញផងដែរ។
លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន ប្រាប់វីអូអេនៅថ្ងៃព្រហស្បតិ៍នេះថា ក្រុមហ៊ុនចិនដែលវិនិយោគទៅលើគម្រោងផ្លូវល្បឿនលឿនភ្នំពេញ-សៀមរាប-ប៉ោយប៉ែត បានជិតបញ្ចប់ការសិក្សារៀបចំបូកសរុបវាយតម្លៃសន្និដ្ឋាន និងត្រៀមដាក់ផែនការសាងសង់ជូនរដ្ឋាភិបាលនាពេលខាងមុននេះ។ លោកបន្តថា នៅពេលដែលគម្រោងសិក្សាផ្លូវល្បឿនលឿននេះចប់ រដ្ឋាភិបាលកម្ពុជានឹងប្រកាសប្រាប់ជាសាធារណៈ។
លោកបញ្ជាក់ថា៖ «គម្រោងផ្លូវល្បឿនលឿនភ្នំពេញ-ក្រុងសៀមរាប-ប៉ោយប៉ែត គឺជាគម្រោងដ៏ធំ និងជាឆន្ទៈដ៏មុតស្រួចរបស់រាជរដ្ឋាភិបាល ដើម្បីធ្វើឱ្យប្រសើរឡើងការធ្វើដំណើរ ស្ថានភាពចរាចរណ៍ ការដឹកជញ្ជូនទំនិញ និងភស្តុភារកម្ម នៅតំបន់ទេសចរណ៍ប្រវត្តិសាស្ត្រដ៏ធំរបស់កម្ពុជា និងទៅច្រកព្រំដែនកម្ពុជា-ថៃ»។
ផ្លូវល្បឿនលឿនភ្នំពេញ-សៀមរាប-ប៉ោយប៉ែតនេះជាផ្លូវល្បឿនលឿនទី ៣ របស់ប្រទេសកម្ពុជា ដែលស្ថិតក្រោមគម្រោងគំនិតផ្តួចផ្តើមក្រវ៉ាត់ផ្លូវពាណិជ្ជកម្ម BRI របស់រដ្ឋាភិបាលក្រុងប៉េកាំង បន្ទាប់ពីផ្លូវល្បឿនលឿនភ្នំពេញ-ក្រុងព្រះសីហនុ និងភ្នំពេញ-បាវិត។ ផ្លូវល្បឿនលឿននេះមានប្រវែងសរុប ៤២០ គីឡូម៉ែត្រ ជាមួយថវិកាសាងសង់ប្រមាណជា ៤.២០០ លានដុល្លារអាមេរិក ដោយក្រុមហ៊ុនសាជីវកម្មស្ពាន និងថ្នល់ចិន CRBC។
គម្រោងផ្លូវល្បឿនលឿននេះនឹងឆ្លងកាត់រាជធានី-ខេត្ដចំនួន ៦ រួមមាន រាជធានីភ្នំពេញ ខេត្តកណ្ដាល កំពង់ចាម កំពង់ធំ សៀមរាប និងបន្ទាយមានជ័យ ហើយត្រូវបានចែកចេញជាពីរជំហាន ដោយជំហានទី ១ ពីរាជធានីភ្នំពេញដល់ខេត្តសៀមរាបមានប្រវែង ២៤៩ គ.ម. និងជំហានទី ២ ពីខេត្តសៀមរាបដល់ក្រុងប៉ោយប៉ែត មានប្រវែង ១៥១ គ.ម.។
ផ្លូវល្បឿនលឿននេះ សាងសង់ជា ៤ គន្លង និងតួផ្លូវមានទទឹង ២៤,៥ ម៉ែត្រ ដោយមានសួនចែកទិសចរាចរណ៍នៅចំកណ្ដាលទ្រូងផ្លូវទទឹង ៣ម៉ែត្រ គន្លងផ្លូវឈប់បន្ទាន់ទទឹង ២,៥ ម៉ែត្រ និងចិញ្ចើមផ្លូវទទឹង ០,៧៥ ម៉ែត្រ ដោយបានសិក្សាល្បឿនបើកបរចន្លោះពី ១០០ ទៅ ១២០ គ.ម. ក្នុងមួយម៉ោង។ នេះបើតាមលោក ផន រឹម។
ក្រុមហ៊ុនសាជីវកម្មស្ពានថ្នល់ចិន CRBC ជាក្រុមហ៊ុនសាងសង់ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវល្បឿនលឿនភ្នំពេញ-បាវិត ក្រោមរូបភាពវិនិយោគ «សាងសង់-ប្រតិបត្តិការ-ផ្ទេរ» (BOT: Build-Operate-Transfer) ជាមួយរយៈពេលវិនិយោគចំនួន ៥០ ឆ្នាំ។
នាយកកម្មវិធីអង្គការតម្លាភាពកម្ពុជា លោក អ៊ឹម នរិន្ទ ជំរុញថា រដ្ឋាភិបាលគួរតែបង្ហាញព័ត៌មានផលប៉ះពាល់ផ្សេងៗពីគម្រោងសាងសង់ផ្លូវល្បឿនលឿននេះដល់ប្រជាពលរដ្ឋឱ្យមានតម្លាភាព ដើម្បីបង្ហាញថា ការសាងសង់នោះបានផ្តល់ប្រយោជន៍អ្វីខ្លះដល់សេដ្ឋកិច្ចរបស់ប្រទេស។ លោកបញ្ជាក់ទៀតថា រដ្ឋាភិបាលក៏គួរតែគិតគូរសំណងសមរម្យដល់ប្រជាពលរដ្ឋដែលរងផលប៉ះពាល់នៅតំបន់សាងសង់ផ្លូវល្បឿនលឿននោះ។
លោកថ្លែងថា៖ «ជាព័ត៌មានទៅដល់ប្រជាពលរដ្ឋឱ្យដឹងដែរថា តើការសាងសង់ហ្នឹងវាផ្តល់ផលប្រយោជន៍ដល់សេដ្ឋកិច្ច ដល់សង្គមយ៉ាងម៉េច? ហើយប្រសិនបើមានផលប៉ះពាល់ ថាតើរដ្ឋាភិបាលក៏ដូចជាក្រសួងហ្នឹងវាការគិតគូរផ្តល់សំណង ឬក៏អីផ្សេងៗ ដើម្បីជូនប្រជាពលរដ្ឋដែលរស់នៅតាមដងផ្លូវហ្នឹង ជាពិសេសតែម្តង»។
លោក អ៊ឹម នរិន្ទ យល់ឃើញថា រដ្ឋាភិបាលគួរតែមានការសិក្សាតម្លៃប្រើប្រាស់ផ្លូវល្បឿនលឿនឱ្យសមស្របមួយ ដែលធានាថា ប្រជាពលរដ្ឋទូទៅទំាងអស់អាចមានលទ្ធភាពប្រើប្រាស់។ យ៉ាងណាមិញលោកថា ប្រសិនបើរដ្ឋាភិបាលមានថវិកាបដិភាគនៅក្នុងការសាងសង់នោះ វានឹងអាចសម្រួលដល់តម្លៃលើការប្រើប្រាស់ផ្លូវល្បឿនលឿននោះ។
លោកបញ្ជាក់ថា៖ «វាមានការលំបាកនៅកន្លែងហ្នឹង។ កាលណាយើងប្រគល់ឱ្យឯកជនដោយសារការខ្វះខាតរបស់រដ្ឋ ហើយឯកជនចាំបាច់ណាស់គឺគាត់ត្រូវការចំណេញ អ៊ីចឹងគាត់ចង់បានចំណេញ គាត់ព្យាយាមរកប្រាក់ចំណេញឱ្យបានលឿនតាមដែលអាចធ្វើទៅបាន បាទ។ ហើយកាលណាបានលឿន វាអាចខ្ពស់ហើយប៉ះពាល់ការប្រើប្រាស់ទូលំទូលាយនៃផ្លូវហ្នឹង»។
លោក សាន់ ម៉ាឡា ប្រធានកម្មវិធីបណ្ដាញ និងតស៊ូមតិនៃអង្គការភាពជាដៃគូដើម្បីបរិស្ថាន និងការអភិវឌ្ឍដែលជាអង្គការថ្មីមួយទើបចុះបញ្ជី យល់ថា គម្រោងផ្លូវល្បឿនលឿនភ្នំពេញ-សៀមរាប-ប៉ោយប៉ែតនេះតិច ឬច្រើនប្រាកដជាអាចបង្កផលប៉ះពាល់មកលើដីលំនៅឋាន ដីស្រែ ឬតំបន់អាស្រ័យផលផ្សេងៗរបស់ប្រជាពលរដ្ឋ។ លោកបន្តថា រដ្ឋាភិបាលគួរតែមានការគិតគូរពីការផ្តល់សំណងសមរម្យណាមួយដល់ប្រជាពលរដ្ឋ ប្រសិនបើមានផលប៉ះពាល់ណាមួយនៅហ្នឹងកន្លែង។
លោកថ្លែងថា៖ «ប្រសិនបើគម្រោងនេះ ប្រជាពលរដ្ឋភាគច្រើនគាត់សាទរ គាត់សប្បាយរីករាយនៅក្នុងការទទួលយក ជាពិសេសទៅទៀតនោះគឺប្រជាពលរដ្ឋមូលដ្ឋាន យើងមិនមានការទោមនស្សអ្វីនោះទេ ក៏ប៉ុន្តែយើងគ្រាន់តែស្នើសុំឱ្យអាជ្ញាធរមានការគិតគូរពិចារណានឹងសងសំណងឱ្យបានសមរម្យទៅដល់ប្រជាពលរដ្ឋដែលទទួលរងផលប៉ះពាល់»។
នៅក្នុងរយៈពេល ១០ ឆ្នាំ ចាប់តាំងពីការបង្កើតគំនិតផ្តួចផ្តើមក្រវាត់ផ្លូវពាណិជ្ជកម្ម BRI របស់ចិនមក កម្ពុជាបានទទួលកម្ចីដ៏សម្បើម ដើម្បីស្ថាបនាហេដ្ឋារចនាសម្ព័ន្ធក្នុងប្រទេស រួមមានស្ពាន ថ្នល់ និងព្រលានយន្តហោះជាដើម។ រដ្ឋាភិបាលកម្ពុជាកាន់តែមានភាពស្និទ្ធស្នាលនឹងប្រទេសចិន ដោយបានសរសើរគម្រោង BRI នេះ បើទោះមានភាពចម្រូងចម្រាសដែលលើកឡើងថា គម្រោងមួយនេះអាចត្រូវបានប្រើប្រាស់ជាអន្ទាក់បំណុល ហើយចិនអាចមានឥទ្ធិពលលើប្រទេសដែលខ្ចីបំណុលពីចិនច្រើនសន្ធឹកសន្ធាប់ ហើយមានការលំបាកក្នុងការសងត្រឡប់វិញ។
យ៉ាងណាមិញ មន្រ្តីរដ្ឋាភិបាលកម្ពុជាធ្លាប់បានបញ្ជាក់ថា គម្រោង BRI នេះមិនមែនជាអន្ទាក់បំណុលឡើយ៕
...
