|
Nhau dzeShona Mangwanani
Public Domain
— Nhau dzeShona Mangwanani
...
Voice of America
|
1 hr |
⟶
|
|
|
Vana veNhengo dzeDzimwe Kereke dzePositori Dzisingaendi kuZvipatara Votarisana neNjodzi yeZvirwere
Public Domain
— Chinhoyi — Vana vakawanda vane vabereki vanopinda kereke dzechipositori vari panjodzi huru yekufa nezvirwere zvinorapika zvakaita segwirikwiti nemahumbunya sezvo vabereki vavo vari kuramba kuvabaisa nhomba dzekudzivirira zvirwere kana kuvarapisa kana varwara.
Vana vanodarika makumi matatu nevashanu vanonzi vakafa kunzvimbo yekuNyama mudunhu diki reHurungwe kuMashonaland West, nezvirwere zvegwirikwiti nemahumbunya mukati memasvondo maviri mwedzi wapera.
Kufa kwevana kana madzimai akazvitakura venhengo dzechipositori hakusi kutsva munyika, sezvo dzichizivikanwa netsika yekusaenda kunorapwa kuzvipatara kana kumakiriniki kana zvarwara kana pakusununguka kwemadzimai anenge akazvitakura.
Studio 7 yakashanyira nzvimbo yeNyama uko yakanzwa kuti nyaya dzekufa kwevana zvinhu zvave nenguva zvichiitika asi kungoti rwendo runo vana vafa vakawanda munguva pfupi.
Mumwe mudzimai akafirwa nevana vaviri asingade kuzivikanwa nezita sezvo achitya kurambwa nemurume pamwe nekudzingwa mukereke ye Johanne Marange yaanopinda nemurume wake anoti dambudziko rekufirwa rinorwadza madzimai kudarika varume, achiti ari kurwadziwa zvakanyanya nekurasikirwa nevana vake.
“Chinorwadza ndechekuti isu tinorwadziwa asi varume vanongoti vachaita vamwe vana nemadzimai akawanda avanoroora,” Amai mupositori vanotsanangura.
Mumwe mudzimai akafirwa nemwana kuVillage 6 ati anoda kuzivikanwa saMadzimai Dorcas, anoti akazvarirwa mukereke yekwaJohanne Marange akakura asingaende kuchipatara, asi anoti itsika yakaipa inourayisa vana nemadzimai chete kazhinji kacho.
“Kunyange ndakazvarirwa kuJohanne Marange asi tsika yekusaenda kuchipatara yakaipa sezvo ichiurayisa vana nemadzimai kudarika varume vanoisa mitemo yacho,” Madzimai Dorcas vanotsanangura.
Imwe mhuri inonzi yakarasikirwa nevana vanomwe, imwe yakarasikirwa nevana vashanu kuchitiwo dzimwe mhuri dzichishaikirwa nevana vaviri vaviri.
Kunyange vakuru vechechi yekwaMarange kuNyama varamba kutaura nesu, mumwe mukuru wekwaChirau kwaZvimba, Madzibaba Justine Sithole, vakamboudza Studio 7 kuti munhu anoita sarudzo yake yekuenda kuchipara kana kunoyamurwa nemaporofita ekuchechi.
“Isu hatimanikidze vanhu, munhu anoita sarudzo yake kuenda kuchipatara kana kunoshandirwa nemapurofita ekuchechi,” Madzibaba Sithole vanotsanangura.
Mumwe Sabhuku weku Village 1 kwaNyama, VaDaniel Jambo, vanobvuma kuti huwandu hwevana vakafa hauzivikanwe sezvo vamwe vasina kunyorwa mazita, vachiti makuva evana makumi maviri nemapfumbamwe ndiwo akaonekwa pakaitwa ongororo yevana vakafa svondo rapera.
“Kubva zvavhara vana zvikoro kusvika nhasi vana 29 vakafa uye vamwe vasingazivikanwe nekuti havana kunyorwa mazita,” Sabhuku Jambo vanozivisa.
Sabhuku Jambo vanoti vakaita chisungo chekuti mupositori wese anofirwa nemwana nekuti haana kumubayisa nhomba haafanirwe kuviga mwana wacho munzvimbo yavo asi kuenda kuKaroi uko vanotenga nzvimbo yekuvigira.
“Takaita chisungo semaSabhuku kuti mupositori anourayisa mwana nekusabayisa nhomba anonoviga mwana wacho kuKaroi kunobhadhariswa,” Sabhuku Jambo vanoyambira.
Nyanzvi munyaya dzezvehutano uye vakambove gurukota rezvehutano, Doctor Henry Madzorera, vanoti vakamboedza kutaura nevakuru vemakereke echipositori asi hazvina kuyamura nekuti vakuru vehurumende vanokudza mavhoti kudarika hupenyu hwevanhu.
Dr. Madzorera vanoti vatungamiri vehurumende, avo vanoenda kumakereke echipositori nguva dzesarudzo kunotsvaka rutsigiro, vanotya kumanikidza vemakereke aya kuti vabayise vana vavo nhomba kana kuenda kuzvipatara.
