|
റെയിൽവേയിൽ ഹിതപരിശോധന ബുധനാഴ്ച തുടങ്ങും
CC BY
— തിരുവനന്തപുരം> ദക്ഷിണറെയിൽവേയിലും രാജ്യത്തെ മറ്റ് റെയിൽവേ സോണുകളിലും ട്രേഡ് യൂണിയനുകളുടെ അംഗീകാരത്തിനുള്ള ഹിത പരിശോധനയ്ക്ക് (റഫറണ്ടം) ബുധനാഴ്ച തുടക്കമാകും. ഹിതപരിശോധനയുടെ ഭാഗമായി രഹസ്യ ബാലറ്റിലൂടെ വെള്ളിവരെ റെയിൽവേ ജീവനക്കാർക്ക് വോട്ടെടുപ്പിൽ പങ്കെടുക്കാം. കേരളം ഉൾപ്പെടുന്ന ദക്ഷിണറെയിൽവേയിൽ 76000 ഓളം പേർക്കാണ് വോട്ടവകാശമുള്ളത്. ഇതിൽ തിരുവനന്തപുരം, പാലക്കാട് ഡിവിഷനുകളിലായി 16000 പേരുണ്ട്. തമിഴ്നാട്ടിലെ നാല് ഡിവിഷനുകളിൽനിന്നാണ് ബാക്കി അറുപതിനായിരത്തോളംപേരും.
ബാലറ്റിൽ ഒന്നാമതായാണ് സിഐടിയു അംഗീകാരമുള്ള ദക്ഷിണ റെയിൽവേ എംപ്ലോയീസ് യൂണിയന്റെ (ഡിആർഇയു)പേര്. നക്ഷത്രമാണ് ചിഹ്നം. 17 സോണുകളിലുമായി 12 ലക്ഷത്തോളംപേർ ഹിതപരിശോധനയിൽ പങ്കാളികളാകും. അഞ്ചോ അതിലധികമോ സോണുകളിൽ അംഗീകാരം ലഭിക്കുന്ന യൂണിയനുകൾ ചേർന്നുള്ള ഫെഡറേഷനുകൾക്ക് ബോർഡ് തലത്തിൽ അംഗീകാരം ലഭിക്കും. ഓരോസോണിലും 30 ശതമാനം ജീവനക്കാരുടെ പിന്തുണ ലഭിക്കുന്ന സംഘടനകൾക്ക് അംഗീകാരം കിട്ടും. ഇന്ത്യൻ റെയിൽവേയുടെ ചരിത്രത്തിൽ മൂന്നാമത്തെ രഹസ്യ ബാലറ്റ് വോട്ടെടുപ്പാണ് നടക്കുന്നത്.
ഡിആർഇയു ഉൾപ്പെട്ട യൂണിയനുകൾ നടത്തിയ ഇടപെടലിലൂടെയാണ് രഹസ്യ ബാലറ്റിനുള്ള ഉത്തരവ് ഉണ്ടായത്. അതനുസരിച്ചു 2007 നവംബറിലാണ് ആദ്യത്തെ റഫറണ്ടം നടന്നത്. എഐഎൽആർഎസ്എ, എഐഎസ്എംഎ, എഐജിസി,എഐഎഎസ്എ,എസ്ആർഇഎ എന്നീ സംഘടനകളുടെ പിന്തുണ ഡിആർഇയുവിനുണ്ട്. ജീവനക്കാരുടെയും റെയിൽവേ യാത്രക്കാരുടെയും താൽപര്യ സംരക്ഷണത്തിനായി ജാഗ്രതയോടെ പ്രവർത്തിക്കുന്ന ദക്ഷിണ റെയിൽവേയിലെ ഒരേ ഒരു സംഘടന ഡിആർഇയുവാണെന്ന് റെയിൽവേ കോൺട്രാക്ട് കാറ്ററിങ് ആൻഡ് ജനറൽ വർക്കേഴ്സ് യൂണിയൻ (സിഐടിയു) പ്രസിഡന്റ് ആർ ജി പിള്ള പറഞ്ഞു.
...
ദേശാഭിമാനി
|
16 min |
⟶
|
|
|
കൊലവിളിയുമായി പ്രതിപക്ഷനേതാവും കോൺഗ്രസ് നേതാക്കളും
CC BY
— കോഴിക്കോട്> സിറ്റി പൊലീസ് കമീഷണർ ഓഫീസിലേക്ക് കോൺഗ്രസ് നടത്തിയ മാർച്ചിൽ പൊലീസിനുനേരെ അക്രമവും കൊലവിളിയും. ചേവായൂർ സഹകരണ ബാങ്ക് തെരഞ്ഞെടുപ്പിൽ പരാജയപ്പെട്ട കോൺഗ്രസ്, തെരഞ്ഞെടുപ്പ് റദ്ദാക്കണമെന്നാവശ്യപ്പെട്ട് നടത്തിയ മാർച്ചിലാണ് പൊലീസ് ഉദ്യോഗസ്ഥർക്കുനേരെ പ്രതിപക്ഷ നേതാവടക്കമുള്ള നേതാക്കളും പ്രവർത്തകരും കൊലവിളിയും അസഭ്യവർഷവും നടത്തിയത്. പ്രകോപനപരമായ മുദ്രാവാക്യവുമായി കമീഷണർ ഓഫീസിലേക്കെത്തിയ പ്രവർത്തകരെ സിഎസ്ഐ പള്ളിക്ക് സമീപത്തായി ബാരിക്കേഡ് കെട്ടി പൊലീസ് തടഞ്ഞു.
കരിങ്കല്ലുകളും വടികളുമായാണ് പൊലീസിനെ നേരിട്ടത്. ജലപീരങ്കി വാഹനത്തിന്റെ സൈഡ് ഗ്ലാസും കണ്ണാടിയും തകർത്തു. ജലപീരങ്കി പ്രയോഗിച്ചിട്ടും അക്രമം തുടർന്നു. കല്ലേറിൽ കുന്നമംഗലം സിഐ എസ് അരുൺ, പന്നിയങ്കര സ്റ്റേഷനിലെ ശരത് രാജൻ എന്നിവർക്ക് പരിക്കേറ്റു. പ്രതിപക്ഷ നേതാവിന്റെ ഉദ്ഘാടന പ്രസംഗത്തിനുശേഷമായിരുന്നു ആസൂത്രിതമായ അക്രമം.
എസിപി എ ഉമേഷ്, പൊലീസ് കൺട്രോൾ റൂം എഎസ്ഐ ജി എസ് ശ്രീജിഷ് എന്നിവരെ പേരെടുത്തുപറഞ്ഞ് നേതാക്കൾ ഭീഷണി മുഴക്കി.
‘‘ഭരണം മാറിയാൽ നിങ്ങളെയൊക്ക കാണിച്ചുതരാമെടാ. നിങ്ങളുടെയൊക്കെ വീടും വീട്ടുകാരും ആരെന്ന് ഞങ്ങൾക്കറിയാം’’എന്നായിരുന്നു ഡിസിസി സെക്രട്ടറി നിജേഷ് അരവിന്ദിന്റെ കൊലവിളി. പിന്നാലെ ഡിസിസി പ്രസിഡന്റ് കെ പ്രവീൺകുമാറും ഭീഷണി ആവർത്തിച്ചു. ‘‘ഞങ്ങളെ അടിക്കുന്ന പൊലീസുകാരന്റെ വീടിനുമുന്നിൽ ഞങ്ങൾ എത്തിയിരിക്കും. അടുത്ത സമരം ഉമേഷിന്റെ വീടിന് മുന്നിലാണ്. ഞങ്ങൾക്കെതിരെ കൈയുയർത്തിയാൽ 2026 കഴിഞ്ഞാൽ നിങ്ങൾക്ക് പെൻഷനുണ്ടാവില്ല’’–- ഡിസിസി പ്രസിഡന്റ് ഭീഷണിമുഴക്കി. വി ഡി സതീശനും ഭീഷണി സ്വരത്തിലാണ് സംസാരിച്ചത്.
നിങ്ങളെയൊക്കെ ഞങ്ങൾക്കറിയാം. ഇപ്പോൾ അത്രയും മതിയല്ലോ എന്നായിരുന്നു ഉദ്ഘാടകനായ പ്രതിപക്ഷനേതാവ് സതീശന്റെ മുന്നറിയിപ്പ്. അക്രമം തുടർന്നതോടെ പ്രവർത്തകരെ അറസ്റ്റ് ചെയ്തുനീക്കി. കെപിസിസി വൈസ് പ്രസിഡന്റ് ടി സിദ്ദീഖ് എംഎൽഎ, ജനറൽ സെക്രട്ടറി പി എം നിയാസ്, എൻ സുബ്രഹ്മണ്യൻ, കെ സി അബു, കെ ബാലനാരായണൻ എന്നിവർ സംസാരിച്ചു.
...
ദേശാഭിമാനി
|
36 min |
⟶
|
|
|
അഭിമന്യു കേസ് ബുധനാഴ്ച പരിഗണിക്കും
CC BY
— കൊച്ചി> മഹാരാജാസ് കോളേജിലെ എസ്എഫ്ഐ നേതാവ് അഭിമന്യുവിനെ പോപ്പുലർ ഫ്രണ്ട്, ക്യാമ്പസ് ഫ്രണ്ട് പ്രവർത്തകർ കൊലപ്പെടുത്തിയ കേസ് എറണാകുളം പ്രിൻസിപ്പൽ സെഷൻസ് കോടതി ബുധനാഴ്ച പരിഗണിക്കും. ഒക്ടോബറിൽ പ്രാരംഭവാദം തുടങ്ങാനിരിക്കുകയായിരുന്നു. എന്നാൽ, ഹൈക്കോടതി നിർദേശപ്രകാരം പ്രോസിക്യൂഷൻ പുനഃസൃഷ്ടിച്ച രേഖകൾ ലഭ്യമാക്കണമെന്ന് അഭ്യർഥിച്ച് പ്രതിഭാഗം ആ ഘട്ടത്തിൽ അപേക്ഷ സമർപ്പിച്ചു.
രേഖകൾ നേരത്തേ നൽകിയിട്ടുണ്ടെന്ന് പ്രോസിക്യൂഷൻ വ്യക്തമാക്കി. രേഖകളെല്ലാം കൃത്യമായി നൽകിയിട്ടുണ്ടെന്ന് നിരീക്ഷിച്ചു. തുടർന്ന് കേസ് പരിഗണിക്കുന്നതും അപേക്ഷ തീർപ്പാക്കുന്നതും ഡിസംബറിലേക്ക് മാറ്റുകയായിരുന്നു. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ ജി മോഹൻരാജ് ഹാജരായി.
...
ദേശാഭിമാനി
|
1 hr |
⟶
|
|
|
അച്ഛന്റെ ഭൂമിയിൽ കൃഷി ചെയ്യണമെന്ന് തടവുകാരന്റെ അപേക്ഷ; 90 ദിവസം പരോൾ നൽകി കോടതി
CC BY
— ബംഗളൂരൂ > പിതാവിന്റെ ഭൂമിയില് കൃഷിചെയ്യണമെന്ന് അപേക്ഷയിൽ ജീവപര്യന്തം ശിക്ഷ അനുഭവിക്കുന്നയാള്ക്ക് പരോള് അനുവദിച്ച് കര്ണാടക ഹൈക്കോടതി. കൊലക്കേസിൽ ജീവപര്യന്തം ശിക്ഷ അനുഭവിക്കുന്ന സിദിദേവരഹള്ളി സ്വദേശി ചന്ദ്രക്കാണ് കോടതി 90 ദിവസം പരോള് അനുവദിച്ചത്.
കൃഷി ചെയ്യാൻ കുടുംബത്തില് പുരുഷ അംഗമില്ലെന്ന് കാണിച്ചാണ് പരോളിന് കോടതിയെ സമീപിച്ചത്. 11 വര്ഷത്തിലേറെയായി ഹര്ജിക്കാരന് ജയിലിലാണ്. നേരത്തെ ഒരിക്കല് പോലും ചന്ദ്ര പരോളില് പുറത്ത് പോയിട്ടില്ല. എല്ലാ ആഴ്ചയിലും ഹര്ജിക്കാരന് അധികാരപരിധിയിലുള്ള പൊലീസ് സ്റ്റേഷനില് ഹാജര് രേഖപ്പെടുത്തണമെന്നും പരോള് സമയത്ത് നിയമ വിരുദ്ധ പ്രവര്ത്തനങ്ങളില് ഏര്പ്പെടരുതെന്ന് തുടങ്ങി നിരവധി വ്യവസ്ഥകളോടെയാണ് കോടതി പരോൾ അനുവദിച്ചിരിക്കുന്നത്.
...
ദേശാഭിമാനി
|
1 hr |
⟶
|
|
|
മാറ്റങ്ങൾ സൃഷ്ടിച്ച ‘ബദലുകളുടെ സംഗമം’
CC BY-SA
—
നീതി, സമത്വം, സുസ്ഥിരത എന്നിവയ്‌ക്കായുള്ള ബദൽ പ്രവർത്തനങ്ങളിൽ ഏർപ്പെട്ടിരിക്കുന്ന പ്രസ്ഥാനങ്ങളുടെയും ഗ്രൂപ്പുകളുടെയും പ്രവർത്തനങ്ങൾ ഡോക്യുമെൻ്റ് ചെയ്യാനും പരസ്പര സഹകരണം സൃഷ്ടിക്കാനുമായി ഒരു ദശാബ്ദക്കാലമായി പ്രവർത്തിക്കുന്ന കൂട്ടായ്മയാണ് 'വികൽപ് സംഗം'. വികൽപ് സംഗം പ്രക്രിയയുടെ പത്ത് വർഷങ്ങളെക്കുറിച്ച് മുഖ്യ പ്രവർത്തകരിൽ ഒരാളായ ആശിഷ് കോത്താരി എഴുതുന്നു.
The post മാറ്റങ്ങൾ സൃഷ്ടിച്ച ‘ബദലുകളുടെ സംഗമം’ appeared first on Keraleeyam Web Magazine.
...
കേരളീയം
|
2 hr |
⟶
|
|
|
കരുവന്നൂർ കേസ് ഇഡി കെട്ടിച്ചമച്ചതെന്ന്‌ തെളിഞ്ഞു: മന്ത്രി
CC BY
— തിരൂർ (മലപ്പുറം)> കരുവന്നൂർ സഹകരണ ബാങ്ക് കേസ് ഇഡി കെട്ടിച്ചമച്ചതാണെന്ന് ഹൈക്കോടതി വിധിയിലൂടെ തെളിഞ്ഞതായി മന്ത്രി വി എൻ വാസവൻ പറഞ്ഞു. സംസ്ഥാന സർക്കാർ പറഞ്ഞത് ശരിയാണെന്ന് കോടതി ശരിവച്ചിരിക്കുകയാണ്. സഹകരണ വാരാഘോഷത്തിന്റെ സംസ്ഥാനതല സമാപനം ഉദ്ഘാടനംചെയ്യുകയായിരുന്നു മന്ത്രി.
ഒരുവർഷംമുമ്പ് അറസ്റ്റ് ചെയ്ത രണ്ട് പ്രതികൾക്കെതിരെ തെളിവ് ഹാജരാക്കാൻ കഴിയാത്തതിനാൽ വിട്ടയക്കേണ്ടിവരുമെന്നാണ് കോടതി പറഞ്ഞത്. ഇത് ഇഡിയുടെ മുഖത്തേറ്റ അടിയാണ്. നേരത്തെ ബാങ്കുകളിൽനിന്ന് പിടിച്ചെടുത്ത ആധാരം ഉൾപ്പെടെ തിരിച്ചുനൽകാൻ കോടതി ഉത്തരവിട്ടിരുന്നു. ഉന്നയിച്ച ആരോപണങ്ങൾ തെളിയിക്കുന്ന ഒരുരേഖയും ഹാജരാക്കാൻ ഇഡിക്ക് സാധിച്ചിട്ടില്ല.
കരുവന്നൂർ ബാങ്കിൽ ക്രമക്കേട് കണ്ടെത്തിയത് സഹകരണ വകുപ്പാണ്.
16 സഹകരണ വകുപ്പ് ഉദ്യോഗസ്ഥരെ സസ്പെൻഡ് ചെയ്തു. ബാങ്ക് ഭരണസമിതി പിരിച്ചുവിട്ടു. ക്രിമിനൽ കേസെടുത്തു. ഡയറക്ടർമാരുടെ സ്വത്തുകൾ അറ്റാച്ച് ചെയ്യാൻ നടപടി സ്വീകരിച്ചു. ഈ ഘട്ടത്തിലാണ് രാഷ്ട്രീയ ലക്ഷ്യങ്ങളുമായി ഇഡി വന്നത്. കേരളത്തിലെ സഹകരണ മേഖലയെ തകർക്കാനാണ് ശ്രമം. സംരക്ഷണ കവചം തീർത്ത് അഭിമാന നേട്ടം കൈകവരിക്കാൻ കേരളത്തിന് സാധിച്ചു. ക്രമക്കേട് തടയാൻ നിയമഭേദഗതികൊണ്ടുവന്നു. സഹകരണ സംരക്ഷണ നിധി നടപ്പാക്കി. എസ്സി, എസ്ടി സംഘങ്ങളെ പുനരുജ്ജീവിപ്പിക്കാൻ നടപടി സ്വീകരിച്ചു. പുതിയ തൊഴിൽ സൃഷ്ടിക്കാൻ പദ്ധതികൾ ആവിഷ്കരിച്ചു. സ്ത്രീകൾക്ക് തൊഴിലവസരം സൃഷ്ടിക്കുന്ന സഖി പദ്ധതി നടപ്പാക്കി.
വ്യവസായ വകുപ്പുമായി ചേർന്ന് വ്യവസായ പാർക്കുകൾ ആരംഭിക്കും. സബ്സിഡി നൽകി വനിതാ സംരംഭകരെ കൈപിടിച്ചുയർത്തും. കാർഷിക മേഖലയിൽ മൂല്യവർധിത ഉൽപ്പന്നങ്ങൾ വിൽക്കാൻ ശീതീകരിച്ച വാഹനങ്ങൾക്ക് വായ്പ അനുവദിക്കാൻ കേരള ബാങ്കും പ്രാഥമിക സഹകരണ സംഘങ്ങളും ചേർന്ന് പദ്ധതി തയ്യാറാക്കി. വികസന പ്രവർത്തനങ്ങളിൽ സഹകരണ മേഖലയും തദ്ദേശ സ്ഥാപനങ്ങളും കൈകോർക്കുന്നതിന് ബില്ലിൽ വ്യവസ്ഥചെയ്തു. വിനോദസഞ്ചാര മേഖലയിലും സഹകരണ വകുപ്പ് കൈകോർക്കുമെന്നും മന്ത്രി പറഞ്ഞു.
...
ദേശാഭിമാനി
|
2 hr |
⟶
|
|
|
ന്യൂനമർദം: കേരള- കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന് മുന്നറിയിപ്പ്
CC BY
— തിരുവനന്തപുരം > കേരള- കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന് മുന്നറിയിപ്പ്. കേരള- കർണാടക തീരങ്ങളിൽ ഇന്നും ലക്ഷദ്വീപ് പ്രദേശത്ത് ഇന്ന് മുതൽ വ്യാഴം വരെയും മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
കർണാടക തീരത്തിനും മധ്യ കിഴക്കൻ അറബിക്കടലിനും മുകളിലായി ശക്തി കൂടിയ ന്യൂനമർദ്ദം സ്ഥിതിചെയ്യുന്നു. അടുത്ത 2 ദിവസങ്ങളിലായി പടിഞ്ഞാറ് - വടക്കു പടിഞ്ഞാറ് ദിശയിൽ മധ്യ കിഴക്കൻ അറബിക്കടലിനു മുകളിലൂടെ സഞ്ചരിക്കാൻ സാധ്യതയുള്ളതിനാൽ ആ ഭാഗങ്ങളിലേക്ക് മത്സ്യബന്ധനത്തിന് പോകാൻ പാടുള്ളതല്ലെന്നാണ് മുന്നറിയിപ്പ്.
03/12/2024: കേരള- കർണാടക തീരങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യത.
03/12/2024 മുതൽ 05/12/2024 വരെ: ലക്ഷദ്വീപ് പ്രദേശത്ത് മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യത.