វិទ្យុសម្លេងសហរដ្ឋអាមេរិក
|
18 hr |
⟶
|
|
សិល្បៈខ្មែរអមតៈ ធ្វើបទបង្ហាញពីឧបករណ៍ភ្លេងបុរាណកម្រៗ
Attribution+
—
នៅថ្ងៃព្រហស្បតិ៍ ទី២៥ កក្កដា អង្គការសិល្បៈខ្មែរអមតៈ តាមរយៈកម្មវិធី “តន្ត្រីពីភូមិមួយទៅភូមិមួយ” បានធ្វើបទបង្ហាញអំពីឧបករណ៍តន្ត្រីភ្លេងបុរាណដ៏កម្រមួយចំនួនទៅដល់ប្រជាសហគមន៍ក្នុងទីក្រុងភ្នំពេញ។ គោលបំណងគឺការលើកស្ទួយ និងថែរក្សាទម្រង់សិល្បៈបុរាណ ដែលស្ទើរបាត់បង់ និងដើម្បីផ្សព្វផ្សាយបន្តនិរន្តរភាពទៅដល់យុវជនជំនាន់ក្រោយ។
...
វិទ្យុបារាំងអន្តរជាតិ
|
18 hr |
⟶
|
|
មេប៉ូលីសកម្ពុជា-ថៃព្រមព្រៀងចាប់ដៃគ្នាកម្ចាត់ក្រុមឧក្រិដ្ឋកម្មតាមអ៊ីនធ័រនែត
Attribution+
—
នៅថ្ងៃទី២៥ ខែកក្កដា ឆ្នាំ២០២៤ អគ្គស្នងការនគរបាលជាតិកម្ពុជា និងអគ្គស្នងការនគរបាលភូមិន្ទថៃបានសហការរួមគ្នាដោយសន្យាកម្ចាត់ក្រុមឧក្រិដ្ឋកម្មតាមប្រព័ន្ធអ៊ីនធ័រនែតឆ្លងប្រទេស។ កិច្ចសហការរវាងសមត្ថកិច្ចកម្ពុជា និងថៃពេលនេះធ្វើឡើងនៅក្នុងជំនួបតាមប្រព័ន្ធអនឡាញ និងក្រោយភាគីថៃសង្កេតឃើញឧកិ្រដ្ឋកម្មតាមប្រព័ន្ធអ៊ីនធ័រនែតកើនឡើងខ្លាំងក្នុងប្រទេសខ្លួនដែលភាគច្រើនមានបណ្តាញធ្វើប្រតិបត្តិការចេញពីប្រទេសកម្ពុជា។
...
វិទ្យុបារាំងអន្តរជាតិ
|
18 hr |
⟶
|
|
UN ស្នើឲ្យកម្ពុជាបញ្ចូនក្រុមការងារទៅប្រជុំជាមួយយូណេស្កូជុំវិញស្ថានការណ៍តំបន់អង្គរ
Attribution+
—
ទីភ្នាក់ងារវប្បធម៌របស់អង្គការសហប្រជាជាតិស្នើឱ្យកម្ពុជាអញ្ចើញក្រុមការងារជំនាញថ្មីទៅពិភាក្សាជាមួយគណៈកម្មការបេតិកភណ្ឌពិភពលោកនៃអង្គការយូណេស្កូ។ កម្មវត្ថុនៃជំនួបជាមួយអង្គការយូណេស្កូនឹងផ្តោតជាសំខាន់លើស្ថានការណ៍នៅតំបន់ប្រាសាទអង្គរវត្ត ពិសេសបញ្ហាផ្លាស់ប្តូរទីលំនៅរបស់ពលរដ្ឋពីតំបន់អង្គរទៅតំបន់រុនតាឯកដែលកន្លងមកត្រូវបានអង្គការអន្តរជាតិនានាចោទប្រកាន់ថាបានរំលោភសិទ្ធិមនុស្សធ្ងន់ធ្ងរ។
...
វិទ្យុបារាំងអន្តរជាតិ
|
18 hr |
⟶
|
|
លោកស្រីជា សេរី៖សេដ្ឋកិច្ចកម្ពុជាកើនឡើងដល់ ៦.៣% ក្នុងឆមាសទី១ ឆ្នាំ២០២៤
Attribution+
—
លោកស្រីជា សេរី ទេសាភិបាលធនាគារជាតិនៃកម្ពុជាបានអះអាងនៅក្នុងសន្និបាតបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៤ ថា សេដ្ឋកិច្ចកម្ពុជាបានបន្ដកើនឡើងដល់ ៦.៣% ក្នុងឆមាសទី១ ឆ្នាំ២០២៤។ តាមលោកស្រីជា សេរី កំណើននេះបានពីវិស័យកាត់ដេរ និងទេសចរណ៍។ តែអ្នកជំនាញសេដ្ឋកិច្ចយល់ថា កំណើននេះមិនអាចធ្លាក់ដល់ដៃប្រជាពលរដ្ឋទេ ព្រោះអ្នកនាំចេញមានម្ចាស់ជាជនបរទេស។
...
វិទ្យុបារាំងអន្តរជាតិ
|
18 hr |
⟶
|
|
លោក វីធិត ម៉ាន់តាផន៖ លំហពលរដ្ឋ និងនយោបាយកម្ពុជានៅមិនទាន់មានការផ្លាស់ប្តូរពិតប្រាកដ
Attribution+
—
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជា លោក វីធិត ម៉ាន់តាផន បានបញ្ចប់ទស្សនកិច្ចក្នុងប្រទេសកម្ពុជានៅថ្ងៃសុក្រទី ២៦ កក្កដានេះ។ គឺជាទស្សនកិច្ចដើម្បីស្វែងយល់ពីស្ថានភាពសិទ្ធិមនុស្សនៅកម្ពុជា។ លោកបានធ្វើសន្និសីទសារព័ត៌មាន ដោយសង្ខេបពីបញ្ហាសិទ្ធិមនុស្សកម្ពុជា ថាគ្មានភាពល្អប្រសើរ តែអ្នកនាំពាក្យគណៈកម្មាធិការសិទ្ធិមនុស្សកម្ពុជា មានការសោកស្តាយចំពោះការលើកឡើងនេះ។ ក្នុងបទសម្ភាសជាមួយវិទ្យុបារាំងអន្តរជាតិនៅថ្ងៃសុក្រ ទី២៦ កក្កដានេះ លោក វីធិត ម៉ាន់តាផន បានអះអាងថា រដ្ឋាភិបាលថ្មីនៅទាន់ស្តារឡើងវិញនូវស្ថានភាពសិទ្ធិមនុស្សដែលកំពុងធ្លាក់ចុះនៅឡើយ។ តាមអ្នករាយការណ៍ពិសេសរូបនេះ លំហពលរដ្ឋ និងនយោបាយកម្ពុជានៅតែមិនល្អ ទោះរដ្ឋាភិបាលជំនាន់ថ្មីចូលកាន់តំណែងបានជាង ១ឆ្នាំ។
...