“Handizive kuti inyaya ye mavhoti here inoita kuti vakuru vemuhurumende vasaise mitemo yakaomarara zvikuru kune vose vanorambidza vana kubayiwa nhomba,” Dr Madzorera vanoshushikana.
Dr. Madzorera vanoti panofanirwa kuiswa mutemo unomanikidzira vabereki kubayisa vana nhomba sezvo vana vari vehurumende pamutemo kusvika vave nemakore gumi nemasere.
Izvi zvinotsigirwa naSabhuku Jambo, avo vanoti vakuru vehurumende vanofanirwa kutaura nevakuru vemakereke kwete vatungamiri vari pasi kuti dambudziko iri ripere.
Asi mukuru werimwe sangano rinorwira kodzero dzehutano reWorking Group on Health-WGOH-VaItai Rusike vanoti mitemo iripo asi haisi kutevedzerwa.
“Dambudziko riri munyika nderekuti mitemo haisi kutevedzerwa izvo zviri kuurayisa vana vasina mhosva,” VaRusike vanotsanangura.
Hatina kukwanisa kubata gurukota rezvehutano, Dr. Douglas Mombeshora. Asi mutauriri webazi rezvehutano, VaDonald Mujiri, vanoti vachiri kuongorora nezvenyaya yekufa kwevana iyi.
“Tichiri kuongorora nyaya yekufa kwevana iyi, uye tichazivisa zvatinenge tawana,” VaMujiri vanozivisa.
Hurumende yakazivisa svondo rapera kuti pane chikwata chevashandi veCivil Protection Unit, CPU, chakanga chatumirwa kuKaroi kwakare kuti chinotaura nevakuru vemakereke emapositori aya. Hatina kukwanisa kunzwa kuti chii chakabuda muhurukuro idzi, kana dzakabudirira.
Mugore ra2022 vana vanodarika zana namakumi mashanu pavana zviuru zviviri vakabatwa nechirwere chegwirikwiti vakafa munyika zvikuru vana vevabereki vanopinda makereke echipositori.
...
Voice of America
|
5 hr |
⟶
|
|
|
Dare Rinoti seMwana weGurukota Neville Mutsvangwa Ngagare Mujeri neKuti Anogona Kutiza
Public Domain
Voice of America
|
10 hr |
⟶
|
|
|
Kudyidzana kweAfrica neAmerica Kwoita Zinyekenyeke
Public Domain
— Washington D.C. — Nyaya dzekudyidzana nenyika dzemuAfrica haina kunyanya kukosha munyaya yekutsvaga rutsigiro musarudzo yemutungamiri wenyika muAmerica.
Asi nyanzvi munyaya dzezvematongerwo enyika dzinoti chero anenge akunda musarudzo iyi achasangana nematambudziko makukutu mukuyedza kuti America idyidzane zvakasimba neAfrica iyo ine vanhu bhiriyoni imwe chete nezviuru mazana maviri, kana kuti 1,2 billion.
Africa yakakura asi haifanire kutorwa sekunge nyika imwe uye ine zviwanikwa zvakawanda netsika nemagariro zvinoda kunzwisisika. Africa inewo nhoroondo yekurwira rusungunuko senyika dzakawanda dzakanonoka kuwana kuzvitonga kuzere. Asi kunyangwe Africa iri iyo ine huwandu hwevanhu huri kuwedzera zvakanyanya kudarika mamwe matunhu pasi rose. Africa haisi hayo mumatare anozeya nyaya dzakakosha pasi rino.
Nyanzvi munyaya dzezvematongerwo enyika dzinoti munhu achapinda muWhite House, angave VaDonald Trump, vemaRepublicans kana kuti VaJoe Biden, vemaDemocrats, anoda kuti auye nehwaro hwakasimba mukudyidzana neAfrica munyaya dzezvehupfumi nekudzivirirwa kwenyika. Pachitariswa nhoroondo yekudyidzana neAfrica, VaTrump vanozivikanwa nekutukirira nyika dzemuAfrica neHaiti.
Anoongorora nyaya dzemuAfrica paForeign Policy Institute, VaMichael Walsh vanoti, “Munozviziva vakashandisa mashoko ekutukirira dzimwe nyika dzemuAfrica." Vatizve, "Asi pakudyidzana nenyika dzemuAfrica, VaTrump vakayedza kugadzirisa mamwe matambudziko ainetsa pano neapo. Asi hapana hapo zvikuru zvavakaita.”
VaBiden vakayedza kuita mushandirapamwe neAfrica, asi kazhinji kacho vanenge vainyanya kutarisa zviri kuitwa neRussia muAfrica uyewo vaikudza kubatsira Israel.
Nyanzvi munyaya dzekudyidzana nenyika dzemuAfrica, paCentre for Strategic and International Studies, VaCameron Hudson, vanoti, “Ndinofunga Africa iri kutarisa kudyidzana kweAmerica nedzimwe nyika dziri muMiddle East, hondo iri muGaza semuenzaniso." Vatiwo, " Kutsigira kuri kuita America Israel kana kuti zvavari kutaura zvekuti nyika dzemuAfrica dzisadyidzana neRussia. Zviri kuitwa naVaBiden izvi hazvisi kupa kuti vawane vanasahirwa vakawanda muAfrica.”