പ്രത്യേക ജാഗ്രതാ നിർദേശം
03/12/2024 മുതൽ 05/12/2024: തെക്കു കിഴക്കൻ അറബിക്കടലിനോട് ചേർന്ന പ്രദേശങ്ങൾ, മധ്യ കിഴക്കൻ അറബിക്കടലിന്റെ തെക്കൻ ഭാഗങ്ങൾ എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
06/12/2024: തെക്കൻ അറബിക്കലിന്റെ മധ്യ ഭാഗങ്ങൾ, മധ്യ അറബിക്കടലിനോട് ചേർന്ന പ്രദേശങ്ങൾ എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
07/12/2024: തെക്കു പടിഞ്ഞാറൻ അറബിക്കടലിലും സമീപ പ്രദേശങ്ങളിലും മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.
മേൽപ്പറഞ്ഞ തീയതികളിൽ ഈ പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല.
...
ദേശാഭിമാനി
|
2 hr |
⟶
|
|
|
മുനമ്പം വഖഫല്ല, ആവർത്തിച്ച് പ്രതിപക്ഷ നേതാവ്
CC BY
— കോഴിക്കോട്> മുനമ്പത്തേത് വഖഫ് ഭൂമിയല്ലെന്ന് ആവർത്തിച്ച് പ്രതിപക്ഷ നേതാവ് വി ഡി സതീശൻ. ഇക്കാര്യം മുസ്ലിം സംഘടനകളെല്ലാം അംഗീകരിച്ചതാണ്.
സർക്കാരും വഖഫ് ബോർഡുമാണ് വഖഫ് ഭൂമിയെന്ന് പറയുന്നത്. സർക്കാരിന് ഇത് വഖഫ് ഭൂമി അല്ലെന്ന് അംഗീകരിച്ച് പ്രശ്നം ഉടൻ തീർക്കാവുന്നതാണ്. എന്നാൽ ജുഡീഷ്യൽ കമീഷനെ വച്ചത് സംഘപരിവാറിനെ സഹായിക്കാനാണ്. പ്രശ്നം തീർക്കാതെ മുതലെടുപ്പാണ് സർക്കാർ ലക്ഷ്യമെന്നും സതീശൻ ആരോപിച്ചു.
...
ദേശാഭിമാനി
|
3 hr |
⟶
|
|
|
ബന്ദികളെ വിട്ടയച്ചില്ലെങ്കിൽ പശ്ചിമേഷ്യ നരകമാകും; ഹമാസിന് ഭീഷണിയുമായി ട്രംപ്
CC BY
— വാഷിങ്ടൺ > ഹമാസ് തടവിലാക്കിയ മുഴുവൻ ബന്ദികളേയും മോചിപ്പിച്ചില്ലെങ്കിൽ തിരിച്ചടി നേരിടേണ്ടി വരുമെന്ന ഭീഷണിയുമായി ഡോണൾഡ് ട്രംപ്. 2025 ജനുവരി 20ന് മുമ്പ് മോചിപ്പിക്കണമെന്നാണ് നിയുക്ത യുഎസ് പ്രസിഡന്റ് ഡോണൾഡ് ട്രംപിന്റെ ആജ്ഞ. മനുഷ്യത്വ വിരുദ്ധമായ പ്രവർത്തനങ്ങൾ നടത്തിയതിന് പശ്ചിമേഷ്യ അനുഭവിക്കേണ്ടിവരുമെന്നും ട്രംപ്.
അധികാരത്തിലേറുന്നതിനു മുൻപ് തന്നെ ഗാസയിലെ യുദ്ധം അവസാനിപ്പിക്കുമെന്ന് ട്രംപ് പറഞ്ഞിരുന്നു.
...
ദേശാഭിമാനി
|
3 hr |
⟶
|
|
|
18 ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന അറസ്റ്റ് ചെയ്തു
CC BY
— കൊളംബോ > ശ്രീലങ്കൻ നാവികസേന 18 ഇന്ത്യൻ മത്സ്യത്തൊഴിലാളികളെ അറസ്റ്റ് ചെയ്തു. അനധികൃതമായി അതിർത്തിയിലേക്ക് കടന്നുകയറിയെന്നാരോപിച്ചാണ് ഇവരെ അറസ്റ്റ് ചെയ്തത്. വെറ്റിലൈകെർനി ഏരിയയിൽ തിങ്കളാഴ്ച നടന്ന നീക്കത്തിലാണ് മത്സ്യത്തൊഴിലാളികളെ അറസ്റ്റ് ചെയ്തത്. ആ വർഷം ഇതുവരെ 515 മത്സ്യത്തൊഴിലാളികളെയും 66 യാനങ്ങളെയും പിടികൂടിയതായി ശ്രീലങ്കൻ നേവി അറിയിച്ചു.
...
ദേശാഭിമാനി
|
3 hr |
⟶
|
|
|
വയനാട് ദുരന്തം: കേന്ദ്രസര്‍ക്കാരിന്റെ അവഗണനയ്ക്കെതിരെ എല്ഡിഎഫ് ഉപരോധം വ്യാഴാഴ്ച
CC BY
— കൊച്ചി> വയനാട് ദുരന്തം സംഭവിച്ച് മാസങ്ങള് പിന്നിട്ടിട്ടും സംസ്ഥാനത്തിന് അര്ഹമായ ധനസഹായം നിഷേധിക്കുന്ന കേന്ദ്രസര്ക്കാര് നടപടിക്കെതിരെ വ്യാഴാഴ്ച എല്ഡിഎഫ് പ്രതിഷേധം സംഘടിപ്പിക്കും. രാവിലെ 10ന് എറണാകുളം ബിഎസ്എന്എല് ഭവനുമുന്നില് സംഘടിപ്പിക്കുന്ന ഉപരോധം എന്സിപി സംസ്ഥാന പ്രസിഡന്റ് പി സി ചാക്കോ ഉദ്ഘാടനം ചെയ്യും.
ഉരുള്പൊട്ടല് ദുരന്തത്തെ അതിതീവ്ര ദുരന്തമായി പ്രഖ്യാപിക്കുക, ദുരിതബാധിതരുടെ വായ്പ എഴുതിത്തള്ളുക തുടങ്ങി കേരളത്തിന്റെ അടിയന്തര ആവശ്യങ്ങളില് കേന്ദ്രസര്ക്കാര് പിന്തിരിഞ്ഞുനില്ക്കുകയാണ്. അടിയന്തരസഹായം ആവശ്യപ്പെട്ട് കേരളം ആഗസ്ത് 17നുതന്നെ അപേക്ഷ നല്കിയെങ്കിലും ഇതുവരെ തുക അനുവദിച്ചില്ല.
വ്യാഴം രാവിലെ 10ന് എറണാകുളം മേനക ജങ്ഷനില്നിന്ന് എല്ഡിഎഫ് പ്രവര്ത്തകര് ബോട്ടുജെട്ടിക്കുസമീപത്തെ ബിഎസ്എന്എല് ഭവനിലേക്ക് മാര്ച്ച് നടത്തും. തുടര്ന്ന് 10.30 മുതല് ഒന്നുവരെ ഓഫീസ് ഉപരോധിക്കാനും എല്ഡിഎഫ് ജില്ലാ കമ്മിറ്റി തീരുമാനിച്ചു.
സിപിഐ എം ജില്ലാ സെക്രട്ടറി സി എന് മോഹനന് അധ്യക്ഷനായി. എല്ഡിഎഫ് ജില്ലാ കണ്വീനര് ജോര്ജ് ഇടപ്പരത്തി റിപ്പോര്ട്ട് അവതരിപ്പിച്ചു.
...
ദേശാഭിമാനി
|
3 hr |
⟶
|
|
|
പൊതുമേഖലാസ്ഥാപനങ്ങളെ സംരക്ഷിക്കാൻ സർക്കാർ: 272.2 കോടി രൂപയുടെ വൈദ്യുതി കുടിശ്ശിക എഴുതിത്തള്ളി
CC BY
— തിരുവനന്തപുരം > സംസ്ഥാന വ്യവസായ വകുപ്പിന് കീഴിലുള്ള 18 പൊതുമേഖലാ സ്ഥാപനങ്ങളുടെ 272.2 കോടി രൂപയുടെ വൈദ്യുതി കുടിശ്ശിക സംസ്ഥാന സർക്കാർ എഴുതിതള്ളി. കെഎസ്ഇബി സർക്കാരിന് നൽകാനുണ്ടായിരുന്ന വൈദ്യുതി ഡ്യൂട്ടി ഒഴിവാക്കി നൽകിയതിന്റെ ഭാഗമായാണ് പൊതുമേഖലാ സ്ഥാപനകുടിശ്ശിക ഒഴിവാക്കിയത്. ദീർഘകാലം വൈദ്യുതി ബിൽ കുടിശ്ശികയായതോടെ പൊതുമേഖലാസ്ഥാപനങ്ങൾക്ക് ഉണ്ടായിരുന്ന ഭീമമായ ബാധ്യതയാണ് ഇതോടെ ഒഴിവായത്. പൊതുമേഖലാ സ്ഥാപനങ്ങളെ സംരക്ഷിക്കുന്നതിന് സാധ്യമായ എല്ലാ വഴികളും ഉപയോഗപ്പെടുത്തുന്നതിൻ്റെ ഭാഗമായാണ് വൈദ്യുതി കുടിശ്ശിക എഴുതിത്തള്ളിയതെന്ന് വ്യവസായ മന്ത്രി പി രാജീവ് പറഞ്ഞു.
ആട്ടോകാസ്റ്റ് ലിമിറ്റഡ് - 113.08 കോടി, ടെക്സ്റ്റൈൽ കോർപ്പറേഷൻ - 53.69 കോടി, കേരളാ സിറാമിക്സ് -44 കോടി, തൃശൂർ സഹകരണ സ്പിന്നിംഗ് മിൽ - 12. 86 കോടി, മലപ്പുറം സഹകരണ സ്പിന്നിംഗ് മിൽ-12.71 കോടി, പ്രിയദർശിനി സഹകരണ സ്പിന്നിങ് മിൽ-7 കോടി, ആലപ്പുഴ സഹകരണ സ്പിന്നിങ്ങിൽ 6.35 കോടി, കണ്ണൂർ സഹകരണ സ്പിന്നിംഗ് മിൽ 5.61 കോടി, മാൽക്കോടെക്സ് - 3.75 കോടി, ട്രിവാൻഡ്രം സ്പിന്നിംഗ് മിൽ - 3.49 കോടി, കൊല്ലം സഹകരണ സ്പിന്നിംഗ് മിൽ - 2.61 കോടി, സീതാറാം ടെക്സ്റ്റൈൽസ്- 2.1 1 കോടി, ട്രാവൻകൂർ സിമൻറ്സ് ലിമിറ്റഡ് -1.6 4 കോടി, കേരള സോപ്പ്സ് ലിമിറ്റഡ് -1.33 കോടി, കെ. കരുണാകരൻ മെമ്മോറിയൽ സഹകരണ സ്പിന്നിംഗ് മിൽ 97 ലക്ഷം, സ്റ്റീൽ ഇൻഡസ്ട്രീസ് കേരള ലിമിറ്റഡ് - 39 ലക്ഷം, കേരള സ്റ്റേറ്റ് ബാംബൂ കോർപ്പറേഷൻ - 34 ലക്ഷം, കെൽ - ഇഎംഎൽ- 27 ലക്ഷം എന്നിങ്ങനെയാണ് കുടിശ്ശിക എഴുതിത്തള്ളിയത്.
യഥാസമയം ബിൽ അടക്കാത്തതുമൂലം വൈദ്യുതി വിച്ഛേദിക്കുന്നതുൾപ്പെടെയുള്ള നടപടികൾ പൊതു മേഖലാ സ്ഥാപനങ്ങളെ ബാധിച്ചിരുന്നു. കുടിശ്ശിക ഒഴിവായതോടെ പ്രവർത്തനം കൂടുതൽ മെച്ചപ്പെടുത്താൻ സ്ഥാപനങ്ങൾക്ക് കഴിയും. ചരിത്രത്തിലാദ്യമായാണ് പൊതു മേഖലയുടെ ഇത്രയും വലിയ തുക കുടിശ്ശിക എഴുതിത്തള്ളുന്നതെന്നും മന്ത്രി പറഞ്ഞു.
...
ദേശാഭിമാനി
|
4 hr |
⟶
|
|
|
അസാധാരണം ഈ അറസ്റ്റ്; മീൻ മോഷ്ടിച്ച പൂച്ച പൊലീസ് പിടിയിൽ
CC BY
— തായ്ലൻഡ് > റോഡരികിൽ പാർക്കു ചെയ്ത ബൈക്കിൽ നിന്നും പച്ചമീൻ കട്ടെടുത്ത പൂച്ചയെ തായ്ലൻഡ് പൊലീസ് പിടികൂടി. സംഭവം അസാധരണമാണെങ്കിലും സംഗതി സത്യമാണ്. ഒക്ടോബർ 14നാണ് തായ്ലൻഡിലെ സ്ട്രീറ്റിൽ പാർക്കു ചെയ്ത ബൈക്കിൽ നിന്നും പൂച്ച പച്ചമീൻ മോഷ്ടിച്ചത്. സംഭവത്തിന്റെ സിസിടിവി ദൃശ്യങ്ങൾ പുറത്തു വന്നപ്പോൾ പൊലീസിന്റെ കണ്ണു വെട്ടിച്ച് കടന്നു കളഞ്ഞ മീൻ മോഷ്ടാവിനെ പിടിക്കാൻ തായ്ലൻഡ് ലോക്കൽ പൊലീസ് തീരുമാനിച്ചു.
സമർത്ഥനായ മോഷ്ടാവിനെ അരുമയോടെ കൈകളിൽ എടുത്തുവരുന്ന പൊലീസിന്റെ വീഡിയോ സമൂഹ മാധ്യമങ്ങളിൽ വൈറലാണ്. തായ്ലൻഡ് ലോക്കൽ പൊലീസ് തന്നെ പോസ്റ്റ് ചെയ്ത വീഡിയോയ്ക്ക് തെറ്റ് ഇനി ആവർത്തിക്കരുത്, കള്ളൻ ക്യൂട്ടാണ് തുടങ്ങി അനേകം കമന്റുകളും ലൈക്കുകളും രാജ്യങ്ങൾ കടന്ന് കിട്ടുന്നുണ്ട്.
...
ദേശാഭിമാനി
|
4 hr |
⟶
|
|
|
കാർ കുളത്തിലേക്ക് മറിഞ്ഞ് വിദ്യാർഥി മരിച്ചു
CC BY
— കണ്ണൂർ > ഓടിക്കൊണ്ടിരിക്കുന്ന കാർ നിയന്ത്രണം വിട്ട് കുളത്തിലേക്ക് മറിഞ്ഞ് വിദ്യാർഥി മരിച്ചു. അങ്ങാടിക്കടവിൽ കുറിച്ചിക്കുന്നേൽ ഇമ്മാനുവലാ(23)ണ് മരിച്ചത്. ചൊവ്വാഴ്ച രാവിലെ 5.15 ടെയാണ് അപകടം. തൃശ്ശൂരിൽ പരീക്ഷ കഴിഞ്ഞ് കാറിൽ മടങ്ങുകയായിരുന്നു ഇമ്മാനുവൽ. വഴിയിൽ വച്ച് റോഡരികിലെ ദ്രവിച്ച മരം കാറിന്മേൽ പൊട്ടി വീണു. നിയന്ത്രണം വിട്ട കാർ തുടർന്ന് തെങ്ങിൽ ഇടിച്ച് കുളത്തിലേക്ക് തലകീഴായി മറിയുകയായിരുന്നു.
ഫയർഫോഴ്സും നാട്ടുകാരും ചേർന്ന് ഇമ്മാനുവലിനെ കാറിൽ നിന്നും പുറത്തെടുത്ത് ആശുപത്രിയിൽ എത്തിച്ചെങ്കിലും മരിച്ചു. മൃതദേഹം പോസ്റ്റ്മോർട്ടത്തിന് ശേഷം അങ്ങാടിക്കടവിലെ വീട്ടിൽ എത്തിച്ചു. ബുധൻ വൈകിട്ട് നാലിന് അങ്ങാടിക്കടവ് തിരുഹൃദയ പള്ളി സെമിത്തേരിയിൽ സംസ്കരിക്കും. കുറിച്ചിക്കുന്നേൽ ബെന്നിജോസ്- ബീന ദമ്പതികളുടെ മകനാണ് ഇമ്മാനുവൽ. സഹോദരങ്ങൾ - എലിസബത്ത്, എമിലി.
...
ദേശാഭിമാനി
|
4 hr |
⟶
|
|
|
ഇൻഷുറൻസ് തുക തട്ടിയെടുക്കാൻ ഭാര്യയെ കൊന്നു; 47കാരന് വധശിക്ഷ വിധിച്ച് ചൈനീസ് കോടതി
CC BY
— ബീജിങ് > ഇൻഷുറൻസ് തുക തട്ടിയെടുക്കാൻ ഭാര്യയെ കൊലപ്പെടുത്തിയ 47 കാരന് വധശിക്ഷ വിധിച്ച് ചൈനീസ് കോടതി. കടം വീട്ടാനും വേശ്യാവൃത്തിയിൽ ഏർപ്പെടാനും പണം കണ്ടെത്താനാണ് ഇയാൾ ഭാര്യയെ കൊലപ്പെടുത്തിയത്. ചൈനയിലെ സ്റ്റേറ്റ് ബ്രോഡ്കാസ്റ്റർ സിസിടിവി റിപ്പോർട്ട് പ്രകാരം ലീ എന്നയാളാണ് ഭാര്യയെ കൊലപ്പെടുത്തിയത്. 2022 ഡിസംബറിൽ ലിയോണിംഗ് ഹയർ പീപ്പിൾസ് കോടതി ഇയാളെ മനഃപൂർവമായ നരഹത്യയ്ക്ക് ശിക്ഷിച്ചിരുന്നു. എന്നാൽ വധശിക്ഷ നടപ്പാക്കിയിട്ടുണ്ടോ എന്നത് വ്യക്തമല്ല.
2021 മെയ് 5നാണ് കേസിന് ആസ്പദമായ സംഭവം നടക്കുന്നത്. ലീയും 46കാരിയായ ഭാര്യയും ലിയോണിംഗ് പ്രവിശ്യയിലെ ഡാലിയനിൽ നിന്നും ഷാൻഡോങ് പ്രവിശ്യയിലെ യാന്റായിലേക്ക് യാത്ര ചെയ്യുമ്പോൾ ബോട്ടിൽ നിന്നും തള്ളിയിട്ട് കൊലപ്പെടുത്തുകയായിരുന്നു. 45 മിനിറ്റോളം നീണ്ട തിരച്ചിലിനൊടുവിലാണ് യുവതിയുടെ മൃതദേഹം കണ്ടെത്തിയത്. സംഭവത്തിൽ അസ്വാഭാവിക മരണത്തിന് പൊലീസ് കേസെടുത്തിരുന്നു.
ലീ ഷാങ്ഹായിൽ റസ്റ്റോറന്റ് നടത്തിവരികയായിരുന്നു. ഇയാൾക്ക് വലിയ കടബാധ്യതയുണ്ടായിരുന്നതായാണ് വിവരം. 2020ലാണ് ഇയാൾ 46- കാരിയെ വിവാഹം ചെയ്തത്. വിവാഹത്തെക്കുറിച്ച് ലീയുടെ കുടുംബം അറിഞ്ഞിരുന്നില്ലെന്ന് അന്വേഷണത്തിൽ വ്യക്തമായി. വിവാഹത്തിന് പിന്നാലെ ഭാര്യയുടെ പേരിൽ ഇയാൾ നാല് ഇൻഷുറൻസ് പോളിസികളെടുത്തിരുന്നു. ഇവ ഏകദേശം 12 ദശലക്ഷം യുവാൻ മൂല്യമുള്ള പോളിസിയായിരുന്നു.
കേസ് അന്വേഷണം നടക്കുമ്പോൾ കൊലപാതകത്തിൽ പങ്കില്ലെന്ന് തെളിയിക്കാൻ ലീ ശ്രമിച്ചിരുന്നു. എന്നാൽ നിരീക്ഷണ ക്യാമറകളിൽ നിന്നുള്ള ദൃശ്യങ്ങൾ പോലീസിന് ലഭിച്ചതോടെ അന്വേഷണത്തിൽ വഴിത്തിരിവുണ്ടായി. ദൃശ്യങ്ങൾ പരിശോധിച്ച് ലീ തന്നെയാണ് കുറ്റവാളിയെന്ന് കണ്ടെത്തുകയായിരുന്നു. 2022 ജൂലൈയിലെ ആദ്യ വിചാരണയിൽ ഇയാൾക്ക് കൊലപാതക കുറ്റത്തിന് ശിക്ഷ വിധിക്കുകയായിരുന്നു. എന്നാൽ കുറ്റകൃത്യത്തിൻറെയും കോടതി വിധിയുടെയും വിവരങ്ങൾ ഇപ്പോഴാണ് പുറത്തുവിടുന്നത്.