វិទ្យុបារាំងអន្តរជាតិ
|
18 hr |
⟶
|
|
តើការញែកដាច់រវាងគ្រូសាលារដ្ឋ និងសាលាឯកជនអាចជួយគុណភាពអប់រំកម្ពុជាឲ្យប្រសើរឬ?
Attribution+
—
រយៈពេល១០ឆ្នាំចុងក្រោយនេះ វិស័យអប់រំកម្ពុជា ពិសេសកំរិតបឋមភូមិ និងកំរិតទុតិយភូមិមានការរីកចម្រើនគួរឲ្យកត់សម្គាល់។ នេះបើតាមការអះអាងរបស់រដ្ឋាភិបាល។ តែនៅក្នុងក្រសែភ្នែកអ្នកពាក់ព័ន្ធនឹងការសិក្សាអប់រំមួយចំនួនវិញ វិស័យអប់រំកម្ពុជានៅមានភាពយឺតយ៉ាវជាងគេ ធៀបនឹងប្រទេសមួយចំនួននៅក្នុងតំបន់។ លោកគ្រូ អ្នកគ្រូសម្រាប់ថ្នាក់ក្រោមឧត្តមសិក្សានៅតែចល័តពីសាលារដ្ឋទៅបំពេញបន្ថែមម៉ោងបង្រៀននៅតាមបណ្តាសាលាឯកជនដើម្បីបំប៉នសេដ្ឋកិច្ចគ្រួសារ។ ទង្វើបែបនេះត្រូវបានរិះគន់ពីគុណភាពបង្រៀនរបស់លោកគ្រូ អ្នកគ្រូនៅសាលារដ្ឋ។ តើល្មមដល់ពេលដែលត្រូវញែកឲ្យដាច់រវាងគ្រូបង្រៀននៅសាលារដ្ឋ និងសាលាឯកជនដើម្បីធានាគុណភាពអប់រំ ឬយ៉ាងណា?
...
វិទ្យុបារាំងអន្តរជាតិ
|
20 hr |
⟶
|
|
កំណើនសេដ្ឋកិច្ចអាមេរិកកើនឡើងនៅត្រីមាសទី២ដល់ ២,៨%
Public Domain
— ផលិតផលក្នុងស្រុកសរុបបានកើនឡើងនៅក្នុងត្រីមាសនៃខែមេសាដល់ខែមិថុនាបន្ទាប់ពីកើនឡើងក្នុងល្បឿន១,៤% ក្នុងត្រីមាសទី១។
...
វិទ្យុសម្លេងសហរដ្ឋអាមេរិក
|
1 d |
⟶
|
|
ប្រទេសក្រិកចុះហត្ថលេខាលើកិច្ចព្រមព្រៀងទិញយន្តហោះចម្បាំង F-35 របស់អាមេរិក២០គ្រឿង
Public Domain
— ប្រទេសក្រិកកំពុងធ្វើទំនើបកម្ម កងយោធារបស់ខ្លួន ក្នុងកម្មវិធី១០ឆ្នាំ ដែលមានទឹកប្រាក់រាប់ពាន់លានដុល្លារ បន្ទាប់ពីមានវិបត្តិហិរញ្ញវត្ថុ ដែលអូសបន្លាយ និង បន្ទាប់ពីមានភាពតានតឹងជាបន្ត ជាមួយប្រទេសតួកគី ដែលនៅជិតខាង និងដែលជាសមាជិកនៃអង្គការអូតង់។
...
វិទ្យុសម្លេងសហរដ្ឋអាមេរិក
|
1 d |
⟶
|
|
ជនជាតិកូរ៉េខាងជើងម្នាក់រងការចោទប្រកាន់ពីការវាយប្រហារដោយមេរោគកុំព្យូទ័រលើមន្ទីរពេទ្យអាម...
Public Domain
— ជននោះត្រូវបានចោទប្រកាន់ពីការទាក់ទិននៅក្នុងការឃុបឃិតដើម្បីលបចូលក្នុងប្រព័ន្ធកុំព្យូទ័ររបស់ក្រុមហ៊ុនថែទាំសុខភាពសហរដ្ឋអាមេរិក។
...
វិទ្យុសម្លេងសហរដ្ឋអាមេរិក
|
1 d |
⟶
|
|
ការក្រលេកមើលទៅក្នុងសាកលវិទ្យាល័យជនជាតិដើមភាគតិចនៅ វេណេស៊ុយអេឡា
CC BY
— តើការធ្វើជាសិស្សនៅឯ សាកលវិទ្យាល័យជនជាតិភាគតិចនៅ វេណេស៊ុយអេឡា [es] មានសភាពបែបណាទៅ? និស្សិតបីនាក់មកពីផ្នែកនៃ ការសិក្សាដើម្បីទំនាក់ទំនង ក្នុងពេលថ្មីៗនេះបានចូលរួមក្នុងសិក្ខាសាលាដឹកនាំដោយ រ៉ាយស៊ីង វ៉យស៍ (Rising Voices) ដើម្បីសិក្សាពីវិធីថតរូបដោយម៉ាស៊ីនថតឌីជីថលឲ្យបានកាន់តែល្អប្រសើរ និងរបៀបបង្ហោះ និងចែករំលែករូបថតទាំងអស់នេះទៅលើអ៊ីនធើណែត។
...
Global Voices
|
1 d |
⟶
|
|
តាមរយៈកញ្ចក់របស់និស្សិតនៃសាកលវិទ្យាល័យជនជាតិដើមភាគតិចនៃវេណេស៊ុយអេឡា
CC BY
— និស្សិតបីនាក់មកពីសាកលវិទ្យាល័យជនជាតិដើមភាគតិចនៃវេណេស៊ុយអេឡា ថ្មីៗនេះបានចូលរួមក្នុងសិក្ខាសាលារយៈពេលមួយអាទិត្យដើម្បីរៀនពីវិធីថតរូបឌីជីថល និងចែកចាយរូបភាពចេញពីទីធ្លាសាកលវិទ្យាល័យរបស់ពួកគេ ដែលទាក់ទាញនិស្សិតជនជាតិដើមភាគតិច ដើម្បីចូលរួមក្នុងការអប់រំជាន់ខ្ពស់បែបអន្តរវប្បធម៌ និងការពិសោធន៍។ និស្សិតទាំងនេះបានប្រើប្រាស់រូបភាពដើម្បីប្រាប់ពីរឿងរ៉ាវរបស់ពូកគេក្នុងសាកលវិទ្យាល័យពិសេសមួយនេះ។
...
Global Voices
|
1 d |
⟶
|
|
ថ្វីត្បិតតែមានការហាមឃាត់ ជនជាតិភាគតិចអៃហឺនៅចិន ស្លៀកពាក់ដើម្បីបង្ហាញពីអត្តសញ្ញាណ...
CC BY
— រូបភាពរាលដាលបានបង្ហាញឲ្យឃើញសិស្ស អៃហឺ ត្រូវបានដាក់ទារុណកម្មដោយសារតែពាក់មួកឥស្លាម ក្នុងទីក្រុងអ៊ូរូជិ នៅស៊ីងជាំង ត្រូវបានបកស្រាយដោយអាជ្ញាធរថាជា "ពាក្យចចាមអារ៉ាម" និង "ការរៀបចំ" ដោយ "កម្លាំងខាងក្រៅ" ។ ប៉ុន្តែ ជនជាតិអៃហឺ ជាច្រើនឆ្ងល់ថាពេលណាដែលរដ្ឋាភិបាលបង្ហាញពីការគោរពខ្លះដល់វប្បធម៌របស់ពួកគេ។
...
Global Voices
|
1 d |
⟶
|
|
ការបោះឆ្នោតនៅកម្ពុជា ៖ សំឡេងនៅលើហ្វេសប៊ុក
CC BY
— អ្នកប្រើប្រាស់អ៊ីនធើណែតនៅប្រទេសកម្ពុជាកំពុងតែបានប្រើ ហ្វេសប៊ុកយ៉ាងសកម្មដើម្បីពិភាក្សា ជជែក និងចែករំលែកព័ត៌មានថ្មីៗដែលទាក់ទងនឺង ការបោះឆ្នោតជ្រើសរើសសមាជិកសភា នៅថ្ងៃទី២៨ ខែកក្កដា ខាងមុខ។ ទន្ទឺមនឹងនោះ គណបក្សនយោបាយក៏កំពុងតែព្យាយាមបង្កើនប្រជាប្រិយភាពតាមរយៈបណ្ដាញផ្សព្វផ្សាយសង្គមដើម្បីអាចទាក់ទាញអ្នកបោះឆ្នោតវ័យក្មេង។
...
Global Voices
|
1 d |
⟶
|
|
តើបុរសដែលដាក់គ្រាប់បែកនៅព្រលានយន្តហោះប៉េកាំងជាភេវករឬជាជនរងគ្រោះ?