Izvi ndizvo zvakaburitswa pachena neSouth Africa payakaendesa Israel kudare reInternational Court of Justice ichiti yainge yapara mhosva dzehondo mukuuraya vanhu vasina mhaka muGaza ichityora chibvumirano che United Nations’ Genocide Convention.
Asi hurumende yaVaBiden payakabvunzwa neVOA nezvenyaya iyi yakangoti hapana humbowo. Vanoongorora nyaya dzezvematongerwo enyika vanoti izvi zvinopa vamwe vasingawirirane neAmerica mukana wekupinda muAfrica nyore.
Mudzidzi wepaMiddle East Institute, ari kuita zvidzidzo zveEgypt nenyika dzekumabudazuva kweAfrica, Mirette Mabrouk anoti, “Unoda chiremerera ichocho nekuti imwe nyika yakabudirira inogona kungouya yotora mukana iwowo." VaMabrouk vatiwo, "Inongotika haiine nezvekodzero dzevanhu munyika dzepasi rino zvinova nyore kutanga kudyidzana.”
VaHudson vanoti panopera sarudzo, America ichasangana neAfrica yashanduka.
“Ndinofunga mutungamiri wenyika yeAmerica achasarudzwa achasangana nematambudziko akanyanya sezvo kudyidzana pakati peAfrica neAmerica kwaderera. Vatungamiri venyika dzemuAfrica vave kumira semusambangwena panyaya dzekodzero dzavo uye vari kutaura nezwi rimwe.”
Panogona hapo kuva nemukana wekuumbiridza hukama sezvo madzimai aVaTrump naVaBiden akamboenda kuAfrica kunyika dzinoti, Namibia, Egypt ne Malawi. VaBiden vakatumirawo mutevedzeri wavo Amai Kamala Harris kuGhana, Tanzania neZambia.
Asi VaBiden naVaTrump havana havo kumbobvira vaenda kuAfrica.
Nyaya iyi yatumirwa naAnita Powell weVOA News, mukaiverengerwa neni Tanonoka Whande, VOA Studio 7, Washington DC.
...
Voice of America
|
10 hr |
⟶
|
|
|
Nyaya Ina Ropafadzo Mapimhidze
Public Domain
Voice of America
|
10 hr |
⟶
|
|
|
LiveTalk
Public Domain
— LiveTalk chirongwa chemaminetsi makumi matatu chinobuda paterevhizheni chamunokwanisa kufona muchipa pfungwa dzenyu. Zvizvarwa zveZimbabwe zviri munyika nekunze zvakasungunuka kuchaya nhare zvichipa pfungwa dzazvo pane zvinenge zvichiitika munyika. Chirongwa ichi chakanangana nekudzidzisa nekupa chayedza kuvateerei panyaya dzakakosha munyika uye tinenge tichitaura nevehurumende, vanopikisa, vakazvimirira voga nenyanzvi mune zvakasiyana siyana. Musakanganwe kuva nesu muchinzwa nekuona chirongwa ichi Muvhuro kusvika Chishanu pamasaisai anoti 1800-1830UTC, kubva nenguva dz8 kusvika 8-30 manheru.
...
Voice of America
|
10 hr |
⟶
|
|
|
Live Talk
Public Domain
— Livetalk
...
Voice of America
|
11 hr |
⟶
|
|
|
Hurukuro naVaDzikamai Bere
Public Domain
Voice of America
|
11 hr |
⟶
|
|
|
Hurukuro naVaDzikamai Bere
Public Domain
Voice of America
|
11 hr |
⟶
|
|
|
Studio 7
Public Domain
— Studio 7
60 minutes
...
Voice of America
|
11 hr |
⟶
|
|
|
Indaba zesiNdebele
Public Domain
— Ndebele 1800-1830 Monday-Friday
...
Voice of America
|
11 hr |
⟶
|
|
|
Nhau dzeShona
Public Domain
— Nhau dzeShona
Nguva yeChirongwa Muvhuro-Chishanu
Nguva dzeChinomwe Manheru 19:00
UTC Time: 1700
Nguva yeChirongwa 30
...
Voice of America
|
12 hr |
⟶
|
|
|
Israel Yoramba Kuteerera Kurudziro yeAmerica Yekuti Isarwise muRafah
Public Domain
Voice of America
|
12 hr |
⟶
|
|
|
Nyaya Ina Anita Powell
Public Domain
Voice of America
|
12 hr |
⟶
|
|
|
VOA60 Africa - Deadly floods wreaking havoc in many parts of East Africa
Public Domain
— Burundi: Deadly floods are wreaking havoc in many parts of East Africa with Burundi calling for international help to deal with the aftermath of torrential rainfall over the weekend which displaced 2000 people.
...