...
ദേശാഭിമാനി
|
5 hr |
⟶
|
|
|
എറണാകുളം ഗവ. മെഡിക്കല് കോളേജ് എന്ഐസിയു നവീകരിക്കുന്നു; മൂന്നാഴ്ച അടച്ചിടും
CC BY
— കൊച്ചി> എറണാകുളം ഗവ. മെഡിക്കല് കോളേജില് നവജാത ശിശുക്കളുടെ ഐസിയു (എന്ഐസിയു) താല്ക്കാലികമായി പ്രവര്ത്തിക്കില്ലെന്ന് സൂപ്രണ്ട് ഡോ. എം. ഗണേഷ് മോഹന് അറിയിച്ചു. അഗ്നിസുരക്ഷാ ജോലികള് പൂര്ത്തിയാക്കുന്നതിനും കൂടുതല് സജ്ജീകരണങ്ങള് ഒരുക്കുന്നതിനുമാണ് ഐസിയു അടയ്ക്കുന്നത്. മൂന്നാഴ്ചയെങ്കിലും എടുക്കും.
സമീപ ആശുപത്രികളില് മാസം തികയാതെ ജനിക്കുന്ന കുഞ്ഞുങ്ങളെയും മറ്റ് നവജാതശിശുക്കളെയും ഈ കാലയളവില് റഫര് ചെയ്യരുതെന്ന് സൂപ്രണ്ട് വാര്ത്താ കുറിപ്പില് അറിയിച്ചു. പ്രവര്ത്തനം പുനരാരംഭിക്കുന്നത് സഹകരിക്കണമെന്നും അദ്ദേഹം അഭ്യര്ഥിച്ചു.
...
ദേശാഭിമാനി
|
5 hr |
⟶
|
|
|
ആലപ്പുഴ അപകടം: വിദ്യാർഥികളുടെ ചികിത്സക്കായി മെഡിക്കൽ ബോർഡ് രൂപീകരിച്ചു- വീണാ ജോർജ്
CC BY
— വണ്ടാനം > ആലപ്പുഴ കളർകോട് അപകടത്തിൽപ്പെട്ട് ചികിത്സയിലുള്ള വിദ്യാർഥികൾക്കു വേണ്ടി മെഡിക്കൽ ബോർഡ് രൂപീകരിച്ചെന്ന് മന്ത്രി വീണാ ജോർജ്. മികച്ച ചികിത്സ നൽകുന്നതിനായി എച്ച്ഒഡിമാരടക്കം വിദഗ്ധർ ബോർഡിലുണ്ടെന്നും മന്ത്രി അറിയിച്ചു. അപകടത്തിൽപ്പെട്ട അഞ്ചു പേരും വണ്ടാനം മെഡിക്കൽ കോളേജിൽ ചികിത്സയിലാണ്. മൂന്നു പേരുടെ നില ഗുരുതരവും ഇവരിൽ ഒരാളുടെ നില അതീവ ഗുരുതരവുമാണ്. ഒരാൾക്ക് തലച്ചോറിൽ അടിയന്തര സർജറി നടത്തി. മൂന്നുപേരും വെന്റിലേറ്ററിൽ തുടരുകയാണെന്നും വീണാ ജോർജ് പറഞ്ഞു.
ചികിത്സയിലുള്ള അഞ്ചുപേരിൽ രണ്ടുപേർക്ക് നേരിയ പരിക്കുകളാണ്. ഇവർക്ക് മാനസിക പിന്തുണ ആവശ്യമുള്ള ഘട്ടമായതിനാൽ ആശുപത്രിയിൽ തന്നെ തുടരുകയാണ്.
...
ദേശാഭിമാനി
|
5 hr |
⟶
|
|
|
തിരുവണ്ണാമല ഉരുൾപൊട്ടലിൽ മരിച്ചവരുടെ കുടുംബത്തിന് അഞ്ച് ലക്ഷം രൂപ ധനസഹായം
CC BY
— ചെന്നൈ > തിരുവണ്ണാമലയിലെ ഉരുൾപൊട്ടലിൽ മരിച്ചവരുടെ കുടുംബത്തിന് തമിഴ്നാട് സർക്കാർ അഞ്ച് ലക്ഷം രൂപ ധനസഹായം പ്രഖ്യാപിച്ചു. മഴക്കെടുതി ബാധിച്ച 3.54 ലക്ഷം കുടുംബങ്ങൾക്ക് 5,000 രൂപ വീതം നൽകും. ഉരുൾപൊട്ടലിൽ അഞ്ച് കുട്ടികളടക്കം ഏഴ് പേർ മണ്ണിനടിയിൽ കുടുങ്ങിയിരുന്നു. ഇന്നലെയാണ് ഇവരുടെ മൃതദേഹം എൻഡിആർഎഫ് സംഘം കണ്ടെത്തിയത്. രാജ്കുമാർ, ഭാര്യ മീന (27), മകൻ ഗൗതം (8), മകൾ വിനിയ (5), രമ്യ (7), വിനോദിനി (16), മഹാ (7) എന്നിവരാണ് മരിച്ചത്.വിഒസി നഗറിലെ 11ാം സ്ട്രീറ്റിലാണ് കുടുംബം താമസിച്ചിരുന്നത്.
ഫെയ്ൻജൽ ചുഴലിക്കാറ്റിന്റെ പ്രഭാവത്തിൽ തമിഴ്നാട്ടിലെ 14 ജില്ലകളിലായി വ്യാപക നാശ നഷ്ടമാണുണ്ടായത്. വില്ലുപുരം, കള്ളക്കുറിച്ചി, തിരുവണ്ണാമല ജില്ലകളിലെ 2.11 ലക്ഷം ഹെക്ടർ കൃഷിയിടങ്ങൾ വെള്ളത്തിനടിയിലായി. 1.5 കോടി ജനങ്ങളെ മഴ ബാധിച്ചതായാണ് വിവരം. പുനരുദ്ധാരണത്തിനും പുനരധിവാസ പ്രവർത്തനങ്ങൾക്കുമായി ദേശീയ നിവാരണ നിധിയിൽ (എൻഡിആർഎഫ്) നിന്ന് 2000 കോടി രൂപ ഉടൻ അനുവദിക്കണമെന്ന് പ്രധാനമന്ത്രി നരേന്ദ്ര മോദിയോട് മുഖ്യമന്ത്രി എം കെ സ്റ്റാലിൻ അഭ്യർത്ഥിച്ചു.
വില്ലുപുരം, കടലൂർ, കല്ലുറിച്ചി ജില്ലകളിലെ കുടുംബങ്ങൾക്ക് 2000 രൂപ വീതം ധനസഹായം നൽകുമെന്ന് തമിഴ്നാട് മുഖ്യമന്ത്രി അറിയിച്ചു. തമിഴ്നാട്, കേരളം, കർണാടക എന്നിവയുൾപ്പെടെ ദക്ഷിണേന്ത്യയുടെ പല ഭാഗങ്ങളിലും ചൊവ്വാഴ്ച കനത്ത മഴയ്ക്ക് സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) മുന്നറിയിപ്പ് നൽകി. പുതുച്ചേരിയിൽ ഇന്ന് എല്ലാ സർക്കാർ, സ്വകാര്യ സ്കൂളുകൾക്കും കോളേജുകൾക്കും അവധി നൽകിയിരുന്നു.
...
ദേശാഭിമാനി
|
6 hr |
⟶
|
|
|
മഴ ശക്തമാകുന്നു: 2 ജില്ലകളിൽ ഓറഞ്ച് അലർട്ട്, ഏഴിടത്ത് മഞ്ഞ അലർട്ട്
CC BY
— തിരുവനന്തപുരം > സംസ്ഥാനത്ത് മഴ ശക്തമാകുന്നു. വിവിധ ജില്ലകളിൽ കാലാവസ്ഥ വകുപ്പ് ഓറഞ്ച്, മഞ്ഞ അലർട്ടുകൾ പ്രഖ്യാപിച്ചു. കണ്ണൂർ, കാസർകോട് ജില്ലകളിലാണ് ഓറഞ്ച് അലർട്ട്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്. എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് മഞ്ഞ അലർട്ട്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.
പൊതുജനങ്ങൾക്കുള്ള പ്രത്യേക നിർദേശങ്ങൾ
ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദേശാനുസരണം സുരക്ഷിതമായ സ്ഥലങ്ങളിലേക്ക് മാറി താമസിക്കണം. നദിക്കരകൾ, അണക്കെട്ടുകളുടെ കീഴ്പ്രദേശങ്ങൾ എന്നിവിടങ്ങളിൽ താമസിക്കുന്നവരും അപകടസാധ്യത മുൻകൂട്ടി കണ്ട് അധികൃതരുടെ നിർദേശാനുസരണം മാറി താമസിക്കേണ്ടതാണ്.
ദുരന്തസാധ്യത പ്രദേശങ്ങളിൽ താമസിക്കുന്നവർ നിർബന്ധമായും തങ്ങളുടെ പ്രദേശത്ത് ക്യാമ്പുകൾ തുറന്നു എന്നുറപ്പാക്കേണ്ടതും പകൽ സമയത്ത് തന്നെ അങ്ങോട്ട് മാറി താമസിക്കേണ്ടതുമാണ്. ഇതിനായി തദ്ദേശ സ്ഥാപന, റവന്യൂ അധികാരികളുമായി ബന്ധപ്പെടാവുന്നതാണ്.
ശക്തമായ കാറ്റിനു സാധ്യതയുള്ളതിനാൽ അടച്ചുറപ്പില്ലാത്ത വീടുകളിൽ താമസിക്കുന്നവരും മേൽക്കൂര ശക്തമല്ലാത്ത വീടുകളിൽ താമസിക്കുന്നവരും പ്രത്യേക ജാഗ്രത പാലിക്കേണ്ടതാണ്. അപകടാവസ്ഥ മുന്നിൽ കാണുന്നവർ അധികൃതരുമായി ബന്ധപ്പെട്ട് സുരക്ഷിതമായ സ്ഥലങ്ങളിലേക്ക് സുരക്ഷാ മുൻകരുതലിന്റെ ഭാഗമായി മാറി താമസിക്കണം.
കാറ്റിൽ മരങ്ങൾ കടപുഴകി വീണും പോസ്റ്റുകൾ തകർന്നു വീണും ഉണ്ടാകാനിടയുള്ള അപകടങ്ങളെയും ശ്രദ്ധിക്കേണ്ടതാണ്. സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ച ശക്തമായ കാറ്റിൽ സ്വീകരിക്കേണ്ട മുൻകരുതൽ നടപടികൾ https://sdma.kerala.gov.in/windwarning/ എന്ന ലിങ്കിൽ നിന്ന് ലഭ്യമാണ്. ശക്തമായ മഴ പെയ്യുന്ന സാഹചര്യത്തിൽ ഒരു കാരണവശാലും നദികൾ മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മീൻപിടിക്കാനോ മറ്റ് ആവശ്യങ്ങൾക്കോ ഇറങ്ങാൻ പാടുള്ളതല്ല. ജലാശയങ്ങൾക്ക് മുകളിലെ മേൽപ്പാലങ്ങളിൽ കയറി കാഴ്ച കാണുകയോ സെൽഫി എടുക്കുകയോ കൂട്ടം കൂടി നിൽക്കുകയോ ചെയ്യാൻ പാടുള്ളതല്ല.
മഴ ശക്തമാകുന്ന അവസരങ്ങളിൽ അത്യാവശ്യമല്ലാത്ത യാത്രകൾ പൂർണ്ണമായും ഒഴിവാക്കുക. വെള്ളച്ചാട്ടങ്ങൾ, ജലാശയങ്ങൾ, മലയോര മേഖലകൾ എന്നിവിടങ്ങളിലേക്കുള്ള വിനോദ യാത്രകൾ മഴ മുന്നറിയിപ്പ് മാറുന്നത് വരെ പൂർണ്ണമായി ഒഴിവാക്കേണ്ടതാണ്.
ജലാശയങ്ങളോട് ചേർന്ന റോഡുകളിലൂടെയുള്ള യാത്രകളിൽ പ്രത്യേക ജാഗ്രത പാലിക്കുക. അറ്റകുറ്റപ്പണികൾ നടക്കുന്ന റോഡുകളിലും ജാഗ്രത പാലിക്കുക. അതിശക്തമായ മഴയുണ്ടാകുന്ന സാഹചര്യത്തിൽ റോഡപകടങ്ങൾ വർദ്ധിക്കാൻ സാധ്യത മുന്നിൽ കാണണം. ജലാശയങ്ങൾ കരകവിഞ്ഞു ഒഴുകുന്നയിടങ്ങളിൽ വാഹനം ഓടിക്കാൻ ശ്രമിക്കരുത്.
സ്വകാര്യ – പൊതു ഇടങ്ങളിൽ അപകടാവസ്ഥയിൽ നിൽക്കുന്ന മരങ്ങൾ/പോസ്റ്റുകൾ/ബോർഡുകൾ, മതിലുകൾ തുടങ്ങിയവ സുരക്ഷിതമാക്കേണ്ടതും മരങ്ങൾ കോതി ഒതുക്കുകയും ചെയ്യേണ്ടതാണ്. അപകടാവസ്ഥകൾ അധികൃതരുടെ ശ്രദ്ധയിൽ പെടുത്തേണ്ടതാണ്.
ദുരന്ത സാധ്യത മേഖലയിലുള്ളവർ ഒരു എമർജൻസി കിറ്റ് അടിയന്തരമായി തയ്യാറാക്കി വയ്ക്കേണ്ടതാണ്. കിറ്റ് തയ്യാറാക്കുന്നതിനുള്ള നിർദേശങ്ങൾ https://sdma.kerala.gov.in/.../2020/07/Emergency-Kit.pdf
കേരളത്തിലെ എല്ലാ ജില്ലകളിലും 24 മണിക്കൂറും പ്രവർത്തിക്കുന്ന താലൂക്ക്, ജില്ലാ കൺട്രോൾ റൂമുകൾ പ്രവർത്തിക്കുന്നുണ്ട്. അപകട സാധ്യത മുന്നിൽ കാണുന്ന ഘട്ടത്തിലും സഹായങ്ങൾക്കുമായി 1077, 1070 എന്നീ ടോൾ ഫ്രീ നമ്പറുകളിൽ ബന്ധപ്പെടാവുന്നതാണ്.
...
ദേശാഭിമാനി
|
6 hr |
⟶
|
|
|
ട്രയൽ ഘട്ടം കഴിഞ്ഞു; വിഴിഞ്ഞം തുറമുഖം ഇനി ലോക സമുദ്രവ്യാപാര ഭൂപടത്തിൽ
CC BY
—
തിരുവനന്തപുരം> വിഴിഞ്ഞം രാജ്യാന്തര തുറമുഖത്തിന്റെ ജൂലൈയിൽ ആരംഭിച്ച ട്രയൽ റൺ പൂർത്തിയായി. ഇന്നു മുതൽ ഔദ്യോഗികമായി ഓപ്പറേഷണൽ തുറമുഖമായി. എഴുപതിലധികം കപ്പലുകൾ ഇതിനകം ചരക്കുമായി തുറമുഖത്തെത്തി. 1.5 ലക്ഷത്തോളം കണ്ടെയ്നറുകളിലായി എത്തിയ ചരക്ക് കൈകാര്യം ചെയ്തു. വർഷം 10 ലക്ഷം കണ്ടെയ്നറുകൾ ഈ തുറമുഖം വഴി കൈകാര്യം ചെയ്യാനാവും.
2028ൽ അടുത്ത ഘട്ടം പൂർത്തീകരിക്കുന്നതോടെ കണ്ടെയ്നർ കൈകാര്യ ശേഷി വർഷം 30 ലക്ഷമാവും. 2034 വരെ ജിഎസ്ടി മാത്രമാകും സംസ്ഥാനത്തിനു ലഭിക്കുക. ജിഎസ്ടിയായി ഇതുവരെ 16.5 കോടി ലഭിച്ചു. ഇതിൽ പകുതി കേരളത്തിന് കിട്ടും. ജനുവരി ആദ്യവാരമായിരിക്കും തുറമുഖത്തിന്റെ കമീഷനിങ്.
2034 മുതൽ വരുമാന വിഹിതം കൂടി ലഭിച്ചുതുടങ്ങും. തുറമുഖനിർമാണത്തിനായി അദാനി ഗ്രൂപ്പിന് സംസ്ഥാന സർക്കാർ 1600 കോടി രൂപയാണ് നൽകുന്നത്.
വിസിലും(വിഴിഞ്ഞം ഇന്റർനാഷണൽ സീപോർട്ട് ലിമിറ്റഡ്) അദാനി ഗ്രൂപ്പും തമ്മിലുള്ള തുറമുഖ നിർമാണക്കരാർ പ്രകാരം 2024 ഡിസംബർ മൂന്നു മുതലാണ് തുറമുഖം ഓപ്പറേഷണൽ ആവുന്നത്. ബുധനാഴ്ച കമ്മിഷനിങ്ങിനു മുൻപ്, തുറമുഖത്തിന്റെ പ്രവർത്തനങ്ങൾ നിരീക്ഷിക്കുന്ന ചെന്നൈ ഐ.ഐ.ടി.യുടെ ഇൻഡിപെൻഡന്റ് എൻജിനീയർമാരുടെ സംഘം നിർമാണം പൂർത്തിയായെന്നുള്ള സർട്ടിഫിക്കറ്റ് നൽകും.
പുറുത്തുള്ള നിർമാണപ്രവർത്തനങ്ങൾ ഇനിയും പൂർത്തിയാകാനുണ്ട്. ഇത് പ്രകാരം പ്രൊവിഷണൽ സർട്ടിഫിക്കറ്റ് ഓഫ് കംപ്ലീഷൻ ആണ് ഇപ്പോൾ ലഭിക്കുക. പണികൾ തീർക്കാൻ മൂന്നു മാസംകൂടി സമയം അനുവദിച്ചിട്ടുണ്ട്.
ലോകത്തിലെ ഏറ്റവും വലിയ ചരക്കുകപ്പൽ കേരള തീരത്തേക്ക്
വലിയ കപ്പലുകളിൽ ചരക്കെത്തിച്ച് ചെറിയ കപ്പലുകളിൽ മറ്റിടങ്ങളിൽ എത്തിക്കുന്ന ട്രാൻസ്ഷിപ്മെന്റ് ഇന്ന് ഔദ്യോഗികമായിത്തീരുകയാണ്.ജേഡ് സർവീസ് വിഭാഗത്തിൽ അംഗത്വം ലഭിക്കുന്ന രാജ്യത്തെ ഏക തുറമുഖമാണ് വിഴിഞ്ഞം. ലോകത്തെ മുൻനിര കപ്പൽ കമ്പനിയായ എം എസ് സി തങ്ങളുടെ അടുത്ത വർഷത്തെ ഷെഡ്യൂളിൽ രണ്ട് പ്രധാന സർവീസുകളിലും വിഴിഞ്ഞത്തെ ഉൾപ്പെടുത്തിയിട്ടുണ്ട്. ഇതോടെ ലോകത്തിലെ ഏറ്റവും വലിയ ചരക്ക് കപ്പലായ എം എസ് സിയുടെ ഐറിനയും കേരളതീരത്തെത്തും.
പദ്ധതിക്ക് ചെലവ് വരുന്ന 8867 കോടി രൂപയിൽ 5595 കോടിയാണ് സംസ്ഥാന സര്ക്കാര് മുടക്കേണ്ടത്. ഇതിൽ 2159 കോടി സംസ്ഥാനം ചെലവഴിച്ചു കഴിഞ്ഞു. ഒരു രൂപപോലും മുടക്കാൻ കേന്ദ്രം തയ്യാറായിട്ടില്ല.
എല്ലാവർക്കും നൽകേണ്ട സഹായ ധനം കേരളത്തിനില്ല
വിഴിഞ്ഞം തുറമുഖ പദ്ധതിക്ക് നൽകുന്ന ധനസഹായം കേരളം തിരിച്ചടച്ചേ മതിയാകൂവെന്ന നിലപാടിലാണ് കേന്ദ്ര സര്ക്കാര്. വയബിലിറ്റി ഗ്യാപ് ഫണ്ട് ദീര്ഘകാല വായ്പയായി പരിഗണിക്കരുതെന്ന സംസ്ഥാന സര്ക്കാര് കേന്ദ്ര ധനമന്ത്രാലയം അംഗീകരിച്ചില്ല. വിജിഎഫ് തിരിച്ചടവ് സംസ്ഥാന സര്ക്കാരിന് വൻ സാമ്പത്തിക ബാധ്യതയുണ്ടാക്കും.