CC BY
— បុរសជិះលើរទេះរុញ ដែលអះអាងថារូបលោកត្រូវពិការដោយសារតែ ការវាយដំយ៉ាងឃោរឃៅរបស់មន្រ្តីនគរបាលកាលពីឆ្នាំ២០០៥ ដាក់គ្រាប់បែកដែលផលិតដោយដៃនៅក្នុងព្រលានយន្តហោះប៉េកាំង។
...
Global Voices
|
1 d |
⟶
|
|
ម៉ាដាហ្គាស្កា ៖ សំឡេងរបស់អ្នកសរសេរប្លុក និងអ្នកបកប្រែវ័យក្មេង
CC BY
— ជួបជាមួយ រ៉ាឌីហ្វឺរ៉ា ហ្វេឡាណា ខែនឌី អ្នកបកប្រែឲ្យក្លូប៊ល វ៉យស៍ ជាភាសា ម៉ាហ្កាឡាស៊ី។ ជាមួយនឹងអាយុត្រឹមតែ ១៥ឆ្នាំ ខែនឌី ប្រហែលជាសមាជិកវ័យក្មេងបំផុតនៅក្នុងក្រុមការងាររបស់ក្លូប៊ល វ៉យស៍។
...
Global Voices
|
1 d |
⟶
|
|
បង្ហាញពីខ្លួនអ្នក ៖ ទិវាសកម្មភាពប្លុក ស្ដីពី សិទ្ធិមនុស្ស!
CC BY
— ថ្ងៃទី១៦ តុលា ជាទិវាសកម្មភាពប្លុក។ ចូលរួមជាមួយអ្នកសរសេរប្លុកទូទាំងពិភពលោកដើម្បីកត់សម្គាល់នូវប្រធានបទប្រចាំឆ្នាំនេះ ៖ សិទ្ធិមនុស្ស។
...
Global Voices
|
1 d |
⟶
|
|
ពលរដ្ឋយេម៉ែនស្វែងរកចំណាត់ការតាមរយៈ ៖ TEDxSanaa 2013
CC BY
— ក្រោមមូលបទ ចំណាត់ការ ជាការសំខាន់ TedxSanaa ចាប់ផ្ដើមនាថ្ងៃនេះ។ នូន អារ៉ាប៊ៀ ផ្តោតលើរឿងនេះ។
...
Global Voices
|
1 d |
⟶
|
|
ស្រ្តីស្រលាញ់ស្រ្តីមួយគូ ត្រូវបានចាប់ខ្លួនបន្ទាប់ពីលួចរៀបការនៅប្រទេសបង់ក្លាដេស
CC BY
— ការរៀបការនេះ ជាការរៀបការជាមួយមនុស្សភេទដូចគ្នាដំបូងបំផុតនៅក្នុងប្រទេស។ ច្បាប់ប្រទេសបង់ក្លាដេស ផ្តន្ទាទោសទំនាក់ទំនងរវាងភេទដូចគ្នាដោយឲ្យជាប់ពន្ធនាគារពេញមួយជីវិត។
...
Global Voices
|
1 d |
⟶
|
|
ប្រទេសថៃ ៖ កម្មវិធីពិភាក្សាទូរទស្សន៍មួយស្តីពី រាជវង្សត្រូវបានលុបចោល
CC BY
— ប៉ុស្តិ៍ទូរទស្សន៍ថៃ PBS បានដកកម្មវិធីទូរទស្សន៍ដ៏ចម្រូងចម្រាសបំផុតរបស់ខ្លួនចេញ ក្រោយពីមាន ប្រតិកម្មយ៉ាងខ្លាំងក្លាពីទស្សនិកជន ប្រឆាំងនឹងការផ្សាយបន្តបន្ទាប់នៃកម្មវិធីនេះ ស្តីពីបញ្ហារាជវង្ស។ អ្នកប្រឆាំងយល់ថាកម្មវិធីនេះ មាន «លក្ខណៈប្រឆាំងរាជានិយម» និងជាការគំរាមកំហែង ដល់ការផ្សះផ្សារជាតិ។ សហគមន៍អ៊ិនធើរណេតជាកម្លាំងភាគច្រើននៅពីក្រោយ ការប្រឆាំងតវ៉ាជាសាធារណៈនេះ។
...
Global Voices
|
1 d |
⟶
|
|
រដ្ឋាភិបាលយោធាមីយ៉ាន់ម៉ានិងក្រុមប្រដាប់អាវុធជនជាតិភាគតិចនាំគ្នាប្រកាសរៀងៗខ្លួនថាបានកា...
Public Domain
— ការប្រយុទ្ធគ្នាបានធ្វើឱ្យរង្គោះរង្គើរទីក្រុង Lashio ដែលជាបញ្ជាការដ្ឋានយោធាភាគឦសាន តាំងពីថ្ងៃទី៣ ខែកក្កដាមក នៅពេលដែលកងប្រដាប់អាវុធជនជាតិភាគតិចជាច្រើនក្រុម បានធ្វើការវាយប្រហារឡើងវិញ លើកងទ័ពរដ្ឋាភិបាលយោធា។
...
វិទ្យុសម្លេងសហរដ្ឋអាមេរិក
|
1 d |
⟶
|
|
ពួកអ្នកជំនាញពិនិត្យមើលជំនួបរវាងចិននិងជប៉ុននៅខាងក្រៅកិច្ចប្រជុំអាស៊ាន
Public Domain
— នៅដើមសប្តាហ៍នេះ អនុរដ្ឋមន្ត្រីការបរទេសចិនលោក Ma Zhaoxuបានជួបជាមួយសមភាគីរបស់លោកនៅក្នុងទីក្រុងតូក្យូ ដែលជាជំនួបលើកទី១របស់ប្រទេសទាំង២ក្នុងការពិភាក្សាយុទ្ធសាស្ត្រចាប់តាំងពីឆ្នាំ២០២០មក។ លោក Ma ក្រោយមកបានជួបលោកស្រី Kamikawa ក្នុងដំណើរទស្សនកិច្ចទៅកាន់រាជធានីតូក្យូ។
...
វិទ្យុសម្លេងសហរដ្ឋអាមេរិក
|
1 d |
⟶
|
|
ព័ត៌មានពេលព្រឹក ២៦ កក្កដា៖ លោក Biden និងលោក Netanyahu ជួបពិភាក្សាគ្នាអំពីសង្គ្រាមនៅហ្កាហ្...
Public Domain
— ព័ត៌មាននៅថ្ងៃនេះមានដូចជា លោក Biden និងលោក Netanyahu ជួបពិភាក្សាគ្នាអំពីសង្គ្រាមនៅហ្កាហ្សានិងបទឈប់បាញ់។ ជនជាតិកូរ៉េខាងជើងម្នាក់រងការចោទប្រកាន់ពីការវាយប្រហារដោយមេរោគកុំព្យូទ័រលើមន្ទីពេទ្យអាមេរិក និងព័ត៌មានផ្សេងទៀត៕
...
វិទ្យុសម្លេងសហរដ្ឋអាមេរិក
|
1 d |
⟶
|
|
ក្រុមសិទ្ធិមនុស្សរិះគន់កិច្ចខិតខំប្រឹងប្រែងដើម្បីប្តូរទីលំនៅរបស់ជនអន្តោប្រវេសន៍មុននឹងកី...
Public Domain
— ក្រុមសិទ្ធិមនុស្សបានចោទអាជ្ញាធរបារាំងថាបាន«បោសសម្អាតសង្គម» មុននឹងការប្រកួតកីឡាអូឡាំពិកនៅទីក្រុងប៉ារីសចូលមកដល់ដោយបានជម្លៀសជនអន្តោប្រវេសន៍ អ្នករកស៊ីផ្លូវភេទនិងអ្នកឯទៀត នៅជុំវិញរដ្ឋធានីនេះ ដែលវាបានបំផ្លាញការសន្យាថានឹងការប្រកួតនេះនឹងមានការចូលរួមគ្រប់ស្រទាប់វណ្ណៈ។ រដ្ឋាភិបាលនិយាយថាខ្លួនគ្រាន់តែព្យាយាមដោះស្រាយបញ្ហាដែលមានយូរមកហើយប៉ុណ្ណោះ។ អ្នកស្រី Lisa Bryant ជូនសេចក្តីរាយការណ៍ពីរដ្ឋធានីប៉ារីស។ កញ្ញា ទុំ ម្លិះ ជូនសេចក្តីប្រែសម្រួលដូចតទៅ៖
...