Voice of America
|
12 hr |
⟶
|
|
|
VOA60 America - Commencement ceremonies largely peaceful over the weekend
Public Domain
— Commencement ceremonies across U.S. universities remained largely peaceful over the weekend. Weeks of student protests against the war in Gaza roiled U.S. campuses in recent weeks and resulted in nearly 2,900 arrests at 57 colleges and universities.
...
Voice of America
|
12 hr |
⟶
|
|
|
VOA60 World - At least 315 dead in Afghanistan flash floods
Public Domain
— Afghanistan: Flash floods devastated several villages in northern Afghanistan on Sunday and killed 315 people, authorities said. Thousands of homes were destroyed and livestock wiped out.
...
Voice of America
|
12 hr |
⟶
|
|
|
Unicerf Yotsvaga Mari Inosvika US$84, 9 Million Kubatsira Vana neMadzimai muZimbabwe Vatarisana neN...
Public Domain
Voice of America
|
16 hr |
⟶
|
|
|
Nhau dzeShona Mangwanani
Public Domain
— Nhau dzeShona Mangwanani
...
Voice of America
|
1 d |
⟶
|
|
|
Hurukuro naVaPersistence Gwanyanya
Public Domain
Voice of America
|
1 d |
⟶
|
|
|
Hurukuro naNox Guni
Public Domain
Voice of America
|
1 d |
⟶
|
|
|
PaMother's Day: Muimbi Nox Guni Anoti Akanyorera Amai Vake Kambo
Public Domain
Voice of America
|
1 d |
⟶
|
|
|
Hurukuro naAmai Diana Zimbudzana-Chambara
Public Domain
Voice of America
|
1 d |
⟶
|
|
|
Vakawanda Votenda Ana Amai neMabasa Avanoita
Public Domain
Voice of America
|
1 d |
⟶
|
|
|
Studio 7
Public Domain
— Studio 7
60 minutes
...
Voice of America
|
1 d |
⟶
|
|
|
Indaba zesiNdebele
Public Domain
— Ndebele 1800-1830 Monday-Friday
...
Voice of America
|
1 d |
⟶
|
|
|
Hurukuro naMuzvare Dian Zimbudzana
Public Domain
Voice of America
|
1 d |
⟶
|
|
|
RBZ Inoti Ichaburitsa Mari yeZiG20 Mangwana
Public Domain
Voice of America
|
1 d |
⟶
|
|
|
Nhau dzeShona
Public Domain
— Nhau dzeShona
Nguva yeChirongwa Muvhuro-Chishanu
Nguva dzeChinomwe Manheru 19:00
UTC Time: 1700
Nguva yeChirongwa 20
...
Voice of America
|
1 d |
⟶
|
|
|
Nyaya ina Michael Kariati
Public Domain
Voice of America
|
2 d |
⟶
|
|
|
Highlanders Yokweshana neFC Platinum muMutambo Ucharatidza Kana Mwaka Uno yakasimba zveKutora Mukomb...
Public Domain
— Harare — Simba reHighlanders rekuti inokwanisa here kutora mukombe weCastle Lager Premier Soccer League wemwaka uno kana kuti kwete richaedzwa neSvondo apo iri kushanyirwa neFC Platinum, iyo yakambotora mukombe uyu katatu kakateverana.
Mwaka wapera Highlanders yakatungamira makundano aya kusvika pakati pemwaka ndokuzopera mweya apo makundano aya akanga obaka moto.
Gore rino zvekare, chikwata ichi chiri kutungamira zvakare makundano aya nemapoinzi gumi nemamapfumbamwe chakaenzana neManica Diamonds, kwatamb-wa mitambo gumi.
Asi mutambo wacho neFC Platinum muBarbourfields Stadium neSvondo ndiwo mumwe wemitambo inoratidza kuti chikwata ichi chine simba here rekutora mukombe mukuru uyu kana kuti kwete.
FC Platinum ine nhoroondo yakasimba mumakundano aya mushure mekutora mukombe uyu katatu kakateverana uyezve iri pachinzvimbo chechipiri nemapoinzi gumi nemasere.
Asi mutsigiri weBosso, VaStewart Senderayi, vanoti vari kutora mapoinzi ese matatu pamutambo uyu.
"Takarova Dynamos. Tatove kupemberera kurova FC Platinum mangwana," vanodaro VaSenderayi.
Kunze kwemutambo weBosso nePlatinum, VePremier Soccer League varonga machikichori emitambo svondo rino, kutanga neMugovera.
Jairosi Tapera, murairidzi weManica Diamonds, uyo achangotambidzwa mukombe wemurairidzi akarura kudarika vamwe vese mwedzi waKubvumbi, ari pamusha muSakubva Stadium neBikita Minerals.
Mushure mekupedza vari pachinhanho chechipiri mwaka wapera, Tapera anoti vari kutarisira kukohwa pakuru mwaka uno.
" Kana kwavakwa chikwata chakadai, chinotarisirwa kukohwa pakuru pakupera kwemwaka. Nesuwo tirikutarisira kukohwa pakuru," anechivimbo Tapera.
Nemunyori mukuru wemaGem Boys, VaSugar Chagonda, vanoti gore rino vanofanira kuzadzikisa chido chevatsigiri vavo chekutora mukombe uyu.