അടിസ്ഥാന സൗകര്യ വികസനത്തിൽ സ്വകാര്യ നിക്ഷേപം പ്രോത്സാഹിപ്പിക്കുന്നതിന്റെ ഭാഗമായി നൽകുന്ന കേന്ദ്ര സഹായമാണ് വിജിഎഫ് അഥവ വയബിലിറ്റി ഗ്യാപ് ഫണ്ട്. ധനസഹായം എന്ന നിലയിൽ വിഴിഞ്ഞം അന്താരാഷ്ട്ര തുറമുഖ പദ്ധതിക്ക് കേന്ദ്രം അനുവദിക്കേണ്ട വിജിഎഫ് 817.80 കോടി രൂപയാണ്. ഇത് അനുവദിക്കണമെങ്കിൽ ഭാവിയിൽ തുറമുഖം ലാഭത്തിലാകുമ്പോഴുള്ള മൂല്യം കണക്കാക്കി തുക തിരിച്ചടക്കണമെന്നാണ് കേന്ദ്രം കേരളത്തോട് ആവശ്യപ്പെടുന്നത്. തൂത്തുക്കുടി അടക്കം തുറമുഖങ്ങൾക്ക് ഈ ധനസഹായം അനുവദിച്ച കേന്ദ്ര സര്ക്കാര് കേരളത്തോട് മാത്രം വിവേചനം കാണക്കുന്ന സാഹചര്യമാണ്.
817 കോടി പലിശ സഹിതം തിരിച്ചടക്കുമ്പോൾ 12000 കോടിയോളം വരും. വര്ഷങ്ങൾക്ക് ശേഷം മാത്രം വരുമാനം കിട്ടിത്തുടങ്ങുന്ന പദ്ധതിക്ക് ഇത് വലിയ ബാധ്യതയാകും. ഭാവിയിൽ ജി എസ് ടക്ക് പുറമെ വിഴിഞ്ഞത്തു നിന്നും സംസ്ഥാനത്തിന് ലഭിക്കാവുന്ന ലാഭവും ഇതുവഴി സ്വന്തമാക്കുക എന്നതാണ് കേന്ദ്ര തന്ത്രം. ഇതാണ് വി ജെ എഫ് കാര്യത്തിൽ പ്രതികൂല നിലപാടിന് പിന്നിൽ എന്നും വിലയിരത്തപ്പെടുന്നു.
പിന്നാലെ 34000 കോടിയുടെ നഗര-റോഡ് വികസനവും
വിഴിഞ്ഞം– നാവായിക്കുളം- വികസന ഇടനാഴി (ഔട്ടർ ഏരിയ ഗ്രോത്ത് കോറിഡോർ) യുടെ മാസ്റ്റർ പ്ലാൻ സംസ്ഥാന സർക്കാരിന് കഴിഞ്ഞ ദിവസം കൈമാറി. വ്യവസായ വകുപ്പിന്റെയും തദ്ദേശവകുപ്പിന്റെയും പിന്തുണയോടെയാണ് പദ്ധതി. ക്യാപ്പിറ്റൽ റീജിയൻ ഡെവലപ്മെന്റ് പ്രോജക്ട്–2 (സിആർഡിപി 2) ന്റെ നേതൃത്വത്തിലാണ് മാസ്റ്റർ പ്ലാൻ തയ്യാറാക്കിയത്.
34,000 കോടിയുടെ പദ്ധതിയാണ് ഇതിനായി സംസ്ഥാന സർക്കാർ നടപ്പാക്കാനൊരുങ്ങുന്നത്.സ്വകാര്യ പങ്കാളിത്തത്തോടെയാണ് നടപ്പാക്കുക.
വിഴിഞ്ഞംമുതൽ നാവായിക്കുളം വരെ 77 കിലോമീറ്ററിലെ റിങ് റോഡ് വരും. ഇതിന് ഇരുവശങ്ങളിലുമായി അഞ്ച് കിലോമീറ്ററോളം ചുറ്റളവിലെ തെരഞ്ഞെടുക്കുന്ന സ്ഥലങ്ങളിലാണ് ടൗൺഷിപ്പുകളും ക്ലസ്റ്ററുകളും ഹബ്ബുകളും ഉയരുക. വിഴിഞ്ഞം അന്താരാഷ്ട്ര തുറമുഖം, വിമാനത്താവളം, ടെക്നോപാർക്ക്, വിവിധ സർവകലാശാലകൾ, ദേശീയപാത –- 66, മലയോര, തീരദേശ ഹൈവേകൾ, ലൈറ്റ് മെട്രോ, കെ റെയിൽ തുടങ്ങിയ പദ്ധതികളുമായും ഇതിനെ ബന്ധിപ്പിക്കും.
...
ദേശാഭിമാനി
|
7 hr |
⟶
|
|
|
കുവൈത്ത് തൊഴിൽ നിയമങ്ങളെക്കുറിച്ച് ബോധവത്കരണം
CC BY
— കുവൈത്ത് സിറ്റി > ഇന്ത്യൻ എംബസി, കുവൈത്ത് , സ്വകാര്യ, ഗാർഹിക മേഖലയുമായി ബന്ധപ്പെട്ട കുവൈത്ത് തൊഴിൽ നിയമങ്ങളെക്കുറിച്ച് ഇന്ത്യൻ കമ്മ്യൂണിറ്റി അംഗങ്ങളുടെ പ്രതിനിധികൾക്കായി ബോധവത്കരണ സെഷൻ സംഘടിപ്പിച്ചു. എംബസി ഓഡിറ്റോറിയത്തില് ലേബര് വിഭാഗത്തിന്റെ നേത്യത്വത്തില് നടന്ന പരിപാടി അംബാസഡര് ഡോ. ആദര്ശ് സ്വൈക ഉദഘാടനം ചെയ്തു.
പരാതിയുള്ള ഏതൊരു ഇന്ത്യന് പൗരനും എംബസിയെ എപ്പോള് വേണമെങ്കില്ലും സമീപിക്കാം. പരാതികള് പരിഹരിക്കുന്നതിന് എംബസിയുടെ അടിയന്തിര വാട്ട്സ്ആപ്പ് ഹെല്പ്പ് ലൈന് നമ്പറുകള് ലഭ്യമാണ്. കൂടാതെ, ആശങ്കകള് നേരിട്ട് ഉദ്യോഗസ്ഥരുമായി നേരിട്ട് ബോധിപ്പിക്കാന് 'ഓപ്പണ് ഹൗസ്' സംവിധാനം ഉപയോഗിക്കണമെന്നും അംബാസഡര് പറഞ്ഞു. സ്വകാര്യമേഖലയിലും (ആര്ട്ടിക്കിള് 18) ഗാര്ഹിക തൊഴില്(ആര്ട്ടിക്കിള് 20) രംഗത്തെ വിദേശ തൊഴിലാളികളുടെ വിവിധ അവകാശങ്ങളും ചട്ടങ്ങളും നിയന്ത്രണങ്ങളെക്കുറിച്ച് കുവൈത്ത് ഉദ്യോഗസ്ഥർ വിവരണം നല്കി. സ്വകാര്യ കമ്പനി ജീവനക്കാര്ക്ക്, തൊഴിലുടമയുടെ ഭാഗത്ത് നിന്നുണ്ടാകുന്ന ലംഘനങ്ങള് ബന്ധപ്പെട്ട അധികാരികളെ അറിയിക്കാനുള്ള രീതികള് വിവരിച്ചു. ഒപ്പം, ഏതെങ്കിലും പരാതി ഉണ്ടെങ്കില് എംബസി പബ്ലിക് മാന്പവര് അതോറിറ്റിയിൽ (പിഎഎം), ഫയല് ചെയ്യുന്നതിനുള്ള നടപടിക്രമങ്ങളും ഉദ്യോഗസ്ഥര് വിശദീകരിച്ചു.
ഗാര്ഹികമേഖലയിലെ തൊഴിലാളികളുമായി ബന്ധപ്പെട്ട ചട്ടങ്ങള്,അവകാശങ്ങള്, നിയന്ത്രണങ്ങള് തുടങ്ങിയവയെക്കുറിച്ച് ഡൊമസ്റ്റിക് ലേബര് വിഭാഗം അധികാരികള് വിവരിച്ചു . വിവിധ ഇന്ത്യന് അസോസിയേഷനുകളുടെ പ്രതിനിധികള്, ഇന്ത്യന് കമ്പനികളില് നിന്നുള്ള എച്ച്ആ ര് ഉദ്യോഗസ്ഥര്, കുവൈത്ത് ആസ്ഥാനമായുള്ള റിക്രൂട്ടിങ് ഏജന്സികള് എന്നിവര് സെഷനില് പങ്കെടുത്തു. ആര്ട്ടിക്കിള് 18, ആര്ട്ടിക്കിള് 20 വിഭാഗങ്ങളുമായി ബന്ധപ്പെട്ട വിവിധ പ്രശ്നങ്ങള് കമ്മ്യൂണിറ്റി അംഗങ്ങള് കുവൈത്ത് അധികൃതരുമായി സംവദിച്ചു.
ഇന്ത്യൻ എംബസിയുടെ തൊഴില് വിഭാഗം മേധാവി മാനസ് രാജ് പട്ടേല്, എംബസി പബ്ലിക് മാന്പവര് അതോറിറ്റിയില് നിന്ന് മഹാ അൽ ആസ്മി, ഡേ.അദ്നാന് അല് ബലൂഷി , ഡൊമസ്റ്റിക് ലേബര് വിഭാഗത്തില് നിന്ന് നാസില് ഖാലിദ് അല് കന്ദരി, അദല് അല് റഷീദി എന്നിവർ പരിപാടിയിൽ പങ്കെടുത്തു.
...
ദേശാഭിമാനി
|
8 hr |
⟶
|
|
|
എഴുന്നള്ളിപ്പ് മാനദണ്ഡം പാലിച്ചില്ല; തൃപ്പൂണിത്തുറ പൂർണത്രയീശ ക്ഷേത്ര ഭാരവാഹികൾക്കെതിരെ കേസ്
CC BY
— കൊച്ചി > ആന എഴുന്നള്ളിപ്പിന് ഹൈക്കോടതി മാനദണ്ഡങ്ങൾ ലംഘിച്ച തൃപ്പൂണിത്തുറ പൂർണത്രയീശ ക്ഷേത്ര ഭാരവാഹികൾക്കെതിരെ വനം വകുപ്പ് കേസെടുത്തു. ആനകൾ തമ്മിൽ മൂന്ന മീറ്റർ അകലം പാലിച്ചിരുന്നില്ല. ആനകളും ജനക്കൂട്ടവും തമ്മിലുള്ള അകലം എട്ട് മീറ്ററിൽ താഴെയായിരുന്നു.
ആനകളെ അകലം പാലിച്ചാണ് എഴുന്നള്ളിച്ചതെന്നും മഴ കാരണമാണ് അടുത്തടുത്ത് നിർത്തേണ്ടി വന്നതെന്നുമാണ് ഭാരവാഹികൾ വിശദീകരണം നൽകിയത്. ഉത്സവത്തിന്റെ ഭാഗമായി ഇളവനുവദിക്കണമെന്ന് ആവശ്യപ്പെട്ട് ക്ഷേത്ര ഭരണ സമിതി ഹൈക്കോടതിയിൽ ഹർജി നൽകിയിരുന്നു. ഹർജി നാളെ പരിഗണിക്കാനിരിക്കെയാണ് നടപടി.
മതപരമായ ഉത്സവങ്ങളിലും ചടങ്ങുകളിലും ആന എഴുന്നള്ളത്തിൽ ഹൈക്കോടതി മാർഗരേഖ പുറത്തിറക്കിയിരുന്നു. ആനയും തീവെട്ടിയും തമ്മിൽ അഞ്ചു മീറ്റർ ദൂരപരിധി വേണം, ആനകൾ നിൽക്കുന്നിടത്ത് ബാരിക്കേഡ് വേണം, ദിവസം 30 കി.മീ. കൂടുതൽ ആനകളെ നടത്തിക്കരുത്, രാത്രി 10 മുതൽ പുലർച്ചെ നാലുവരെ യാത്ര ചെയ്യിക്കരുത്, രാത്രിയിൽ ശരിയായ വിശ്രമസ്ഥലം സംഘാടകർ ഉറപ്പാക്കണം, ദിവസം 125 കി.മീറ്ററിൽ കൂടുതൽ യാത്ര ചെയ്യിക്കരുത്, കൊണ്ടുപോകുന്ന വാഹനത്തിന്റെ വേഗം 25 കി.മീറ്ററിൽ താഴെയാകണം, രാവിലെ ഒമ്പതുമുതൽ വൈകിട്ട് അഞ്ചുവരെ പൊതുനിരത്തിലൂടെ എഴുന്നള്ളിക്കരുത്, വെടിക്കെട്ട് സ്ഥലവും ആനയും തമ്മിൽ 100 മീറ്റർ അകലം വേണം തുടങ്ങിയവയാണ് മാർഗരേഖയിലെ പ്രധാന നിർദേശങ്ങൾ.
...
ദേശാഭിമാനി
|
8 hr |
⟶
|
|
|
മൂന്നാമത് പെരുവനം ഗ്രാമോത്സവ ലോഗോ പ്രകാശനം ചെയ്തു
CC BY
— തൃശൂര് > 2025 ജനുവരി 3, മുതൽ 5 വരെ പെരുവനത്തുനടക്കുന്ന മൂന്നാമത് പെരുവനം അന്തർദേശീയ ഗ്രാമോത്സവത്തിന്റെ ലോഗോ ദുബായിൽ നടന്ന കേരളോത്സവച്ചടങ്ങിൽ മന്ത്രി പി എ മുഹമ്മദ് റിയാസ് കേരള സംഗീത നാടക അക്കാദമി ചെയർമാൻ മട്ടന്നൂർ ശങ്കരൻകുട്ടിക്ക് നൽകി പ്രകാശനം ചെയ്തു. ‘കലർപ്പുകൾ’ എന്നതാണ് ഇത്തവണത്തെ പെരുവനം ഗ്രാമോത്സവത്തിന്റെ ഇതിവൃത്തം. മുൻവർഷങ്ങളിലേതുപോലെ ദേശീയ, അന്തർ ദേശീയ തലങ്ങളിൽ പ്രശസ്തരായ എഴുത്തുകാരും കലാകാരന്മാരും അക്കാദമിക് പണ്ഡിതരും ഗ്രാമോത്സവത്തില് പങ്കെടുക്കും.
ഗ്രാമോത്സവത്തിനു മുന്നോടിയായി ചേർപ്പ് വെസ്റ്റിലെ സോപാനം ഓഡിറ്റോറിയത്തില് വൈകീട്ട് 7ന് നടക്കുന്ന ഗുരുസ്മൃതിയില് എഴുത്തുകാരനും സാംസ്കാരിക പ്രവർത്തകനുമായിരുന്ന ഡോ. പി നാരായണൻ കുട്ടിയെ അനുസ്മരിക്കും. ഡിസംബര് 8ന് രാവിലെ 9.30ന് ആരംഭിക്കുന്ന ഏകദിന സെമിനാറില് ഡോ. പി പവിത്രൻ, ഡോ കെ എം ഭരതൻ, ഡോ സി കെ ജയന്തി, ഡോ രചിത രവി, ഡോ. സജി മാത്യു, ഡോ. പി പി അബ്ദുൾ റസാഖ്, ഡോ. കെ ഷിബി, പി എം നാരായണന് എന്നിവരും വിവിധ സർവകലാശാലകളിൽ നിന്നുള്ള ഏഴ് ഗവേഷണ വിദ്യാഥികളും പങ്കെടുക്കും. ഡോ കെ ഷിബിയുടെ "കേരളോൽപത്തി ഭാഷ്യങ്ങള്: മധ്യകാല കേരള ചരിത്ര രചനകള് വിമർശിക്കപ്പെടുന്നു' എന്ന പുസ്തകം സെമിനാറില് പ്രകാശനം ചെയ്യും. വൈകീട്ട് 5.15ന് ഇന്ത്യയിലെ ആദ്യ ഘടവാദകയായ വിദുഷി സുകന്യ രാംഗോപാലിന്റെ സ്ത്രീതാളതരംഗം പരിപാടിയും ഉണ്ടാകും.
...
ദേശാഭിമാനി
|
8 hr |
⟶
|
|
|
ഇ-ഡിസ്ട്രിക്ട് സേവനങ്ങൾ: ഒടിപി ഇനിമുതൽ ആധാർ ലിങ്ക്ഡ് മൊബൈലിൽ മാത്രം
CC BY
— തിരുവനന്തപുരം > കേരള സംസ്ഥാന ഐടി മിഷന്റെ പദ്ധതിയായ ഇ-ഡിസ്ട്രിക്ട് പോർട്ടലിലെ സേവനങ്ങൾ പ്രയോജനപ്പെടുത്തുന്നതിന് യൂസർ അക്കൗണ്ട് സൃഷ്ടിക്കുന്നതിന് ആധാർ അധിഷ്ടിത ഒടിപി സംവിധാനം പ്രാബല്യത്തിലായി. നിലവിൽ യൂസർ അക്കൗണ്ട് തുറക്കുന്ന സമയം നൽകുന്ന മൊബൈൽ നമ്പറിലേക്കാണ് ഒടിപി ലഭിക്കുന്നത്. എന്നാൽ ഈ സംവിധാനം ദുരുപയോഗം ചെയ്യുന്നുവെന്ന് കണ്ടെത്തിയതിനെ തുടർന്നാണ് ഉപഭോക്താവിന്റെ ആധാറുമായി ബന്ധിപ്പിച്ചിരിക്കുന്ന മൊബൈൽ നമ്പറിലേക്ക് മാത്രം ഒടിപി നൽകാനുള്ള സംവിധാനം ഏർപ്പെടുത്തുന്നത്.
യൂസർ അക്കൗണ്ട് ക്രിയേഷൻ, പുതിയ ആപ്ലിക്കന്റ് രജിസ്ട്രേഷൻ, നിലവിലെ രജിസ്ട്രേഷൻ തിരുത്തൽ, യൂസർ നെയിം റിക്കവറി, പാസ്വേഡ് റീസെറ്റ്, ഡ്യൂപ്ലിക്കേറ്റ് രജിസ്ട്രേഷൻ പരിശോധന എന്നീ ഘട്ടങ്ങളിൽ ഒടിപി അനിവാര്യമാണ്. മൊബൈൽ നമ്പർ ആധാറുമായി ബന്ധിപ്പിച്ചിട്ടില്ലാത്ത ഉപഭോക്താക്കൾ ആധാറുമായി ബന്ധിപ്പിക്കണം. നിലവിൽ 'ഇ-ഡിസ്ട്രിക്ട് പോർട്ടലിൽ അക്കൗണ്ട് ഉള്ളവർക്ക് ലോഗിൻ ചെയ്തതിന് ശേഷം പ്രൊഫൈൽ പേജിൽ ആധാർ നമ്പരുമായി ലിങ്ക് ചെയ്ത മൊബൈൽ നമ്പർ അപ്ഡേറ്റ് ചെയ്യാം.
സർക്കാർ സേവനങ്ങൾ, സർക്കാർ ഓഫീസുകൾ സന്ദർശിക്കാതെ ജനങ്ങൾക്ക് ഇന്റർനെറ്റ് മുഖേന നേരിട്ട് ലഭ്യമാക്കുവാനായി 2010-ൽ ആരംഭിച്ച പദ്ധതിയാണ് 'ഇ-ഡിസ്ട്രിക്ട്'. റവന്യൂ വകുപ്പിന്റെ 23 ഇനം സർട്ടിഫിക്കറ്റ് സേവനങ്ങളും, വന്യജീവി ആക്രമണത്തിനാൽ ഉണ്ടാകുന്ന നഷ്ടപരിഹാരങ്ങൾക്കുള്ള ആറിനം അപേക്ഷകൾ വനം വകുപ്പിന് സമർപ്പിക്കാനുള്ള സേവനങ്ങളും, നേച്ചർ ക്യാമ്പ് റിസർവേഷൻ സേവനവും, പബ്ലിക് യൂട്ടിലിറ്റി ബില്ലുകളുടെ പെയ്മെന്റ് മുതലായ സേവനങ്ങളും 'ഇ-ഡിസ്ട്രിക്ട്' മുഖേന നൽകുന്നു. ഇതുവരെ 12 കോടിയിലധികം അപേക്ഷ 'ഇ-ഡിസ്ട്രിക്ട് വഴി ലഭിച്ചു.