វិទ្យុសម្លេងសហរដ្ឋអាមេរិក
|
1 d |
⟶
|
|
អេត្យូពី៖ អាចមានស្លាប់ដល់៥០០នាក់ ដោយគ្រោះមហន្តរាយបាក់ដី
Attribution+
—
នៅប្រទេសអេត្យូពី មានករណីគ្រោះមហន្តរាយបាក់ដី លាយឡំដោយភក់ល្បប់ បានកើតឡើងកាលពីថ្ងៃចន្ទ ទី២២កក្កដាកន្លងទៅ។ គិតត្រឹមថ្ងៃព្រហស្បតិ៍ មហន្តរាយនេះបានផ្តាច់ជីវិតមនុស្ស២៥៧នាក់។ តែយោងតាមអង្គការសហប្រជាជាតិ ចំនួនមនុស្សស្លាប់អាចនឹងឡើងដល់៥០០នាក់យ៉ាងហោច ព្រោះថានៅមានមនុស្សបាត់ខ្លួនជាច្រើនរយនាក់ ដែលក្រុមសង្គ្រោះនៅពុំទាន់រកឃើញ។
...
វិទ្យុបារាំងអន្តរជាតិ
|
1 d |
⟶
|
|
កម្មវិធីព័ត៌មានប្រចាំថ្ងៃព្រហស្បតិ៍ ទី២៥ ខែកក្កដា ឆ្នាំ២០២៤
Attribution+
វិទ្យុបារាំងអន្តរជាតិ
|
1 d |
⟶
|
|
ឧត្តមស្នងការសិទ្ធិមនុស្សទាមទារស៊ើបអង្កេតឯករាជចំពោះការសម្លាប់បាតុករបង់ក្លាដែស
Attribution+
—
គិតត្រឹមថ្ងៃព្រហស្បតិ៍ ទី២៥កក្កដា បាតុកម្មហិង្សានៅបង់ក្លាដែស បណ្តាលឲ្យស្លាប់មនុស្ស យ៉ាងហោច ជាង ១៩០នាក់។ ក្នុងចំណោមមរណជនទាំងនោះ មានទាំងខាងក្រុមនិស្សិតបាតុករនិងក្រុមប៉ូលិស។ នៅគ្រានេះ ឧត្តមស្នងការសិទ្ធិមនុស្សអង្គការសហប្រជាជាតិ បានទាមទារបង្កើតគណៈកម្មការស៊ើបអង្កេតឯករាជ ដើម្បីស៊ើបអង្កេតចំពោះការបង្ក្រាបបាតុករ និងរំលោភបំពានសិទ្ធិមនុស្ស បង្កឡើងពីសំណាក់អាជ្ញាធរបង់ក្លាដែស។
...
វិទ្យុបារាំងអន្តរជាតិ
|
1 d |
⟶
|
|
ចិននិងរុស្ស៊ីច្រានចោលការព្រមានរបស់រដ្ឋាភិបាលក្រុងវ៉ាស៊ីនតោនអំពីបញ្ហានៅតំបន់អាកទិក
Public Domain
— វ៉ាស៊ីនតោន — កាលពីថ្ងៃទី ២៣ ខែកក្កដា កន្លងទៅនេះ រុស្ស៊ី និងចិន បានច្រានចោលការព្រមានរបស់សហរដ្ឋអាមេរិកទាក់ទងនឹងការបង្កើនកិច្ចសហប្រតិបត្តិការយោធា និងសេដ្ឋកិច្ចរបស់ពួកគេ នៅក្នុងតំបន់អាកទិក ដែលការប្រែប្រួលអាកាសធាតុកំពុងបើកឱ្យមានការប្រកួតប្រជែងកាន់តែខ្លាំង។
ក្នុងរយៈពេលប៉ុន្មានឆ្នាំថ្មីៗនេះ រុស្ស៊ីបានបង្កើនវត្តមានយោធារបស់ខ្លួននៅតំបន់អាកទិក ដោយការបើកឡើងវិញ និងធ្វើទំនើបកម្មមូលដ្ឋានយោធា និងអាកាសយានដ្ឋានជាច្រើនកន្លែងដែលត្រូវបានបោះបង់ចោលចាប់តាំងពីចុងសម័យសូវៀត ខណៈដែលប្រទេសចិនបានចំណាយប្រាក់ទៅលើការរុករក និងស្រាវជ្រាវតំបន់ប៉ូល។
អនុរដ្ឋមន្ត្រីក្រសួងការពារជាតិសហរដ្ឋអាមេរិក អ្នកស្រី Kathleen Hicks បានប្រាប់អ្នកសារព័ត៌មានកាលពីថ្ងៃទី ២២ ខែកក្កដាថា៖ «យើងឃើញថា កិច្ចសហប្រតិបត្តិការពាណិជ្ជកម្មរវាងសាធារណរដ្ឋប្រជាមានិតចិន (PRC) និងរុស្ស៊ីនៅក្នុងតំបន់អាក់ទិកកាន់តែមានខ្លាំងឡើង ដោយចិន គឺជាអ្នកផ្តល់មូលនិធិដ៏សំខាន់សម្រាប់ការឆ្លៀតយកចំណេញផ្នែកថាមពលរបស់រុស្ស៊ីនៅក្នុងតំបន់អាកទិក»។
ចំណែកឯកិច្ចសហប្រត្តិការយោធាក៏មានការកើនឡើងផងដែរ «ដោយរុស្ស៊ី និងចិន ធ្វើសមយុទ្ធរួមគ្នានៅមិនឆ្ងាយពីឆ្នេរសមុទ្រ Alaska»។ អ្នកស្រី Hicks បាននិយាយយ៉ាងដូច្នេះ នៅពេលដែលក្រសួងការពារជាតិសហរដ្ឋអាមេរិកបានចេញផ្សាយរបាយការណ៍យុទ្ធសាស្ត្រនៅតំបន់អាកទិកឆ្នាំ ២០២៤ របស់ខ្លួន។
អ្នកស្រី Hicks បាននិយាយទៀតថា៖ «បញ្ហាប្រឈមទាំងអស់នេះត្រូវបានរីកកាន់តែធំឡើងដោយសារតែឥទ្ធិពលនៃការប្រែប្រួលអាកាសធាតុគឺសីតុណ្ហភាពឡើងក្តៅយ៉ាងឆាប់រហ័ស និងផ្ទាំងទឹកកកកាន់តែស្តើង ហើយវាជួយដល់សកម្មភាពទាំងអស់នោះ»។
ការរលាយទឹកកកយ៉ាងឆាប់រហ័សនៅតំបន់ប៉ូលបានធ្វើឱ្យមានសកម្មភាពច្រើនហួសហេតុនៅក្នុងតំបន់នោះ ខណៈដែលប្រទេសនានាសម្លឹងមើលវិធីរកប្រាក់តាមរយៈការរុករកប្រេង ឧស្ម័ន និងរ៉ែ ក៏ដូចជាផ្លូវដឹកជញ្ជូននៅក្នុងតំបន់ដែលមានភាពស្មុគស្មាញទាក់ទងនឹងការប្រកួតប្រជែងគ្នាទាមទារកាន់កាប់ដែនដី។
រដ្ឋាភិបាលក្រុងមូស្គូកំពុងផ្សព្វផ្សាយយ៉ាងខ្លាំងអំពីផ្លូវសមុទ្រខាងជើងរបស់ខ្លួន (Northern Sea Route) ដែលជាផ្លូវដឹកទំនិញមួយផ្សេងទៀតសម្រាប់នាវាដែលធ្វើដំណើរទៅមករវាងអឺរ៉ុបនិងអាស៊ី។
«ជម្លោះនិងភាពតានតឹង»
កាលពីថ្ងៃទី ២៣ ខែកក្កដាកន្លងទៅនេះ ទាំងប្រទេសចិនទាំងប្រទេសរុស្ស៊ីបានការពារគោលនយោបាយរបស់ខ្លួននៅក្នុងតំបន់អាកទិក។
ទីក្រុងប៉េកាំងបាននិយាយថា ខ្លួនធ្វើសកម្មភាពលើ«គោលការណ៍នៃការគោរព កិច្ចសហប្រតិបត្តិការ ភាគីទាំងពីរទទួលបានផលប្រយោជន៍ដូចគ្នា និងនិរន្តរភាព» ហើយបានបន្ថែមទៀតថា ខ្លួនបាន«ប្តេជ្ញាចិត្តក្នុងការរក្សាសន្តិភាព និងស្ថិរភាព» នៅក្នុងតំបន់នោះ។
អ្នកនាំពាក្យក្រសួងការបរទេសចិនអ្នកស្រី Mao Ning បាននិយាយថា៖ «សហរដ្ឋអាមេរិកបំភ្លៃគោលនយោបាយនៅតំបន់អាកទិករបស់ចិន និងធ្វើការកត់សម្គាល់ដោយមិនបានគិតលើសកម្មភាពធម្មតារបស់ចិននៅតំបន់អាកទិក (ដែល) ជាសកម្មភាពស្របតាមច្បាប់អន្តរជាតិ»។
អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រទេសរុស្ស៊ី«ធ្វើកិច្ចការដែលខ្លួនត្រូវធ្វើដើម្បីធានាថា តំបន់អាកទិកនឹងមិនក្លាយជាដែនដីនៃជម្លោះ និងភាពតានតឹងនោះទេ»។
លោក Dmitry Peskov បានប្រាប់អ្នកសារព័ត៌មានថា កិច្ចសហប្រតិបត្តិការរបស់រុស្ស៊ីជាមួយចិន«រួមចំណែកធ្វើឱ្យមានបរិយាកាសស្ថិរភាព និងអាចព្យាករណ៍ទុកជាមុនបាន»នៅក្នុងតំបន់អាកទិក ហើយសកម្មភាពរបស់ចិននិងរុស្ស៊ីមិនត្រូវបានគេកំណត់គោលដៅថា ជាសកម្មភាពប្រឆាំងនឹងប្រទេសផ្សេងទៀតឡើយ។
របាយការណ៍យុទ្ធសាស្ត្រនៅតំបន់អាកទិករបស់រដ្ឋាភិបាលក្រុងវ៉ាស៊ីនតោនពណ៌នាតំបន់នេះថាជា«តំបន់សំខាន់ជាយុទ្ធសាស្ត្រ»សម្រាប់សហរដ្ឋអាមេរិកដែលរួមមាន «ផ្លូវពីភាគខាងជើងឆ្ពោះទៅកាន់មាតុភូមិ» និង«ហេដ្ឋារចនាសម្ពន្ធការពារជាតិសំខាន់ៗរបស់សហរដ្ឋអាមេរិក»។
របាយការណ៍យុទ្ធសាស្ត្រនៅតំបន់អាកទិកបានឱ្យដឹងទៀតថា ការប្រែប្រួលអាកាសធាតុអាចបណ្តាលឱ្យតំបន់អាក់ទិកជួបប្រទះរដូវក្តៅដោយគ្មានទឹកកកជាលើកដំបូងនៅឆ្នាំ ២០៣០»។
របាយការណ៍យុទ្ធសាស្ត្រដដែលនោះបានឱ្យដឹងបន្ថែមទៀតថា៖ «ការកើនឡើងនៃសកម្មភាពរបស់មនុស្សនឹងបង្កើនហានិភ័យនៃគ្រោះថ្នាក់ ការគណនាខុស និងការធ្វើឱ្យខូចបរិស្ថាន» ហើយកងកម្លាំងសហរដ្ឋអាមេរិក«ត្រូវតែត្រៀមខ្លួនជាស្រេចដើម្បីកាត់បន្ថយហានិភ័យដែលទាក់ទងនឹងឧបទ្ទវហេតុដែលអាចកើតមាននៅក្នុងតំបន់អាក់ទិក»៕
ប្រែសម្រួលដោយអ្នកស្រី លី ម៉ូរីវ៉ាន់
...