"Kubvira tapinda muPSL muna 2018, vatsigiri taivimbida vatsigiri vedu zvakawandisa uyezve vachiri netarisiro," vanodaro VaChagonda.
Asi mumutambo watambwa kuRufaro Stadium muHarare Caps United yarova Yadah 1-0.
Mutambo uyu wanga uchifanirwa kutambirwa kuHeart Stadium mumusha weYadah asi chibvumirano chiripo nePSL ndechekuti Yadah haishandise nhandare iyi pamit-ambo neCaps United, Dynamos neHighlanders.
Mimwe mitambo yapera yakati Green Fuel 1 ZPC Kariba 0, Bulawayo Chiefs 0 Chicken Inn 0, Simba Bhora 2 Ngezi Platinum 1, Chicken Inn 0 Bulawayo Chiefs 0.
Mimwe mitambo iriko neSvondo yakamira seizvi; Hwange vs Arenel, TelOne vs Chegutu Pirates, neDynamos vs Herentals
Dynamos iri pachinzvimbo chegumi nembiri nemapoinzi gumi nerimwechete.
Mukuru wekumahofisi ePSL, VaKenny Ndebele, vazivisa kuti svondo rinouya kuchange kune mutambo mukuru weHarare Derby pakati peCaps United neDynamos muRufaro Stadium.
...
Voice of America
|
2 d |
⟶
|
|
|
Vanopikisa Voona Kudomwa kweKomisheni Ichaferefeta Mashandiro eKanzuru yeGuta reHarare naVaMnangagwa...
Public Domain
— Washington DC — Vamwe vebato rinopikisa hurumende reCitizen's Coalition for Change vanoti danho remutungamiri wenyika, VaEmmerson Mnangagwa, rekudoma komisheni ichange ichiongorora mashandiro ekanzuru yeguta reHarare sedanho rehurumende rekuda kubvuta naro guta iri kubva kubato rinopikisa.
VaMnangagwa vakadoma komisheni yevanhu vashanu iyo ichange ichitungamirwa nevaive mutongi wedare repamusoro vakasiya basa, Justice Maphios Cheda sasachigaro wayo.
Dzimwe nhengo dzekomiti iyi ndaAmai Lucia Gladys Matibenga, vaimbove nhengo yeMDC vazatungamira chimwe chikwata chebato rePDP, VaSteven Chakaipa, VaNorbert Phiri, naAmai Khonzani Ncube.
Komisheni iyi yakapiwa mwedzi mitanhatu yekuita basa rayo paine mukana wekuti nguva iyi inogona kuwedzerwa.
Zvinonzi zvichaferefetwa mumashandiro ekanzuru yeHarare kubva muna 2017 kusvika nhasi zvinosanganisira mabatiro ayo emari dzainowana, kurendeswa kana kutengeswa kwezvivakwa nemidziyo zvekanzuru, kuitwa kwemisangano yekanzuru nezvimwe zvinogona kuonekwa nekomisheni iyi sezvine basa.
Hatina kukwanisa kubata meya veHarare VaJacob Mafume, uye vanga vasati vapindura mibvunzo yedu yatavatumira tisati taenda ppamhepo.
Asi nyanzvi munyaya dzekufambiswa kwemakanzuru vari seneta vebato rinopikisa reCCC, VaSesil Zvidzai, vanoti sekuona kwavo danho remutungamiri wenyika iri idanho rehurumende rekuda kubvuta naro kanzuru iyi.
VaZvidzai vanoti kubva 2017 makanzuru anga achishanda nemakurukota ehurumende, zvichireva kuti kana makanzuru aya anga achitadza basa, ongororo iyi inofanirwa kutangira kumakurukota aya.
Vanotiwo zviri pachena kuti makanzuru ari kutadziswa kuita basa nemazvo nekuda kwekupindira kwehurumende, kutorwa kwemari nehurumende inofanirwa kunge ichigadziriswa migwagwa nemakanzuru nezvimwe zvakawanda.
...
Voice of America
|
2 d |
⟶
|
|
|
Studio 7
Public Domain
— Studio 7
60 minutes
...
Voice of America
|
2 d |
⟶
|
|
|
Indaba zesiNdebele
Public Domain
— Ndebele 1800-1830 Monday-Friday
...
Voice of America
|
2 d |
⟶
|
|
|
Mamwe Mapato Anopikisa muSouth Africa Onyunyuta neHurongwa kweZanu PF Hwekuda Kuongorora Sarudzo mu...
Public Domain
— Washington DC — Rimwe bato rinopikisa muSouth Africa, reAfrican Transformation Movement, rakanyora tsamba kukomisheni inoona nezvesarudzo munyika iyi, yeIndependent Electoral Commission, richinyunyuta nemashoko ekuti bato reZanu PF rine hurongwa hwekuzoongorora sarudzo dzichaitwa munyika iyi musi wa 29 mwedzi uno.