...
ദേശാഭിമാനി
|
9 hr |
⟶
|
|
|
വിങ്ങലോടെ ക്യാമ്പസ്: മെഡിക്കൽ വിദ്യാർഥികളുടെ പൊതുദർശനം വണ്ടാനം മെഡിക്കൽ കോളേജിൽ
CC BY
— ആലപ്പുഴ > ആലപ്പുഴ കളർകോട് അപകടത്തിൽപ്പെട്ട് മരിച്ച മെഡിക്കൽ വിദ്യാർഥികളുടെ പൊതുദർശനം വണ്ടാനം മെഡിക്കൽ കോളേജിൽ തുടങ്ങി. പോസ്റ്റ് മോർട്ടം നടപടികൾക്ക് ശേഷം മൃതദേഹം വണ്ടാനം മെഡിക്കൽ കോളേജിലേക്ക് എത്തിക്കുകയായിരുന്നു. പൊതുദർശനത്തിന് ശേഷം മൃതദേഹം ബന്ധുക്കൾക്ക് വിട്ട് നൽകും.ഗവർണർ ആരിഫ് മൊഹമ്മദ് ഖാൻ, സംസ്ഥാന സർക്കാരിന്റെ പ്രതിനിധിയായി മന്ത്രി പി പ്രസാദ് എന്നിവർ അന്ത്യോപചാരമർപ്പിച്ചു.
ആലപ്പുഴ ദേശീയപാതയിൽ കളർകോട് നടന്ന വാഹനാപകടത്തിൽ ആലപ്പുഴ മെഡിക്കൽ കോളേജിലെ ഒന്നാംവർഷ വിദ്യാർഥികളായ ദേവനന്ദൻ (മലപ്പുറം), ശ്രീദീപ് (പാലക്കാട്), മുഹമ്മദ് ജബ്ബാർ (കണ്ണൂർ) ആയുഷ് ഷാജി (ആലപ്പുഴ), മുഹമ്മദ് ഇബ്രാഹിം (ലക്ഷദ്വീപ്) എന്നിവരാണ് മരിച്ചത്. ഇന്നലെ രാത്രി 9.30നായിരുന്നു അപകടം.
ഗുരുവായൂരിൽനിന്ന് കായംകുളത്തേക്ക് പോകുകയായിരുന്ന കെഎസ്ആർടിസി ബസിലേക്ക് ആലപ്പുഴ ഭാഗത്തേക്ക് പോകുകയായിരുന്ന കാർ ഇടിച്ചുകയറുകയായിരുന്നു. അപകടത്തിൽ ഗുരുതര പരിക്കേറ്റ വിദ്യാർഥികളായ കൃഷ്ണദേവ് (ചേർത്തല), ആനന്ദ് (കൊല്ലം), ആൽവിൻ (എടത്വാ), മുഹ്സിൻ (കൊല്ലം), ഗൗരിശങ്കർ (തൃപ്പൂണിത്തുറ) എന്നിവർ ആശുപത്രിയിൽ ചികിത്സയിലാണ്.
...
ദേശാഭിമാനി
|
9 hr |
⟶
|
|
|
അനൂപ് റിഥം ഡാൻസ് ആന്റ് ഫിറ്റ്നസ് അക്കാദമി മെഗാ ലോഞ്ചിങ്‌
CC BY
— സലാല > അനൂപ് റിഥം ഡാൻസ് ആന്റ് ഫിറ്റ്നസ് അക്കാദമിയുടെ മെഗാ ലോഞ്ചിങ്ങിന്റെ ഭാഗമായി സലാലയിലെ മ്യൂസിയം ഹാളിൽ നൃത്തമേള നടന്നു. 150 ഓളം നൃത്ത വിദ്യാർഥികളും അദ്ധ്യാപകരും ചേർന്ന് ക്ലാസിക്ക്, കണ്ടംപററി, സിനിമാറ്റിക്ക്, ഫോക്ക്, എയറോബിക്ക്, യോഗ എന്നീയിനങ്ങളിൽ നൃത്തചുവടുകൾ വെച്ചു.
ഇന്ത്യൻ ക്ലാസിക്കൽ നൃത്തകലകളുടെ അടിസ്ഥാന പ്രമാണങ്ങൾ നടിയും നർത്തകിയുമായ ജസ്നിയ ജയദീഷ് അവതരിപ്പിച്ചു. പരിപാടിയിൽ ഇന്ത്യൻ അംബാസിഡർ അമിത് നാരംഗ് മുഖ്യ അതിഥിയായി. ഇന്ത്യൻ എംബസി കോൺസുലാർ ഏജന്റ് ഡോ കെ സനാതനൻ, ഇന്ത്യൻ സോഷ്യൽ ക്ലബ്ബ് പ്രസിഡന്റ് രാകേഷ് കുമാർ ഝാ, ഇന്ത്യൻ സ്കൂൾ മാനേജ്മെന്റ് കമ്മിറ്റി പ്രസിഡന്റ് ഡോ അബുബക്കർ സിദ്ധിക്ക് എന്നിവർ പങ്കെടുത്തു. പങ്കെടുത്ത നർത്തകർക്ക് സമ്മാനം വിതരണം ചെയ്തു. ഡോ നിസ്താർ നന്ദി പറഞ്ഞു.
...
ദേശാഭിമാനി
|
9 hr |
⟶
|
|
|
മെഡിക്കൽ വിദ്യാർഥികളുടെ മരണം അത്യന്തം വേദനാജനകം: മുഖ്യമന്ത്രി
CC BY
— തിരുവനന്തപുരം > ആലപ്പുഴ ദേശീയപാതയിൽ കളർകോട് വാഹനാപകടത്തിൽ അഞ്ച് മെഡിക്കൽ വിദ്യാർഥികൾ മരിച്ച സംഭവം അത്യന്തം വേദനാജനകമാണെന്ന് മുഖ്യമന്ത്രി പിണറായി വിജയൻ. ആലപ്പുഴ ഗവ. മെഡിക്കൽ കോളേജിലെ ഒന്നാം വർഷ എംബിബിഎസ് വിദ്യാർഥികളായ കണ്ണൂർ സ്വദേശി മുഹമ്മദ് അബ്ദുൾ ജബ്ബാർ, ലക്ഷദ്വീപ് സ്വദേശി മുഹമ്മദ് ഇബ്രാഹിം, മലപ്പുറം സ്വദേശി ദേവാനന്ദൻ, ആലപ്പുഴ സ്വദേശി ആയുഷ് ഷാജി, പാലക്കാട് സ്വദേശി ശ്രീദീപ് എന്നിവർക്കാണ് ജീവൻ നഷ്ടമായത്. ചിലർക്ക് ഗുരുതരമായി പരിക്കേൽക്കുകയും ചെയ്തു. മരിച്ചവരുടെ വേർപാടിൽ അനുശോചനം രേഖപ്പെടുത്തുന്നതായും കുടുംബാംഗങ്ങളുടെ ദുഃഖത്തിൽ പങ്കു ചേരുന്നതായും മുഖ്യമന്ത്രി അറിയിച്ചു.
...
ദേശാഭിമാനി
|
9 hr |
⟶
|
|
|
സിനിമ റിവ്യൂ തടയണമെന്ന് ആവശ്യം; നിർമാതാക്കളുടെ സംഘടന മദ്രാസ് ഹൈക്കോടതിയിൽ
CC BY
— ചെന്നൈ > സിനിമ റിവ്യൂകൾ തടയണമെന്ന് ആവശ്യപ്പെട്ട് തമിഴ് സിനിമ നിർമാതാക്കളുടെ സംഘടന മദ്രാസ് ഹൈക്കോടതിയെ സമീപിച്ചു. സിനിമ റിലീസ് ചെയ്ത് മൂന്ന് ദിവസത്തേക്ക് റിവ്യൂകൾ യൂട്യൂബ്, ഫെയ്സ്ബുക്ക്, ഇൻസ്റ്റാഗ്രാം, എക്സ് തുടങ്ങിയ സോഷ്യൽ മീഡിയ പ്ലാറ്റ്ഫോമുകളിൽ പങ്ക് വയ്ക്കരുതെന്ന് ആവശ്യപ്പെട്ടാണ് തമിഴ് ഫിലിം ആക്റ്റീവ് പ്രൊഡ്യൂസേഴ്സ് അസോസിയേഷൻ (ടിഎഫ്എപിഎ) ഹർജി നൽകിയത്.
വിഷയത്തിൽ കേന്ദ്ര-സംസ്ഥാന സർക്കാരിൽ നിന്ന് സിനിമാ നിർമാതാക്കളുടെ സംഘടന നിർദേശം തേടി.ഓൺലൈൻ സിനിമാ നിരൂപകർ യൂട്യൂബ് ചാനലുകൾ, എക്സ്, ഫേസ്ബുക്ക്, മറ്റ് സോഷ്യൽ മീഡിയ പ്ലാറ്റ്ഫോമുകൾ എന്നിവയിലൂടെ സിനിമ നിരൂപണം ചെയ്യുമ്പോൾ പാലിക്കേണ്ട മാർഗ്ഗനിർദ്ദേശങ്ങൾ കൊണ്ടുവരാൻ കേന്ദ്ര-സംസ്ഥാന സർക്കാരുകളോട് സംഘടന അഭ്യർത്ഥിച്ചു.
സിനിമാ പ്രദർശനത്തിന് ശേഷം തിയേറ്റർ പരിസരത്ത് സിനിമയെക്കുറിച്ചുള്ള അഭിപ്രായങ്ങൾ രേഖപ്പെടുത്തുന്ന യൂട്യൂബ് ചാനലുകളെ നിരോധിക്കണമെന്ന് തിയേറ്റർ ഉടമകളോട് തമിഴ്നാട് പ്രൊഡ്യൂസേഴ്സ് കൗൺസിൽ (ടിഎൻപിസി) ആവശ്യപ്പെട്ടിരുന്നു. ഇതിന് പിന്നാലെ ചില തിയേറ്ററുകൾ യൂട്യൂബ് ചാനലുകൾക്ക് വിലക്കേർപ്പെടുത്തിയിരുന്നു. കങ്കുവ സിനിമയ്ക്കും അഭിനേതാക്കൾക്കും അണിയറപ്രവർത്തകർക്കുമെതിരെ രൂക്ഷ വിമർശനങ്ങൾ ഉയർന്നതിന് പിന്നാലെയാണ് റിവ്യൂ തടയണമെന്ന് ആവശ്യവുമായി നിർമാതാക്കളുടെ സംഘടന കോടതിയെ സമീപിച്ചത്.
...
ദേശാഭിമാനി
|
10 hr |
⟶
|
|
|
ബംഗ്ലാദേശ് ദൗത്യത്തിന് നേരെയുണ്ടായ ആക്രമണം; സമഗ്രമായ അന്വേഷണം വേണമെന്ന് സർക്കാർ
CC BY
— ധാക്ക > ഇസ്കോൺ നേതാവ് ചിൻമോയ് കൃഷ്ണ ദാസിന്റൈ അറസ്റ്റിൽ പ്രതിഷേധിച്ച് അഗർത്തലയിലെ അസിസ്റ്റന്റ് ഹൈക്കമ്മീഷനിൽ നടത്തിയ അക്രമാസക്തമായ പ്രകടനത്തിൽ സമഗ്രമായ അന്വേഷണം ആവശ്യപ്പെട്ട് ബംഗ്ലാദേശ് ഇടക്കാല സർക്കാർ.
പ്രതിഷേധക്കാർ ബംഗ്ലാദേശ് അസിസ്റ്റന്റ് ഹൈക്കമ്മീഷൻ വളപ്പിൽ അതിക്രമിച്ച് കയറിയ സംഭവത്തിൽ ഇന്ത്യ ഖേദം പ്രകടിപ്പിച്ചിരുന്നു. അഗർത്തലയിൽ പ്രതിഷേധക്കാർ പതാകസ്തംഭം നശിപ്പിക്കുകയും ബംഗ്ലാദേശിന്റെ ദേശീയ പതാകയെ അവഹേളിക്കുകയും അസിസ്റ്റന്റ് ഹൈക്കമ്മീഷനിലെ സ്വത്തുക്കൾക്ക് കേടുപാടുകൾ വരുത്തുകയും ചെയ്തതായി ബംഗ്ലാദേശ് വിദേശകാര്യ മന്ത്രാലയം പ്രസ്താവനയിൽ ആരോപിച്ചു. നയതന്ത്ര ദൗത്യങ്ങളുടെ ലംഘനമാണ് അഗർത്തലയിൽ നടന്നതെന്ന് പ്രസ്താവനയിൽ പറഞ്ഞു. നയതന്ത്ര ദൗത്യങ്ങളെ സംരക്ഷിക്കേണ്ടത് ആതിഥേയ സർക്കാരിന്റെ ഉത്തരവാദിത്തമാണെന്നും ഈ സംഭവം പരിഹരിക്കാൻ അടിയന്തര നടപടികൾ കൈക്കൊള്ളണമെന്നും ബംഗ്ലാദേശ് ഇന്ത്യൻ സർക്കാരിനോട് ആവശ്യപ്പെട്ടു.
സംഭവത്തെക്കുറിച്ച് സമഗ്രമായ അന്വേഷണം നടത്തണമെന്നും നയതന്ത്രജ്ഞരുടെയും നയതന്ത്രേതര അംഗങ്ങളുടെയും ഉദ്യോഗസ്ഥരുടെയും സുരക്ഷയും ഉൾപ്പെടെ ഇന്ത്യയിലെ ബംഗ്ലാദേശിന്റെ നയതന്ത്ര ദൗത്യങ്ങൾക്ക് നേരെയുള്ള അക്രമ പ്രവർത്തനങ്ങൾ തടയാനും ബംഗ്ലാദേശ് വിദേശകാര്യ മന്ത്രാലയം ഇന്ത്യയോട് ആവശ്യപ്പെട്ടു.
ആഗസ്തിൽ പ്രധാനമന്ത്രി ഷെയ്ഖ് ഹസീനയെ പുറത്താക്കിയതിനെത്തുടർന്ന് മുഹമ്മദ് യൂനസിന്റെ നേതൃത്വത്തിലുള്ള ഇടക്കാല സർക്കാർ അധികാരത്തിൽ വന്നതിന് ശേഷം ഇന്ത്യയും ബംഗ്ലാദേശും തമ്മിലുള്ള ബന്ധം വഷളായിക്കൊണ്ടിരിക്കുകയാണ്.
...
ദേശാഭിമാനി
|
10 hr |
⟶
|
|
|
തീരസമൂഹങ്ങൾ; സമകാലികതയിൽ നിന്നും ഭാവിയിലേക്ക് നോക്കുമ്പോൾ
CC BY-SA
—
ജീവിതാഭിലാഷങ്ങളിലെ മാറ്റം തീരസമൂഹങ്ങളിൽ എങ്ങനെയാണ് പ്രതിഫലിക്കുന്നത്? ഭരണകൂട ഇടപെടലുകൾ കടലിനെയും തീരത്തെയും എങ്ങനെയാണ് മാറ്റിത്തീർക്കുന്നത്? രാഷ്ട്രീയ പ്രാതിനിധ്യത്തിന്റെ പ്രശ്നം അരികുവത്കരണത്തിന്റെ ആഴം കൂട്ടുന്നത് എങ്ങനെ?
The post തീരസമൂഹങ്ങൾ; സമകാലികതയിൽ നിന്നും ഭാവിയിലേക്ക് നോക്കുമ്പോൾ appeared first on Keraleeyam Web Magazine.
...
കേരളീയം
|
11 hr |
⟶
|
|
|
ശ്രീനഗറിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ
CC BY
— ശ്രീനഗർ > ശ്രീനഗറിലെ ദച്ചിഗാം വനമേഖലയിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ.
ഇന്റലിജൻസ് വിവരത്തെത്തുടർന്ന് സുരക്ഷാ സേന ദച്ചിഗാം വനത്തിൽ നടത്തിയ ഓപ്പറേഷനിലാണ് ഏറ്റുമുട്ടൽ ഉണ്ടായത്.
സേനയ്ക്കു നേരെ ഭീകരർ വെടിവെക്കുകയായിരുന്നു. സേനയും ഭീകരരും തമ്മിൽ ഏറ്റുമുട്ടൽ തുടരുകയാണെന്ന് ഔദ്യോഗിക വൃത്തങ്ങൾ അറിയിച്ചു.
...
ദേശാഭിമാനി
|
11 hr |
⟶
|
|
|
അസമിൽ നിന്ന് പുറത്താക്കപ്പെട്ടവർ മണിപ്പൂർ സ്വദേശികളാണെങ്കിൽ മാത്രം സംസ്ഥാനത്തേക്ക്‌ വരാം; ബിരേൻ സിങ...
CC BY
— ഇംഫാൽ > അസമിലെ കർബി ആംഗ്ലോങ്ങിൽ കുടിയൊഴിക്കപ്പെട്ടവരിൽ മണിപ്പൂർ നിവാസികളോ മണിപ്പൂരിൽ പൂർവികരായിട്ടുള്ളവരോ ഉണ്ടെങ്കിൽ അവർക്ക് മണിപ്പൂരിലെ സ്വന്തം ഗ്രാമങ്ങളിലേക്ക് മടങ്ങാമെന്ന് മണിപ്പൂർ മുഖ്യമന്ത്രി എൻ ബിരേൻ സിങ്.
അസമിലെ കർബി ആംഗ്ലോങ്ങിൽ നിന്ന് കുക്കികളെ കുടിയൊഴിപ്പിക്കുന്നതിനെക്കുറിച്ചുള്ള മാധ്യമങ്ങളുടെ ചോദ്യങ്ങൾക്കുള്ള മറുപടിയായാണ് അദ്ദേഹം ഇക്കാര്യം വ്യക്തമാക്കിയത്. "കുടിയേറ്റം സംബന്ധിച്ച് ഞങ്ങൾക്ക് വിവരം ലഭിച്ചു. ഞങ്ങൾ അത് പരിശോധിച്ചുവരികയാണ്. അവർ അവിടെ താമസിക്കുന്നവരാണെങ്കിൽ അതായത് 1961-ന് മുമ്പ് സ്ഥിരതാമസമാക്കിയവരാണെങ്കിൽ അവർക്ക് മണിപ്പൂരിലെ അവരുടെ ഗ്രാമങ്ങളിലേക്ക് മടങ്ങാം' എന്നാണ് അദ്ദേഹം പറഞ്ഞത്.
...
ദേശാഭിമാനി
|
12 hr |
⟶
|
|
|
വിഴിഞ്ഞം തുറമുഖം: ജിഎസ്ടിയായി ഇതുവരെ ലഭിച്ചത് 16.5 കോടി
CC BY
— തിരുവനന്തപുരം > വിഴിഞ്ഞം അന്താരാഷ്ട്ര തുറമുഖം ഇന്ന് മുതൽ കൊമേഴ്സ്യൽ ഓപ്പറേഷൻ തുറമുഖത്തിന് സജ്ജമായി. ജൂലൈ 11 മുതൽ തുടരുന്ന ട്രയൽ റണ്ണിൽ ഇതുവരെ 70 കപ്പൽ തുറമുഖത്തെത്തി. ഒന്നരലക്ഷത്തോളം കണ്ടെയ്നറുകൾ ഇക്കാലയളവിൽ കൈകാര്യം ചെയ്തു. നവംബറിലാണ് കൂടുതൽ കപ്പലുകളെത്തിയത്. 30 കപ്പലുകളായിരുന്നു നവംബറിൽ മാത്രം തുറമുഖത്തെത്തിയത്.
കമീഷനിങ് നടക്കുന്ന ദിവസം ചെന്നൈ ഐഐടിയുടെ ഇൻഡിപെൻഡന്റ് എൻജിനിയർ പ്രൊവിഷണൽ സർട്ടിഫിക്കറ്റ് തുറമുഖ അധികൃതർക്ക് കൈമാറി കൊമേഴ്സ്യൽ ഓപ്പറേഷൻ തുറമുഖമായി പ്രഖ്യാപിക്കും. തുറമുഖം ജേഡ് സർവീസിൽ ഉൾപ്പെടുത്താനുള്ള നടപടികൾ ഷിപ്പിങ് കമ്പനിയായ എംഎസ്സി ആരംഭിച്ചിട്ടുണ്ട്. ജേഡ് സ ർവീസ് വിഭാഗത്തിൽ അംഗത്വം ലഭിക്കുന്ന രാജ്യത്തെ ഏക തുറമുഖമാണ് വിഴിഞ്ഞം. ജിഎസ്ടിയായി ഇതുവരെ 16.5 കോടി ലഭിച്ചു. ഇതിൽ പകുതി കേരളത്തിന് കിട്ടും. ജനുവരി ആദ്യവാരമായിരിക്കും തുറമുഖത്തിന്റെ കമീഷനിങ്. ഇത് കഴിയുന്നതോടെ കൂടുതൽ കപ്പലുകൾ വരും. ഇതിലൂടെ ലഭിക്കുന്ന നികുതിയും വർധിക്കും.