វិទ្យុសម្លេងសហរដ្ឋអាមេរិក
|
1 d |
⟶
|
|
បច្ចេកវិទ្យាបញ្ញាសិប្បនិម្មិត AI ជួយចាប់សំឡេងក្លែងក្លាយ អំឡុងមានការគំរាមកំហែងដោយព័ត៌មាន...
Public Domain
— សំឡេងក្លែងក្លាយត្រូវបានប្រើដើម្បីផ្លាស់ប្តូរចិត្តអ្នកបោះឆ្នោតនៅឆ្នាំនេះ។ លោក Matt Dibble នៃវីអូអេ ស្វែងយល់ថាតើបញ្ញាសិប្បនិម្មិតអាចជួយចាប់សំឡេងក្លែងបន្លំនេះដូចម្តេចនៅក្នុងកម្មវិធី LogOn សប្តាហ៍នេះ។ កញ្ញាទុំ ម្លិះ ជូនសេចក្តីប្រែសម្រួល៕
...
វិទ្យុសម្លេងសហរដ្ឋអាមេរិក
|
1 d |
⟶
|
|
ព័ត៌មានពេលរាត្រី ២៥ កក្កដា៖ លោក Biden ថ្លែងថា លោក«ប្រគល់ឱ្យអ្នកបន្តវេន»ដើម្បីបង្រួបបង្រួមជាត...
Public Domain
— ព័ត៌មាននៅថ្ងៃនេះមានដូចជា លោក Biden ថ្លែងថា លោក«ប្រគល់ឱ្យអ្នកបន្តវេន»ដើម្បីបង្រួបបង្រួមជាតិ។ តុលាការសម្រេចឱ្យលោក ទាវ វណ្ណុល សងជំងឺចិត្តរដ្ឋាភិបាលកម្ពុជាប្រមាណ១លាន៥សែនដុល្លារ។ អ្នករិះគន់ម្នាក់ទៀតត្រូវឃាត់ខ្លួន ក្រោយថ្លែងអំពី«តំបន់ត្រីកោណអភិវឌ្ឍន៍» និងព័ត៌មានផ្សេងទៀត៕
...
វិទ្យុសម្លេងសហរដ្ឋអាមេរិក
|
1 d |
⟶
|
|
អ្នករិះគន់ម្នាក់ទៀតត្រូវឃាត់ខ្លួន ក្រោយថ្លែងអំពី«តំបន់ត្រីកោណអភិវឌ្ឍន៍» ខណៈសកម្មជន៤នាក់...
Public Domain
— ភ្នំពេញ — សកម្មជនសង្គមម្នាក់ លោក ធែល ធីលែន ដែលទើបចេញពីពន្ធនាគារ ត្រូវបានសមត្ថកិច្ចខេត្តកណ្តាលចាប់ខ្លួន ក្រោយលោកបានថ្លែងពាក់ព័ន្ធនឹងតំបន់អភិវឌ្ឍន៍ត្រីកោណ ដែលកំពុងជាប្រធានបទចម្រូងចម្រាសមួយ។
លោក អ៊ំ ឆុម សកម្មជនម្នាក់ដែលស្គាល់លោក ធែល ធីលែន ប្រាប់វីអូអេនៅថ្ងៃព្រហស្បតិ៍នេះថា លោកទទួលដំណឹងពីក្រុមគ្រួសាររបស់លោក ធែល ធីលែន ថាលោកត្រូវបានឃាត់ខ្លួន កាលពីវេលាម៉ោងជិត ៥ល្ងាច នាថ្ងៃពុធ នៅផ្ទះរបស់លោកក្នុងភូមិព្រែកដូនហែម ឃុំព្រែកអំពិល ស្រុកខ្សាច់កណ្តាល ខេត្តកណ្តាល។ លោកបញ្ជាក់ថា ការឃាត់ខ្លួននេះ ក្រោយលោក ធែល ធីលែន បានបង្ហោះវីដេអូលើបណ្តាញសង្គម TikTok ដោយនិយាយអំពីតំបន់ត្រីកោណអភិវឌ្ឍន៍។
បើតាមវីដេអូលើ TikTok ដែលវីអូអេទទួលបាន លោក ធែល ធីលែន លើកឡើងចំៗថាមានការផ្តល់ដីចំនួន ៤ ខេត្ត ឱ្យទៅវៀតណាមគ្រប់គ្រង ក្រោមរូបភាពអភិវឌ្ឍន៍និងកិច្ចសហប្រតិបត្តិការ។ លោកបន្តថា លោកពិតជា«មិនអាចទទួលយកបាន» ហើយថាវាជា «ការខាតបង់របស់ប្រជាជាតិខ្មែរទាំងមូល»។
នៅក្នុងវីដេអូនោះ លោក ធែល ធីលែន ដែលទើបត្រូវបានដោះលែងពីពន្ធនាគារ កាលពីថ្ងៃទី ១៦ ខែកក្កដា បានអំពាវនាវឱ្យប្រជាពលរដ្ឋចូលរួមបញ្ចេញមតិ ដោយប្រើពាក្យស្លោកថា «ខ្ញុំមិនគាំទ្រការធ្វើកិច្ចសហប្រតិបត្តិការផ្តល់ខេត្តទាំង ៤ ទៅដល់វៀតណាមគ្រប់គ្រងនោះទេ»។ លោកបន្ថែមថា ការលើកឡើងបែបនេះមិនខុសច្បាប់ឡើយ ហើយជាសេរីភាពនៃការបញ្ចេញមតិ។
លោក ម៉ែន សុខឃឿន អធិការនគរបាលស្រុកខ្សាច់កណ្តាល ថ្លែងថា លោកមិនមានតួនាទីអ្វីក្នុងការបញ្ចេញព័ត៌មានលើការចាប់ខ្លួននេះឡើយ។
វីអូអេមិនទាន់អាចសុំការអត្ថាធិប្បាយពីលោក ឈឿន សុចិត្រ ស្នងការនគរបាលខេត្តកណ្តាលបាននៅឡើយទេ។
កាលពីថ្ងៃពុធ ចៅក្រមសាលាដំបូងរាជធានីភ្នំពេញបានសម្រេចឃុំខ្លួនសកម្មជន ៤ នាក់ជាបណ្តោះអាសន្ន ពាក់ព័ន្ធនឹងការថ្លែងរបស់ពួកគេរឿងការអភិវឌ្ឍតំបន់ត្រីកោណដែលជាផែនការអភិវឌ្ឍន៍របស់រដ្ឋាភិបាលកម្ពុជា ឡាវ និងវៀតណាម។
បើតាមសេចក្តីប្រកាសព័ត៌មានរបស់សាលាដំបូងរាជធានីភ្នំពេញ ចុះថ្ងៃទី ២៤ ខែកក្កដា ឆ្នាំ ២០២៤ សកម្មជនដែលគេស្គាល់ថាជាអ្នកផ្សព្វផ្សាយអំពីកិច្ចព្រមព្រៀងទីក្រុងប៉ារីស ឈ្មោះស៊្រុន ស្រ៊ន ភឹង សោភា ចក់ បានមុន្នី និងសាន សិទ្ធ ត្រូវបានចោទប្រកាន់ពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។
តុលាការបញ្ជាក់ថាកាលពីថ្ងៃទី ២៣ ខែកក្កដា ឆ្នាំ ២០២៤ សកម្មជនទាំងនោះបានផ្សាយផ្ទាល់ (LIVE) វីដេអូនៅក្នុងបណ្តាញសង្គមហ្វេសប៊ុក Srun Srorn ព្រមទាំងបង្ហោះចូលក្នុងទំព័រហ្វេសប៊ុករបស់ខ្លួន ពាក់ព័ន្ធនឹងគម្រោងអភិវឌ្ឍន៍តំបន់ត្រីកោណរវាងរដ្ឋាភិបាល កម្ពុជា ឡាវ វៀតណាម (CLV-DTA) ហើយបានអត្ថាធិប្បាយ «ដែលមានចរិក លក្ខណៈមួលបង្កាច់ ប្រឌិតព័ត៌មានមិនពិតដែលធ្វើឡើងក្នុងចេតនាទុច្ចរិត ញុះញង់ បញ្ឆេះកំហឹងប្រជាពលរដ្ឋឱ្យប្រឆាំងនឹងការដឹកនាំរបស់រាជរដ្ឋាភិបាលកម្ពុជា ដែលសកម្មភាពនេះបានបង្កឱ្យប៉ះពាល់ធ្ងន់ធ្ងរដល់សន្តិសុខជាតិ»។