Bato iri rinoti riri kupokana nedanho iri nezvikonzero zvakawanda zvinosanganisira chekuti Zimbabwe ine nhoroondo yekubirwa nekusafambiswa zvakanaka kwesarudzo, izvo zvinosvibisa sarudzo dzose dzainenge iine chekuita nadzo, richiti kubvumidza bato reZanu PF kuongorora sarudzo kunosvibisa chimiro chehurongwa hwesarudzo muSouth Africa.
Mamwe mapato anopikisa munyika iyi anonzi ari kupokanawo nehurongwa hwekuti Zanu PF iongorore sarudzo uhu.
Asi mutungamiri webato riri kutonga muSouth Africa, reANC, vari mutungamiri weSouth Africa, VaCyril Ramaphosa, vanonzi nenhepfenyuro yeSABC vakati hapana chakaipa pakuti Zanu PF iongorore sarudzo dzichaitwa munyika iyi idzi.
Izvi zviri kuuya panguva iyo bato reZanu PF rakazivisa kuti rakakokwa neANC kuti riibatsire kutsvaga rutsigiro mumazuva mashoma asara aya sarudzo dzisati dzaitwa.
Hatina kukwanisa kubata mushandi mukuru muhofisi yezvekuburitswa kwemashoko muZanu PF, VaFarai Marapira kuti tinzwe pamire bato ravo panyaya iyi.
Asi vanoongorora zvematongerwo enyika vari nhengo yeZanu PF, Doctor Masimba Mavaza, vanoti bato reATM nemamwe ari kunyunyuta havasi kunzwisisa danho revanoongorora sarudzo, vachiti kuenda kweZanu PF kuSouth Africa hakusi kuenda kunovhoterwa kana kuverenga mavhoti, asi kuti kungonoongorora mafambiro esarudzo chete.
Nyanzvi mune zvematongerwo enyika vachidzidzisa paTswane University of Technology kuSouth Africa, Muzvinafundo Ricky Munyaradzi Mukonza, vanotiwo kunyunyuta kwemapato emuSouth Africa kusanganisira reATM idanho risingataure zvakanaka pamusoro peZanu PF pachayo sebato.
Muzvinafundo Mukonza vanoti zvinoita kuti Zanu PF iite sembwa iya ine rushambwa kana kuti munhu ane maperembudzi asina anoda kuswederana naye pedyo.
ANC neZanu PF dzine hukama hwekuti ndiwo mapato akanoti akarwira rusununguko munyika dzawo.
...
Voice of America
|
2 d |
⟶
|
|
|
Nhau dzeShona
Public Domain
— Nhau dzeShona
Nguva yeChirongwa Muvhuro-Chishanu
Nguva dzeChinomwe Manheru 19:00
UTC Time: 1700
Nguva yeChirongwa 20
...
Voice of America
|
2 d |
⟶
|
|
|
Hurukuro naVaSesil Zvidzai
Public Domain
Voice of America
|
2 d |
⟶
|
|
|
Hurukuro naMuzvinafundo Ricky Munyaradzi Mukonza
Public Domain
Voice of America
|
2 d |
⟶
|
|
|
Hurukuro naDoctor Masimba Mavaza
Public Domain
Voice of America
|
2 d |
⟶
|
|
|
United Nations Yotsvagira Zimbabwe Rubatsiro rweUS$429 Million Yekurwisana neNzara
Public Domain
— Washington DC — Sangano reUnited Nations rakazivisa nemusi weChina kuti rakaparura chirongwa chekutsvaga rubatsiro rwemari inoita mamiriyoni mazana mana nemakumi maviri nemapfumbamwe emadhora, kana kuti US$429 million, yekubatsira Zimbabwe nechikafu.
Rubatsiro urwu rwunonzi rwuchange rwuchienda kuvanhu mamiriyoni matatu nezviuru zana, kana kuti 3.1 million, vari kunzi vari kuda rubatsiro rwechimbichimbi mumatunhu madiki makumi mana nematanhatu akanyanya kutarisana nenzara, uye rwunonzi rwuchange rwuchisanganisira kumutsiridzwa kwematanga emombe, chikafu, kupa mari kune vanotambura nekuvakwa kwezvibhorani zvinoshanda nemoto wezuva.
Sangano iri rakati rubatsiro urwu rwakanzi rwuchange rwuchibva muna Kubvumbi 2024 kusvika muna Kurume wegore rinouya.
Muna Kubvumbi, mutungamiri wenyika, VaEmmerson Mnangagwa vakatara nzara yegore rino sedambudziko rinoda kubatwa zvechimbichimbi, vakati kuti dambudziko iri ripere nyika inoda mari inoita mabhiriyoni maviri emadhora ekuAmerica.
Dzimwe nyika dzemuSADC dzinoti Zambia neMalawi dzakatarawo dambudziko renzara iri sedambudziko rrinoda kubatwa nechimbichimbi.
...