പുതിയ കരാർപ്രകാരം തുറമുഖത്തിന്റെ എല്ലാ ഘട്ടങ്ങളും (രണ്ടും മൂന്നും നാലും ഘട്ടങ്ങൾ ഉൾപ്പെടെ) 2028- ഡിസംബറിനകം പൂർത്തീകരിക്കുമെന്ന് അദാനി പോർട്ട് കമ്പനി സമ്മതിച്ചിട്ടുണ്ട്. ഇത് കൂടി ചേരുമ്പോൾ തുറമുഖത്തിന്റെ കുറഞ്ഞ സ്ഥാപിത ശേഷി പ്രതിവർഷം 30 ലക്ഷം കണ്ടെയ്നറാകും. ഓട്ടോമേറ്റഡ് സംവിധാനങ്ങൾ ഉപയോഗിക്കുന്നത് വഴി തുറമുഖത്തിന്റെ ശേഷി പ്രതിവർഷം 45 ലക്ഷംവരെ ഉയരും. ദക്ഷിണേന്ത്യയിലെ ഏറ്റവും കൂടുതൽ സ്ഥാപിതശേഷിയുള്ള കണ്ടെയ്നർ ടെർമിനൽ അതോടെ വിഴിഞ്ഞം മാറും. 2034 മുതൽ വരുമാനത്തിന്റെ വിഹിതം സംസ്ഥാന സർക്കാരിന് ലഭിച്ചുതുടങ്ങും.
...
ദേശാഭിമാനി
|
12 hr |
⟶
|
|
|
കനത്ത മഴ; നാല് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി
CC BY
— തിരുവനന്തപുരം >സംസ്ഥാനത്ത് അതിശക്തമായ മഴയെ തുടർന്ന് നാല് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി . ആലപ്പുഴ, തൃശൂർ, മലപ്പുറം, കാസർകോട് ജില്ലകളിലാണ് അവധി
മലപ്പുറം
ശക്തമായ മഴ തുടരുന്ന പശ്ചാത്തലത്തിൽ മലപ്പുറം ജില്ലയിലെ പ്രൊഫഷണൽ കോളേജുകൾ ഒഴികെയുള്ള വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ ഇന്ന് അവധി പ്രഖ്യാപിച്ചു. മദ്രസകൾ, അങ്കണവാടികൾ, ട്യൂഷൻ സെന്ററുകൾ എന്നിവക്കെല്ലാം അവധി ബാധകമാണ്. പരീക്ഷകൾ മുൻനിശ്ചയ പ്രകാരം നടക്കും.
കാസർകോട്
ശക്തമായ മഴക്കുള്ള സാധ്യത പരിഗണിച്ച് കാസർകോട് ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് ഇന്ന് ജില്ലാ കളക്ടർ കെ ഇമ്പശേഖർ അവധി പ്രഖ്യാപിച്ചു. ട്യൂഷൻ സെന്ററുകൾ, അങ്കണവാടികൾ, മദ്രസകൾ എന്നിവയ്ക്കും അവധി ബാധകമാണ്. മോഡൽ റസിഡൻഷൽ സ്കൂളുകൾക്ക് അവധി ബാധകമല്ല
തൃശ്ശൂര്
ജില്ലയിലെ വിവിധ സ്ഥലങ്ങളില് ശക്തമായ മഴയും കാറ്റും തുടരുന്നതിനാല് പലയിടത്തും വെള്ളക്കെട്ട് രൂപപ്പെട്ട സാഹചര്യത്തില് സുരക്ഷാ മുന്നൊരുക്കത്തിന്റെ ഭാഗമായാണ് ജില്ലയിലെ അങ്കണവാടികള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്സി, ഐസിഎസ്സി സ്കൂളുകള്, പ്രൊഫഷണല് കോളേജുകള്, ട്യൂഷന് സെന്ററുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചത്. മുന്കൂട്ടി നിശ്ചയിച്ച പരീക്ഷകള്ക്കും ഇന്റര്വ്യൂകള്ക്കും മാറ്റമുണ്ടായിരിക്കുന്നതല്ല. റവന്യു ജില്ലാ കലോത്സവത്തിന് അവധി ബാധകമല്ല. റസിഡന്ഷല് വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല.
ആലപ്പുഴ
ആലപ്പുഴ ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും, ട്യൂഷൻ സെന്ററുകൾക്കും, അംഗനവാടികൾക്കും ഇന്ന് അവധിയാണ്. മുൻ നിശ്ചയിച്ച പ്രകാരമുള്ള പരീക്ഷകൾക്ക് മാറ്റമില്ല.
...
ദേശാഭിമാനി
|
13 hr |
⟶
|
|
|
വടക്കൻ ഗാസയിൽ വീണ്ടും ഇസ്രയേൽ ആക്രമണം; 15 പേർ കൊല്ലപ്പെട്ടു
CC BY
— കെയ്റോ > വടക്കൻ ഗാസയിൽ വീണ്ടും ഇസ്രയേൽ വ്യോമാക്രമണം. ബൈത്ത് ലാഹിയ പട്ടണത്തിലെ വീടുകൾക്ക് നേരെയാണ് ബോംബാക്രമണമുണ്ടായത്. ആക്രമണത്തിൽ 15 പേർ കൊല്ലപ്പെട്ടതായും നിരവധി പേരെ കാണാതായതായും പലസ്തീൻ സിവിൽ എമർജൻസി സർവീസ് അറിയിച്ചു.
ഗാസ മുനമ്പിന്റെ വടക്കുഭാഗത്തുള്ള ജബാലിയ, ബെയ്റ്റ് ലാഹിയ, ബെയ്റ്റ് ഹനൂൻ എന്നിവിടങ്ങളിലെ വീടുകൾക്കുനേരെയും ഇസ്രയേൽ സൈന്യം ബോംബെറിഞ്ഞതായി ഔദ്യോഗിക മന്ത്രാലയം അറിയിച്ചു.
ബൈത്ത് ലാഹിയയിലെ അഭയാർഥികേന്ദ്രമായ ഒരു സ്കൂളിന് പുറത്തും ഇസ്രയേൽ ഡ്രോണുകൾ ബോംബുകൾ വർഷിച്ചതായി റിപ്പോർട്ടുണ്ട്. നിർബന്ധിത ഒഴിപ്പിക്കലുകളും ബോംബാക്രമണങ്ങളും നടത്തി വടക്കൻ ഗാസ കയ്യേറാൻ ഇസ്രയേൽ സൈന്യം ശ്രമിക്കുന്നതായാണ് ആക്രമണത്തിൽ പലസ്തീന്റെ പ്രതികരണം.
കഴിഞ്ഞ ദിവസം ഇസ്രയേലിൽനിന്ന് ഗാസയിലേക്ക് ചരക്ക് കൊണ്ടുപോകുന്ന പ്രധാന കവാടമായ കെരെം ഷാലോംവഴിയുള്ള ഗാസയിലേക്കുള്ള സഹായ വിതരണം അവസാനിപ്പിക്കുന്നതായി യു എൻ ഏജൻസി അറിയിച്ചിരുന്നു. സഹായവുമായി വരുന്ന ട്രക്കുകൾ ഇസ്രയേൽ സൈന്യത്തിന്റെ സഹായത്തോടെ കൊള്ളയടിക്കപ്പെടുപ്പെടുന്ന സാഹചര്യത്തിലാണ് സഹായവിതരണം താൽക്കാലികമായി നിർത്തിവയ്ക്കാൻ ഏജൻസി തീരുമാനിച്ചത്.
...
ദേശാഭിമാനി
|
14 hr |
⟶
|
|
|
ചന്ദ്രചൂഡ് ഭരണകക്ഷിയുടെ
പാവയായിരുന്നെന്ന്‌ ദുഷ്യന്ത് ദവേ
CC BY
— ന്യൂഡൽഹി > സുപ്രീംകോടതി മുൻ ചീഫ് ജസ്റ്റിസ് ഡി വൈ ചന്ദ്രചൂഡ് അധികാരത്തിലുള്ള പാർടിയുടെ കൈയിലെ പാവ ആയിരുന്നെന്ന് മുതിർന്ന അഭിഭാഷകൻ ദുഷ്യന്ത് ദവേയുടെ രൂക്ഷവിമര്ശം. പ്രധാനമന്ത്രിക്കൊപ്പം പൂജയിൽ പങ്കെടുത്തതും അയോധ്യാ കേസിൽ തീർപ്പുണ്ടാക്കാൻ ദൈവത്തോട് പ്രാർഥിച്ചെന്ന് പറഞ്ഞതും ഇതിനുള്ള തെളിവുകളാണെന്നും ‘ദി വയർ ’ വാർത്താപോർട്ടലിൽ പ്രമുഖ മാധ്യമപ്രവർത്തകൻ കരൺ ഥാപ്പറിന് നൽകിയ അഭിമുഖത്തിൽ അദ്ദേഹം പറഞ്ഞു.
മുസ്ലിം പള്ളികളിൽ അവകാശമുന്നയിച്ചുള്ള സംഘപരിവാറിന്റെ നിയമനടപടികൾക്ക് വീര്യം പകർന്നത് ചന്ദ്രചൂഡ് പുറപ്പെടുവിച്ച ഉത്തരവാണ്. 1947 ആഗസ്ത് 15ന് ആരാധനാലയങ്ങൾക്കുള്ള മതപരമായ സ്വഭാവം അതേ പോലെ നിലനിർത്തണമെന്ന 1991ലെ ആരാധനാലയ നിയമത്തിന്റെ ഭരണഘടനാപരമായ പ്രസക്തി 2019ൽ അയോധ്യാ കേസിൽ ജസ്റ്റിസ് ചന്ദ്രചൂഡ് കൂടി അംഗമായിരുന്ന ഭരണഘടനാബെഞ്ച് ശരിവെച്ചിരുന്നു. എന്നാൽ, 2022 മേയിൽ ജ്ഞാൻവാപി കേസിൽ ഇതിന് കടകവിരുദ്ധമായ നിലപാടാണ് ചീഫ് ജസ്റ്റിസായിരുന്ന ചന്ദ്രചൂഡ് സ്വീകരിച്ചത്. ജ്ഞാൻവാപിയിൽ ആർക്കിയോളജിക്കൽ സർവേ ഓഫ് ഇന്ത്യയ്ക്ക് സർവേ തുടരാമെന്ന നിർദേശം അദ്ദേഹം നൽകി. ഇതിലൂടെ കടന്നൽകൂടാണ് ചന്ദ്രചൂഡ് തുറന്നുവിട്ടത്. ജ്ഞാൻവാപിയിലും മഥുരയിലും സംഭലിലും അജ്മീറിലും അയോധ്യ ആവർത്തിക്കുകയാണെന്നും ദുഷ്യന്ത് ദവേ ചൂണ്ടിക്കാട്ടി.
...
ദേശാഭിമാനി
|
15 hr |
⟶
|
|
|
ആലപ്പുഴയിൽ ബസിൽ കാറിടിച്ച് 5 മെഡിക്കൽ വിദ്യാർഥികൾ മരിച്ചു
CC BY
— ആലപ്പുഴ > ദേശീയപാതയിൽ കളർകോട് ചങ്ങനാശേരി ജങ്ഷന് വടക്ക് കെഎസ്ആർടിസി ബസിൽ കാറിടിച്ച് അഞ്ച് പേർ മരിച്ചു. ആലപ്പുഴ മെഡിക്കൽ കോളേജിലെ ഒന്നാംവർഷ വിദ്യാർഥികളായ ദേവനന്ദൻ (മലപ്പുറം), ശ്രീദീപ് (പാലക്കാട്), മുഹമ്മദ് ജബ്ബാർ (കണ്ണൂർ) ആയുഷ് ഷാജി (ആലപ്പുഴ), മുഹമ്മദ് ഇബ്രാഹിം (ലക്ഷദ്വീപ്) എന്നിവരാണ് മരിച്ചതെന്നാണ് പ്രാഥമിക വിവരം.
തിങ്കൾ രാത്രി 9.30നായിരുന്നു അപകടം. ഗുരുവായൂരിൽനിന്ന് കായംകുളത്തേക്ക് പോകുകയായിരുന്ന കെഎസ്ആർടിസി ബസിലേക്ക് ആലപ്പുഴ ഭാഗത്തേക്ക് പോകുകയായിരുന്ന കാർ ഇടിച്ചുകയറുകയായിരുന്നു. കെഎസ്ആർടിസി ബസ് യാത്രികർക്കും പരിക്കുണ്ട്. പരിക്കേറ്റവരെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഗുരുതര പരിക്കേറ്റ വിദ്യാർഥികളായ കൃഷ്ണദേവ് (ചേർത്തല), ആനന്ദ് (കൊല്ലം), ആൽവിൻ (എടത്വാ), മുഹ്സിൻ (കൊല്ലം), ഗൗരിശങ്കർ (തൃപ്പൂണിത്തുറ) എന്നിവർ അപകടനില തരണംചെയ്തെന്ന് ആശുപത്രിയിൽനിന്ന് അറിയിച്ചു. ഫെയ്ൻഡെൻസൺ നിസാര പരിക്കോടെ രക്ഷപ്പെട്ടു. കെഎസ്ആർടിസി ബസിലെ യാത്രക്കാരായ ഷീബ (40), ബിയ (26), ബിനോജ് (50), അബ്ദുൾ ഗഫൂർ (60) എന്നിവരെ പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ലക്ഷദ്വീപ്, കോഴിക്കോട്, കണ്ണൂർ, ചേർത്തല എന്നിവിടങ്ങളിലുള്ള വിദ്യാർഥികളാണ് കാറിലുണ്ടായിരുന്നത്. ഗുരുവായൂരിൽനിന്ന് കായംകുളത്തേക്ക് പോയ കായംകുളം ഡിപ്പോയിലെ ആർപിഎം 624 എന്ന എന്ന ബസുമായാണ് കാർ കൂട്ടിയിടിച്ചത്. കാറിന്റെ അമിതവേഗമാണ് അപകടകാരണമെന്ന് ബസ് ജീവനക്കാർ പറയുന്നു. കാർ പൂർണമായി തകർന്നു. പ്രദേശത്ത് കനത്തമഴയായായിരുന്നു.
കാവാലം നെല്ലൂർ വീട്ടിൽ ഷാജി–- ഉഷ ദമ്പതികളുടെ മകനാണ് ആയുഷ് ഷാജി (20). സഹോദരി ജിഷ. അച്ഛൻ ഇൻഡോറിൽ സ്വകാര്യ ആശുപത്രിയിൽ അക്കൗണ്ട്സ് വിഭാഗത്തിലും അമ്മ നഴ്സുമാണ്. അച്ഛന്റെ സഹോദരൻ സുരേഷും മറ്റ് ബന്ധുക്കളും ആശുപത്രിയിലെത്തി.
നടുക്കം മാറാതെ നഗരം
എതിരെ വന്ന വാഹനത്തെ ഇടിക്കാതിരിക്കാൻ വെട്ടിച്ച് തിരിച്ചത് വൻ ദുരന്തത്തിലേക്ക്. അഞ്ച് മെഡിക്കൽ വിദ്യാർഥികളുടെ മരണത്തിനിടയാക്കിയ അപകടത്തിന്റെ നടുക്കത്തിലാണ് സമീപവാസികളും രക്ഷാപ്രവർത്തനത്തിൽ പങ്കാളികളായവരും.
ദേശീയപാതയിൽ തെക്കുഭാഗത്തുനിന്ന് ആലപ്പുഴ ഭാഗത്തേക്കുവന്നതായിരുന്നു കാർ. കളർകോട് ഭാഗത്തുവച്ച് എതിരെവന്ന വാഹനത്തിൽ ഇടിക്കാതിരിക്കാൻ കാർ വെട്ടിത്തിരിച്ചതാണെന്ന് പരിക്കേറ്റ ഒരു വിദ്യാർഥി പൊലീസിനോട് പറഞ്ഞു. കാർ വെട്ടിത്തിരിഞ്ഞ് ബസിലേക്ക് ഇടിച്ചുകയറുന്നതിന്റെ സിസിടിവി ദൃശ്യം പൊലീസ് ശേഖരിച്ചു.
ഗുരുവായൂരിൽനിന്ന് കായംകുളത്തേക്ക് പോകുന്ന ഫാസ്റ്റ് പാസഞ്ചർ ബസും ചേർത്തല ഭാഗത്തേക്ക് പോകുകയായിരുന്ന കെഎ 29 സി 1177 ടവേര കാറും തമ്മിലാണ് കൂട്ടിയിടിച്ചത്. കാറിൽ അകപ്പെട്ടവരെ അഗ്നിരക്ഷാസേന എത്തി ഹൈഡ്രോളിക് കട്ടർ ഉപയോഗിച്ച് കാർ വെട്ടിപ്പൊളിച്ചാണ് പുറത്തെടുത്തത്. മാരകമായ പരിക്കോടെ ആംബുലൻസിൽ ആലപ്പുഴ മെഡിക്കൽ കോളേജിൽ എത്തിച്ചു. റോഡിൽ ചിതറിവീണ് കിടന്നിരുന്ന ചില്ലുകളും മറ്റും വെള്ളം പമ്പ്ചെയ്ത് റോഡ് വൃത്തിയാക്കി.
...
ദേശാഭിമാനി
|
15 hr |
⟶
|
|
|
രാജ്യത്ത് കാലുകുത്തിയാൽ അറസ്റ്റ് ചെയ്യും ; നെതന്യാഹുവിനോട്‌ ന്യൂസിലൻഡ് പ്രധാനമന്ത്രി
CC BY
—
വെല്ലിങ്ടൺ
ഇസ്രയേൽ പ്രധാനമന്ത്രി ബെന്യാമിൻ നെതന്യാഹു രാജ്യത്ത് എത്തിയാൽ ഉടൻ അറസ്റ്റ് ചെയ്യുമെന്ന് ന്യൂസിലാൻഡ് പ്രധാനമന്ത്രി ക്രിസ്റ്റഫർ ലക്സൺ. അന്താരാഷ്ട്ര നിയമങ്ങളും അന്താരാഷ്ട്ര ക്രിമിനൽ കോടതി(ഐസിസി)യുടെ ഉത്തരവുകളും കർശനമായി പാലിക്കുമെന്നും അദ്ദേഹം വെല്ലിങ്ടണിൽ വാർത്താസമ്മേളനത്തിൽ പറഞ്ഞു. ഗാസയിൽ യുദ്ധക്കുറ്റം ചെയ്തതായി ചൂണ്ടിക്കാട്ടി നെതന്യാഹുവിനും ഇസ്രയേൽ മുൻ പ്രതിരോധ മന്ത്രി യോവ് ഗാലന്റിനുമെതിരെ ഐസിസി അറസ്റ്റ് വാറന്റ് പുറപ്പെടുവിച്ചിരുന്നു. ഇതിനോട് പ്രതികരിക്കുകയായിരുന്നു ലക്സൺ. ഇസ്രയേൽ അതിക്രമത്തെ അപലപിച്ചും പലസ്തീൻകാരുടെ സുരക്ഷ ഉറപ്പാക്കണമെന്ന് ആവശ്യപ്പെട്ടും ന്യൂസിലൻഡ്, ഓസ്ട്രേലിയ, കാനഡ എന്നീ രാജ്യങ്ങൾ സംയുക്ത പ്രസ്താവന ഇറക്കി.
...