កាលពីថ្ងៃអង្គារ លោក ហ៊ុន សែន បានលើកឡើងថា មានការចោទប្រកាន់មេដឹកនាំកម្ពុជា ជាពិសេសរូបលោកផ្ទាល់ និងលោកនាយករដ្ឋមន្ត្រី ហ៊ុន ម៉ាណែត ថាជា «ជនក្បត់ជាតិ» ក្នុងការកាត់ដី ៤ ខេត្តឱ្យវៀតណាម តាមរយៈគម្រោង«តំបន់ត្រីកោណអភិវឌ្ឍន៍»នេះ។ លោកបញ្ជាក់ថា ការចោទប្រកាន់នេះជា«ការប្រមាថដែលមិនអាចលើកលែងទោសឱ្យបានទេ» ហើយលោកស្នើឱ្យតុលាការដាក់ទោសអតិបរមាលើអ្នករិះគន់ទាំងនោះ។
នាយកទទួលបន្ទុកទូទៅនៃអង្គការការពារសិទ្ធិមនុស្សលីកាដូ លោក អំ សំអាត ប្រាប់វីអូអេថា លោកមានការសោកស្តាយចំពោះការចាប់ខ្លួនសកម្មជនសង្គមជាបន្តបន្ទាប់ ខណៈប្រេសិតពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាកំពុងមានវត្តមានក្នុងប្រទេស ដើម្បីប្រមូលព័ត៌មាននិងវាយតម្លៃស្ថានភាពសិទ្ធិមនុស្ស។
តំបន់អភិវឌ្ឍន៍ត្រីកោណត្រូវបានបង្កើតឡើងនៅក្នុងឆ្នាំ ១៩៩៩ ដោយរដ្ឋាភិបាលប្រទេសបី គឺកម្ពុជា ឡាវ និងវៀតណាម ដែលបានឯកភាពគ្នាក្នុងការដាក់ខេត្តចំនួន ១៣ រួមគ្នា ដើម្បីអភិវឌ្ឍ។ កម្ពុជាមានខេត្តចំនួនបួន គឺរតនគិរី មណ្ឌលគិរី ក្រចេះ និងស្ទឹងត្រែង ដែលត្រូវបានដាក់បញ្ចូលក្នុងតំបន់ត្រីកោណអភិវឌ្ឍន៍នេះ។ រដ្ឋាភិបាលកម្ពុជាអះអាងថា តំបន់ត្រីកោណអភិវឌ្ឍន៍ជាប្រភពនៃសក្តានុពលសេដ្ឋកិច្ច ទេសចរណ៍ និងវប្បធម៌។
ប្រធានបទស្តីពី «តំបន់ត្រីកោណអភិវឌ្ឍន៍» នេះបានក្លាយជាចំណុចចម្រូងចម្រាសចុងក្រោយនេះ ខណៈមានការព្រួយបារម្ភមួយចំនួនថា វៀតណាមនឹងគ្រប់គ្រងតំបន់នោះ ហើយកម្ពុជាអាចបាត់បង់ទឹកដីនោះ ដូចកម្ពុជាក្រោម៕
...
វិទ្យុសម្លេងសហរដ្ឋអាមេរិក
|
1 d |
⟶
|
|
តុលាការសម្រេចឱ្យលោក ទាវ វណ្ណុល សងជំងឺចិត្តរដ្ឋាភិបាលកម្ពុជាប្រមាណ១លាន៥សែនដុល្លារ
Public Domain
— ភ្នំពេញ — ចៅក្រមតុលាការរាជធានីភ្នំពេញ នៅថ្ងៃព្រហស្បតិ៍នេះ បានសម្រេចផ្តន្ទាទោសលោក ទាវ វណ្ណុល ប្រធានគណបក្សភ្លើងទៀន ពីបទបរិហារកេរ្តិ៍ជាសាធារណៈ ដោយបង្គាប់ឱ្យមេដឹកនាំគណបក្សជំទាស់រូបនោះបង់សងជំងឺចិត្តទៅដើមបណ្តឹងដែលជារដ្ឋាភិបាលកម្ពុជា ប្រមាណ ១លាន ៥សែនដុល្លារអាមេរិក។
លោក ជូង ជូងី មេធាវីរបស់លោក ទាវ វណ្ណុល ប្រាប់អ្នកសារព័ត៌មានក្រោយចូលស្តាប់ការប្រកាសសាលក្រមនៅសាលាដំបូងរាជធានីភ្នំពេញថា តុលាការពិន័យលោក ទាវ វណ្ណុលចំនួន ១០លានរៀល ឬប្រមាណ ២.៥០០ ដុល្លារអាមេរិក និងបង្គាប់ឱ្យសងទៅដើមបណ្តឹងចំនួន ៦ ពាន់លានរៀល ឬប្រមាណ ១លាន ៥សែនដុល្លារអាមេរិក។
លោកយល់ថា ការសម្រេចរបស់តុលាការមិនយុត្តិធម៌សម្រាប់កូនក្តីលោកឡើយ។ លោកបន្ថែមថា លោកនឹងផ្តល់ការប្រឹក្សាច្បាប់ដល់កូនក្តីថា តើលោក ទាវ វណ្ណុល នឹងសម្រេចប្តឹងឧទ្ធរណ៍ ឬយ៉ាងណា។
លោកថ្លែងថា៖ «ពីព្រោះខ្ញុំជាមេធាវីយល់ឃើញថា អ្វីដែលគាត់និយាយនោះ គឺជាការពិតម្យ៉ាង ហើយម្យ៉ាងទៀត គឺជាការបង្ហាញទស្សនៈយល់ឃើញរបស់គាត់ បាទ»។
បើតាមលោក ជូង ជូងី លោក ទាវ វណ្ណុល មិនអាចបង្ហាញមុខនៅតុលាការនាព្រឹកថ្ងៃព្រហស្បតិ៍ ពេលប្រកាសសាលក្រម ដោយសារលោកជាប់«ការងារនយោយបាយនៅក្រៅប្រទេស»។
នៅក្នុងសវនាការជំនុំជម្រះកាលពីកន្លងទៅ មេធាវីរដ្ឋាភិបាលដែលបានដាក់ពាក្យបណ្តឹងបានទាមទារសំណងជំងឺចិត្តចំនួន ៦ពាន់លានរៀល ឬប្រហែល ១,៥លានដុល្លារ ពីលោក ទាវ វណ្ណុល។ មេធាវីរបស់រដ្ឋាភិបាលបានអះអាងថា ការថ្លែងរបស់លោក ទាវ វណ្ណុល ទៅកាន់សារព័ត៌មានជប៉ុន កាលពីកន្លងទៅ បានធ្វើឱ្យខូចមុខមាត់របស់ប្រមុខរដ្ឋាភិបាលកម្ពុជា។
នៅក្នុងបទសម្ភាសន៍ជាមួយសារព័ត៌មាន Nikkei Asia លោក ទាវ វណ្ណុល បានរិះគន់ការធ្លាក់ចុះនៃលទ្ធិប្រជាធិបតេយ្យ និងសិទ្ធិមនុស្សនៅកម្ពុជា ចាប់តាំងពីលោក ហ៊ុន ម៉ាណែត ចូលកាន់តំណែង។ លោកអះអាងថា អាជ្ញាធរបានដំឡើងកាមេរ៉ាសុវត្ថិភាព ដើម្បីឃ្លាំមើលសកម្មភាពរបស់លោក និងមេដឹកនាំគណបក្សភ្លើងទៀនមួយចំនួនទៀត។