Voice of America
|
3 d |
⟶
|
|
|
Hurukuro naVaPaidamoyo Saurombe
Public Domain
Voice of America
|
3 d |
⟶
|
|
|
Mutsvangwa Anomiswa Pamberi peDare paMhosva yeKutengesa Mari paMusika Mutema
Public Domain
— Washington DC — Mwanakomana wegurukota rezvemadzimai, Amai Monica Mutsvangwa pamwe nemutauriri weZanu PF VaChris Mutsvangwa, Neville, amiswa pamberi pedare ramejasitiriti muHarare achipomerwa mhosva yekutengesa mari pamusika mutema zvisiri pamutemo.
Ave mudare, Neville anonzi awedzerwa zvakare imwe mhosva yekushandisa masaisai ekambani yekuAmerica yeStarlink asina mvumo inobva kuPOTRAZ.
Neville nevamwe vake vaviri vaakasungwa navo neChitatu vanoti Ellias Majachani naSimbarashe Tichingana vachapedza usiku hutatu vari mujeri mushure mekunge mutongi wedare VaDennis Mangosi vati vadzoke zvakare kudare neMuvhuro unouya apo vari kutarisirwa kukumbira mukana wekuti vabhadhare mari yechibatiso.
Magweta ari kumumirira ekambani yemagweta yeTarugarira Sande Attorneys aramba kutaura nevatori venhau achiti haana kupiwa mvumo yekuti ataure kubva kuna iye Neville.
Gweta rinorwira kodzero dzevanhu vachishanda vakazvimirira, VaPaidamoyo Saurombe, vanoti zviri kuitika izvi zvinogona kuratidza pachena mamiriro akaita zvinhu munyaya dzezvematongerwo enyika sezvo baba VaChris Mutsvangwa vakambobuda munguva yapera vachiti vanenge vachityora mutemo panyaya yemari yeZimbabwe Gold kana kuti ZiG vanofanirwa kuti vasungwe.
"Zvakakosha kuti hurumende idzike mitemo inochengetedza huremu hwemari yemaZiG kwete kuramba vachisunga vanhu nekutyisidzira vanhu pamusoro pemafambisirwo emari yema ZiG iyi," VaSaurombe vaudza Studio7.
Zvichakadaro, hurumende nemusi weChina yakavandudza ichisimbisa mutemo wekufambiswa kwemari munyika weExchange Control Act.
Mutemo uyu uchasunga vemabhizimusi pamwe nevanhuwo zvavo vachawanikwa vasiri kushandisa mutengo wemari unenge wakatarwa nebhanga guru reReserve Bank of Zimbabwe wezuva iroro, vanenge vawanikwa vachityora mutemo uyu vachibhadhariswa maZiG anoita mazana maviri ezviuru (200 000 ZiG).
...
Voice of America
|
3 d |
⟶
|
|
|
Nigeria Yotanga Kutonga Vanhu Vakapara Mhosva dzine Chekuita neSarudzo
Public Domain
— Lagos — Nigeria iri kurwisana nekubirwa kwesarudzo, izvo zvatara shanduko muhutongo hwejekerere muAfrica. Zvichitevera sarudzo dzemuna 2023 dzisina kufamba zvakanaka, nyika iyi yakatanga musi wa 04 Kurume 2024 hurongwa hwekutonga vakapara dzimhosva.
Mune chiitiko chakakosha, vanhu zana nemakumi mapfumbamwe nevatanhatu (196) vatarisana nekutongwa nemhosva dzavanofungidzirwa kuti vakapara musarudzo dzemuNigeria.
Sangano remagweta reNigerian Bar Association pamwe chete nekomisheni yesarudzo yeIndependent National Election Commission (INEC), vakaparura hurongwa hwekunzwa nyaya idzi mumatare emuNigeria yose kubva musi wa 04 Kurume 2024, vachisimbisa kugadzirira kwenyika mukupedza huwori hune chakuita nesarudzo.
Vakuru veINEC pamwe nemapato ezvematongerwo enyika vari pakati pevakatarisana nekutongwa.
Zvizvarwa zveNigeria zvakaita saVaStephen John zviri kupembedza zvakanyanya danho iri seriri mugwara rakanaka.
VaJohn vanoti, “Kwatiri, kuti tichenese maitirwo esarudzo dzedu, panofanirwa kuonekwa kuti vanotyora mutemo munguva dzesarudzo vatongwa kuitira kuti zviwodze mwoyo yevamwe vangazoda kuteverawo nzira iyoyo.”
Kubirwa kwesarudzo idambudziko ranetsa Nigeria kwenguva yakareba, izvo zvakanganisa chivimbo muhutongi hwayo hwejekerere.
Ndosaka zvizvarwa zveNigeria zvakaita saVaIgwe Friday zvisati zvave kutambira kuti zvinogadzirisika.
VaFriday vanoti, “Munyika yakaita seNigeria, mhirizhonga yezvesarudzo, wakatora nyaya iyi kuenda nayo kumatare edzimhosva usati wamboziva, nyaya yacho haina kwainoenda.”
Aka ndekekutanga kuti Nigeria itonge vanhu vane chekuita nemhosva dzesarudzo kunyange hazvo zviri mubumbiro remitemo.
Sangano reNigerian Bar Association riri kupa rubatsiro mune zvemutemo pachena kukomisheni yesarudzo yeINEC kuitira kuona kuti vakazvidza mutemo wesarudzo vatongwa zvinokodzera.