ദേശാഭിമാനി
|
18 hr |
⟶
|
|
|
അദാനിയെ
കൈവിടാതെ മോദി ; വീണ്ടും സ്‌തംഭിച്ച് പാർലമെന്റ്
CC BY
— ന്യൂഡൽഹി
അദാനി കോഴയിടപാടിൽ അടിയന്തര ചർച്ച ആവശ്യപ്പെട്ടുള്ള പ്രതിപക്ഷ പ്രതിഷേധത്തിൽ തിങ്കളാഴ്ചയും പാർലമെന്റിന്റെ ഇരുസഭകളും സ്തംഭിച്ചു. ചർച്ച അനുവദിക്കില്ലെന്ന മോദി സർക്കാരിന്റെ പിടിവാശിയിൽ ശീതകാല സമ്മേളനത്തിന്റെ ആദ്യ ആഴ്ച പൂർണമായും അലങ്കോലപ്പെട്ടിരുന്നു. രണ്ടാംവാരത്തിലും സമാനസ്ഥിതി തുടരുകയാണ്.
അദാനി കോഴ, സംഭൽ വെടിവയ്പ്പ്, മണിപ്പുർ സംഘർഷം, ബംഗ്ലാദേശിലെ ആഭ്യന്തരസംഘർഷം, ഡൽഹിയിലെ ക്രമസമാധാനത്തകർച്ച തുടങ്ങിയ വിഷയങ്ങളിൽ അടിയന്തരചർച്ച ആവശ്യപ്പെട്ട് പ്രതിപക്ഷ എംപിമാർ ഇരുസഭകളിലും നോട്ടീസ് നൽകി. ചർച്ചയ്ക്ക് സഭാധ്യക്ഷർ വഴങ്ങാത്തതോടെ പ്രതിപക്ഷ എംപിമാർ പ്രതിഷേധിച്ചു. ലോക്സഭയിൽ പ്രതിഷേധത്തിനിടെ തുറമുഖ–- ഷിപ്പിങ് മന്ത്രി സർബാനന്ദ സൊനോവാൾ തീരദേശ ഷിപ്പിങ് ബിൽ അവതരിപ്പിച്ചു. തീരദേശ വ്യാപാരം വർധിപ്പിക്കുക, രാജ്യസുരക്ഷയ്ക്കും വാണിജ്യാവശ്യങ്ങൾക്കുമായി ഇന്ത്യൻ കപ്പലുകളെ ഉപയോഗപ്പെടുത്തുക എന്നീ ലക്ഷ്യങ്ങളോടെയാണ് പുതിയ ബില്ലെന്ന് മന്ത്രി പറഞ്ഞു. ബില്ലവതരണത്തിന് പിന്നാലെ ചൊവ്വാഴ്ചത്തേക്ക് സഭ പിരിഞ്ഞു. രാജ്യസഭയും മറ്റ് നടപടികളിലേക്ക് കടക്കാതെ പിരിഞ്ഞു. ചൊവ്വാഴ്ച അദാനി വിഷയത്തിലടക്കം പാര്ലമെന്റിന് മുന്നിൽ പ്രതിപക്ഷ പാര്ടികള് പ്രതിഷേധിക്കും.
...
ദേശാഭിമാനി
|
18 hr |
⟶
|
|
|
ഗുജറാത്ത് വംശഹത്യ ; നുണപ്രചാരണ സിനിമ ആസ്വദിച്ച്‌ മോദി
CC BY
—
ന്യൂഡൽഹി
നരേന്ദ്രമോദി മുഖ്യമന്ത്രിയായിരിക്കെ നടന്ന ഗുജറാത്ത് വംശഹത്യയെക്കുറിച്ചുള്ള സംഘപരിവാര് നുണപ്രചാരണ സിനിമയായ ‘ദി സബർമതി റിപ്പോർട്ട്’ തിങ്കളാഴ്ച പാർലമെന്റ് ലൈബ്രറിയിലെ ഓഡിറ്റോറിയത്തിൽ പ്രദർശിപ്പിച്ചു. പ്രധാനമന്ത്രി നരേന്ദ്ര മോദിയും കേന്ദ്രമന്ത്രിമാരും ബിജെപി എംപിമാരും സിനിമ കണ്ടു. സിനിമയിലെ അഭിനേതാക്കളും അണിയറപ്രവർത്തകരും പ്രദർശനത്തിന് എത്തിയിരുന്നു. ആദ്യമായാണ് സംഘപരിവാർ പ്രചാരണസിനിമ പാർലമെന്റിൽ പ്രദർശിപ്പിക്കുന്നത്.
സംഘപരിവാർ നടത്തിയ 2002ലെ ഗുജറാത്ത് വംശഹത്യക്ക് വഴിയൊരുക്കിയ ഗോധ്ര ട്രെയിൻ ദുരന്തമാണ് സിനിമയുടെ പ്രമേയം. ഗോധ്രയിൽവച്ച് സബർമതി എക്സ്പ്രസിന് ഒരു പ്രത്യേക മതവിഭാഗക്കാർ ആസൂത്രിതമായി തീവെച്ചുവെന്ന നുണക്കഥയാണ് ചിത്രം പറയുന്നത്. ന്യൂനപക്ഷത്തെ മോശക്കാരായി ചിത്രീകരിക്കുന്ന സിനിമ മോദിയെ വലിയരീതിയിൽ പ്രശംസിക്കുന്നുണ്ട്. മോദി പ്രധാനമന്ത്രിയായതിനെ "പുതുയുഗപ്പിറവി'യെന്നാണ് സിനിമ വിശേഷിപ്പിക്കുന്നത്. പല ബിജെപി ഭരണ സംസ്ഥാനങ്ങളും സിനിമയുടെ നികുതി ഒഴിവാക്കിയിരുന്നു.
...
ദേശാഭിമാനി
|
19 hr |
⟶
|
|
|
അദാനി ഗ്രൂപ്പിന്റെ സോളാർ അഴിമതി
തടയണം : സംയുക്ത കിസാൻ മോർച്ച
CC BY
—
ന്യൂഡൽഹി
അദാനി കമ്പനിയും കേന്ദ്ര പൊതുമേഖല സ്ഥാപനമായ സോളാർ എനർജി കോർപറേഷൻ ഓഫ് ഇന്ത്യയും തമ്മിലുള്ള സൗരോർജ കരാർ നിർത്തിവയ്ക്കണമെന്ന് സംയുക്ത കിസാൻ മോർച്ച (എസ്കെഎം) ആവശ്യപ്പെട്ടു. അഴിമതിക്കരാറുമായി മുന്നോട്ടുപോയാൽ ശക്തമായ ബഹുജന പ്രക്ഷാേഭം സംഘടിപ്പിക്കും. മോദി സർക്കാരിന്റെ അഴിമതികൾക്കെതിരെ രംഗത്തിറങ്ങാനും എസ്കെഎം ആഹ്വാനം ചെയ്തു.
2020ലെ കർഷകസമരത്തിലെ പ്രധാന ആവശ്യങ്ങളിലൊന്ന് വൈദ്യുതിമേഖലയുടെ സ്വകാര്യവൽക്കരണം നിർത്തിവയ്ക്കണമെന്നതായിരുന്നു. രാജ്യത്തെ പൊതുമേഖല വൈദ്യുതി വിതരണ കമ്പനികളുടെ കരാർ നേടിയെടുക്കാന് അദാനിഗ്രൂപ്പ് വഴിവിട്ട് ശ്രമിച്ചതാണ് അമേരിക്കയിൽ രജിസ്റ്റർ ചെയ്ത കേസിന് അടിസ്ഥാനം. എസ്കെഎമ്മുമായി കൂടിയാലോചിക്കാതെ വൈദ്യുതിമേഖലയിൽ പരിഷ്കരണങ്ങൾ നടപ്പാക്കില്ലെന്ന 2021ലെ ഉറപ്പാണ് മോദിസർക്കാർ ലംഘിച്ചത്. ചങ്ങാതി മുതലാളിമാരുടെ താൽപര്യങ്ങൾ സംരക്ഷിക്കാനാണിത്. വൈദ്യുതി സ്വകാര്യവൽക്കരണത്തിന് എതിരായി ഡിസംബർ നാലിന് ഉത്തർപ്രദേശിൽ പ്രതിഷേധം സംഘടിപ്പിക്കും. സ്മാർട്ട് മീറ്ററുകൾക്കും വൈദ്യുതി സ്വകാര്യവൽക്കരണത്തിനും എതിരെ പ്രതിഷേധിക്കാൻ എല്ലാ സംസ്ഥാന ഘടകങ്ങളോടും എസ്കെഎം ആഹ്വാനം ചെയ്തു.
...
ദേശാഭിമാനി
|
19 hr |
⟶
|
|
|
മോദി സർക്കാർ
ആദിവാസികളുടെ തൊഴിൽ ഇല്ലാതാക്കുന്നു ; ആദിവാസി അധികാർ
രാഷ്ട്രീയ മഞ്ച് ദേശീയ
കൺവൻഷൻ
CC BY
—
ന്യൂഡൽഹി
മോദിസർക്കാരും രാജ്യത്തെ ഭൂരിഭാഗം സംസ്ഥാന സർക്കാരുകളും ആദിവാസികളുടെ തൊഴിലവസരങ്ങൾ വൻതോതിൽ ഇല്ലാതാക്കുകയാണെന്ന് ആദിവാസി അധികാർ രാഷ്ട്രീയ മഞ്ച് ദേശീയ കൺവൻഷൻ. കേന്ദ്രസർക്കാരിന്റെ ഒമ്പത് വകുപ്പിൽ മാത്രം ആദിവാസികൾക്ക് സംവരണം ചെയ്ത 12167 തസ്തിക ഒഴിഞ്ഞുകിടക്കുകയാണ്. സ്വകാര്യ–- കരാർവൽക്കരണം 2014നുശേഷം കേന്ദ്ര പൊതുമേഖല സ്ഥാപനങ്ങളിൽ 25169 തൊഴിലവസരം നഷ്ടപ്പെടുത്തി. 2018–-19നും 2021–-22നും മധ്യേ ആദിവാസി സ്കൂൾ അധ്യാപകരുടെ എണ്ണത്തിൽ 35000ഓളം പേരുടെ ഇടിവുണ്ടായി. ഏകലവ്യ മോഡൽ സ്കൂൾ അധ്യാപക നിയമനങ്ങൾ കേന്ദ്രം ഏറ്റെടുത്തത് ആദിവാസികളുടെ തൊഴിലിനും സംസ്കാരത്തിനും നേരെയുള്ള കടന്നാക്രമണമാണ്.
വനഭൂമികളിലെ ഖനനവും വനാവകാശ നിയമങ്ങൾ ദുർബലപ്പെടുത്തുന്നതും ആദിവാസികളുടെ തൊഴിൽ ഇല്ലാതാക്കുന്നു. കേരളത്തിൽ മാത്രമാണ് ആദിവാസികളുടെ തൊഴിലവകാശങ്ങൾ സംരക്ഷിക്കപ്പെടുന്നത്. സ്വകാര്യമേഖലയിൽ സംവരണം അടിയന്തരാവശ്യമാണ്. രാജ്യത്ത് ആദിവാസികളുടെ തൊഴിലവകാശങ്ങൾ സംരക്ഷിക്കാൻ വരുന്ന രണ്ട് മാസം എല്ലാ സംസ്ഥാനത്തും പ്രചാരണം നടത്താനും ഗവർണർമാർക്ക് നിവേദനം നൽകാനും കൺവൻഷൻ തീരുമാനിച്ചു. സിപിഐ എം പൊളിറ്റ്ബ്യൂറോ അംഗം ബൃന്ദ കാരാട്ട്, രാഷ്ട്രീയ മഞ്ച് ചെയർമാൻ ജിതേന്ദ്ര ചൗധരി, കൺവീനർ പുലിൻ ബാസ്കെ, പ്രൊഫ. വികാസ് റാവൽ, ധുലെ ചന്ദ് എന്നിവർ പങ്കെടുത്തു.
...
ദേശാഭിമാനി
|
19 hr |
⟶
|
|
|
ഭോപ്പാൽ വിഷവാതക ദുരന്തത്തിന് 40 വർഷം ; നീക്കം ചെയ്യാതെ 337 ടൺ വിഷവസ്തുക്കൾ
CC BY
—
ഭോപ്പാൽ
രാജ്യം കണ്ട ഏറ്റവും വലിയ വ്യാവസായിക ദുരന്തത്തിന് നാൽപ്പത് വാർഷികം പിന്നിടുമ്പോഴും അപകടകരമായ വിഷവസ്തുക്കൾ ഭോപ്പാലിന്റെ മണ്ണിൽനിന്ന് നീക്കം ചെയ്തിട്ടില്ല. വിഷവാതക ദുരന്തത്തിന് ഇടയാക്കിയ യൂണിയൻ കാർബൈഡ് ഫാക്ടറിയുടെ പരിസരം ഇപ്പോഴും വിഷമയം.
നിരവധി കോടതി ഉത്തരവുകളും താക്കീതുകളും നിലനിൽക്കുമ്പോഴും സംസ്ഥാന സർക്കാരിന് അനക്കമില്ല. 337 ടൺ വിഷവസ്തുക്കൾ സുരക്ഷിതമായി സംസ്കരിക്കാനുള്ള പദ്ധതിക്കായി 126 കോടി രൂപ മധ്യപ്രദേശ് സർക്കാരിന് കേന്ദ്രസർക്കാർ നൽകിയിട്ടുണ്ട്. അപ്പോഴും ഭീഷണി ഉയർത്തുന്ന വിഷമാലിന്യം ജനങ്ങളുടെ ഉറക്കംകെടുത്തുകയാണ്. 1984 ഡിസംബർ രണ്ടിന് രാത്രിയാണ് ഭോപ്പാലിൽ വിഷവാതകം ചോർന്നത്. മീഥൈൽ ഐസോസൈനേറ്റ് എന്ന വിഷവാതകം ശ്വസിച്ച് പിടഞ്ഞുവീണവരെക്കൊണ്ട് ഭോപാലിന്റെ ആശുപത്രിവളപ്പുകൾ നിറഞ്ഞു. യൂണിയൻ കാർബൈഡ് എന്ന അമേരിക്കൻ കമ്പനിയുടെ അനാസ്ഥയിൽ മരണത്തിന്റെ ഇരുട്ടിലേക്ക് വീണുപോയത് 2,259 പേരെന്നാണ് ഔദ്യോഗിക കണക്ക്. യഥാർഥ മരണസംഖ്യ ഇതിലും എത്രയോ അധികം. യാതനകൾ പേറി ജീവിച്ച 20,000ത്തോളം പേർ വൈകാതെ വിടപറഞ്ഞു. ഈ മണ്ണിൽ ഇന്ന് ജനിച്ചുവീഴുന്ന കുഞ്ഞുങ്ങളും ജന്മവൈകല്യങ്ങൾ പേറുന്നു.
...
ദേശാഭിമാനി
|
19 hr |
⟶
|
|
|
തട്ടകത്തിൽ ഇന്ന് ഗോകുലം , എതിരാളി ഐസ്വാൾ എഫ്സി ; വനിതകൾക്ക് പ്രവേശനം
സൗജന്യം
CC BY
—
കോഴിക്കോട്
ഐ ലീഗ് ഫുട്ബോളിൽ ഗോകുലം കേരള എഫ്സി ഇന്ന് ഐസ്വാൾ എഫ്സിയെ നേരിടും. കോഴിക്കോട് കോർപറേഷൻ ഇ എം എസ് സ്റ്റേഡിയത്തിൽ രാത്രി ഏഴിനാണ് മത്സരം. നിലവിൽ ഓരോ ജയവും സമനിലയുമായി നാല് പോയിന്റാണ് ഇരുടീമിനുമുള്ളത്. സ്വന്തം തട്ടകത്തിലെ ആദ്യമത്സരമാണ്.
ശ്രീനിധി ഡെക്കാനെ 3–-2ന് തോൽപ്പിച്ചാണ് സീസൺ തുടങ്ങിയത്. റിയൽ കശ്മീരുമായി 1–-1 സമനില. മലയാളിതാരം വി പി സുഹൈർ, ഉറുഗ്വേ താരം മാർട്ടിൻ ഷാവേസ് തുടങ്ങിയവരുള്ള മുന്നേറ്റ നിരയാണ് കരുത്ത്. ഗോളടിക്കുന്നതിനൊപ്പം ഗോൾ വഴങ്ങുന്നു എന്നതാണ് പ്രധാന വെല്ലുവിളി. ‘ആരാധകർക്കുമുന്നിലെ ആദ്യമത്സരമാണ്.
മികച്ച കളി അനുഭവത്തിനൊപ്പം വിജയവും സമ്മാനിക്കും’–- ഗോകുലത്തിന്റെ സ്പാനിഷ് പരിശീലകൻ അന്റോണിയോ റുവേഡ പറഞ്ഞു. ആരാധകരുടെ വലിയ പിന്തുണ കരുത്താകുമെന്ന് വി പി സുഹൈറും പറഞ്ഞു. ‘മിസോറമിൽനിന്ന് തീർത്തും വ്യത്യസ്തമായ കാലാവസ്ഥയിൽ കളിക്കുകയെന്നത് വെല്ലുവിളിയാണ്. എങ്കിലും മുഴുവൻ കഴിവും പുറത്തെടുത്ത് വിജയം നേടും’–- ഐസ്വാൾ കോച്ച് വിക്ടർ പറഞ്ഞു. ഗ്യാലറിയിൽ വനിതകൾക്ക് പ്രവേശനം സൗജന്യമാണ്. 50 രൂപയാണ് ഗ്യാലറി ടിക്കറ്റ് നിരക്ക്. കുട്ടികൾക്ക് 30 രൂപ.
...
ദേശാഭിമാനി
|
19 hr |
⟶
|
|
|
ഗിനിയിൽ
കണ്ണീർക്കളം ; ഫുട്ബോൾ ആരാധകർ ഏറ്റുമുട്ടി , 56 പേർ മരിച്ചതായി
ഔദ്യോഗിക കണക്ക് , മരണസംഖ്...
CC BY
— എൻസെറെക്കൊറി (ഗിനി)
ഫുട്ബോൾ ആരാധകർ തമ്മിലുള്ള ഏറ്റുമുട്ടലിൽ ഗിനി ദുരന്തക്കളം. ഗിനി നഗരമായ എൻസെറെക്കൊറിയിൽ ഫുട്ബോൾ മത്സരത്തിനിടെയുണ്ടായ സംഘർഷത്തിൽ 56 പേർ കൊല്ലപ്പെട്ടുവെന്നാണ് ഔദ്യോഗിക കണക്ക്. എന്നാൽ, മരണം 100 കവിയുമെന്നാണ് നിഗമനം. കൊല്ലപ്പെട്ടവരിൽ കുട്ടികളും ഉൾപ്പെടും. ഗിനിയിലെ പട്ടാള നേതാവും പ്രസിഡന്റുമായ മമാദി ഡൗംബൗയ്ക്കായി സംഘടിപ്പിച്ച ടൂർണമെന്റായിരുന്നു. പൊലീസ് അന്വേഷണം ആരംഭിച്ചിട്ടുണ്ട്.
സമാനതകളില്ലാത്ത ദുരന്തമായിരുന്നു ആഫ്രിക്കൻ രാജ്യമായ ഗിനിയിൽ സംഭവിച്ചത്. റഫറിയുടെ തീരുമാനത്തിനെതിരെ ഒരുകൂട്ടം കാണികൾ കളത്തിൽ ഇറങ്ങിയതോടെയാണ് സംഘർഷം തുടങ്ങിയത്. റഫറി വിവാദ തീരുമാനമെടുത്തുവെന്ന് ആരോപിച്ച് സന്ദർശക ടീമായ ലാബെയുടെ ആരാധകർ ആക്രമണം തുടങ്ങി. റഫറിക്കുനേരെയും എതിർ ടീം താരങ്ങൾക്കെതിരെയും കല്ലുകളെറിഞ്ഞു. ഇതോടെ പൊലീസ് കണ്ണീർവാതകം പ്രയോഗിക്കുകയായിരുന്നു. സ്റ്റേഡിയത്തിന് പുറത്തേക്കും സംഘർഷം വ്യാപിച്ചു. ആൾക്കൂട്ടം അക്രമാസക്തരായി. സ്റ്റേഡിയത്തിന്റെ മതിലിന് മുകളിലേക്ക് ആൾക്കൂട്ടം പാഞ്ഞുകയറുന്നതിന്റെ ദൃശ്യങ്ങൾ കാണാമായിരുന്നു. കളത്തിലും പുറത്തുമായി ആളുകൾ വീണുകിടന്നു. ഇതിൽ കുട്ടികളുമുണ്ടായിരുന്നു. ഇതിനിടെ എൻസെറെക്കൊറിയിലെ പൊലീസ് സ്റ്റേഷന് അക്രമികൾ തീയിട്ടു. ആയിരക്കണക്കിന് ആളുകൾ കളി കാണാനെത്തിയിരുന്നുവെന്നാണ് റിപ്പോർട്ട്. പരിക്കേറ്റവരെക്കൊണ്ട് ആശുപത്രികൾ നിറഞ്ഞു.