កាលពីកន្លងទៅ លោក ទាវ វណ្ណុល ធ្លាប់បានស្នើឱ្យអយ្យការច្រានចោលពាក្យបណ្តឹងរបស់រដ្ឋាភិបាល ព្រោះលោកយល់ឃើញថា អ្វីដែលលោកបានអត្ថាធិប្បាយជាមួយប្រព័ន្ធផ្សព្វផ្សាយជប៉ុនអំពីលទ្ធិប្រជាធិបតេយ្យនៅកម្ពុជា គឺជាសេរីភាពនៃការសម្តែងមតិ។ លោកបន្ថែមថា ការអតា្ថធិប្បាយរបស់លោកធ្វើឡើងគ្រាន់តែជាការប្រៀបធៀបអំពីស្ថានភាពប្រជាធិបតេយ្យ ក្រោមការដឹកនាំរបស់នាយករដ្ឋមន្ត្រីកម្ពុជាបច្ចុប្បន្នគឺលោក ហ៊ុន ម៉ាណែត និងអតីតនាយករដ្ឋមន្ត្រី គឺលោក ហ៊ុន សែន។
វីអូអេមិនទាន់អាចសុំការអត្ថាធិប្បាយពីលោក គី តិច ប្រធានក្រុមមេធាវីរដ្ឋាភិបាលបាននៅឡើយទេ។
ប្រធានសមាគមការពារសិទ្ធិមនុស្សអាដហុក លោក នី សុខា ប្រាប់វីអូអេថា លោកសោកស្តាយចំពោះការកាត់ទោសដោយពិន័យជាប្រាក់យ៉ាងច្រើនដល់មេដឹកនាំគណបក្សប្រឆាំង។ លោកថា នេះនឹងធ្វើឱ្យលំហនយោបាយកាន់តែរួមតូចក្នុងប្រទេសកម្ពុជា។
លោកបញ្ជាក់ថា៖ «វាជាសិទ្ធិសេរីភាពរបស់អ្នកនយោបាយក្នុងការបញ្ចេញមតិ ជាសារនយោបាយទៅដល់សកម្មជនរបស់ខ្លួន ដែលខ្លួនជាមេដឹកនាំនយោបាយមួយ។ ដូច្នេះយើងមិនគួរយកបញ្ហាសារនយោបាយរបស់ក្រុមអ្នកនយោបាយមួយមកចាប់ទោសអូសដំណើរទៅតាមផ្លូវច្បាប់ទេ។ អាហ្នឹងវាធ្វើឱ្យមានការបង្ហាញឱ្យឃើញថា ដំណើរការនៃការអនុវត្តលទ្ធិប្រជាធិបតេយ្យយើងកាន់តែមានបញ្ហារួមតូចទៅៗ»។
បើតាមលោក នី សុខា នៅក្នុងប្រទេសប្រជាធិបតេយ្យជឿនលឿន គេតែងតែអត់ឱននិងអាស្រ័យឱ្យគ្នាចំពោះការសម្តែងមតិ ឬក៏សារនយោបាយ។
គួរបញ្ជាក់ថា កាលពីឆ្នាំ ២០២២ សាលាដំបូងបានកាត់ក្តីឱ្យលោក សុន ឆ័យ អនុប្រធានគណបក្សភ្លើងទៀន ចាញ់ក្តីនៅក្នុងសំណុំរឿងបរិហារកេរ្តិ៍ដែលប្តឹងដោយគណបក្សប្រជាជនកម្ពុជា ដោយតម្រូវឱ្យលោកសងសំណងសរុបជាទឹកប្រាក់ប៉ុន្មាន ៧៥ ម៉ឺនដុល្លារអាមេរិក ហើយអចលនទ្រព្យមួយចំនួនរបស់លោកត្រូវបានតុលាការចេញដីការក្សាការពារ៕
...
វិទ្យុសម្លេងសហរដ្ឋអាមេរិក
|
1 d |
⟶
|
|
ព្យុះទីហ្វុងGaemi បោកសង្គ្រុបលើហ្វីលីពីននិងតៃវ៉ាន់ ស្លាប់ច្រើននាក់និងលិចនាវាដឹកទំនិញ
Attribution+
—
ខ្យល់ព្យុះទីហ្វុង Gaemi បានបោកសង្គ្រុបលើហ្វីលីពីន និងតៃវ៉ាន់ ចាប់ពីថ្ងៃពុធទី២៤កក្កដា បានបណ្តាលឲ្យលិចលង់ និងបាក់បែកផ្ទះសម្បែងជាច្រើនខ្នង។ យ៉ាងហោចណាស់ មានមនុស្សស្លាប់២០នាក់នៅហ្វីលីពីន និង២នាក់នៅតៃវ៉ាន់។ នាវាដឹកប្រេងឆៅចំណុះ១លាន៤សែនលីត្រមួយគ្រឿង បានលិចនៅឆកសមុទ្រម៉ានីល នៅថ្ងៃព្រហស្បតិ៍នេះ ហើយកំពុងបង្កឲ្យមានការព្រួយបារម្ភជាខ្លាំង អំពីមហន្តរាយធ្ងន់ធ្ងរទៅលើធម្មជាតិ។
...
វិទ្យុបារាំងអន្តរជាតិ
|
1 d |
⟶
|
|
តើការទារសំណងរាប់លានដុល្លារពីមេដឹកនាំបក្សប្រឆាំងជាការបិទច្រកហិរញ្ញវត្ថុបក្សប្រឆាំងឬ?
Attribution+
—
ប្រធានគណបក្សភ្លើងទៀន លោក ទាវ វណ្ណុល ត្រូវបានតុលាការផ្តន្ទាទោសពីបទបរិហារកេរ្តិ៍ជាសាធារណៈនៅថ្ងៃទី២៥ ខែកក្កដា ឆ្នាំ២០២៤នេះ ហើយត្រូវបានបង្គាប់ឲ្យសងសំណងខូចខាតសរុបជាទឹកប្រាក់ ១,៥លានដុល្លារទៅឲ្យរដ្ឋាភិបាលដែលជាភាគីដើមបណ្តឹង។ រឿងរ៉ាវស្រដៀងគ្នានេះធ្លាប់កើតកាលពីឆ្នាំ២០២២ ដោយតុលាការបានបង្គាប់ឲ្យលោក សុន ឆ័យ អនុប្រធានគណបក្សភ្លើងទៀនសងសំណងខូចខាតសរុបប្រមាណ ១លានដុល្លាទៅឲ្យគណបក្សប្រជាជន។ អ្នកវិភាគនយោបាយ និងសង្គមមានយោបល់ខុសគ្នាដោយចោទសួរថា តើការប្តឹងទារសំណងជំងឺចិត្តរាប់លានដុល្លារជាយុទ្ធសាស្ត្ររបស់បក្សកាន់អំណាចដើម្បីផ្តាច់ច្រកនយោបាយ និងហិរញ្ញវត្ថុរបស់បក្សប្រឆាំង ឬយ៉ាងណា?
...
វិទ្យុបារាំងអន្តរជាតិ
|
1 d |
⟶
|
|
ប្រធានគណបក្សភ្លើងទៀនចាញ់ក្តីគណបក្សកាន់អំណាចដោយត្រូវបង់ជំងឺចិត្តជិត២លានដុល្លារ
Attribution+
—
សាលាដំបូងរាជធានីភ្នំពេញបានសម្រេចនៅព្រឹកថ្ងៃទី២៥ ខែកក្កដានេះឱ្យលោក ទាវ វណ្ណុល ប្រធានគណបក្សភ្លើងទៀនចាញ់ក្តីគណបក្សប្រជាជនកម្ពុជាក្នុងសំណុំរឿងបរិហារកេរ្តិ៍ជាសាធារណៈ។ លោកទាវ វណ្ណុលត្រូវបានតុលាការផ្តន្ទាទោសដោយបង្គាប់ឱ្យបង់ប្រាក់សងជំងឺចិត្តដល់គណបក្សកាន់អំណាចប្រមាណជិត២លានដុល្លារអាមេរិក។ លោកជូង ជូងី មេធាវីការពារក្តីឱ្យប្រធានបក្សភ្លើងទៀនយល់ថា ការសម្រេចរបស់តុលាការនេះគឺជារឿងអយុត្តិធម៌ចំពោះកូនក្តីខ្លួន។
...
វិទ្យុបារាំងអន្តរជាតិ
|
1 d |
⟶
|
|