Pavanhu vakasungwa nemapurisa eNigeria munguva dzesarudzo dzenyika muna 2023, nyaya mazana maviri negumi neshanu dzakaiswa kumatare, zana nemakumi mapfumbamwe nenomwe dziri dzine chekuita nesarudzo.
Nyaya dzese dinocton mumatare emazuva ose sezvo Nigeria isati yaumba dare rakazvimirira rinongotonga mhosva dzine chekuita nesarudzo chete.
VaJide Ojo, vanove nyanzvi munyaya dzesarudzo nekutongwa kwenyika, vanotara kupindira kwezvematongerwo enyika sechimhingamupinyi chikuru mukurwisa mhosva dzine chekuita nesarudzo.
“Ngatisave netarisiro yakanyanya; ivo vari muchikwata chezvematongerwo enyika ivava ndivo vanonyanya kuwana cheuviri kubva mumhosva dzesarudzo. Saka, havasi kumhanya nekuti kudzika mitemo yakaomarara kana kuumba komisheni yakazvimirira kuti ione nezvekutongwa kwemhosva dzesarudzo zvakafanana nekuzvipfura tsoka. Nekudaro, havasi kukasika kuona kuti komisheni inotonga mhosva dzesarudzo yaumbwa kuburikidza nebumbiro remitemo.”
Mhosva dzakasiyanasiyana, kusanganisira kuwirirana kubirira, kutyisidzirwa kwevavhoti, kutengwa kwemavhoti, nemhirizhonga zvakaonekwa musarudzo yapfuura.
MuNigeria, mhosva dzesarudzo hadzina nguva yakatarwa yekuti dzinge dzatongwa, kusiyana nekugadziriswa kwegakava resarudzo, izvo zvinozoita kuti zvitore nguva yakareba inosvika mwedzi yakawanda kana kutosvika kumakore akawanda.
Apo nyaya dziri mumatare, VaOjo vatsinhira kukosha kwekutongwa kwevanhu vese pasina tsvete kuitira kuumba chivimbo muvanhu.
“Panofanirwa kuwiriranwa kumusoro ikoko kuitira kupedza nyaya dzemhosva dzesarudzo. Hazvitipe chimiro chakanaka sevanhu vakachangamuka, senyika ine hutongo hwejekerere.”
Senyika ine vanhu vakawandisa muAfrica, kubatwa kwesarudzo zvakanaka kunopa chimiro chakakosha zvikuru mudunhu rese.
Mutemo weElectoral Act Reform wa2022 uchangobva kudzikwa wakawaridza hwaro hwehutongo husina tsvete, huri pachena, uchipa tariro yesarudzo dzakajeka, dzakasununguka mune remangwana muNigeria.
Kuti hurumende yeNigeria ingazvisvitsa mukuita michero?
Sarudzo yemutungamiri wenyika inotevera ichaitwa muna Kukadzi 2027, ingangounza dzimwe dzemhinduro pamubvunzo uyu.
(Nyaya iyi yabva kuna Gibson Emeka, mutori wenhau weVOA ari kuAbuja, Nigeria.)
...
Voice of America
|
3 d |
⟶
|
|
|
Nyaya yehuwori muAfrica ina Gibson Emeka ichiverengwa naJonga Kandemiiri
Public Domain
Voice of America
|
3 d |
⟶
|
|
|
LiveTalk
Public Domain
— LiveTalk chirongwa chemaminetsi makumi matatu chinobuda paterevhizheni chamunokwanisa kufona muchipa pfungwa dzenyu. Zvizvarwa zveZimbabwe zviri munyika nekunze zvakasungunuka kuchaya nhare zvichipa pfungwa dzazvo pane zvinenge zvichiitika munyika. Chirongwa ichi chakanangana nekudzidzisa nekupa chayedza kuvateerei panyaya dzakakosha munyika uye tinenge tichitaura nevehurumende, vanopikisa, vakazvimirira voga nenyanzvi mune zvakasiyana siyana. Musakanganwe kuva nesu muchinzwa nekuona chirongwa ichi Muvhuro kusvika Chishanu pamasaisai anoti 1800-1830UTC, kubva nenguva dz8 kusvika 8-30 manheru.
...
Voice of America
|
3 d |
⟶
|
|
|
Live Talk
Public Domain
Voice of America
|
3 d |
⟶
|
|
|
Studio 7
Public Domain
— Studio 7
60 minutes
...
Voice of America
|
3 d |
⟶
|
|
|
Indaba zesiNdebele
Public Domain
— Ndebele 1800-1830 Monday-Friday
...
Voice of America
|
3 d |
⟶
|
|
|
Nhau dzeShona
Public Domain
—
Nguva yeChirongwa Muvhuro-Chishanu
Nguva dzeChinomwe Manheru 19:00
UTC Time: 1700
Nguva yeChirongwa 30
...
Voice of America
|
3 d |
⟶
|
|
|
Hurukuro naVaNeville Mutsvangwa
Public Domain
Voice of America
|
3 d |
⟶
|
|