2021ലാണ് അട്ടിമറിയിലൂടെ മമാദി ഗിനിയുടെ ഭരണം പിടിച്ചെടുത്തത്. അടുത്തവർഷം നടക്കുന്ന തെരഞ്ഞെടുപ്പിൽ ഭരണം നിലനിർത്താനുള്ള നീക്കങ്ങളുടെ ഭാഗമായാണ് രാജ്യത്തിന്റെ പല ഭാഗങ്ങളിലുമായി ടൂർണമെന്റ് സംഘടിപ്പിക്കുന്നത്.
...
ദേശാഭിമാനി
|
19 hr |
⟶
|
|
|
ഇന്‍വെസ്റ്റ് കേരള ആഗോള നിക്ഷേപക സമ്മേളനം ; ലക്ഷ്യം നിരവധി പദ്ധതികള്‍ : മന്ത്രി പി രാജീവ്
CC BY
—
കൊച്ചി
കൊച്ചിയിൽ ഫെബ്രുവരിയിൽ സംഘടിപ്പിക്കുന്ന "ഇൻവെസ്റ്റ് കേരള' ആഗോള നിക്ഷേപക സമ്മേളനം നിരവധി പദ്ധതികളാണ് ലക്ഷ്യമിടുന്നതെന്ന് വ്യവസായമന്ത്രി പി രാജീവ് പറഞ്ഞു. ഇതിനാവശ്യമായ മുന്നൊരുക്കങ്ങൾ നടത്തുകയാണ്. 100 കോടിമുതൽ 500 കോടി രൂപവരെ നിക്ഷേപം നടത്തുന്ന സംരംഭകർക്കായി കെഎസ്ഐഡിസി സംഘടിപ്പിച്ച ഇൻവെസ്റ്റർ കോൺക്ലേവ് ഉദ്ഘാടനം ചെയ്യുകയായിരുന്നു മന്ത്രി.
മൂന്നു വർഷംകൊണ്ട് 44,000 കോടിയുടെ നിക്ഷേപമാണുണ്ടായത്. ഇതിൽ 21,229 കോടി സംരംഭ വർഷം പരിപാടിയിലൂടെ വന്നതാണ്. 3,43,083 സംരംഭങ്ങളാണ് ഇതിലൂടെയുണ്ടായത്. ഇതിൽ 31 ശതമാനം വനിതാ സംരംഭകരാണ്. 7,03,420 തൊഴിലവസരങ്ങളുണ്ടായി. വലിയ നിക്ഷേപമുള്ള കമ്പനികളുടെ എണ്ണത്തിലും പ്രവർത്തനത്തിലും സമാന പുരോഗതി കൈവരിച്ചു. നിരവധി വിദേശകമ്പനികളും നിക്ഷേപത്തിനു തയ്യാറായി വരുന്നുണ്ട്. വ്യവസായ പാർക്കും തൊഴിലാളികൾക്ക് താമസസൗകര്യം ഒരുക്കുന്നതും പരിഗണനയിലാണ്. ഈ അനുകൂല സാഹചര്യം പ്രയോജനപ്പെടുത്തി, നിക്ഷേപസാധ്യതയുള്ള പുതിയ മേഖലകളെക്കുറിച്ചുള്ള ചർച്ച ഉയർന്നുവരണം. ഈസ് ഓഫ് ഡൂയിങ് ബിസിനസിൽ കേന്ദ്ര റാങ്കിങ്ങിൽ കേരളം നേടിയ ഒന്നാംസ്ഥാനം നിലനിർത്താനുള്ള കൂട്ടായ പരിശ്രമംവേണം. സംരംഭകർ കേരളത്തിലെ വ്യവസായ മേഖലയുടെ അംബാസഡർമാരായെന്നും മന്ത്രി പറഞ്ഞു.
...
ദേശാഭിമാനി
|
19 hr |
⟶
|
|
|
കനത്ത മഴയിലും ശബരിമലയിലേക്ക്‌ തീർഥാടക പ്രവാഹം ; നിരോധനത്തിൽ ഇളവ്
CC BY
—
ശബരിമല
അതിശക്തമായി പെയ്ത മഴയെ അവഗണിച്ചും ശബരിമലയിലേക്കുള്ള തീർഥാടകരുടെ ഒഴുക്ക് തുടരുന്നു. കനത്ത മഴയുണ്ടായിരുന്ന ഞായറാഴ്ച പോലും തീർഥാടകരുടെ എണ്ണത്തിൽ വലിയ കുറവുണ്ടായില്ല. 60,980 തീർഥാടകരാണ് മല ചവിട്ടിയത്. തിങ്കളാഴ്ച പുലർച്ചെ മാത്രം മുപ്പതിനായിരത്തിനടുത്ത് ആളുകൾ ദർശനം നടത്തി. കാനനപാത വഴിയും പുല്ലുമേട് വഴിയുമുള്ള യാത്രയ്ക്ക് നിരോധനം ഏർപ്പെടുത്തിയിട്ട് പോലും തിങ്കളാഴ്ച വൈകിട്ട് വരെ 67,781 തീർഥാടകർ മലകയറി. ഇതിൽ തന്നെ 11,834 തീർഥാടകർ തത്സമയ ബുക്കിങ് ഉപയോഗിച്ചാണ് ദർശനം നടത്തിയത്. ഏത് അടിയന്തര സാഹചര്യവും നേരിടാൻ പൊലീസും അഗ്നിരക്ഷാസേനയും ദുരന്തനിവാരണ സേനയും സജ്ജമാണ്. പമ്പയിലുൾപ്പെടെ അധിക സേനാംഗങ്ങളെയും വിന്യസിച്ചിരുന്നു.
മഞ്ഞ അലർട്ട് പ്രഖ്യാപിച്ചിരുന്ന തിങ്കളാഴ്ച പുലർച്ചെ അൽപ്പം ശക്തി പ്രാപിച്ച മഴയ്ക്കൊപ്പം സന്നിധാനത്തും പരിസരങ്ങളിലും കനത്ത മൂടൽമഞ്ഞുണ്ടായി. പകൽ ഏകദേശം ശാന്തമായ അന്തരീക്ഷം ആയിരുന്നെങ്കിലും മൂന്നിന് ശേഷം ശക്തമായ മഴ പെയ്തു. പമ്പയിലും നിലയ്ക്കലും മഴയുണ്ടായിരുന്നു. ശക്തമായ മഴയെ തുടർന്ന് കാനനപാത അടച്ചതിനാൽ, അതുവഴി സഞ്ചരിച്ചിരുന്ന തീർഥാടകരെ കാളകെട്ടിയിൽ നിന്ന് കെഎസ്ആർടിസി ബസുകളിൽ പമ്പയിലെത്തിച്ചു.
നിരോധനത്തിൽ ഇളവ്
മഴ മുന്നറിയിപ്പിന്റെ പശ്ചാത്തലത്തിൽ പമ്പാ നദിയിൽ തീർഥാടകർ ഇറങ്ങുന്നതിനും കുളിക്കുന്നതിനും ഏർപ്പെടുത്തിയ നിയന്ത്രണത്തിൽ ഇളവ്. മുന്നറിയിപ്പിൽ മാറ്റമുണ്ടായതിനെ തുടർന്നാണ് ഇളവ് അനുവദിച്ചത്. തീർഥാടകർക്ക് പമ്പയിൽ കുളിക്കാനിറങ്ങാം. എന്നാൽ, ശക്തമായ അടിയൊഴുക്കിനുള്ള സാധ്യതയുള്ളതിനാൽ തീർഥാടകർ അതീവ ജാഗ്രത പാലിക്കണം. പൊലീസിന്റെയും അഗ്നിരക്ഷാസേനയുടെയും ദുരന്തനിവാരണസേനയുടെയും പ്രത്യേക സംഘങ്ങളെ പമ്പയുടെ ഇരുകരകളിലും സജ്ജമാക്കിയിട്ടുണ്ട്. ഇവർ നൽകുന്ന മുന്നറിയിപ്പുകൾ തീർഥാടകർ കർശനമായി പാലിക്കണമെന്ന് അധികൃതർ അറിയിച്ചു.
...
ദേശാഭിമാനി
|
19 hr |
⟶
|
|
|
മുണ്ടക്കൈ ദുരന്തബാധിതർക്ക്‌ അടിയന്തര സഹായം ; കേരളം വീണ്ടും കത്തയച്ചിട്ടും അനങ്ങാതെ കേന്ദ്രം
CC BY
—
തിരുവനന്തപുരം
വയനാട് മുണ്ടക്കൈ ഉരുൾപൊട്ടലിൽ കേരളത്തിന്റെ ആവശ്യങ്ങൾ ഓർമിപ്പിച്ച് കേരളം വീണ്ടും കേന്ദ്രസർക്കാരിന് കത്തയച്ചു. അതിതീവ്ര ദുരന്തമായി പ്രഖ്യാപിക്കുക, ദുരന്തബാധിതരുടെ ബാങ്ക് വായ്പകൾ എഴുതിത്തള്ളുക തുടങ്ങിയ ആവശ്യങ്ങളും ആവർത്തിച്ചിട്ടുണ്ട്. സർക്കാരിനുവേണ്ടി റവന്യൂ പ്രിൻസിപ്പൽ സെക്രട്ടറി ടിങ്കു ബിസ്വാൾ നവംബർ 24ന് ആണ് സംസ്ഥാനം നൽകിയ നിവേദനം ഓർമിപ്പിച്ച് കേന്ദ്ര ആഭ്യന്തരമന്ത്രാലയത്തിന് വീണ്ടും കത്തയച്ചത്. ആഗസ്ത് 17ന് അടിയന്തരസഹായം ആവശ്യപ്പെട്ട് കേരളം നിവേദനം നൽകിയിരുന്നു. എന്നാൽ അതിൽ തീരുമാനമായത് നവംബർ 22ന് ആണ്. 214.68 കോടി രൂപയാണ് ചോദിച്ചത്. എന്നാൽ, ദേശീയദുരന്ത പ്രതികരണ ഫണ്ടിൽനിന്ന് 153.46 കോടി രൂപ മാത്രം അനുവദിക്കാനായിരുന്നു തീരുമാനം. സംസ്ഥാന ദുരന്ത പ്രതികരണ ഫണ്ടിൽ (എസ്ഡിആർഎഫ്) ഏപ്രിൽ മാസത്തിലെ കണക്കുപ്രകാരമുണ്ടായിരുന്ന 558 കോടിയുടെ പകുതിയായ 279 കോടിയിലും താഴെയാണ് പ്രഖ്യാപിച്ച 153.46 കോടി എന്നതിനാൽ പ്രഖ്യാപനം കടലാസിൽ മാത്രമാകും. മുൻവർഷത്തെ പ്രവർത്തനങ്ങൾക്ക് നൽകാനുള്ള തുകയാണ് എസ്ഡിആർഎഫിലുണ്ടായിരുന്നത്. നിലവിൽ 219 കോടി മാത്രമാണു
ള്ളത്.
"ഒരു ദുരന്തം അപൂർവമായ തീവ്രതയുള്ളതായി കണക്കാക്കപ്പെട്ടാൽ, ദുരന്തനിവാരണ ഫണ്ടിൽ വിഭാവനംചെയ്യുന്നതിലും അപ്പുറമുള്ള സഹായവും പിന്തുണയും ആവശ്യമുള്ള ദേശീയ ദുരന്തമായി കൈകാര്യംചെയ്യണം’ എന്ന പത്താം ധനകമീഷൻ നിർദേശവും കത്തിൽ ഓർമിപ്പിക്കുന്നുണ്ട്. ദുരന്തനിവാരണ ഫണ്ടിനുള്ള മാനദണ്ഡങ്ങളിൽ മാറ്റംവരുത്തണമെന്നും ആവശ്യപ്പെട്ടിട്ടുണ്ട്. ദുരന്തനിവാരണ നിയമപ്രകാരം ദേശീയദുരന്ത നിവാരണ അതോറിറ്റിക്കുള്ള അധികാരം വിനിയോഗിച്ച് ദുരന്തബാധിത കുടുംബങ്ങളുടെയും വ്യക്തികളുടെയും ബാങ്ക് വായ്പകൾ സമ്പൂർണമായി എഴുതിത്തള്ളണമെന്ന ആവശ്യവും കത്തിൽ ഓർമിപ്പിക്കുന്നു.
...
ദേശാഭിമാനി
|
20 hr |
⟶
|
|
|
ബിജെപി അധ്യക്ഷപദവി ; ഉന്നമിട്ട്‌ മുരളീധരനും എം ടി രമേശും
CC BY
—
കൊച്ചി
കെ സുരേന്ദ്രൻ പുറത്തായാൽ ബിജെപി സംസ്ഥാന പ്രസിഡന്റ് സ്ഥാനത്തേക്ക് മത്സരിക്കാൻ മുൻ കേന്ദ്ര സഹമന്ത്രി വി മുരളീധരനും സംസ്ഥാന ജനറൽ സെക്രട്ടറി എം ടി രമേശും. ആർഎസ്എസിന് താൽപ്പര്യം എം ടി രമേശിനോടാണെങ്കിലും ജില്ലാ കമ്മിറ്റികൾ അദ്ദേഹത്തിന് ഒപ്പമില്ലാത്തത് വി മുരളീധരന് തുണയാകും. ബിജെപിയുടെ കേന്ദ്രനേതൃത്വത്തിലുള്ള സ്വാധീനവും പി കെ കൃഷ്ണദാസ് വിഭാഗത്തെ ഒപ്പം നിർത്താനായതും മുരളീധരന് അനുകൂല ഘടകങ്ങളാണ്.
ആറ്, ഏഴ് തീയതികളിൽ ഉപതെരഞ്ഞെടുപ്പ് അവലോകനത്തിന് കൊച്ചിയിൽ ചേരുന്ന സംസ്ഥാന നേതൃയോഗത്തോടെ പ്രസിഡന്റ് സ്ഥാനത്തുനിന്നുള്ള സുരേന്ദ്രന്റെ പടിയിറക്കത്തിന് വേഗമേറും. പാലക്കാട് തോൽവിയുടെ ഉത്തരവാദിത്വം മുഴുവൻ സുരേന്ദ്രന്റെ ചുമലിലാക്കാൻ എതിർ ഗ്രൂപ്പുകൾ ഒറ്റക്കെട്ടാണ്. വി മുരളീധരൻതന്നെയാണ് സുരേന്ദ്രനെതിരായ നീക്കത്തിന് ചുക്കാൻ പിടിക്കുന്നതെന്നതാണ് ശ്രദ്ധേയം. സുരേന്ദ്രനെ സംസ്ഥാന പ്രസിഡന്റാക്കുന്നതിൽ പ്രധാന പങ്കുവഹിച്ച മുരളീധരൻ കഴിഞ്ഞ അഞ്ചുവർഷവും എല്ലാ പിന്തുണയും നൽകിയിരുന്നു. എന്നാൽ, കേന്ദ്രമന്ത്രിസ്ഥാനം പോയതും മറ്റു പദവികളൊന്നും കിട്ടാത്തതുമാണ് മുരളീധരന്റെ ചുവടുമാറ്റത്തിന് കാരണം.
ആർഎസ്എസ് എതിർപ്പ് നിലനിൽക്കെയാണ് മുരളീധരൻ കേന്ദ്രമന്ത്രിയായത്. കേന്ദ്ര നേതൃത്വത്തിലുള്ള സ്വാധീനമാണ് മുരളീധരന് തുണയായത്. കേരളത്തിലെ ആർഎസ്എസ് സംഘടനയെ ദക്ഷിണ പ്രാന്തവും ഉത്തര പ്രാന്തവുമായി തിരിച്ചത് മുരളീധരന് കാര്യങ്ങൾ എളുപ്പമാക്കിയിട്ടുണ്ട്. മുമ്പുണ്ടായിരുന്നതുപോലെ യോജിച്ച എതിർപ്പ് ആർഎസ്എസിൽനിന്ന് ഉണ്ടാകില്ല.
പി കെ കൃഷ്ണദാസിനെ സ്വപക്ഷത്ത് എത്തിക്കാനായതിലൂടെ ആ ഗ്രൂപ്പുതന്നെ ഇല്ലാതായ അവസ്ഥയിലാണ്. കൃഷ്ണദാസിനൊപ്പം നിന്നിരുന്ന എം ടി രമേശ് ഇതോടെ കൂടുതൽ ദുർബലനായി. അഞ്ചുവർഷംമുമ്പ് പ്രസിഡന്റ് സ്ഥാനത്തേക്ക് എം ടി രമേശിന് പകരം എ എൻ രാധാകൃഷ്ണന്റെ പേര് നിർദേശിച്ച് കൃഷ്ണദാസ്, രമേശിന്റെ കാലുവാരിയതാണ്. കൃഷ്ണദാസിന്റെ പിന്തുണയുമുള്ളതിനാൽ പുതിയ ജില്ലാ പ്രസിഡന്റുമാർ മുരളീധരനെ തുണയ്ക്കുന്നവരാകുമെന്നത് ഉറപ്പായിട്ടുണ്ട്. ജനുവരിയോടെ പുതിയ ഭാരവാഹികൾ വരും. അതോടെ സുരേന്ദ്രന് പുറത്തേക്കുള്ള വഴിതെളിയും.
...
ദേശാഭിമാനി
|
20 hr |
⟶
|
|
|
എയ്ഡഡ് നിയമനം: പുതിയ ഉത്തരവില്ല ; മനോരമയുടെ ഒരു നുണകൂടി പൊളിഞ്ഞു
CC BY
—
തിരുവനന്തപുരം
മലയാള മനോരമ പത്രം തിങ്കളാഴ്ച ഒന്നാം പേജിൽ പ്രധാന വാർത്തയായി നൽകിയ ‘ എയ്ഡഡ് നിയമനം കുരുക്കിൽ ’ എന്ന വാർത്ത വ്യാജമാണെന്ന് പൊതുവിദ്യാഭ്യാസ വകുപ്പ്. മൂന്ന് വർഷത്തെ അധ്യാപക സ്ഥിരനിയമനം റദ്ദാക്കാനോ, നിലവിൽ അംഗീകരിച്ച നിയമനം പുന:പരിശോധിക്കുവാനോ നിർദേശം നൽകിയിട്ടില്ലെന്ന് മന്ത്രി വി ശിവൻകുട്ടി അറിയിച്ചു. വാർത്ത പൂർണമായും തെറ്റാണ്. ഹൈക്കോടതി ഉത്തരവ് പ്രകാരം, 2021 നവംബർ എട്ടിനുശേഷം ഉണ്ടാകുന്ന ഒഴിവിൽ ഭിന്നശേഷി സംവരണം നടപ്പിലാക്കുന്നത് വരെ എയ്ഡഡ് സ്കൂളുകളിൽ ദിവസ വേതന അടിസ്ഥാനത്തിൽ മാത്രമേ നിയമനം നടത്താവൂ. ഈ നിർദേശം പാലിക്കുന്നുണ്ടെന്ന് ഉറപ്പാക്കാൻ സർക്കാർ ആവശ്യപ്പെട്ടിരുന്നു. തുടർന്നാണ് ഹൈക്കോടതി വിധിന്യായങ്ങൾക്ക് വിരുദ്ധമായി സമർപ്പിക്കുന്ന നിയമന പ്രപ്പോസൽ തിരികെ നൽകുന്നതിനും, വിധിന്യായം പാലിച്ച് സമർപ്പിക്കുമ്പോൾ അംഗീകരിക്കുന്നതിനും പൊതു വിദ്യാഭ്യാസ ഡയറക്ടർ നിർദേശിച്ചത്. ഇതിൽ പരസ്പര വിരുദ്ധതയോ അവ്യക്തതയോ ഇല്ല –- മന്ത്രി പറഞ്ഞു.
നിയമനാംഗീകാര നടപടികൾ കൂടുതൽ വേഗത്തിൽ പൂർത്തിയാക്കാനാണ് ഫലത്തിൽ പുതിയ നിർദേശം ഉപയോഗപ്പെടുക. ഇതിനെയാണ് മനോരമ സർക്കാർ വിരുദ്ധമായി ഉപയോഗിക്കാൻ വളച്ചൊടിച്ച് സ്ഥിര നിയമനങ്ങൾ റദ്ദാക്കാൻ ആവശ്യപ്പെട്ടെന്ന് ദുർവ്യാഖ്യാനിച്ചത്.
...
ദേശാഭിമാനി
|
20 hr |
⟶
|
|